2

ക​ണ്ണൂ​ര്‍ ജി​ല്ല​യി​ലെ പ​യ്യ​ന്നൂ​രി​ന​ടു​ത്തു​ള്ള കു​ഞ്ഞി​മം​ഗ​ലം എ​ന്ന കൊ​ച്ചു ഗ്രാ​മ​ത്തി​ല്‍ അ​ദ്ഭു​ത​ങ്ങ​ള്‍ വി​രി​യു​ക​യാ​ണ്. നൂ​റ്റാ​ണ്ടു​ക​ളി​ലൂ​ടെ കൈ​മാ​റി വ​ന്ന ശി​ല്പ​നി​ര്‍​മാ​ണ പൈ​തൃ​കം മ​ങ്ങ​ലേ​ല്‍​ക്കാ​തെ കാ​ത്തു​സൂ​ക്ഷി​ക്കു​ന്ന​വ​രു​ടെ ഈ​റ്റി​ല്ല​മാ​യ ഈ ​നാ​ട്ടി​ലെ മൂ​ശാ​രി​മാ​രു​ടെ ക​ര​വി​രു​താ​ണ് അ​ദ്ഭു​ത​ങ്ങ​ള്‍ സൃ​ഷ്ടി​ക്കു​ന്ന​ത്.

കു​ഞ്ഞി​മം​ഗ​ല​ത്തെ ക​ര​കൗ​ശ​ല ക​ലാ​കാ​ര​ന്മാ​രു​ടെ കൂ​ട്ടാ​യ്മ​യാ​യ ബെ​ല്‍ മെ​റ്റ​ല്‍ ക്ല​സ്റ്റ​റി​ലെ​ത്തി​യാ​ല്‍ ക​ര​വി​രു​തു​ക​ളു​ടെ ക​മ​നീ​യ ഭാ​വ​ങ്ങ​ള്‍ കാ​ണാം.

ഇ​വി​ടെ സൂ​ക്ഷി​ച്ചി​രി​ക്കു​ന്ന പു​സ്ത​ക​ത്തി​ല്‍ ഇ​വ​രു​ടെ ക​ര​വി​രു​തി​നെ വാ​നോ​ളം പു​ക​ഴ്ത്തി​യു​ള്ള ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ല്‍​നി​ന്നെ​ത്തി​യ ടൂ​റി​സ്റ്റു​ക​ള്‍ എ​ഴു​തി​വ​ച്ചി​രി​ക്കു​ന്ന സ​ന്ദ​ര്‍​ശ​ക കു​റി​പ്പു​ക​ള്‍ വാ​യി​ച്ചാ​ല്‍ ഇ​വ​ര്‍​ക്ക് കൈ​മാ​റി​ക്കി​ട്ടി​യ പൈ​തൃ​ക​ത്തി​ന്‍റെ തി​ള​ക്ക​ങ്ങ​ളും കാ​ണാം.

ഒ​രു​വ​ര്‍​ഷം മൂ​വാ​യി​ര​ത്തോ​ളം സ​ന്ദ​ര്‍​ശ​ക​രാ​ണ് ഇ​വി​ടെ​യെ​ത്തു​ന്ന​ത്. ഡി​സൈ​ന്‍ ഇ​ന്‍​സ്റ്റി​റ്റ്യൂ​ട്ടു​ക​ളി​ലെ വി​ദ്യാ​ര്‍​ഥി​ക​ള്‍ പ്രോ​ജ​ക്ട് വ​ര്‍​ക്കു​ക​ള്‍ ചെ​യ്യാ​നാ​യി എ​ത്തു​ന്ന​തും ഇ​വി​ടെ​യാ​ണ്.

പ​ത്തു​വ​ര്‍​ഷം മു​മ്പ് സ​ര്‍​ക്കാ​ര്‍ പൈ​തൃ​ക ഗ്രാ​മ​മാ​യി പ്ര​ഖ്യാ​പി​ച്ച​തോ​ടെ​യാ​ണ് കു​ഞ്ഞി​മം​ഗ​ല​ത്തെ ഈ ​വെ​ങ്ക​ല ക​ലാ​കാ​ര​ന്മാ​രു​ടെ കൂ​ട്ടാ​യ്മ കൂ​ടു​ത​ല്‍ അ​റി​യ​പ്പെ​ടാ​ന്‍ തു​ട​ങ്ങി​യ​ത്.

ആ​യി​രം വ​ര്‍​ഷ​ത്തി​ലേ​റെ പ​ഴ​ക്ക​മു​ള്ള പൈ​തൃ​കം

കു​ഞ്ഞി​മം​ഗ​ല​ത്ത് നി​ന്ന് പി​റ​വി​യെ​ടു​ത്ത അ​ഴീ​ക്കോ​ട് പാ​ലോ​ട്ട് കാ​വി​ലെ വി​ള​ക്കി​ന് 1200 വ​ര്‍​ഷ​ത്തി​ല​ധി​കം പ​ഴ​ക്ക​മു​ണ്ടെ​ന്ന് വി​ള​ക്കി​ല്‍ ആ​ലേ​ഖ​നം ചെ​യ്തി​രി​ക്കു​ന്ന തീ​യ​തി ഓ​ര്‍​മി​പ്പി​ക്കു​ന്നു.

കു​ഞ്ഞി​മം​ഗ​ല​ത്തെ മൂ​ശാ​രി​മാ​രെ വി​ളി​ച്ചു​വ​രു​ത്തി ചാ​ലി​ല്‍ സെ​ന്‍റ് പീ​റ്റേ​ഴ്‌​സ് പ​ള്ളി​യി​ല്‍ താ​മ​സി​പ്പി​ച്ച് അ​വി​ടെ നി​ര്‍​മി​ച്ച പ​ള്ളി​മ​ണി​ക​ള്‍ ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ലേ​ക്ക് കൊ​ണ്ടു​പോ​യ​തി​ന്‍റെ ച​രി​ത്ര​വും ഈ ​നാ​ടി​ന് പ​റ​യാ​നു​ണ്ട്.

അ​യോ​ദ്ധ്യ രാ​മ​ക്ഷേ​ത്ര​ത്തി​ലെ ശ്രീ​രാ​മ വി​ള​ക്ക്, ഗു​രു​വാ​യൂ​രി​ലെ അ​സ്ത​ല​ക്ഷ്മി ക​ണ്ണാ​ടി എ​ന്നി​വ ശി​ല്പ​ശാ​സ്ത്ര പ്ര​കാ​രം കു​ഞ്ഞി​മം​ഗ​ല​ത്തെ മൂ​ശാ​രി​മാ​ര്‍ നി​ര്‍​മി​ച്ചു ന​ല്‍​കി​യ​താ​ണ്.

പ​ഞ്ച​ലോ​ക വി​ഗ്ര​ഹ​ങ്ങ​ള്‍, തെ​യ്യ​ത്തി​ന്‍റെ ആ​ട​യാ​ഭ​ര​ണ​ങ്ങ​ള്‍, തി​രു​വാ​ഭ​ര​ണ​ങ്ങ​ള്‍, താ​ഴി​ക​ക്കു​ടം, ച​ന്ദ്ര​ക്ക​ല, പ​ള്ളി​മ​ണി​ക​ള്‍, ജൈ​ന തീ​ര്‍​ഥ​ങ്ക​ര വി​ഗ്ര​ഹ​ങ്ങ​ള്‍, ബു​ദ്ധ​പ്ര​തി​മ, വ​ട്ട​ള​ങ്ങ​ള്‍, ഉ​രു​ളി, ഐ​ശ്വ​ര്യ​ത്തി​ന്‍റെ പ്ര​തീ​ക​മാ​യ ല​ക്ഷ്മി വി​ള​ക്ക്, ച​ങ്ങ​ല​വ​ട്ട, ഗു​രു​വാ​യൂ​ര​പ്പ​ന്‍ വി​ള​ക്ക് തു​ട​ങ്ങി അ​ന്പ​തി​ല്‍​പ​രം വി​ള​ക്കു​ക​ള്‍ എ​ന്നി​വ​യു​ള്‍​പ്പെ​ടെ ആ​റു​നൂ​റോ​ളം നി​ര്‍​മി​തി​ക​ളാ​ണ് കു​ഞ്ഞി​മം​ഗ​ല​ത്തി​ന്‍റെ സം​ഭാ​വ​ന​യാ​യി ഉ​ള്ള​ത്.

കൊ​ച്ചി ക​പ്പ​ല്‍ നി​ര്‍​മാ​ണ ശാ​ല​യി​ലേ​ക്ക് ആ​ധു​നി​ക സാ​ങ്കേ​തി​ക വി​ദ്യ​യു​ടെ സ​ഹാ​യ​ത്തോ​ടെ നി​ര്‍​മി​ച്ചു​ന​ല്‍​കി​യ ടെ​റാ​മാ​രീ​സ് ശി​ല്പം പു​തി​യ കാ​ല​ത്തി​ന്‍റെ വെ​ല്ലു​വി​ളി​ക​ള്‍ ഏ​റ്റെ​ടു​ക്കാ​നും ഇ​വ​ര്‍ ത​യാ​റാ​ണെ​ന്ന വെ​ളി​പ്പെ​ടു​ത്ത​ലാ​യി​രു​ന്നു.

ശി​ല്പ​ങ്ങ​ള്‍ രൂ​പ​പ്പെ​ടു​ന്ന​തി​ങ്ങ​നെ

പ​ന്ത്ര​ണ്ടി​ല​ധി​കം നി​ര്‍​മാ​ണ ഘ​ട്ട​ങ്ങ​ളി​ലൂ​ടെ​യാ​ണ് ഒ​രു ശി​ല്പം രൂ​പ​പ്പെ​ടു​ന്ന​ത്. ഓ​രോ നി​ര്‍​മി​തി​ക്കു പി​ന്നി​ലും ദി​വ​സ​ങ്ങ​ളു​ടെ ക​ഠി​നാ​ധ്വാ​ന​വും ആ​ത്മ​സ​മ​ര്‍​പ്പ​ണ​വു​മാ​വ​ശ്യ​മാ​ണ്. ക​ളി​മ​ണ്ണ്, ഓ​ല, ക​രി എ​ന്നീ അ​സം​സ്‌​കൃ​ത വ​സ്തു​ക്ക​ള്‍ നാ​ട്ടു​പ്ര​ദേ​ശ​ങ്ങ​ലി​ൽ​നി​ന്നാ​ണ് ശേ​ഖ​രി​ക്കു​ന്ന​ത്.

ക​ളി​മ​ണ്ണും പു​ഴ​മ​ണ​ലും ചാ​ക്ക് നൂ​ലും കൃ​ത്യ​മാ​യ അ​ള​വി​ല്‍ ചാ​ലി​ച്ചെ​ടു​ത്താ​ണ് ശി​ല്പ​ത്തി​ന്‍റെ അ​ടി​സ്ഥാ​നം രൂ​പ​പ്പെ​ടു​ത്തു​ന്ന​ത്. ഇ​തി​നു മു​ക​ളി​ല്‍ മെ​ഴു​കും കു​ന്തി​രി​ക്ക​വും എ​ണ്ണ​യും ചേ​ര്‍​ത്ത മി​ശ്രി​തം തേ​ച്ചു​പി​ടി​പ്പി​ച്ച് അ​തി​ലാ​ണ് കൊ​ത്തു​പ​ണി​ക​ളും സു​ക്ഷ്മ​ഭാ​വ​ങ്ങ​ളും ക​ര​വി​രു​തി​ല്‍ ചെ​യ്‌​തെ​ടു​ക്കു​ന്ന​ത്.

അ​തി​നു മു​ക​ളി​ല്‍ വീ​ണ്ടും പ്ര​ത്യേ​ക ത​രം ക​ളി​മ​ണ്ണ് തേ​ച്ചു​പി​ടി​പ്പി​ച്ച് ശ​ക്ത​മാ​യ ഒ​രു പു​റം​ക​വ​ചം തീ​ര്‍​ക്കും. ഈ ​അ​ച്ചി​ല്‍ ഒ​രു ചെ​റി​യ ദ്വാ​ര​വും ഉ​ണ്ടാ​ക്കും. ഇ​തി​നെ ചൂ​ള​യി​ല്‍ വ​ച്ച് ചു​ട്ടെ​ടു​ക്കു​മ്പോ​ള്‍ ഉ​ള്ളി​ലെ മെ​ഴു​ക് ദ്വാ​ര​ത്തി​ലൂ​ടെ ഉ​രു​കി പു​റ​ത്തേ​ക്ക് ഒ​ഴു​കി​പോ​കു​ന്നു.

ഇ​തോ​ടെ അ​ച്ചി​നു​ള്ളി​ലു​ണ്ടാ​കു​ന്ന ശൂ​ന്യ​മാ​യ അ​റ​യി​ലേ​ക്ക് ചെ​മ്പും ഈ​യ​വും സി​ങ്കും ചേ​ര്‍​ത്ത് ചൂ​ടാ​ക്കി തി​ള​ച്ചു​മ​റി​യു​ന്ന രൂ​പ​ത്തി​ലു​ള്ള വെ​ങ്ക​ല​ക്കൂ​ട്ട് ഒ​ഴി​ക്കു​ന്നു. ത​ണു​ക്കു​മ്പോ​ള്‍ പു​റ​മെ​യു​ള്ള ക​ളി​മ​ണ്‍ ക​വ​ചം ത​ല്ലി​യു​ട​ച്ച് ഉ​ള്ളി​ലെ രൂ​പം പു​റ​ത്തെ​ടു​ക്കു​ന്നു. അ​തി​നു​ശേ​ഷം അ​രം ഉ​പ​യോ​ഗി​ച്ച് മി​നു​ക്കി അ​തി​ന് പൂ​ര്‍​ണ​ത ന​ല്‍​കു​ന്നു.

ഇ​വ​യെ​ല്ലാം ഈ ​ആ​ല​ക​ളി​ല്‍ ത​ന്നെ​യാ​ണ് ഇ​ന്നും പി​റ​വി​യെ​ടു​ക്കു​ന്ന​ത്. ലോ​ഹ​പ​രി​ശു​ദ്ധി, രൂ​പ​ഗു​ണം, ആ​കൃ​തി, ശി​ല്പ​ചാ​രു​ത എ​ന്നി​വ കു​ഞ്ഞി​മം​ഗ​ല​ത്തെ ശി​ല്പ​ങ്ങ​ളു​ടെ പ​ക​രം വ​യ്ക്കാ​നി​ല്ലാ​ത്ത പ്ര​ത്യേ​ക​ത​യാ​ണ്.

വെ​ല്ലു​വി​ളി​ക​ളേ​റെ, സ​ര്‍​ക്കാ​ര്‍ ക​നി​യു​മോ..?

കാ​ലം മാ​റി​യ​പ്പോ​ള്‍ വി​പ​ണി​യി​ല്‍ വി​ല​കു​റ​ഞ്ഞ മെ​ഷീ​ന്‍ നി​ര്‍​മി​ത വ്യാ​ജ​ന്‍​മാ​ര്‍ ക​ളം​പി​ടി​ച്ച​തോ​ടെ ഈ ​കു​ല​ത്തൊ​ഴി​ല്‍ വ​ലി​യ വെ​ല്ലു​വി​ളി​ക​ളെ നേ​രി​ടു​ക​യാ​ണ്. 1990 ക​ളി​ല്‍ നൂ​റോ​ളം കു​ടും​ബ​ങ്ങ​ള്‍ ഉ​ണ്ടാ​യി​രു​ന്ന സ്ഥാ​ന​ത്ത് ഇ​ന്ന് മു​പ്പ​തോ​ളം കു​ടും​ബ​ങ്ങ​ള്‍ മാ​ത്ര​മാ​ണ് ഈ ​പാ​ര​മ്പ​ര്യം മു​റു​കെ​പ്പി​ടി​ച്ച് ജീ​വി​ക്കു​ന്ന​ത്.

ഇ​വ​രി​ല്‍ പ​തി​ന​ഞ്ചോ​ളം തൊ​ഴി​ലാ​ളി​ക​ള്‍ ചേ​ര്‍​ന്ന് രൂ​പീ​ക​രി​ച്ച ട്ര​സ്റ്റ് വാ​ട​ക സ്ഥ​ല​ത്ത് നി​ര്‍​മി​ച്ച പ​ണി​പ്പു​ര​യി​ലാ​ണ് ഇ​പ്പോ​ള്‍ ശി​ല്പ​നി​ര്‍​മാ​ണം ന​ട​ക്കു​ന്ന​ത്. മു​മ്പ് റി​വ​ര്‍ ക്രൂ​യി​സ് പ​ദ്ധ​തി​യു​മാ​യി ബ​ന്ധ​പ്പെ​ടു​ത്തി ടൂ​റി​സ്റ്റു​ക​ളെ ആ​ക​ര്‍​ഷി​ക്കാ​ന്‍ പ​ദ്ധ​തി​യി​ട്ടി​രു​ന്നു.

എ​ന്നാ​ല്‍, ടൂ​റി​സം വ​കു​പ്പി​ന്‍റെ ഭാ​ഗ​ത്തു​നി​ന്ന് പി​ന്നി​ട് ന​ട​പ​ടി​ക​ളൊ​ന്നും ക​ണ്ടി​ല്ല. മു​മ്പ് ജി​ല്ലാ ക​ള​ക്ട​ര്‍ ഇ​ട​പെ​ട്ട് മു​ന്‍ ജി​ല്ലാ പ​ഞ്ചാ​യ​ത്ത് 20 ല​ക്ഷം രൂ​പ അ​നു​വ​ദി​ച്ചി​രു​ന്നു. ഇ​തു​പ​യോ​ഗി​ച്ച് ല​ളി​ത​ക​ലാ അ​ക്കാ​ദ​മി​യു​ടെ സ​ഹ​ക​ര​ണ​ത്തോ​ടെ നി​ര​വ​ധി ക്യാ​മ്പു​ക​ള്‍ സം​ഘ​ടി​പ്പി​ച്ചി​രു​ന്നു. അ​ന്നു മു​ത​ലാ​ണ് വി​ദൂ​ര​ങ്ങ​ളി​ല്‍​നി​ന്ന് വി​നോ​ദ സ​ഞ്ചാ​രി​ക​ളെ​ത്താ​ന്‍ തു​ട​ങ്ങി​യ​ത്.

ഇ​പ്പോ​ള്‍ സാം​സ്‌​കാ​രി​ക വ​കു​പ്പി​ന് കീ​ഴി​ല്‍ റൂ​റ​ല്‍ ആ​ര്‍​ട് ഹ​ബ് പ​ദ്ധ​തി​യി​ലു​ള്‍​പ്പെ​ടു​ത്തി വി​ഗ്ര​ഹ സ്വാ​ശ്ര​യ സം​ഘ​മു​ണ്ടാ​ക്കി​യാ​ണ് ഈ ​തൊ​ഴി​ലാ​ളി​ക​ളു​ടെ പ്ര​വ​ര്‍​ത്ത​നം.

ടി. ​പ​ദ്മ​നാ​ഭ​ന്‍ (പ്ര​സി​ഡ​ന്‍റ്), പി. ​വ​ത്സ​ന്‍​സ (സെ​ക്ര​ട്ട​റി) എ​ന്നി​വ​രാ​ണ് ഈ ​സം​ഘ​ത്തി​ന്‍റെ ഭാ​ര​വാ​ഹി​ക​ള്‍. നി​ര്‍​മി​ക്കു​ന്ന ഉ​ത്പ​ന്ന​ങ്ങ​ള്‍ ഓ​ര്‍​ഡ​ര്‍ ചെ​യ്ത​വ​ര്‍​ക്ക് കൈ​മാ​റ്റം ചെ​യ്യു​ന്ന​തി​നാ​ല്‍ ഇ​വി​ടെ​യെ​ത്തു​ന്ന​വ​ര്‍​ക്ക് കാ​ണു​ന്ന​തി​നോ വാ​ങ്ങു​ന്ന​തി​നോ ഇ​വി​ടു​ത്തെ സൃ​ഷ്ടി​ക​ള്‍ കാ​ണി​ച്ച് പു​തി​യ ഓ​ര്‍​ഡ​റു​ക​ളെ​ടു​ക്കാ​നോ സാ​ധി​ക്കു​ന്നി​ല്ല.

ഈ ​പോ​രാ​യ്മ പ​രി​ഹ​രി​ക്കു​ന്ന​തി​ന് ഒ​രു മ്യൂ​സി​യ​മു​ണ്ടാ​ക്കി​യാ​ല്‍ പ്ര​ശ്‌​ന​പ​രി​ഹാ​ര​മാ​കു​മെ​ന്നും തൊ​ഴി​ലാ​ളി​ക​ള്‍ ചൂ​ണ്ടി​ക്കാ​ണി​ക്കു​ന്നു. ദൈ​വ​ത്തി​ന്‍റെ കൈ​യൊ​പ്പ് പ​തി​ഞ്ഞ​വ​രാ​ണെ​ങ്കി​ലും പ​ല​പ്പോ​ഴും ജീ​വി​തം മു​ന്നോ​ട്ടു ത​ള്ളി​നീ​ക്കാ​നാ​കാ​തെ ബു​ദ്ധി​മു​ട്ടു​ക​യാ​ണി​വ​ര്‍.

അ​തി​നാ​ല്‍​ത്ത​ന്നെ പു​തു​ത​ല​മു​റ​ക​ള്‍ ഈ ​തൊ​ഴി​ല്‍ മേ​ഖ​ല​യോ​ട് മു​ഖം​തി​രി​ച്ചാ​ണ് നി​ല്‍​ക്കു​ന്ന​ത്. സ​ര്‍​ക്കാ​രി​ന്‍റെ ഭാ​ഗ​ത്ത് നി​ന്നു​ള്ള പ്രോ​ത്സാ​ഹ​ന​മി​ല്ലെ​ങ്കി​ല്‍ ന​മ്മു​ടെ നാ​ടി​ന്‍റെ പൈ​തൃ​ക​ങ്ങ​ളി​ലൊ​ന്നാ​യ ഈ ​തൊ​ഴി​ല്‍ മേ​ഖ​ല​യും താ​മ​സി​യാ​തെ നി​ശ്ച​ല​മാ​കു​മെ​ന്ന​താ​ണ​വ​സ്ഥ.

Tags : SpecialNews