16

ന്യൂ​ഡ​ൽ​ഹി: 2026 ലോ​ക ബാ​ഡ്മി​ന്‍റ​ൺ ചാ​ന്പ്യ​ൻ​ഷി​പ്പി​നു നാ​ളെ ഡ​ൽ​ഹി​യി​ൽ തു​ട​ക്കം. ഇ​ന്ദി​രാ​ഗാ​ന്ധി ഇ​ൻ​ഡോ​ർ സ്റ്റേ​ഡി​യ​മാ​ണ് വേ​ദി. 2009ൽ ​ഹൈ​ദ​രാ​ബാ​ദ് വേ​ദി​യാ​യ​തി​നുശേ​ഷം ബാ​ഡ്മി​ന്‍റ​ൺ ലോ​ക പോ​രാ​ട്ട​ത്തി​നു ഇ​ന്ത്യ വീ​ണ്ടും വേ​ദി​യാ​കു​ന്നു; അ​താ​ക​ട്ടെ നീ​ണ്ട 17 വ​ർ​ഷ​ങ്ങ​ൾ​ക്കു​ശേ​ഷം. 23 വ​രെ​യാ​ണ് ലോ​ക ചാ​ന്പ്യ​ൻ​ഷി​പ്പ്.

പു​രു​ഷ-​വ​നി​താ സിം​ഗി​ൾ​സി​ൽ 64 വീ​തം താ​ര​ങ്ങ​ളും ഡ​ബി​ൾ​സി​ൽ 48 ജോ​ഡി​ക​ളു​മാ​ണ് ഇ​ത്ത​വ​ണ മ​ത്സ​ര​ത്തി​നി​റ​ങ്ങു​ക. എ​ല്ലാ വി​ഭാ​ഗ​ങ്ങ​ളി​ലും ഇ​ന്ത്യ​ക്കു ര​ണ്ട് എ​ൻ​ട്രി വീ​ത​മു​ണ്ട്. 10 അം​ഗ ഇ​ന്ത്യ​ൻ സം​ഘ​ത്തെ ന​യി​ക്കു​ന്ന​ത്, ഒ​രു സ്വ​ർ​ണ​വും ര​ണ്ടു വീ​തം വെ​ള്ളി​യും വെ​ങ്ക​ല​വു​മ​ട​ക്കം അ​ഞ്ച് ലോ​ക ചാ​ന്പ്യ​ൻ​ഷി​പ്പ് മെ​ഡ​ലു​ള്ള പി.​വി. സി​ന്ധു​വാ​ണ്.

ട്രീ​സ ഫ്രം ​ക​ണ്ണൂ​ർ

ക​ണ്ണൂ​ർ പു​ളി​ങ്ങോം സ്വ​ദേ​ശി​യാ​യ ട്രീ​സ ജോ​ളി​യാ​ണ് ഇ​ന്ത്യ​യു​ടെ 10 അം​ഗ ടീ​മി​ലെ ഏ​ക മ​ല​യാ​ളി. റി​സ​ർ​വ് സം​ഘ​ത്തി​ൽ മ​ല​യാ​ളി​ക​ളാ​യ എ​ച്ച്.​എ​സ്. പ്ര​ണോ​യ്, കി​ര​ൺ ജോ​ർ​ജ് എ​ന്നി​വ​രു​മു​ണ്ട്. സ്വ​ന്തം മ​ണ്ണി​ൽ കി​രീ​ടം സ്വ​ന്ത​മാ​ക്കു​ക എ​ന്ന ല​ക്ഷ്യ​ത്തോ​ടെ ക​രു​ത്തു​റ്റ നി​ര​യെ​യാ​ണ് ഇ​ന്ത്യ അ​ണി​നി​ര​ത്തു​ന്ന​ത്.

വ​നി​താ വി​ഭാ​ഗ​ത്തി​ൽ പി.​വി. സി​ന്ധു​വും പു​രു​ഷ സിം​ഗി​ൾ​സി​ൽ ല​ക്ഷ്യ സെ​ന്നു​മാ​ണ് ഇ​ന്ത്യ​യു​ടെ മെ​ഡ​ൽ പ്ര​തീ​ക്ഷ. ട്രീ​സ ജോ​ളി-​ഗാ​യ​ത്രി ഗോ​പീ​ച​ന്ദ് വ​നി​താ സ​ഖ്യ​വും സാ​ത്വി​ക്സാ​യ്‌​രാ​ജ്-​ചി​രാ​ഗ്ഷെ​ട്ടി എ​ന്നി​വ​രു​ടെ പു​രു​ഷ ഡ​ബി​ൾ​സ് സ​ഖ്യ​വും മെ​ഡ​ൽ നേ​ടാ​ൻ ക​രു​ത്തു​ള്ള​വ​ർ​ത​ന്നെ.

പു​രു​ഷ സിം​ഗി​ൾ​സി​ൽ ചൈ​ന​യു​ടെ ഷി ​യു​കി, പു​രു​ഷ ഡ​ബി​ൾ​സി​ൽ ദ​ക്ഷി​ണ കൊ​റി​യ​യു​ടെ കി ​വോ​ൺ ഹോ - ​സി​യോ സി​യൂ​ങ്, വ​നി​താ ഡ​ബി​ൾ​സി​ൽ ചൈ​ന​യു​ടെ ലി​യു ഷെ​ങ് ഷു - ​ടാ​ൻ നി​ങ് സ​ഖ്യ​വും ച​മ്പ്യാ​ൻ​ഷി​പ്പി​ന്‍റെ മാ​റ്റ് കൂ​ട്ടും.

പ്രാ​വി​നും കു​ര​ങ്ങി​നും നോ ​എ​ൻ​ട്രി..!

പ്രാ​വു​ക​ളു​ടെ​യും കു​ര​ങ്ങി​ന്‍റെ​യും ശ​ല്യം ഒ​ഴി​വാ​ക്കാ​ൻ പ്ര​ത്യേ​ക പ​ദ്ധ​തി​യൊ​രു​ക്കി​യെ​ന്ന​താ​ണ് സം​ഘാ​ട​ന​ത്തി​ലെ ഏ​റ്റ​വും ശ്ര​ദ്ധേ​യ നീ​ക്കം.

ജ​നു​വ​രി​യി​ൽ ന​ട​ന്ന ഇ​ന്ത്യ ഓ​പ്പ​ൺ ചാ​ന്പ്യ​ൻ​ഷി​പ്പി​ൽ എ​ച്ച്.​എ​സ്. പ്ര​ണോ​യി​യും സിം​ഗ​പ്പൂ​രി​ന്‍റെ ലോ​ഹ് കീ​ൻ യൂ​വും ത​മ്മി​ലു​ള്ള മ​ത്സ​രം ര​ണ്ടു ത​വ​ണ നി​ർ​ത്തി വ​യ്ക്കേ​ണ്ടി വ​ന്ന​ത് കോ​ർ​ട്ടി​ൽ പ​ക്ഷിക്കാ​ഷ്ഠം വീ​ണ​തു​കൊ​ണ്ടാ​യി​രു​ന്നു. മ​ത്സ​ര​ത്തി​നി​ടെ പ്രാ​വു​ക​ൾ സ്റ്റേ​ഡി​യ​ത്തി​നു​ള്ളി​ലെ​ത്തി കോ​ർ​ട്ടി​നു​ള്ളി​ൽ വി​സ​ർ​ജി​ക്കു​ക​യാ​യി​രു​ന്നു. കുരങ്ങു​ക​ൾ എ​ത്തി ഗാലറി അ​ല​ങ്കോ​ല​മാ​ക്കുന്നതും പതിവ്.

പ​ഴ​യ​ക​ഥ​ക​ളെ കാ​റ്റി​ൽ​പ്പ​റ​ത്തി ഇ​ന്ദി​രാ​ഗാ​ന്ധി ഇ​ൻ​ഡോ​ർ സ്റ്റേ​ഡി​യം പൂ​ർ​ണ​മാ​യി സ​ജ്ജ​മാ​യി. 25 കോ​ടി രൂ​പ മു​ട​ക്കി പു​തു​ക്കി​പ്പ​ണി​ത സ്റ്റേ​ഡി​യ​ത്തി​ൽ അ​ത്യാ​ധു​നി​ക ലൈ​റ്റു​ക​ളും പു​തി​യ ഇ​രി​പ്പി​ട​വും അ​ട​ക്കം സു​സ​ജ്ജം.

കു​ര​ങ്ങു​ക​ൾ കോ​ർ​ട്ടി​ലേ​ക്ക് ക​ട​ക്കു​ന്ന​ത് ത​ട​യാ​ൻ ഗ്ലാ​സ് വാ​തി​ലു​ക​ളും ഓ​ട്ട​മാ​റ്റി​ക് ഡ​ബി​ൾ-​എ​ൻ​ട്രി സി​സ്റ്റ​വും അ​ട​ക്കം അ​ത്യാ​ധു​നി​ക സം​വി​ധാ​ന​ങ്ങ​ൾ സ്ഥാ​പി​ച്ചു. ഇ​തു​കൂ​ടാ​തെ കു​ര​ങ്ങു​ക​ളെ തു​ര​ത്താ​ൻ പ്ര​ത്യേ​കം പ​രി​ശീ​ല​നം ല​ഭി​ച്ച നാ​ലം​ഗ മി​മി​ക്രി സം​ഘ​ത്തെ​യും നി​യോ​ഗി​ച്ചി​ട്ടു​ണ്ട്. ലം​ഗൂ​ർ കു​ര​ങ്ങു​ക​ളു​ടെ ശ​ബ്ദം അ​നു​ക​രി​ച്ചാ​ണ് ഇ​വ​ർ മ​റ്റ് കു​ര​ങ്ങു​ക​ളെ ഭ​യ​പ്പെ​ടു​ത്തി ഓ​ടി​ക്കു​ന്ന​ത്. പ്രാ​വു​ക​ളെ തുരത്താനാ​യി ഇ​ര​പി​ടി​യ​ൻ പ​ക്ഷി​ക​ളു​ടെ ശ​ബ്ദം പു​റ​പ്പെ​ടു​വി​ക്കു​ന്ന ആ​റ് പോ​ർ​ട്ട​ബി​ൾ യ​ന്ത്ര​ങ്ങ​ൾ അ​മേ​രി​ക്ക​യി​ൽനി​ന്ന് എത്തിച്ചു.

ത​ണു​പ്പും പ​ക്ഷി​ശ​ല്യ​വും ഇ​ത്ത​വ​ണ പ്ര​ശ്ന​മാ​കി​ല്ലെ​ന്നും ഏ​ത് വ​ൻ​കി​ട ടൂ​ർ​ണ​മെ​ന്‍റും ഭം​ഗി​യാ​യി ന​ട​ത്താ​ൻ ഇ​ന്ത്യ​ക്കു ക​ഴി​യു​മെ​ന്നും ലോ​ക​ത്തി​ന് മു​ന്നി​ൽ തെ​ളി​യി​ക്കു​ക​യാ​ണു ല​ക്ഷ്യ​മെ​ന്നും ഇ​ന്ത്യ​ൻ ബാ​ഡ്മി​ന്‍റ​ൺ അ​സോ​സി​യേ​ഷ​ൻ ജ​ന​റ​ൽ സെ​ക്ര​ട്ട​റി സ​ഞ്ജ​യ് മി​ശ്ര പ​റ​ഞ്ഞു.

Tags : WorldBadmintonChampionship Held Delhi IndiraGandiIndorStadium Sports