പുതിന വെള്ളരി ജ്യൂസ്
വെള്ളരി കൊത്തിയരിഞ്ഞത് - ഒരുകപ്പ്, പുതിനയില - ഒരുപിടി, തണ്ണിമത്തൻ -ഒരുകപ്പ്.
ഉണ്ടാക്കുന്നവിധം
മുകളിൽ പറഞ്ഞിരിക്കുന്ന എല്ലാ വിഭവങ്ങളും ഒരു ജ്യൂസറിൽ നല്ലപോലെ അരച്ചെടുക്കുക. അതിൽ ഒരുനുള്ള് ഉപ്പും കുരുമുളകും ചേർത്തോ അല്ലാതെയോ കുടിക്കാം.
കാരറ്റ് ജിഞ്ചർ ജ്യൂസ്
കാരറ്റ് ചുരണ്ടിയത് - ഒരുകപ്പ്, സലാഡ് വെള്ളരി - അരക്കപ്പ്, ഇഞ്ചി-ഒരുകഷ്ണം, പട്ട പൊടിച്ചത് - അരടീസ്പൂൺ
ഉണ്ടാക്കുന്നവിധം
ഇവയെല്ലാംകൂടി നല്ലപോലെ യോജിപ്പിച്ചശേഷം അരച്ചെടുക്കുക. കാരറ്റിന്റെ ചണ്ടി മാറ്റി അരിച്ചെടുത്ത് ഐസിട്ട് ഉപയോഗിക്കാം.
തേങ്ങാപ്പാൽ പഴംപാനീയം
ഒന്നാംപാൽ - ഒരുകപ്പ്, റോബസ്റ്റ പഴം - ഒന്ന്, പാലക്ക് ചീര - ഒരുപിടി, പഞ്ചസാര-ആവശ്യത്തിന്.
ഉണ്ടാക്കുന്നവിധം
പഴവും ചീരയും ചേർത്ത് യോജിപ്പിച്ച ശേഷം പഞ്ചസാരയും പാലും ചേർക്കുക. ഐസിട്ട് ഉപയോഗിക്കാം.
ബീറ്റ്റൂട്ട് ജ്യൂസ്
ബീറ്റ്റൂട്ട് ചുരണ്ടിയെടുത്തത് - ഒരുകപ്പ്, ആപ്പിൾ തൊലി മാറ്റിയത് - ഒരെണ്ണം, ചെറുനാരങ്ങാനീര് - ഒരു ടീസ്പൂൺ, സെലറി തണ്ട് - ഒരു ചെറിയ കഷണം
ഉണ്ടാക്കുന്നവിധം
എല്ലാംകൂടി അരച്ച് അരിച്ചെടുത്ത് ഉപയോഗിക്കുക.
പച്ചമാങ്ങ ജ്യൂസ്
പുളിയില്ലാത്ത മാങ്ങ കഷണങ്ങളാക്കിയത് - ഒരുകപ്പ്, ഇഞ്ചി-ഒരു ചെറിയ കഷണം, പച്ചമുളക് - ഒരെണ്ണം, തൈര്- ഒരുകപ്പ്, പഞ്ചസാര-ഒരു ടീസ്പൂൺ.
ഉണ്ടാക്കുന്നവിധം
എല്ലാംകൂടി അരച്ചെടുത്ത് ഐസ് ചേർത്ത് കുടിക്കാവുന്നതാണ്. ആവശ്യാനുസരണം വെള്ളവും ചേർക്കാവുന്നതാണ്.
വൈറ്റമിൻ സി പാനീയം
മൂന്ന് ഓറഞ്ചിന്റെ നീര്, വെള്ളം-അരകപ്പ്, കറുത്തമുന്തിരി നീര്- ഒരുകപ്പ്, പുളിയില്ലാത്ത തൈര്-അരകപ്പ്.
ഉണ്ടാക്കുന്നവിധം
ഇവയെല്ലാംകൂടി ചേർത്തിളക്കി അൽപം പഞ്ചസാരയും ചേർത്ത് തണുപ്പിച്ച് ഉപയോഗിക്കുക.
-ഓമന ജേക്കബ്