രാ​മ​ൻ ന​ന്പി​യ​ത്തി​ന്‍റെ കാ​ൽ​പ്പാ​ടു​ക​ളി​ൽ യേ​ശു​ദാ​സി​ന്‍റെ അ​ര​ങ്ങേ​റ്റം
ഗാ​ന​ഗ​ന്ധ​ർ​വ​ൻ കെ.​ജെ.​യേ​ശു​ദാ​സി​നും ആ​സ്വാ​ദ​ക​ർ​ക്കും ഒ​റ്റ​പ്പാ​ല​ത്തെ രാ​മ​ൻ ന​ന്പി​യ​ത്തി​നെ ഒ​രി​ക്ക​ലും വി​സ്മ​രി​ക്കാ​നാ​വി​ല്ല. യേ​ശു​ദാ​സ് ആ​സ്വാ​ദ​ക​രി​ൽ വി​സ്മ​യം സ​മ്മാ​നി​ച്ചു​തു​ട​ങ്ങി​യി​ട്ട് അ​റു​പ​തു​വ​ർ​ഷം തി​ക​ഞ്ഞി​രി​ക്കെ ഗ​ന്ധ​ർ​വ​നെ സം​ഗീ​ത​ലോ​ക​ത്തി​ന് സ​മ്മാ​നി​ച്ച ന​ന്പി​യ​ത്തി​നെ ച​ല​ച്ചി​ത്ര​ലോ​ക​ത്തി​നും മ​റ​ക്കാ​നാ​വി​ല്ല. വി .​ദ​ക്ഷി​ണാ​മൂ​ർ​ത്തി​ക്കും ചെ​ന്പൈ വൈ​ദ്യ​നാ​ഥ ഭാ​ഗ​വ​ത​ർ​ക്കു​മൊ​പ്പം യേ​ശു​ദാ​സ് ന​ന്ദി​യോ​ടെ ചേ​ർ​ത്തു​പ​റ​യു​ന്ന വ്യ​ക്തി​യാ​ണ് രാ​മ​ൻ ന​ന്പി​യ​ത്ത്.

രാ​മ​ൻ ന​ന്പി​യ​ത്തി​ന്‍റെ ‘കാ​ൽ​പ്പാ​ടു​ക​ൾ’ എ​ന്ന സി​നി​മ​യാ​ണ് യേ​ശു​ദാ​സി​ന്‍റെ ജീ​വി​ത​ത്തി​ൽ ഭാ​ഗ്യോ​ദ​യ​മാ​യി മാ​റി​യ​ത്. ‘ജാ​തി​ഭേ​ദം മ​ത​ദ്വേ​ഷം’ എ​ന്ന് തു​ട​ങ്ങു​ന്ന ഗാ​ന​ത്തി​ലൂ​ടെ ന​വാ​ഗ​ത ശ​ബ്ദ​മാ​യി യേ​ശു​ദാ​സ് 1962 ന​വം​ബ​ർ 14നാ​ണ് പി​ന്ന​ണി​യി​ൽ അ​ര​ങ്ങേ​റ്റം കു​റി​ച്ച​ത്. 23-ാം വ​യ​സി​ൽ ത​നി​ക്കു മു​ന്നി​ൽ പാ​ട്ടു പാ​ടാ​ൻ അ​വ​സ​രം ചോ​ദി​ച്ചു​വ​ന്ന ആ ​യു​വാ​വ് മ​ല​യാ​ള​ത്തി​ന്‍റെ ഗാ​ന​ഗ​ന്ധ​ർ​വ​നാ​യി ത​ല​മു​റ​ക​ളെ വി​സ്മ​യി​പ്പി​ക്കു​ന്ന​തി​നു പി​ന്നി​ൽ ന​ന്പി​യ​ത്തി​ന്‍റെ ഇ​ച‌്ഛാ​ശ​ക്തി ഒ​ന്നു മാ​ത്ര​മാ​യി​രു​ന്നു.

യേ​ശു​ദാ​സി​ന്‍റെ ശ​ബ്ദം സി​നി​മ​യി​ൽ ആ​ദ്യ​മാ​യി റി​ക്കാ​ർ​ഡ് ചെ​യ്യ​പ്പെ​ട്ട ഗാ​ന​ത്തി​ന് എം.​ബി. ശ്രീ​നി​വാ​സ​നാ​യി​രു​ന്നു സം​ഗീ​ത സം​വി​ധാ​യ​ക​ൻ.

ആ​ദ്യ​ഗാ​ന​ത്തി​ന്‍റെ പി​റ​വി ചെ​ന്നൈ​യി​ലാ​യി​രു​ന്നു. ‘ജാ​തി​ഭേ​ദം മ​ത​ദ്വേ​ഷം ഏ​തു​മി​ല്ലാ​തെ സ​ർ​വ​രും സോ​ദ​ര​ത്വേ​ന വാ​ഴു​ന്ന മാ​തൃ​കാ സ്ഥാ​ന​മാ​ണി​ത്’ എ​ന്ന ഗു​രു​ദേ​വ ശ്ലോ​ക​മാ​ണ് യേ​ശു​ദാ​സ് ആ​ദ്യ​മാ​യി പാ​ടി​യ​ത്.

കു​മാ​ര​നാ​ശാ​ന്‍റെ ച​ണ്ഡാ​ല​ഭി​ക്ഷു​കി​യി​ലെ ക​വി​താ​ശ​ക​ല​വും യേ​ശു​ദാ​സ് ഇ​തി​ൽ പാ​ടി. കാ​ൽ​പ്പാ​ടു​ക​ൾ സാ​ന്പ​ത്തി​ക​മാ​യി പ​രാ​ജ​യ​പ്പെ​ട്ടെ​ങ്കി​ലും അ​തി​ലെ ഗാ​ന​ങ്ങ​ളും യേ​ശു​ദാ​സ് എ​ന്ന ഗാ​യ​ക​നും അ​ന​ശ്വ​ര​ത​യി​ലേ​ക്ക് വ​ല​തു​പാ​ദം വ​യ്ക്കു​ക​യാ​യി​രു​ന്നു.

‘കാ​ൽ​പ്പാ​ടു​ക​ളു​ടെ മു​റി​പ്പാ​ടു​ക​ൾ’​എ​ന്ന പേ​രി​ൽ രാ​മ​ൻ ന​ന്പി​യ​ത്ത് ത​ന്‍റെ സി​നി​മ അ​നു​ഭ​വ​ങ്ങ​ളെ പി​ന്നീ​ട് ആ​ത്മ​ക​ഥ​യാ​ക്കി. അ​തി​ൽ, കാ​ൽ​പ്പാ​ടു​ക​ൾ എ​ന്ന സി​നി​മ​യെ​ക്കു​റി​ച്ചും യേ​ശു​ദാ​സി​നെ അ​വ​ത​രി​പ്പി​ച്ച​തി​നെ​ക്കു​റി​ച്ചും വി​ശ​ദ​മാ​യി പ​റ​യു​ന്നു​ണ്ട്. ഈ ​ഗാ​ന​ങ്ങ​ളു​ടെ റി​ക്കാ​ർ​ഡിം​ഗി​ന് ര​ണ്ടു​ദി​വ​സം മു​ൻ​പ് യേ​ശു​ദാ​സി​ന് ക​ടു​ത്ത പ​നി ബാ​ധി​ച്ചു.

ഈ ​സാ​ഹ​ച​ര്യ​ത്തി​ൽ യേ​ശു​ദാ​സി​നെ​ക്കൊ​ണ്ട് പാ​ടി​ക്കാ​നാ​വി​ല്ല. ശ​ബ്ദം ശ​രി​യാ​വി​ല്ല. സം​ഗീ​ത സം​വി​ധാ​യ​ക​ൻ എം.​ബി. ശ്രീ​നി​വാ​സ​ൻ ത​ന്‍റെ അ​ഭി​പ്രാ​യം പ​റ​ഞ്ഞു.

എ​ന്‍റെ പ​ടം പ​രാ​ജ​യ​പ്പെ​ട്ടാ​ലും യേ​ശു​ദാ​സ്ത​ന്നെ പാ​ട​ട്ടെ എ​ന്നാ​യി​രു​ന്നു രാ​മ​ൻ ന​ന്പി​യ​ത്തി​ന്‍റെ നി​ല​പാ​ട്. പ​ടം പൊ​ട്ടി രാ​മ​ൻ ന​ന്പി​യ​ത്ത് എ​ന്ന നി​ർ​മാ​താ​വ് ക​ടം ക​യ​റി ഒ​രു ഘ​ട്ട​ത്തി​ൽ ആ​ത്മ​ഹ​ത്യ ചെ​യ്യാ​ൻ വ​രെ ആ​ലോ​ചി​ച്ചു. സാ​ന്പ​ത്തി​ക​ബാ​ധ്യ​ത​യി​ൽ ന​ട്ടം​തി​രി​ഞ്ഞ് തൃ​ശൂ​ർ ക​ണ്ട​ശാം​ക​ട​വി​ലെ വീ​ടും സ്ഥ​ല​വും വി​റ്റു​പെ​റു​ക്കി ന​ന്പി​യ​ത്ത് ഒ​റ്റ​പ്പാ​ലം പ​ത്തം​കു​ളം ഗ്രാ​മ​ത്തി​ൽ അ​ഭ​യം തേ​ടി. സി​നി​മാ​പ്ര​തീ​ക്ഷ​ക​ളു​ടെ തി​ര​ശീ​ല​യി​ൽ ക​രി​നി​ഴ​ൽ വീ​ണ​തോ​ടെ അ​ദ്ദേ​ഹം ക​വി​ത​യും എ​ഴു​ത്തും കൃ​ഷി​യു​മാ​യി പി​ൽ​ക്കാ​ല​ത്ത് ക​ഴി​ഞ്ഞു​കൂ​ടി.

പി​ൽ​ക്കാ​ല​ത്ത് ന​ന്പി​യ​ത്തി​നൊ​രു ആ​ഗ്ര​ഹം ബാ​ക്കി​യാ​യി. മ​രി​ക്കു​ന്ന​തി​ന് മു​ൻ​പ് യേ​ശു​ദാ​സി​നെ ഒ​രി​ക്ക​ൽ​ക്കൂ​ടി കാ​ണ​ണം. ആ​ഗ്ര​ഹം സ​ഫ​ലീ​ക​രി​ക്കാ​ൻ മ​ല​യാ​ള​ത്തി​ന്‍റെ അ​ഭി​മാ​ന​മാ​യി വ​ള​ർ​ന്ന യേ​ശു​ദാ​സ് ന​ന്പി​യ​ത്തി​ന്‍റെ പ​ത്തം​കു​ള​ത്തെ വീ​ട്ടി​ലെ​ത്തി. ത​ന്നെ സി​നി​മ​യി​ലേ​ക്ക് ആ​ന​യി​ച്ച നി​ർ​മാ​താ​വി​നു മു​ൻ​പി​ൽ ഗ​ന്ധ​ർ​വ​ൻ ക​രം കൂ​പ്പി. മ​ര​ണ​ത്തി​നു മു​ൻ​പ് ന​ന്പി​യ​ത്തി​ന് ആ​ഹ്ലാ​ദ​വും ധ​ന്യ​ത​യും പ​ക​ർ​ന്ന നി​മി​ഷം.

കാ​ൽ​പ്പാ​ടു​ക​ളു​ടെ മു​റി​പ്പാ​ടു​ക​ളി​ൽ ആ ​അ​പൂ​ർ​വ നി​മി​ഷ​ത്തെ​പ്പ​റ്റി രാ​മ​ൻ ന​ന്പി​യ​ത്ത് ഇ​ങ്ങ​നെ കു​റി​ച്ചി​ട്ടു​ണ്ട്. യേ​ശു​ദാ​സി​ന്‍റെ പി​താ​വ് അ​ഗ​സ്റ്റി​ൻ ജോ​സ​ഫ് അ​ന്നൊ​രി​ക്ക​ൽ മ​ക​നെ കൂ​ട്ടി പീ​ച്ചി​യി​ലെ താ​മ​സ​സ്ഥ​ല​ത്ത് കാ​ണാ​ൻ വ​ന്നു.

‘ഇ​വ​നെ​ക്കൊ​ണ്ട് സി​നി​മ​യി​ൽ പാ​ടി​ച്ച് പ​റ്റു​മെ​ങ്കി​ൽ ഒ​രു വ​ഴി​ക്കാ​ക്കി ത​ര​ണം’- കൈ​കൂ​പ്പി​ക്കൊ​ണ്ടാ​ണ് അ​ഗ​സ്റ്റി​ൻ ജോ​സ​ഫ് രാ​മ​ൻ ന​ന്പി​യ​ത്തി​ന് മു​ന്നി​ൽ ഇ​ങ്ങി​നെ പ​റ​ഞ്ഞ​ത്. സി​നി​മാ നി​ർ​മാ​ണ​ത്തി​ൽ പ​രാ​ജ​യ​പ്പെ​ട്ട് ക​ടം ക​യ​റി എ​ല്ലാം ന​ഷ്ട​പ്പെ​ട്ടെ​ങ്കി​ലും യേ​ശു​ദാ​സി​നെ മ​ല​യാ​ള സി​നി​മ​യ്ക്ക് സ​മ്മാ​നി​ക്കാ​നാ​യ​തി​ന്‍റെ ധ​ന്യ​ത​യി​ൽ ഏ​ഴു​വ​ർ​ഷം മു​ൻ​പ് തൊ​ണ്ണൂ​റാം വ​യ​സി​ൽ രാ​മ​ൻ ന​ന്പി​യ​ത്ത് കാ​ല​യ​വ​നി​ക​യി​ലേ​ക്ക് മാ​ഞ്ഞു. കാ​ട്ടാ​ശേ​രി ജോ​സ​ഫ് യേ​ശു​ദാ​സ് എ​ന്ന കെ.​ജെ. യേ​ശു​ദാ​സി​നു ജ​ന​കോ​ടി​ക​ളു​ടെ ഹൃ​ദ​യ​ങ്ങ​ളി​ൽ ഇ​ടം​കൊ​ടു​ക്കാ​ൻ ഇ​ട​യാ​ക്കി​യ രാ​മ​ൻ ന​ന്പി​യ​ത്തി​നെ ഈ ​ത​ല​മു​റ​യി​ൽ അ​ധി​ക​മാ​രും കേ​ട്ടി​രി​ക്കി​ല്ല.

ഇ​ക്കാ​ല​ത്തും പ​ങ്കെ​ടു​ക്കു​ന്ന എ​ല്ലാ വേ​ദി​ക​ളി​ലും യേ​ശു​ദാ​സ് ആ​ദ്യം ആ​ല​പി​ക്കു​ന്ന​ത് ജാ​തി​ഭേ​ദം മ​ത​ദ്വേ​ഷം എ​ന്നു തു​ട​ങ്ങു​ന്ന കാ​വ്യ​ശ​ക​ല​മാ​ണ്.

മം​ഗ​ലം ശ​ങ്ക​ര​ൻ​കു​ട്ടി


Copyright @ 2022 , Rashtra Deepika Ltd.