ബോണ്ലെസ് മട്ടണ്‍ മസാലക്കറി
ചേരുവകൾ
ആട്ടിറച്ചി (എല്ല് നീക്കിയത്) ചെറു കഷണങ്ങളാക്കിയത് - 600 ഗ്രാം
സവാള ചെറുതായരിഞ്ഞത് - 200 ഗ്രാം
ഇഞ്ചി അരച്ചത് - 15 ഗ്രാം
വെളുത്തുള്ളി - 15 എണ്ണം
തൈര് അടിച്ചത് -60 ഗ്രാം
അണ്ടിപ്പരിപ്പ് അരച്ചത് - 60 ഗ്രാം
ഫ്രഷ് ക്രീം - 60 ഗ്രാം
ബട്ടർ - 100 ഗ്രാം
കുങ്കുമപ്പൂവ് - 1 ഗ്രാം (ചൂട് പാലിൽ
കുതിർത്തത്.)
ഗരം മസാല പേസ്റ്റിന്
ഗ്രാന്പു, ഏലയ്ക്കാ - 2 എണ്ണം വീതം
കുരുമുളക് - 6 എണ്ണം
ജാതിപത്രി - 1 ഗ്രാം
പട്ട - 1 ഇഞ്ച് നീളത്തിൽ
ഉപ്പ് - പാകത്തിന്
മസാലപ്പൊടിക്ക്
മല്ലിപ്പൊടി - 1 ടീസ്പൂണ്‍
മുളകുപൊടി, മഞ്ഞൾപ്പൊടി - 1/4 ടീസ്പൂണ്‍ വീതം
അലങ്കരിക്കാൻ
റോസാദളങ്ങൾ - 2 ടീസ്പൂണ്‍
മുട്ട മഞ്ഞ - 4 എണ്ണം
മത്തങ്ങാക്കുരു - 2 ടീസ്പൂണ്‍ (വറത്തത്)
തയാറാക്കുന്നത്
ആട്ടിറച്ചിക്കഷണങ്ങൾ കഴുകി തിളച്ചവെള്ളത്തിൽ ഇട്ടു വാട്ടുക. മാലിന്യങ്ങളൊക്കെ നീക്കി ഒരു ബൗളിൽ ഇടുക. സവാളയുടെ തൊലി കളഞ്ഞ് അരിഞ്ഞത് ബട്ടർ ചൂടാക്കിയതിൽ ഇട്ടു വറുത്ത് കോരുക. മിച്ചമുള്ള നെയ്യിൽ ആട്ടിറച്ചിക്കഷണങ്ങൾ, ഇഞ്ചി-വെളുത്തുള്ളി പേസ്റ്റ്, വറുത്ത സവാള, തൈര് എന്നിവ ചേർത്ത് 10-12 മിനിറ്റ് വറുക്കുക. ഗരം മസാല പേസ്റ്റിനായി കുറിച്ചവ അരച്ച് ഇതിൽ ചേർക്കുക. വെള്ളം കുറച്ച് ഒഴിച്ച് ഇറച്ചി വേവിക്കുക. മയമാക്കിയശേഷം മസാലകൾ പൊടിച്ചതു ചേർക്കുക. (മഞ്ഞൾ, മുളകുപൊടി, മല്ലിപ്പൊടി) വഴറ്റുക. ഇറച്ചിക്കഷണങ്ങൾ കോരിമാറ്റുക. ചാറ് അരിക്കുക. ഒരു മസ്ലിൻ തുണി ഇതിനായുപയോഗിക്കാം. ചാറിൽ ക്രീമും അണ്ടിപ്പരിപ്പ് അരച്ചതും ചേർക്കാം. പാലിൽ കുതിർത്ത കുങ്കുമപ്പൂവ് ചേർക്കുക. ചാറിന്‍റെ പാകം ക്രമപ്പെടുത്തുക. ആട്ടിറച്ചിക്കഷണങ്ങൾ ചാറിൽ ചേർക്കുക. മുട്ട മഞ്ഞ മീതെ വിളന്പുക. ചൂടാക്കി വാങ്ങുക. അലങ്കരിക്കാനുള്ളവ മീതെവച്ച് വിളന്പുക.
ബാറ്റർ ഫ്രൈഡ് ഫിഷ്
ചേരുവകൾ
അയലമീൻ - 3 എണ്ണം
വെളുത്തുള്ളി - 6 അല്ലി
പെരുംജീരകം - 1/2 ടീസ്പൂണ്‍
ഗരം മസാലപ്പൊടി - 1/2 ടേബിൾ സ്പൂൺ
മൈദ - 1 ടേബിൾ സ്പൂൺ
കടലമാവ് - 2 ടേബിൾ സ്പൂണ്‍
എണ്ണ - വറുക്കാൻ
ഉപ്പ് - പാകത്തിന്
മല്ലി - 1 ടേബിൾ സ്പൂണ്‍
മല്ലിയില - 1/2 കെട്ട്
പച്ചമുളക് - 3 എണ്ണം
തയാറാക്കുന്നത്
വെളുത്തുള്ളി, പെരുംജീരകം, പച്ചമുളക്, മല്ലിയില, മല്ലി, ഗരം മസാലപ്പൊടി, ഉപ്പ് എന്നിവ അരയ്ക്കുക. ഇതു കഴുകി വൃത്തിയാക്കി വരഞ്ഞുവച്ച മീനിൽ ചേർത്തുപിടിപ്പിക്കുക. 1/2 മണിക്കൂർ വയ്ക്കുക. കടലമാവും മൈദാമാവും അല്പം വെള്ളവും ആയി ചേർത്തിളക്കി പേസ്റ്റ് രൂപത്തിലാക്കുക. ഇതു മീനിൽ തേച്ചുപിടിപ്പിച്ചുവയ്ക്കുക. ഇതു ചൂടെണ്ണയിൽ വറുത്തു പകുതി വേവാക്കി കോരുക. വിളന്പാറാകുന്പോൾ മീൻ നന്നായി വറുത്തു കോരുക. നാരങ്ങാനീര് മീതെ ഒഴിച്ച് വിളന്പുക.
ചോക്ലേറ്റ് ആൻഡ് ഓറഞ്ച് കപ്പ് കേക്ക്
ചേരുവകൾ
ബട്ടർ, മയപ്പെടുത്തിയത് - 115 ഗ്രാം
പൊടിച്ച പഞ്ചസാര - 115 ഗ്രാം
ഓറഞ്ച് തൊലി ഗ്രേറ്റ് ചെയ്തത് - 1 പകുതി ഓറഞ്ചിന്‍റെ
ഓറഞ്ച് നീര് - 1 ടേബിൾ സ്പൂൺ
മുട്ട - 2 എണ്ണം; ചെറുതായടിച്ചത്
പ്ലെയിൻ ചോക്ലേറ്റ്, ഗ്രേറ്റ് ചെയ്തത് - 25 ഗ്രാം
മൈദ - 115 ഗ്രാം
ഫ്രൂട്ട് കാന്‍റീസ് - അലങ്കരിക്കാൻ
ബേക്കിംഗ് പൗഡർ 1 ടീസ്പൂണ്‍
ടോപ്പിംഗിന്: പ്ലെയിൻ ചോക്ലേറ്റ് കഷണ ങ്ങൾ ആക്കിയത് - 115 ഗ്രാം
ഉപ്പില്ലാത്ത ബട്ടർ - 25 ഗ്രാം
പഞ്ചസാര ഉരുക്കി തേനിന്‍റെ നിറമാക്കിയത് - 1 ടേബിൾസ്പൂണ്‍
തയാറാക്കുന്നത്
ഓവന്‍റെ താപനില 180 ഡിഗ്രിയിൽ ക്രമീകരിച്ച് പ്രീ ഹീറ്റ് ചെയ്യുക. 16 പേപ്പർ ബേക്കിംഗ് കെയ്സസ് ബണ്‍ ടിന്നുകളിൽ ഇടുക. അല്ലെങ്കിൽ 16 എലയർ പേപ്പർ കേയ്സസ് ഒരു ബേക്കിംഗ് ട്രേയിൽ വയ്ക്കുക.
ഒരു ബൗളിൽ ബട്ടറും പഞ്ചസാരയും ഓറഞ്ചുതൊലി ചെറുതായരിഞ്ഞതും എടുത്ത് മയമാകുംവരെ ബീറ്റ് ചെയ്യുക. ഇനി മുട്ട ചേർത്തും ബീറ്റ് ചെയ്യുക. ഇനി മൈദയും ബേക്കിംഗ് പൗഡറും കൂടി തെള്ളി ഇതിൽ ചേർക്കുക. ഒരു മെറ്റൽ സ്പൂണ്‍ കൊണ്ടിത് ഇളക്കുക. ഓറഞ്ചു നീരും ചോക്ലേറ്റ് ഗ്രേറ്റ് ചെയ്തതും ചേർത്തിളക്കി പേപ്പർ കെയ്സസിലേക്ക് ഓരോ സ്പൂണ്‍ വീതം ബാറ്റർ ഒഴിച്ച് ബേക്കിംഗ് ട്രേയിൽ നിരത്തി, ഓവനിൽ 20 മിനിറ്റ് വച്ച് ബേക്ക് ചെയ്തെടുക്കുക, ഇത് ഒരു പ്ലേറ്റിലേക്ക് ഇളക്കിയിടുക.
ഒരു ഹീറ്റ് പ്രൂഫ് ബൗളിൽ ചോക്ലേറ്റിട്ട് ബട്ടർ ചേർത്തു സിറപ്പുപോലാക്കുക, ഈ ബൗളിൽ കുറച്ച് വെള്ളമെടുത്ത് മറ്റൊരു വലിയ ബൗളിൽ ഇറക്കിവച്ച് ചൂടാക്കുക. വാങ്ങിവച്ച് മയമാകുംവരെ ഇളക്കുക. ഇനിയിത് കേക്കിനു മീതെ വ്യാപിപ്പിച്ച് ഓറഞ്ച് തൊലി അരിഞ്ഞത് ഓരോ കപ്പ് കേക്കിനും മീതെ വച്ച് വിളന്പുക.
ഇന്ദു നാരായണൻ