കിടന്നുകൊണ്ട് പറന്നവൾ
ശ​രീ​ര​ത്തി​ൽ ഒ​രു കൊ​തു​കു​വ​ന്നു കു​ത്തി​യാ​ൽ​പോ​ലും ഓ​ടി​ച്ചു​ക​ള​യാ​ൻ സാ​ധി​ക്കാ​തെ നി​ശ്ച​ല​യാ​യി കി​ട​ക്കേ​ണ്ടി​വ​ന്നി​ട്ടും ദൈ​വ​ത്തെ സ്തു​തി​ച്ചു​കൊ​ണ്ടേ​യി​രു​ന്നു സ​ര​സു തോ​മ​സ്. ഇ​ട​ക്കാ​ല​ത്ത് സ​ര​സു​വി​ന്‍റെ മൊ​ബൈ​ൽ ഫോ​ണി​ലെ റിം​ഗ്ടോ​ണ്‍ എ​ന്താ​യി​രു​ന്നു എ​ന്നു കേ​ൾ​ക്കു​ക: എ​ത്ര സ്തു​തി​ച്ചാ​ലും മ​തി​വ​രി​ല്ല, നി​ന്‍റെ സ്നേ​ഹം വ​ർ​ണി​ച്ചീ​ടാ​ൻ നാ​വു​ക​ൾ പോ​രാ...

തി​രു​വ​ന​ന്ത​പു​ര​ത്തെ ചെ​ഷ​യ​ർ ഹോ​മി​ലി​രു​ന്നു​കൊ​ണ്ട് ലോ​ക​ത്തെ സ്നേ​ഹാ​ർ​ദ്ര​മാ​യി നോ​ക്കി​ക്ക​ണ്ട സ​ര​സു തോ​മ​സ് ഇ​ക്ക​ഴി​ഞ്ഞ ഫെബ്രുവരി 22ന് യാ​ത്ര​യാ​യി. സ​ര​സു​വി​നെ അ​ടു​ത്ത​റി​യു​ന്പോ​ൾ അ​റി​യാ​തെ ചി​ന്തി​ച്ചു​പോ​കും, ബാ​ല്യം മു​ത​ൽ ജീ​വി​ത​പ​രീ​ക്ഷ​ണ​ങ്ങൾ നേ​രി​ട്ട ഒ​രാ​ൾ​ക്കു ദൈ​വ​ത്തെ ഇ​ങ്ങ​നെ സ്നേ​ഹി​ക്കാ​ൻ ക​ഴി​യു​മോ? സ്വ​ന്തം ജീ​വി​ത​ത്തെ ഇ​ത്ര​മേ​ൽ സ്നേ​ഹി​ക്കാ​ൻ സാ​ധി​ക്കു​മോ? നീ​ണ്ട 58 വ​ർ​ഷ​ത്തെ നി​ശ്ച​ല​ത സ​ര​സു​വി​ന്‍റെ ആ​ന്ത​രി​ക അ​വ​യ​വ​ങ്ങ​ളെ​പ്പോലും ബാ​ധി​ച്ചി​രു​ന്നു. പ്ര​ധാ​ന അ​വ​യ​വ​ങ്ങ​ളു​ടെ പ്ര​വ​ർ​ത്ത​ന​ങ്ങ​ളു​ടെ താ​ളം​പോ​ലും പ​ല​പ്പോ​ഴും തെ​റ്റി. പ​ല​ത​വ​ണ അ​ത്യാ​സ​ന്ന​നി​ല​യി​ൽ ആ​ശു​പ​ത്രി​യി​ലാ​യി. അ​പ്പോ​ഴെ​ല്ലാം സ്വ​ന്തം മ​ന​സി​ന്‍റെ ക​രു​ത്തു​കൊ​ണ്ട് സ​ര​സു വീ​ണ്ടും ജീ​വി​ത​ത്തി​ലേ​ക്കു മ​ട​ങ്ങി​വ​ന്നു.

2017 ഒ​ക്ടോ​ബ​റി​ൽ ആ​ശു​പ​ത്രി​യി​ലാ​യ​പ്പോ​ൾ കു​ട​ൽ ചു​രു​ങ്ങി​യ​തു​കൊ​ണ്ട് ഇ​നി സാ​ധാ​ര​ണ ഭ​ക്ഷ​ണ​മൊ​ന്നും ക​ഴി​ക്കാ​ൻ ക​ഴി​യി​ല്ലെ​ന്നു ഗ്യാ​സ്ട്രോ എ​ൻ​റോ​ള​ജി​സ്റ്റ് പ​റ​ഞ്ഞി​രു​ന്നു.
ഇ​നി​യും ക​ടു​ത്ത പ​രീ​ക്ഷ​ണ​മോ? എ​ന്നു ക​ണ്ണീ​രോ​ടെ പ്രാ​ർ​ഥി​ക്കു​ന്പോ​ൾ ദൈ​വ​ത്തി​ന്‍റെ സാ​ന്ത്വ​ന​ശ​ബ്ദം താ​ൻ കേ​ട്ടു എ​ന്നു സ​ര​സു തോ​മ​സ് പ​റ​ഞ്ഞി​രു​ന്നു. അ​ടു​ത്ത​ദി​വ​സം വ​യ​ർ പ​രി​ശോ​ധി​ച്ച ഡോ​ക്ട​ർ രോ​ഗം സു​ഖ​പ്പെ​ട്ട​താ​യി അ​റ​യി​ക്കു​ക​യും ചെ​യ്തു

ത​ള​ർ​ന്നു​പോ​യ ശ​രീ​ര​മാ​ണെ​ങ്കി​ലും ശ​ക്ത​മാ​യ മ​ന​സും ഇ​ച്ഛാ​ശ​ക്തി​യും ഉ​ണ്ടാ​യി​രു​ന്നാ​ൽ എ​ന്തും ഈ ​ലോ​ക​ത്ത് നേ​ടാം എ​ന്നു​ള്ള ഒ​രു നി​ശ​ബ്ദ പ്ര​ഖ്യാ​പ​നം പോ​ലെ സ​ര​സു ജീ​വി​ച്ചു. കു​റേ മ​നു​ഷ്യ​സ്നേ​ഹി​ക​ൾ സ​ര​സു​വി​നെ അ​റി​ഞ്ഞു. ഭു​രി​പ​ക്ഷ​വും അ​റി​യാ​തെ​പോ​യി. സ​ര​സു പ​ക്ഷേ, എ​ല്ലാ​വ​രെ​യും സ്വ​ന്തം ഹൃ​ദ​യ​ത്തോ​ടു​ത​ന്നെ ചേ​ർ​ത്തു​പി​ടി​ച്ചി​രു​ന്നു.

സ​ര​സു​വി​ന്‍റെ മ​ന​സും അ​ക്ഷ​ര​ങ്ങ​ളും സു​കൃ​തം​പ​ക​രാ​ൻ വേ​ണ്ടി മാ​ത്ര​മാ​യി​രു​ന്നു.
ക​ഴു​ത്തി​നു താ​ഴെ ച​ല​ന​മ​റ്റ് സ്ട്രെച്ചറി​ൽ​ക്കി​ട​ന്നി​രു​ന്ന സ​ര​സു തോ​മ​സി​ന് അ​ന​ക്കാ​ൻ ആ​കെ ക​ഴി​ഞ്ഞി​രു​ന്ന​ത് ര​ണ്ടു കൈ​ക​ളി​ലെ​യും മൂ​ന്നു വി​ര​ലു​ക​ൾ മാ​ത്രം. ക​മി​ഴ്ന്നു​കി​ട​ന്നു​കൊ​ണ്ട് വ​ള​രെ വേ​ദ​ന​യും പ്ര​യാ​സ​വും അ​നു​ഭ​വി​ച്ചാ​ൽ​ത്ത​ന്നെ ഒ​രു ദി​വ​സം എ​ഴു​താ​ൻ ക​ഴി​യു​ന്ന​ത് ചി​ല വ​രി​ക​ൾ മാ​ത്രം. ക​ണ്ണി​നു തൊ​ട്ട​ടു​ത്ത് പു​സ്ത​കം വ​ച്ചാ​ൽ മാ​ത്ര​മേ വാ​യി​ക്കാ​നും ക​ഴി​യൂ. അ​തി​നാ​ൽ വ​ള​രെ കു​റ​ച്ച് മാ​ത്ര​മേ വാ​യി​ക്കാ​നും സാ​ധി​ച്ചി​ട്ടു​ള്ളൂ. എ​ന്നി​ട്ടും ആ​ത്മ​ക​ഥ​യു​ൾ​പ്പെ​ടെ മൂ​ന്നു പു​സ്ത​ക​ങ്ങ​ൾ ര​ചി​ച്ചു. ക​ഥ​ക​ൾ, കവിതക​ൾ, നാ​ട​കം എ​ന്നി​വ​യും എ​ഴു​തി. അ​വ​സാ​ന നാ​ളു​ക​ളി​ൽ ഒ​രു നീ​ണ്ട ക​ഥ​യു​ടെ പ​ണി​പ്പു​ര​യി​ലു​മാ​യി​രു​ന്നു.

പ​ത്ത​നം​തി​ട്ട ജി​ല്ല​യി​ലെ കു​ന്പ​ളാം​പൊ​യ്ക പ​ള്ളി​ക്ക​ൽ വീ​ട്ടി​ൽ പി.​ജി. തോ​മ​സി​ന്‍റെ​യും അ​ന്നാ​മ്മ​യു​ടെ​യും എ​ട്ടാ​മ​ത്തെ മ​ക​ളാ​യി 1955 ജ​നു​വ​രി പ​ത്തി​നാ​ണ് ജ​ന​നം. അ​തീ​വ സൗ​ന്ദ​ര്യ​വും ബു​ദ്ധി​ശ​ക്തി​യും ഉ​ണ്ടാ​യി​രു​ന്ന കു​ട്ടി​യെ അ​ഞ്ചാ​മ​ത്തെ വ​യ​സി​ലാ​ണ് പോ​ളി​യോ ബാ​ധി​ക്കു​ന്ന​ത്.

പ്രാ​ഥ​മി​കാ​വ​ശ്യ​ങ്ങ​ൾ നി​റ​വേ​റ്റാ​ൻ പോ​ലും ഒ​രാ​ളു​ടെ സ​ഹാ​യം വേ​ണ്ടി​വ​രു​ന്ന അ​വ​സ്ഥ​യും ഏ​റെ പ​രി​താ​പ​ക​ര​മാ​യി​രു​ന്നു. സ​ര​സു​വി​ന്‍റെ വാ​ക്കു​ക​ൾ പ​ക​ർ​ത്താം ""പ്ര​തി​കൂ​ല സാ​ഹ​ച​ര്യ​ങ്ങ​ളെ അ​തി​ജീ​വി​ക്കു​ക എ​ന്ന​ത് എ​ളു​പ്പ​മ​ല്ല. വ​ള​രെ​യേ​റെ നി​രാ​ശ​യും വേ​ദ​ന​യും അ​നു​ഭ​വി​ച്ച ഒ​രു കാ​ല​യ​ള​വ് എ​ന്‍റെ ജീ​വി​ത​ത്തി​ൽ ഉ​ണ്ടാ​യി​ട്ടു​ണ്ട്...’’

ക​ത​ക് അ​ട​യു​ന്ന​തും തു​റ​ക്കു​ന്ന​തു​മാ​യ ശ​ബ്ദം കേ​ട്ടു കൊ​ണ്ട് നീ​റി​പ്പി​ട​ഞ്ഞ പ​ക​ലു​ക​ളും രാ​ത്രി​ക​ളും. എ​ന്നാ​ൽ ദു​രി​ത​ങ്ങ​ളു​ടെ തീ​ച്ചൂ​ള​യി​ൽ നി​ന്നും സ​ര​സു പു​റത്ത് ക​ട​ന്നു. അ​വ​സാ​ന കാ​ല​ങ്ങ​ളി​ൽ പു​ഞ്ചി​രി​യോ​ടെ സ​ര​സു​തോ​മ​സ് പ​റ​ഞ്ഞി​രു​ന്ന​ത് "ആ​ശ്ര​യ​ത്വ​ത്തി​ന്‍റെ അ​വ​സ്ഥ ഇ​ന്നും എ​ന്‍റെ ശ​രീ​ര​ത്തി​നു​ണ്ട്. എ​ന്നാ​ൽ എ​ന്‍റെ മ​ന​സ് മ​റ്റൊ​രു നി​ല​യി​ലെ​ത്തി. അ​ത് ദൈ​വ​ത്തി​ന്‍റെ കാ​രു​ണ്യം ഒ​ന്നു​കൊ​ണ്ട് മാ​ത്ര​മാ​ണ്. ദൈ​വ​ത്തെ ആ​ശ്ര​യി​ച്ച് ജീ​വി​ക്കു​ന്പോ​ൾ ല​ഭി​ക്കു​ന്ന ആ​ന​ന്ദ​വും, ആ​ത്മവി​ശ്വാ​സ​വും ഞാ​ൻ ഓ​രോ നി​മി​ഷ​വും അ​നു​ഭ​വി​ക്കു​ക​യാ​ണ്. ബൈ​ബി​ൾ ത​ന്‍റെ മ​ഹാ​സ്വാ​ധീ​ന​മാ​ണെ​ന്നും സ​ര​സു പ​റ​യു​മാ​യി​രു​ന്നു. ത​ന്നി​ലൂ​ടെ ദൈ​വ​നി​യോ​ഗ​ങ്ങ​ൾ പ്രാ​വ​ർ​ത്തി​ക​മാ​കു​ന്നു​ണ്ടെ​ന്നും അ​വ​ർ വി​ശ്വ​സി​ച്ചു.

’ജ​യ​ത്തി​നു​ണ്ടോ കു​റു​ക്കു​വ​ഴി’ എ​ന്ന പു​സ്ത​കം ആ ​വി​ശ്വാ​സ​ത്തി​ൽ നി​ന്നും ജീ​വ​ൻ വ​ച്ച​താ​ണ്. ചു​റ്റു​മു​ള്ള​വ​രെ, യു​വ​ത​ല​മു​റ​യെ പ്ര​ചോ​ദി​പ്പി​ക്കു​വാ​ൻ ഏ​റെ ക​ഷ്ട​പ്പെ​ട്ട് ക​മി​ഴ്ന്നു കി​ട​ന്നു സ​ര​സു​തോ​മ​സ് എ​ഴു​തി.

അ​പ​ക​ട​മേ​റ്റ് ത​ക​ർ​ന്ന ശ​രീ​ര​ത്തി​ൽ​നി​ന്നും എ​ഴു​ന്നേ​റ്റ് മി​ക​ച്ച ഓ​ട്ട​ക്കാ​ര​നാ​യി മാ​റി​യ ജോ​ണി ഫു​ൾ​ട്ട​ണ്‍ മു​ത​ൽ ജോ​നി​യു​ടെ വ​രെ ജീ​വി​ത വി​ജ​യ​ങ്ങ​ൾ വി​ക​ലാം​ഗ​രു​ടെ ക്ഷേ​മ​പ്ര​വ​ർ​ത്ത​ന​ങ്ങ​ൾ​ക്കാ​യി ജീ​വി​ക്കു​ന്ന അ​മേ​രി​ക്ക​യി​ലെ ജോ​നി ഇ​റേ​ക്സ​ണ്‍ ടാ​ഡ ത​ന്നെ​യാ​യി​രു​ന്നു സ​ര​സു തോ​മ​സി​ന്‍റെ ഏ​റ്റ​വും വ​ലി​യ പ്ര​ചോ​ദ​ന​വും. നീ​ന്ത​ൽക്കു​ള​ത്തി​ൽ വ​ച്ചു​ണ്ടാ​യ അ​പ​ക​ട​ത്തെ തു​ട​ർ​ന്നു ച​ലി​ക്കു​വാ​ൻ ക​ഴി​യാ​തെ വ​ന്ന ജോ​നി വാ​യ് കൊ​ണ്ട് വ​ര​യ്ക്കു​ക​യും എ​ഴു​തു​ക​യും ചെ​യ്തി​രു​ന്നു.

ഇ​ന്‍റ​ർ​നെ​റ്റി​ൽ അ​നാ​യാ​സം സെ​ർ​ച്ച് ന​ട​ത്തി വി​വ​ര​ങ്ങ​ൾ സ്വ​ന്ത​മാ​ക്കു​വാ​ൻ ക​ഴി​യു​ന്ന സ​ര​സ പ​ത്ര​വാ​ർ​ത്ത​ക​ളി​ൽ നി​ന്നും മ​റ്റും ക​ണ്ടെ​ടു​ത്ത അ​റി​വു​ക​ളാ​ണ് പു​സ്ത​ക​ത്തി​ൽ ഉ​പ​യോ​ഗി​ച്ചി​രു​ന്ന​ത്. സ്വ​ന്തം അ​നു​ഭ​വ​ങ്ങ​ളും ജീ​വി​ത വീക്ഷ​ണ​വും കൂ​ടി​ച്ചേ​ർ​ന്ന​പ്പോ​ൾ അ​തൊ​രു മി​ക​ച്ച സൃ​ഷ്ടി​യാ​യി മാ​റി. സ്വ​ന്തം ആ​ഗ്ര​ഹ​പ്ര​കാ​രം 1978-ൽ ​തി​രു​വ​ന​ന്ത​പു​ര​ത്തെ​ത്തി​യ സ​ര​സു തോ​മ​സ് ചെ​ഷ​യ​ർ ഹോ​മി​ൽ ഒ​രു വ​ലി​യ സ്നേ​ഹ​സാ​ന്നി​ധ്യം ബാ​ക്കി​യാ​ക്കി​യാ​ണ് യാ​ത്ര​യാ​യ​തും. എ​ഴു​തി തു​ട​ങ്ങി​യ നീ​ണ്ട​ക​ഥ​യും ഇ​വി​ടെ ബാ​ക്കി​യാ​കു​ന്നു.

എ​സ്. മ​ഞ്ജു​ളാ​ദേ​വി


Copyright @ 2022 , Rashtra Deepika Ltd.