മനസേ, ഇതാ ഗാനരസം!
വി​ശേ​ഷ​ണ​ങ്ങ​ളെ വെല്ലുന്നതാണ് രാ​ഹു​ൽ വെ​ല്ലാ​ൽ എ​ന്ന പ്ര​തി​ഭ​യു​ടെ സ്ഥാ​നം. പാ​ടി​ത്തു​ട​ങ്ങി​യാ​ൽ അ​വ​ൻ കേ​ൾ​വി​ക്കാ​രെ നി​ഷ്ക​ള​ങ്ക​മാ​യ മ​റ്റൊ​രു ലോ​ക​ത്തേ​ക്കു കൊ​ണ്ടു​പോ​കും, ചെ​റു​പു​ഞ്ചി​രി​യോ​ടെ.. രാ​ഹു​ലി​നെ കേ​ൾ​ക്കു​ക...

ഒ​രു പ​തി​നൊ​ന്നു​വ​യ​സു​കാ​ര​നോ​ടു സം​സാ​രി​ക്കു​ക​യാ​യി​രു​ന്നു. അ​വ​ൻ ആ​ദ്യം പ​റ​ഞ്ഞ ന​മ​സ്തേ​യി​ൽ​ത്ത​ന്നെ മ​ന​സു​പ​തി​ഞ്ഞു- അ​ത്ര​യ്ക്കു കു​ട്ടി​ത്ത​വും ഇ​ത്തി​രി നാ​ണം​ക​ല​ർ​ന്ന കൗ​തു​ക​വു​മു​ണ്ടാ​യി​രു​ന്നു അ​തി​ൽ.

അ​വ​നോ​ടു ചോ​ദി​ച്ചു: ക്ലാ​സി​ൽ കൂ​ട്ടു​കാ​ർ പാ​ട്ടു​പാ​ടാ​ൻ ആ​വ​ശ്യ​പ്പെ​ടാ​റു​ണ്ടോ?

ഉ​വ്വ്. ടീ​ച്ച​ർ​മാ​ർ ന​ല്ല മൂ​ഡി​ലാ​ണെ​ങ്കി​ൽ എ​ന്നോ​ടു പാ​ടാ​ൻ പ​റ​യും. സ്കൂ​ൾ വാ​ർ​ഷി​ക​ത്തി​ന് ഞാ​ൻ സി​നി​മാ​പ്പാ​ട്ടു പ​ഠി​ച്ചു പാ​ടാ​റു​ണ്ട്.

ഏ​താ​ണ് പ​ഠി​ക്കാ​ൻ ഏ​റ്റ​വും ഇ​ഷ്ട​മു​ള്ള വി​ഷ​യം?

ക​ണ​ക്ക്

ഹോ​ബി​ക​ൾ എ​ന്തൊ​ക്കെ​യാ​ണ്?

എ​നി​ക്ക് നാ​യ്ക്കു​ട്ടി​ക​ളെ വ​ലി​യ ഇ​ഷ്ട​മാ​ണ്. അ​ടു​ത്ത വീ​ട്ടി​ലു​ള്ള നാ​യ്ക്കു​ട്ടി​യോ​ടൊ​പ്പം ക​ളി​ക്കാ​ൻ പോ​കും. ക്രി​ക്ക​റ്റ് ക​ളി​ക്കാ​നും ഇ​ഷ്ട​മാ​ണ്. പി​ന്നെ അ​മ്മ​യു​ടെ കൂ​ടെ സ​മ​യം ചെ​ല​വി​ടും.

പാ​ട്ടു​പ​ഠി​ക്കു​ന്ന​ത് സ്കൂ​ളി​ലെ വി​ഷ​യ​ങ്ങ​ൾ കൂ​ടു​ത​ൽ ന​ന്നാ​യി പ​ഠി​ക്കാ​ൻ സ​ഹാ​യി​ക്കാ​റു​ണ്ടോ?

ഉ​വ്വ്. ഓ​ർ​മ​ശ​ക്തി കൂ​ട്ടാ​ൻ സം​ഗീ​തം ന​ല്ല​താ​ണ്. കൂ​ടു​ത​ൽ ഏ​കാ​ഗ്ര​ത​യും കി​ട്ടു​ന്നു​ണ്ട്.
ഇ​ത്ര​യും പ​റ​ഞ്ഞ് അ​വ​ൻ അ​ക​ത്തെ മു​റി​യി​ലേ​ക്ക് ഓ​ടി​പ്പോ​യി. പി​റ്റേ​ന്ന് അ​വ​ന് ആ​റാം ക്ലാ​സി​ലെ ഫൈ​ന​ൽ പ​രീ​ക്ഷ​യാ​യി​രു​ന്നു.

ഇ​നി അ​വ​നെ നി​ങ്ങ​ളു​മൊ​ന്നു ക​ണ്ടും കേ​ട്ടും നോ​ക്കൂ. യു​ട്യൂ​ബ് എ​ടു​ത്ത് അ​വ​ന്‍റെ പേ​രാ​യ രാ​ഹു​ൽ വെ​ല്ലാ​ൽ എ​ന്നു തെ​ര​യു​ക. തു​ട​ക്ക​ത്തി​ൽ അ​വ​ൻ പാ​ടി​യ ഒ​രു കീ​ർ​ത്ത​നം കാ​ണാം- പി​ബ​രേ രാ​മര​സം.. ആ​ഹി​ർ​ഭൈ​ര​വ് രാ​ഗ​ത്തെ അ​വ​ൻ ഒ​രു ചെ​റു​പു​ഞ്ചി​രി​യോ​ടെ നി​ങ്ങ​ളു​ടെ മ​ന​സി​ലേ​ക്ക് കു​ടി​യി​രു​ത്തു​ക​യാ​ണ്., ഭ​ക്തി​ഭാ​വം നി​റ​യ്ക്കു​ക​യാ​ണ്.. കേ​ട്ട​വ​ർ പ​റ​യു​ന്നു- നീ ​ഞ​ങ്ങ​ളു​ടെ ആ​ത്മാ​വി​നെ ശു​ദ്ധീ​ക​രി​ക്കു​ന്നു​വ​ല്ലോ.., കു​ഞ്ഞേ, നീ ​ആ​രാ​ണ്!

ഏ​താ​ണ്ട് ഒ​ന്ന​ര​ക്കൊ​ല്ലം​കൊ​ണ്ട് 43 ല​ക്ഷ​ത്തോ​ളം ത​വ​ണ​യാ​ണ് ആ​ളു​ക​ൾ ആ ​കീ​ർ​ത്ത​നം കേ​ട്ടി​രി​ക്കു​ന്ന​ത്. ഇ​പ്പോ​ഴും കേ​ട്ടു​കൊ​ണ്ടി​രി​ക്കു​ന്ന​ത്. കേ​ൾ​വി​ക്കാ​രി​ലേ​ക്കു പി​ന്നീ​ടു വ​രാം. ആ​ദ്യം അ​വ​രു​ടെ ചോ​ദ്യം നോ​ക്കാം- കു​ഞ്ഞേ, നീ ​ആ​രാ​ണ്?

മ​ക​നെ​ക്കു​റി​ച്ച് അ​ച്ഛ​ൻ

ബം​ഗ​ളു​രു​വി​ൽ പ്ര​ശ​സ്ത ഐ​ടി സ്ഥാ​പ​ന​മാ​യ ഐ​ബി​എ​മ്മി​ൽ ജോ​ലി​ചെ​യ്യു​ന്ന ര​വി​ശ​ങ്ക​ർ വെ​ല്ലാ​ലി​നും ഭാ​ര്യ ഹേ​മ സൂ​ര്യ​നാ​രാ​യ​ണ​യ്ക്കും സം​ഗീ​ത​പാ​ര​ന്പ​ര്യ​മൊ​ന്നു​മി​ല്ല. സ്മാ​ർ​ട്ട്ഫോ​ണ്‍ യു​ഗ​മാ​യ​തോ​ടെ​യാ​ണ് ര​ണ്ടു​പേ​രും കൂ​ടു​ത​ൽ പാ​ട്ടു​ക​ൾ കേ​ട്ടു​തു​ട​ങ്ങി​യ​ത്. മ​ക​ൻ രാ​ഹു​ലി​ന് അ​ന്നു ക​ഷ്ടി​ച്ചു ര​ണ്ട​ര വ​യ​സേ​യു​ള്ളൂ. പ​ക്ഷേ അ​വ​ൻ വ​ള​രെ​പ്പെ​ട്ടെ​ന്നു പാ​ട്ടു​ക​ൾ തി​രി​ച്ച​റി​യാ​നും സ്വ​ന്തം ശ​ബ്ദ​ങ്ങ​ൾ​വ​ച്ചു പു​ന​രാ​വി​ഷ്കാ​രി​ക്കാ​നും തു​ട​ങ്ങി. അ​ങ്ങ​നെ​യ​വ​ർ അ​വ​നെ ക​ർ​ണാ​ട​ക സം​ഗീ​തം പ​ഠി​പ്പി​ക്കാ​ൻ തീ​രു​മാ​നി​ച്ചു.

ര​വി​ശ​ങ്ക​ർ പ​റ​യു​ന്നു: പാ​ട്ടു​പ​ഠി​പ്പി​ക്ക​ണ​മെ​ന്നു​റ​പ്പി​ച്ച സ​മ​യ​ത്ത് ബം​ഗ​ളു​രു​വി​ൽ ഒ​ട്ട​ന​വ​ധി ഗു​രു​ക്കന്മാ​രെ സ​മീ​പി​ച്ചി​രു​ന്നു. തീ​രെ ചെ​റി​യ പ്രാ​യ​മാ​ണെ​ന്നു പ​റ​ഞ്ഞ് മി​ക്ക​വ​രും അ​വ​നെ പ​ഠി​പ്പി​ക്കാ​ൻ ത​യാ​റാ​യി​ല്ല. അ​തി​നാ​ൽ മൂ​ന്ന​ര​വ​യ​സാ​യ​പ്പോ​ൾ അ​വ​നെ ശ്ലോ​ക​ങ്ങ​ൾ പ​ഠി​പ്പി​ക്കാ​ൻ ചേ​ർ​ത്തു. സ​ങ്കീ​ർ​ണ​മാ​യ ശ്ലോ​ക​ങ്ങ​ൾ പ​രി​ശീ​ലി​ച്ച​തോ​ടെ അ​വ​ന് വാ​ക്കു​ക​ൾ പെ​ട്ടെ​ന്നു വ​ഴ​ങ്ങി. അ​ങ്ങ​നെ നാ​ലു വ​യ​സു​ള്ള​പ്പോ​ൾ വി​ദ്വാ​ൻ സു​ചേ​ത​ൻ രം​ഗ​സ്വാ​മി​യു​ടെ അ​ടു​ത്തെ​ത്തി. അ​ദ്ദേ​ഹം അ​വ​നെ പ​ഠി​പ്പി​ക്കാ​മെ​ന്നു സ​മ്മ​തി​ച്ചു.

അ​ദ്ദേ​ഹ​ത്തി​ന്‍റെ സ്ഥ​ലം വ​ള​രെ ദൂ​ര​ത്താ​യി​രു​ന്നു. ബ​സ​വ​ന​ഗു​ഡി​യി​ലെ ഞ​ങ്ങ​ളു​ടെ വീ​ട്ടി​ൽ​നി​ന്ന് ര​ണ്ടു​മ​ണി​ക്കൂ​റോ​ളം യാ​ത്ര​യു​ണ്ട്. എ​ന്നി​ട്ടും ഇ​നി​യും അ​ധി​കം കാ​ത്തി​രി​ക്കാ​നാ​വി​ല്ലെ​ന്ന ചി​ന്ത​യി​ലാ​യി​രു​ന്നു ഞ​ങ്ങ​ൾ. കാ​ര​ണം കു​ട്ടി​ക​ളു​ടെ താ​ത്പ​ര്യ​ങ്ങ​ൾ വ​ള​രെ എ​ളു​പ്പ​ത്തി​ൽ മാ​റി​യേ​ക്കാ​മ​ല്ലോ. ആ​ഴ്ച​യി​ൽ ര​ണ്ടോ മൂ​ന്നോ ക്ലാ​സു​ക​ൾ. എ​ന്നാ​ൽ എ​ല്ലാ​ത്ത​വ​ണ​യും ഞ​ങ്ങ​ൾ​ക്ക​ത് വ​ലി​യ ഓ​ട്ട​മാ​യി​രു​ന്നു. ഞാ​ൻ ഓ​ഫീ​സി​ൽ​നി​ന്നു വ​ന്ന​ശേ​ഷം വൈ​കീ​ട്ട് ആ​റി​നാ​ണ് അ​വ​നെ ഗു​രു​വി​ന​ടു​ത്ത് കൊ​ണ്ടു​പോ​കാ​റ്. ഒ​ന്പ​തു മ​ണി​യാ​ക​ണം അ​വി​ടെ​നി​ന്നു തി​രി​ക്കാ​ൻ. അ​തു​കൊ​ണ്ടു​ത​ന്നെ അ​വ​ൻ കാ​റി​ലി​രു​ന്നാ​ണ് പ്രാ​ക്ടീ​സ് ചെ​യ്യു​ക പ​തി​വ്. വീ​ട്ടി​ലെ​ത്തി​യാ​ൽ അ​വ​നു പി​ന്നെ മ​റ്റൊ​ന്നി​നും സ​മ​യ​മി​ല്ലാ​യി​രു​ന്നു. സി​സ്കോ ക​ന്പ​നി​യി​ൽ ജോ​ലി​ചെ​യ്തി​രു​ന്ന ഭാ​ര്യ രാ​ജി​വ​ച്ച് അ​വ​ന്‍റെ കാ​ര്യ​ങ്ങ​ളി​ൽ മാ​ത്ര​മാ​യി മു​ഴു​കി.

ഇ​പ്പോ​ൾ വി​ദു​ഷി ക​ലാ​വ​തി അ​വ​ധൂ​തി​നു കീ​ഴി​ലാ​ണ് സം​ഗീ​തം പ​ഠി​ക്കു​ന്ന​ത്. ദി​വ​സ​വും മൂ​ന്നു​മ​ണി​ക്കൂ​ർ വ​രെ അ​വ​ൻ പ്രാ​ക്ടീ​സ് ചെ​യ്യും. രാ​വി​ലെ ആ​റ​ര​യ്ക്ക് എ​ഴു​ന്നേ​ൽ​ക്കും. ഞാ​ൻ വൈ​കീ​ട്ട് ഓ​ഫീ​സി​ൽ​നി​ന്നു തി​രി​ച്ചെ​ത്തി​യ​ശേ​ഷ​മാ​ണ് അ​വ​ൻ പ​രി​ശീ​ല​നം ന​ട​ത്തു​ന്ന​ത്. തു​ട​ക്കം​മു​ത​ൽ അ​ങ്ങ​നെ​യാ​ണ് ശീ​ലം. അ​വ​നും അ​താ​ണ് ഇ​ഷ്ടം. എ​നി​ക്ക് സം​ഗീ​ത​ത്തെ​ക്കു​റി​ച്ച് ഒ​ന്നു​മ​റി​യി​ല്ലെ​ങ്കി​ലും പാ​ടി​യ​തു ന​ന്നാ​യോ ഇ​ല്ലേ എ​ന്ന് അ​വ​നു ഞാ​ൻ പ​റ​ഞ്ഞു​കേ​ൾ​ക്ക​ണം. ഇ​പ്പോ​ൾ ക​ർ​ണാ​ട​ക സം​ഗീ​ത​ത്തി​നു പു​റ​മേ മൃ​ദം​ഗ​വും പി​യാ​നോ​യും അ​ഭ്യ​സി​ക്കു​ന്നു​ണ്ട്.

ക​ച്ചേ​രി​ക​ൾ, പു​ര​സ്കാ​ര​ങ്ങ​ൾ

അ​ബു​ദാ​ബി​യി​ൽ ക​ഴി​ഞ്ഞ​വ​ർ​ഷ​മാ​ദ്യ​മാ​യി​രു​ന്നു രാ​ഹു​ലി​ന്‍റെ രാ​ജ്യ​ത്തി​നു പു​റ​ത്തെ ആ​ദ്യ ക​ച്ചേ​രി. അ​വി​ടെ സ​ർ​വ​മം​ഗ​ള​സ​ഭ​യി​ൽ ഉ​ദ്ഘാ​ട​ന ക​ച്ചേ​രി​യാ​യി​രു​ന്നു അ​ത്. നി​റ​ഞ്ഞ സ​ദ​സ്സി​ൽ​നി​ന്ന് തു​ട​ക്കം​മു​ത​ൽ​ക്കേ വി​സ്മ​യ​ക​ര​മാ​യ പ്ര​തി​ക​ര​ണ​മാ​ണ് ല​ഭി​ച്ച​ത്. അ​ബു​ദാ​ബി​പോ​ലെ​യു​ള്ള ഒ​രി​ട​ത്ത് അ​ത് തീ​ർ​ത്തും അ​പ്ര​തീ​ക്ഷി​ത​മാ​യി​രു​ന്നു​വെ​ന്ന് ര​വി​ശ​ങ്ക​ർ പ​റ​യു​ന്നു. ഗു​രു​വാ​യൂ​ർ ക്ഷേ​ത്ര​സ​ന്നി​ധി​യി​ൽ പാ​ടി​യ​താ​ണ് മ​റ്റൊ​രു സു​ന്ദ​രാ​നു​ഭ​വം. അ​തൊ​ര​നു​ഗ്ര​ഹ​മാ​യാ​ണ് ഈ ​കു​ടും​ബം കാ​ണു​ന്ന​ത്.

രാ​ജ്യ​ത്തെ ഒ​ട്ടു​മി​ക്ക പ്ര​ധാ​ന​വേ​ദി​ക​ളി​ലും ന​ട​ത്തി​യ ക​ച്ചേ​രി​ക​ൾ​ക്കു പു​റ​മേ സിം​ഗ​പ്പു​ർ, നൈ​ജീ​രി​യ എ​ന്നി​വി​ട​ങ്ങ​ളി​ലും രാ​ഹു​ൽ പാ​ടി​യി​ട്ടു​ണ്ട്. സ്വ​യം ആ​സ്വ​ദി​ച്ചാ​ണ് ഓ​രോ വേ​ദി​ക​ളി​ലും പാ​ടു​ന്ന​ത്. അ​ത്ര​യും അ​യ​ത്ന​ല​ളി​ത​മാ​യാ​ണ് അ​വ​ന്‍റെ ആ​ലാ​പ​ന​മെ​ന്ന​ത് ആ ​മു​ഖ​ത്തെ ചി​രി​യി​ൽ കാ​ണാം. അ​തു വ​ള​രെ സ്വാ​ഭാ​വി​ക​മാ​യി വ​രു​ന്ന​താ​ണ്. തു​ട​ക്ക​കാ​ല​ത്തു​പോ​ലും ഒ​രു സ്റ്റേ​ജ് ഫി​യ​ർ അ​വ​നു​ണ്ടാ​യി​ട്ടി​ല്ലെ​ന്ന് ര​വി​ശ​ങ്ക​ർ പ​റ​ഞ്ഞു.

അ​തേ​സ​മ​യം ക​ച്ചേ​രി​ക​ൾ ഇ​പ്പോ​ൾ വ​ള​രെ​ക്കു​റ​ച്ചേ ചെ​യ്യു​ന്നു​ള്ളൂ. അ​ക്കാ​ര്യം അ​വ​ന്‍റെ ഇ​ഷ്ട​ത്തി​നു വി​ട്ടു​കൊ​ടു​ത്തി​രി​ക്കു​ക​യാ​ണ് ര​വി​ശ​ങ്ക​റും ഹേ​മ​യും. പാ​ടു​ന്ന​തി​നോ​ട് ഒ​രി​ക്ക​ലും അ​വ​ന് മ​ടു​പ്പു​തോ​ന്ന​രു​തെ​ന്ന ആ​ഗ്ര​ഹ​വും അ​തി​നു​പി​ന്നി​ലു​ണ്ട്. ഏ​പ്രി​ൽ എ​ട്ടി​ന് ബം​ഗ​ളു​രു​വി​ലെ വാ​ണി പ​ബ്ലി​ക് സ്കൂ​ളി​ലാ​ണ് അ​ടു​ത്ത ക​ച്ചേ​രി.

ഷ​ണ്മു​ഖാ​ന​ന്ദ എം.​എ​സ്. സു​ബ്ബ​ല​ക്ഷ്മി ഫെ​ലോ​ഷി​പ്, കേ​ന്ദ്ര​സ​ർ​ക്കാ​രി​ന്‍റെ സി​സി​ആ​ർ​ടി സ്കോ​ള​ർ​ഷി​പ് എ​ന്നി​വ​യ​ട​ക്കം ഒ​ട്ടേ​റെ പു​ര​സ്കാ​ര​ങ്ങ​ൾ രാ​ഹു​ലി​നു ല​ഭി​ച്ചി​ട്ടു​ണ്ട്. എ​ന്നാ​ൽ പു​ര​സ്കാ​ര​ങ്ങ​ൾ​കൊ​ണ്ട് അ​ള​ക്കാ​വു​ന്ന​ത​ല്ല ഈ ​ചെ​റു​പ്രാ​യ​ത്തി​ലെ അ​വ​ന്‍റെ പ്ര​തി​ഭ.

കഴിഞ്ഞദി​വ​സം പു​റ​ത്തി​റ​ങ്ങി​യ പു​തി​യ മ്യൂ​സി​ക് വീ​ഡി​യോ അ​ട​ക്കം രാ​ഹു​ൽ പാ​ടി​യ​വ​യെ​ല്ലാം യു​ട്യൂ​ബി​ൽ സൂ​പ്പ​ർ​ഹി​റ്റു​ക​ളാ​ണ്. ഒ​റ്റ​യ്ക്കും മ​റ്റു​ള്ള​വ​രോ​ടൊ​പ്പ​വും പാ​ടി​യ​വ ഇ​തി​ന​കം ര​ണ്ട​ര​ക്കോ​ടി​യി​ലേ​റെ ത​വ​ണ പ്ലേ ​ചെ​യ്യ​പ്പെ​ട്ടു. രാ​ഹു​ലി​ന്‍റെ ശ​ബ്ദം ആ​ശ്വാ​സ​മാ​യി​ക്കാ​ണു​ന്ന ല​ക്ഷ​ക്ക​ണ​ക്കി​നു​പേ​രു​ണ്ട്. അ​തു​കൊ​ണ്ടു​ത​ന്നെ​യാ​ണ് പ​ല​രും ക​മ​ന്‍റു​ക​ളി​ൽ ചോ​ദി​ക്കു​ന്ന​ത്- മ​ക​നേ, നീ ​ആ​രാ​ണ്, ഏ​തു പു​ണ്യാ​വ​താ​ര​മാ​ണ് എ​ന്ന്.

എ​ന്നാ​ൽ ഈ ​ക​മ​ന്‍റു​ക​ളൊ​ന്നും രാ​ഹു​ൽ കാ​ണാ​റി​ല്ല. സോ​ഷ്യ​ൽ മീ​ഡി​യ​യി​ൽ​നി​ന്ന് അ​വ​നൊ​രു അ​ക​ലം വ​ച്ചി​ട്ടു​ണ്ട്. ഫേ​സ്ബു​ക്ക് പേ​ജ് അ​ട​ക്ക​മു​ള്ള​വ അ​ച്ഛ​നു​മ​മ്മ​യു​മാ​ണ് കൈ​കാ​ര്യം ചെ​യ്യു​ന്ന​ത്. കേ​ൾ​വി​ക്കാ​ർ എ​ത്ര​ത​ന്നെ പ്ര​ശം​സി​ച്ചാ​ലും അ​വ​ന് അ​വ​സാ​ന​വാ​ക്ക് ഞ​ങ്ങ​ളി​ൽ​നി​ന്നു വേ​ണം. എ​ല്ലാ​യ്പ്പോ​ഴും ചോ​ദി​ക്കും- എ​ങ്ങ​നെ​യാ​ണ് ഞാ​ൻ പാ​ടി​യ​ത്, ന​ന്നാ​യോ?. എ​വി​ടെ​യെ​ങ്കി​ലും തെ​റ്റി​യോ എ​ന്ന്- ര​വി​ശ​ങ്ക​ർ പ​റ​യു​ന്നു.

ഇ​താ ഒ​രു കേ​ൾ​വി​ക്കാ​രി

രാ​ഹു​ലി​ന്‍റെ പി​ബ​രേ രാ​മര​സ​ത്തെ​ക്കു​റി​ച്ച് സാ​ന്ദ​ർ​ഭി​ക​മാ​യി ഒ​രാ​ളോ​ടു പ​റ​ഞ്ഞു. മ​റു​പ​ടി വി​സ്മ​യി​പ്പി​ക്കു​ന്ന​താ​യി​രു​ന്നു. അ​ദ്ദേ​ഹ​ത്തി​ന്‍റെ അ​ഞ്ചാം​ക്ലാ​സു​കാ​രി​യാ​യ മ​ക​ൾ ക​ഴി​ഞ്ഞ കു​റേ മാ​സ​ങ്ങ​ളാ​യി ഈ ​കീ​ർ​ത്ത​നം കേ​ട്ടാ​ണ് ഉ​റ​ങ്ങു​ന്ന​ത​ത്രേ! ഒ​രു ച​ന്ദ​ന​ത്തി​രി​യു​ടെ സു​ഗ​ന്ധ​വും തു​ട​ർ​ച്ച​യാ​യി രാ​ഹു​ലി​ന്‍റെ പാ​ട്ടും വേ​ണം അ​വ​ൾ​ക്കു​റ​ങ്ങാ​ൻ. ഇ​ട​ക്കാ​ല​ത്ത് ക​ടു​ത്ത പ​നി​യു​മാ​യി കി​ട​പ്പി​ലാ​യ​പ്പോ​ൾ ഇ​ത് എ​ത്ര​ത​വ​ണ കേ​ട്ടി​ട്ടു​ണ്ടാ​കു​മെ​ന്നു​പോ​ലും അ​റി​യി​ല്ല. അ​സു​ഖ​ത്തി​ന്‍റെ പ്ര​യാ​സ​ങ്ങ​ൾ അ​വ​ൾ മ​റി​ക​ട​ന്ന​ത് ഈ ​കീ​ർ​ത്ത​ന​ത്തി​ന്‍റെ സ​ഹാ​യ​ത്താ​ലാ​ണ്. പ​രീ​ക്ഷ​ക​ളു​ടെ ത​ലേ​ന്നും തു​ട​ർ​ച്ച​യാ​യി ഇ​തു കേ​ൾ​ക്കും. സു​ന്ദ​ര​മാ​യ ആ​ത്മ​വി​ശ്വാ​സ​മാ​ണ് രാ​ഹു​ൽ പാ​ട്ടി​ലൂ​ടെ പ​ക​ർ​ന്നു​ത​രു​ന്ന​തെ​ന്ന് അ​ച്ഛ​നും പ​റ​യു​ന്നു. പ്ര​ശ​സ്ത അ​വ​താ​ര​ക​ൻ സ​ന​ൽ പോ​റ്റി​യും ധ​രി​ത്രി​യു​മാ​ണ് ആ ​അ​ച്ഛ​നും മ​ക​ളും.

ഹരിപ്രസാദ്‌


Copyright @ 2022 , Rashtra Deepika Ltd.