22

ഗു​രു​ഗ്രാ​മി​ൽ വീ​ണ്ടും റോ​ഡ് റേ​ജ് ഭീ​തി ഉ​യ​ർ​ത്തി കാ​റു​ക​ൾ ത​മ്മി​ലി​ടി​ച്ച സം​ഭ​വം ച​ർ​ച്ച​യാ​കു​ന്നു. സെ​ക്ട​ർ 38 ലെ ​ഹൂ​ഡ മാ​ർ​ക്ക​റ്റി​ന് സ​മീ​പം ക​ഴി​ഞ്ഞ ദി​വ​സ​മാ​ണ് വാ​ഹ​ന​ങ്ങ​ൾ ത​മ്മി​ൽ കൂ​ട്ടി​യി​ടി​ച്ച ഞെ​ട്ടി​ക്കു​ന്ന സം​ഭ​വം അ​ര​ങ്ങേ​റി​യ​ത്.

വ​ഴി​യി​ൽ വെ​ച്ചു​ണ്ടാ​യ ത​ർ​ക്ക​മാ​ണ് പി​ന്നീ​ട് കാ​റു​ക​ൾ പ​ര​സ്പ​രം ത​ക​ർ​ക്കു​ന്ന ത​ര​ത്തി​ലു​ള്ള വ​ലി​യ അ​ക്ര​മ​ത്തി​ലേ​ക്ക് വ​ഴി​മാ​റി​യ​ത്. ഭ​യ​ന്നു​പോ​യ വ​ഴി​യാ​ത്ര​ക്കാ​രും സ​മീ​പ​ത്തു​ണ്ടാ​യി​രു​ന്ന​വ​രും പെ​ട്ടെ​ന്നു​ത​ന്നെ സു​ര​ക്ഷി​ത സ്ഥാ​ന​ങ്ങ​ളി​ലേ​ക്ക് മാ​റി​യ​തി​നാ​ൽ വ​ലി​യ ദു​ര​ന്തം ഒ​ഴി​വാ​യി.

റോ​ഡി​ൽ നേ​ർ​ക്കു​നേ​ർ നി​ർ​ത്തി​യി​ട്ടി​രു​ന്ന ക​റു​ത്ത ബ​ലേ​നോ​യും വെ​ള്ള ഹ്യു​ണ്ടാ​യ് ഓ​റ​യും ത​മ്മി​ലാ​യി​രു​ന്നു കൂ​ട്ടി​യി​ടി. വാ​ക്കു​ത​ർ​ക്ക​ത്തി​ന്‍റെ യ​ഥാ​ർ​ഥ കാ​ര​ണം വ്യ​ക്ത​മ​ല്ലെ​ങ്കി​ലും ത​ർ​ക്കം പെ​ട്ടെ​ന്ന് ത​ന്നെ കൈ​വി​ട്ടു​പോ​വു​ക​യാ​യി​രു​ന്നു.

വെ​ള്ള കാ​റി​ൽ നി​ന്നി​റ​ങ്ങി​യ ഡ്രൈ​വ​ർ​ക്ക് നേ​രെ ക​റു​ത്ത കാ​ർ വേ​ഗം പാ​ഞ്ഞ​ടു​ത്തെ​ങ്കി​ലും ഇ​യാ​ൾ അ​ത്ഭു​ത​ക​ര​മാ​യി ര​ക്ഷ​പ്പെ​ട്ടു. തു​ട​ർ​ന്ന്, അ​രി​ശം മൂ​ത്ത ഇ​യാ​ൾ വ​ഴി​യി​ൽ കി​ട​ന്ന ക​ല്ലെ​ടു​ത്ത് ക​റു​ത്ത കാ​റി​ന് നേ​രെ എ​റി​യു​ക​യും സ്വ​ന്തം വാ​ഹ​ന​ത്തി​ൽ തി​രി​കെ ക​യ​റി ബ​ലേ​നോ​യു​ടെ വ​ശ​ത്തേ​ക്ക് ബോ​ധ​പൂ​ർ​വ്വം ഇ​ടി​ച്ചു​ക​യ​റ്റു​ക​യു​മാ​യി​രു​ന്നു.

ദീ​ർ​ഘ​നേ​രം റോ​ഡി​ൽ ഭീ​തി പ​ര​ത്തി​യ ശേ​ഷ​മാ​ണ് ഇ​രു​വാ​ഹ​ന​ങ്ങ​ളും അ​വി​ടെ​നി​ന്ന് പി​രി​ഞ്ഞു​പോ​യ​ത്. നി​ല​വി​ൽ ഈ ​വി​ഷ​യ​ത്തി​ൽ പൊ​ലി​സി​ന് ഔ​ദ്യോ​ഗി​ക പ​രാ​തി​ക​ളൊ​ന്നും ല​ഭി​ച്ചി​ട്ടി​ല്ല. ഈ ​സം​ഭ​വം വാ​ഹ​ന​ങ്ങ​ൾ ആ​യു​ധ​മാ​ക്കു​ന്ന അ​പ​ക​ട​ക​ര​മാ​യ പ്ര​വ​ണ​ത​യെ​ക്കു​റി​ച്ചു​ള്ള ആ​ശ​ങ്ക വ​ർ​ധി​പ്പി​ച്ചി​രി​ക്കു​ക​യാ​ണ്.

Tags : Gurugram RoadRage GurugramNews ViralVideo DelhiNCR