17

ഹരിയാനയിലെ ഫരീദാബാദിൽ നിന്ന് പുറത്തുവന്ന ഒരു ദൃശ്യം ഇപ്പോൾ സമൂഹമാധ്യമങ്ങളിൽ വലിയ ചർച്ചയാകുകയാണ്. സെക്ടർ 81-ലെ റോഡരികിൽ വലിയൊരു പെരുമ്പാമ്പ് വിശ്രമിക്കുന്നതാണ് വീഡിയോയിലുള്ളത്.

ഒരു വലിയ ജീവിയെ വിഴുങ്ങിയതിന്‍റെ ലക്ഷണങ്ങൾ പാമ്പിന്‍റെ ശരീരത്തിൽ പ്രകടമായി കാണാമായിരുന്നു. സാധാരണയായി ഇത്തരം പാമ്പുകളെ കാടുകളിലും വിജനമായ സ്ഥലങ്ങളിലുമാണ് കാണാറുള്ളതെങ്കിലും, ആളുകൾ തിങ്ങിപ്പാർക്കുന്ന സ്ഥലത്ത് ഇവ പ്രത്യക്ഷപ്പെട്ടത് ഏവരെയും അമ്പരപ്പിച്ചു.

സുരക്ഷിതമായ അകലം പാലിച്ചുകൊണ്ട് ഒരുപറ്റം ആളുകൾ പാമ്പിനെ നോക്കിനിൽക്കുന്നതും വീഡിയോയിൽ കാണാം. ഈ ദൃശ്യങ്ങൾ വൈറലായതോടെ ഭയവും കൗതുകവും നിറഞ്ഞ നിരവധി പ്രതികരണങ്ങളാണ് സോഷ്യൽ മീഡിയയിൽ ഉയരുന്നത്.

ചിലർ പാമ്പിന്‍റെ വലിപ്പത്തെക്കണ്ട് ആശങ്ക പ്രകടിപ്പിക്കുമ്പോൾ, മറ്റു ചിലർ തമാശ രൂപേണയാണ് ഇതിനെ കാണുന്നത്.

Tags : Python Snake Wildlife ViralVideo Faridabad