3

റെ​യി​ൽ​വേ സ്റ്റേ​ഷ​നി​ൽ വോ​ക്ക​റി​ന്‍റെ സ​ഹാ​യ​ത്തോ​ടെ ട്രാ​ക്ക് മു​റി​ച്ചു​ക​ട​ക്കാ​ൻ ശ്ര​മി​ച്ച ഭി​ന്ന​ശേ​ഷി​ക്കാ​ര​നാ​യ യു​വാ​വി​ന്‍റെ വി​ഡി​യോ സ​മൂ​ഹ​മാ​ധ്യ​മ​ങ്ങ​ളി​ൽ വൈ​റ​ലാ​കു​ന്നു. താ​നെ ജി​ല്ല​യി​ലെ അം​ബ​ർ​നാ​ഥ് റെ​യി​ൽ​വേ സ്റ്റേ​ഷ​നി​ൽ നി​ന്നു​ള്ള ദൃ​ശ്യ​ങ്ങ​ളാ​ണ് വ​ലി​യ രീ​തി​യി​ൽ പ്ര​ച​രി​ക്കു​ന്ന​ത്. ട്രെ​യി​ൻ വ​രു​ന്ന​തി​ന് തൊ​ട്ടു​മു​മ്പ് മ​റ്റ് യാ​ത്ര​ക്കാ​ർ ഇ​ട​പെ​ട്ടാ​ണ് വ​ലി​യൊ​രു ദു​ര​ന്തം ഒ​ഴി​വാ​ക്കി​യ​ത്.

പ്ലാ​റ്റ്‌​ഫോ​മി​ൽ നി​ന്നി​റ​ങ്ങി​യ യു​വാ​വ് വോ​ക്ക​റി​ന്‍റെ സ​ഹാ​യ​ത്തോ​ടെ പാ​ള​ത്തി​ലൂ​ടെ ന​ട​ന്നു​പോ​കു​ന്ന​താ​ണ് വി​ഡി​യോ​യു​ടെ തു​ട​ക്ക​ത്തി​ലു​ള്ള​ത്. ര​ണ്ട് റെ​യി​ൽ​വേ ട്രാ​ക്കു​ക​ൾ ക​ട​ന്ന് മ​റു​ഭാ​ഗ​ത്തെ പ്ലാ​റ്റ്‌​ഫോ​മി​ലേ​ക്ക് ക​യ​റാ​ൻ ശ്ര​മി​ക്കു​ന്ന​തി​നി​ടെ​യാ​ണ് മ​റ്റു യാ​ത്ര​ക്കാ​രു​ടെ ശ്ര​ദ്ധ​യി​ൽ​പ്പെ​ട്ട​ത്. പാ​ള​ത്തി​ൽ ക​യ​റാ​ൻ പാ​ടു​പെ​ടു​ന്ന യു​വാ​വി​നെ സ​ഹാ​യി​ക്കാ​നാ​യി യാ​ത്ര​ക്കാ​ർ ഉ​ട​ൻ ത​ന്നെ ഓ​ടി​യെ​ത്തു​ക​യും പ്ലാ​റ്റ്‌​ഫോ​മി​ലേ​ക്ക് വ​ലി​ച്ചു​ക​യ​റ്റു​ക​യും ചെ​യ്യു​ക​യാ​യി​രു​ന്നു. യു​വാ​വി​നെ ര​ക്ഷ​പ്പെ​ടു​ത്തി​യ​തി​ന് തൊ​ട്ടു​പി​ന്നാ​ലെ ആ ​വ​ഴി​യി​ലൂ​ടെ ട്രെ​യി​ൻ ക​ട​ന്നു​പോ​കു​ന്ന​തും വി​ഡി​യോ​യി​ൽ കാ​ണാം.

അം​ബ​ർ​നാ​ഥ് റെ​യി​ൽ​വേ സ്റ്റേ​ഷ​നി​ൽ ഭി​ന്ന​ശേ​ഷി​ക്കാ​ർ​ക്കാ​യു​ള്ള അ​ടി​സ്ഥാ​ന സൗ​ക​ര്യ​ങ്ങ​ളു​ടെ കു​റ​വാ​ണ് ഈ ​സം​ഭ​വ​ത്തി​ലേ​ക്ക് ന​യി​ച്ച​തെ​ന്ന ആ​ക്ഷേ​പ​വു​മാ​യി നി​ര​വ​ധി പേ​രാ​ണ് രം​ഗ​ത്തെ​ത്തി​യി​രി​ക്കു​ന്ന​ത്. സ്റ്റേ​ഷ​നി​ൽ എ​സ്ക​ലേ​റ്റ​റോ ലി​ഫ്റ്റോ ഇ​ല്ലാ​ത്ത​തി​നാ​ൽ ദു​രി​ത​ത്തി​ലാ​കു​ന്ന യാ​ത്രി​ക​രു​ടെ അ​വ​സ്ഥ വി​ഡി​യോ​യ്ക്ക് താ​ഴെ പ​ല​രും ചൂ​ണ്ടി​ക്കാ​ണി​ക്കു​ന്നു​ണ്ട്. റെ​യി​ൽ​വേ പാ​ള​ങ്ങ​ൾ മു​റി​ച്ചു​ക​ട​ക്കു​ന്ന​ത് നി​യ​മ​വി​രു​ദ്ധ​വും ജീ​വ​ന് ഭീ​ഷ​ണി​യു​മാ​ണെ​ങ്കി​ലും സ്റ്റേ​ഷ​നു​ക​ളി​ലെ അ​ടി​സ്ഥാ​ന സൗ​ക​ര്യ​ക്കു​റ​വ് ഇ​ത്ത​രം അ​പ​ക​ട​ക​ര​മാ​യ സാ​ഹ​ച​ര്യ​ങ്ങ​ൾ​ക്ക് കാ​ര​ണ​മാ​കു​ന്നു​വെ​ന്നാ​ണ് പ്ര​ധാ​ന വി​മ​ർ​ശ​നം. അ​ന​ധി​കൃ​ത​മാ​യി ട്രാ​ക്ക് മു​റി​ച്ചു​ക​ട​ക്കു​ന്ന​ത് ഇ​ന്ത്യ​ൻ റെ​യി​ൽ​വേ നി​യ​മ​പ്ര​കാ​രം ശി​ക്ഷാ​ർ​ഹ​വു​മാ​ണ്.

Tags : RailwayTrack Walker RailwayStation