28

കു​ഞ്ഞി​നെ​യു​മേ​ന്തി ഭീ​മ​ൻ ആ​മ​യു​ടെ പു​റ​ത്തു​ക​യ​റി​നി​ന്ന് ലീ​ല​ക​ൾ കാ​ട്ടി​യ സ്ത്രീ​യു​ടെ പ്ര​വൃ​ത്തി ചൈ​ന​യി​ൽ വ​ലി​യ പ്ര​തി​ഷേ​ധ​ത്തി​നി​ട​യാ​ക്കു​ന്നു.

ഗ്വാ​ങ്‌​ഡോ​ങ് പ്ര​വി​ശ്യ​യി​ലെ ഫോ​ഷാ​നി​ലു​ള്ള ചാ​ങ്‌​ലു ടൂ​റി​സം ആ​ൻ​ഡ് ലെ​ഷ​ർ പാ​ർ​ക്കി​ലാ​ണ് സം​ഭ​വം അ​ര​ങ്ങേ​റി​യ​ത്. പാ​ർ​ക്കി​ലെ ആ​മ​ക​ൾ​ക്കാ​യി ഒ​രു​ക്കി​യ പ്ര​ത്യേ​ക പ്ര​ദേ​ശ​ത്ത് വെ​ച്ച് ഒ​രാ​ഫ്രി​ക്ക​ൻ സ്പ​ർ​ഡ് ആ​മ​യു​ടെ പു​റ​ത്താ​ണ് സ്ത്രീ ​കൈ​ക്കു​ഞ്ഞു​മാ​യി ക​യ​റി​നി​ന്ന​ത്.

അ​ധി​ക​ഭാ​രം താ​ങ്ങാ​നാ​വാ​തെ ആ​മ പു​ള​യു​ന്ന​തും ര​ക്ഷ​പ്പെ​ടാ​ൻ ആ​ഞ്ഞു​ശ്ര​മി​ക്കു​ന്ന​തും ദൃ​ശ്യ​ങ്ങ​ളി​ൽ വ്യ​ക്ത​മാ​ണ്. ആ​മ​യു​ടെ പ്ര​യാ​സം ക​ണ്ടി​ട്ടും പി​ന്മാ​റാ​ൻ ത​യ്യാ​റാ​വാ​തി​രു​ന്ന ഇ​വ​ർ, ചി​രി​ച്ചു​കൊ​ണ്ട് സ​മീ​പ​ത്തു​ണ്ടാ​യി​രു​ന്ന മ​ക​നെ​യും ആ​മ​യു​ടെ പു​റ​ത്തേ​ക്ക് ക്ഷ​ണി​ക്കു​ക​യാ​യി​രു​ന്നു.

മൃ​ഗ​ങ്ങ​ളെ ച​വി​ട്ടാ​നോ മു​ക​ളി​ൽ ക​യ​റാ​നോ പാ​ടി​ല്ലെ​ന്ന് വ്യ​ക്ത​മാ​ക്കു​ന്ന മു​ന്ന​റി​യി​പ്പ് ബോ​ർ​ഡു​ക​ൾ സ്ഥാ​പി​ച്ചി​ട്ടു​ള്ള സ്ഥ​ല​ത്താ​യി​രു​ന്നു ഈ ​നി​യ​മ​ലം​ഘ​നം ന​ട​ന്ന​ത്. ഇ​ത്ര​യും ഗു​രു​ത​ര​മാ​യ ക്രൂ​ര​ത ന​ട​ന്നി​ട്ടും ത​ട​യാ​ൻ പാ​ർ​ക്ക് ജീ​വ​ന​ക്കാ​ർ ആ​രും എ​ത്താ​തി​രു​ന്ന​ത് ഓ​ൺ​ലൈ​നി​ൽ വ​ലി​യ വി​മ​ർ​ശ​ന​ങ്ങ​ൾ​ക്ക് വ​ഴി​വെ​ച്ചു.

വി​വാ​ദം ശ​ക്ത​മാ​യ​തോ​ടെ പാ​ർ​ക്ക് മാ​നേ​ജ്‌​മെ​ന്‍റ് വെ​റ്റി​ന​റി ഡോ​ക്ട​റെ എ​ത്തി​ച്ച് ആ​മ​യെ വി​ശ​ദ​മാ​യ പ​രി​ശോ​ധ​ന​യ്ക്ക് വി​ധേ​യ​മാ​ക്കി. നി​ല​വി​ൽ ആ​മ​യ്ക്ക് ആ​രോ​ഗ്യ​പ്ര​ശ്ന​ങ്ങ​ളൊ​ന്നു​മി​ല്ലെ​ന്നാ​ണ് അ​ധി​കൃ​ത​ർ വ്യ​ക്ത​മാ​ക്കു​ന്ന​ത്. ഒ​പ്പം, സു​ര​ക്ഷാ മേ​ൽ​നോ​ട്ട​ത്തി​ൽ വീ​ഴ്ച പ​റ്റി​യി​ട്ടു​ണ്ടോ എ​ന്ന കാ​ര്യ​ത്തി​ൽ അ​ന്വേ​ഷ​ണം പ്ര​ഖ്യാ​പി​ക്കു​ക​യും ചെ​യ്തു.

ആ​മ​ക​ളു​ടെ തോ​ട് എ​ന്ന​ത് കേ​വ​ലം ഒ​രു പു​റം​ക​വ​ചം മാ​ത്ര​മ​ല്ലെ​ന്നും, അ​ത് അ​വ​യു​ടെ ന​ട്ടെ​ല്ലു​മാ​യും വാ​രി​യെ​ല്ലു​ക​ളു​മാ​യും നേ​രി​ട്ട് ബ​ന്ധ​പ്പെ​ട്ടി​രി​ക്കു​ന്ന ഭാ​ഗ​മാ​ണെ​ന്നും വി​ദ​ഗ്ദ്ധ​ർ ചൂ​ണ്ടി​ക്കാ​ണി​ക്കു​ന്നു.

നാ​ഡി​ക​ളും ര​ക്ത​ക്കു​ഴ​ലു​ക​ളും നി​റ​ഞ്ഞ ഈ ​ഭാ​ഗ​ത്ത് പെ​ട്ടെ​ന്ന് അ​മി​ത​ഭാ​രം വ​രു​ന്ന​ത് തോ​ട് പൊ​ട്ടാ​നും ന​ട്ടെ​ല്ലി​ന് ക്ഷ​ത​മേ​ൽ​ക്കാ​നും ആ​ന്ത​രാ​വ​യ​വ​ങ്ങ​ൾ​ക്ക് ത​രാ​റു​ണ്ടാ​കാ​നും കാ​ര​ണ​മാ​കും.

വം​ശ​നാ​ശ​ഭീ​ഷ​ണി നേ​രി​ടു​ന്ന ജീ​വി​ക​ളു​ടെ പ​ട്ടി​ക​യി​ൽ ഉ​ൾ​പ്പെ​ട്ട ഇ​ത്ത​രം ആ​ഫ്രി​ക്ക​ൻ സ്പ​ർ​ഡ് ആ​മ​ക​ളോ​ട് കാ​ണി​ച്ച ക്രൂ​ര​ത​യ്‌​ക്കെ​തി​രെ നി​യ​മ​ന​ട​പ​ടി വേ​ണ​മെ​ന്നാ​ണ് പൊ​തു​ജ​ന​ങ്ങ​ളു​ടെ ആ​വ​ശ്യം.

Tags : AnimalCruelty ChinaNews ViralVideo SulcataTortoise AnimalWelfare