നേ​പ്പാ​ളി​ല്‍ ജ​നി​ച്ചെ​ങ്കി​ലും രാ​ജ​ന് ഇ​ന്ത്യ​യി​ല്‍ വോ​ട്ട് ചെ​യ്യാം
Wednesday, April 24, 2024 4:18 AM IST
കോ​ന്നി: നേ​പ്പാ​ളി​ല്‍ ജ​നി​ച്ചെ​ങ്കി​ലും 42 വ​ര്‍​ഷ​മാ​യി വോ​ട്ട​വ​കാ​ശം വി​നി​യോ​ഗി​ക്കു​ന്ന ഇ​ന്ത്യ​ന്‍ പൗ​ര​നാ​ണ് രാ​ജ​ന്‍ (65). ഇ​ത്ത​വ​ണ​യും കോ​ന്നി പ​ഞ്ചാ​യ​ത്ത് അ​ഞ്ചാം വാ​ര്‍​ഡി​ലെ കൊ​ന്ന​പ്പാ​റ പാ​രി​ഷ്ഹാ​ളി​ലെ ബൂ​ത്തി​ല്‍ വോ​ട്ട് ചെ​യ്യും.

ചെ​ങ്ങ​റ ചെ​മ്മാ​നി കി​ഴ​ക്കേ​ച്ചെ​രു​വി​ല്‍ രാ​ജ​ന്‍ എ​ന്ന മേ​ല്‍​വി​ലാ​സ​ക്കാ​ര​ന്‍റെ പ​ത്തു​വ​യ​സു​വ​രെ​യു​ള്ള ജീ​വി​തം നേ​പ്പാ​ളി​ലാ​യി​രു​ന്നു. 1967ല്‍, ​ഇ​ന്ത്യ - നേ​പ്പാ​ള്‍ അ​തി​ര്‍​ത്തി​യി​ലെ ഉ​ത്ത​ര്‍​പ്ര​ദേ​ശി​ലു​ള്ള ഗ്രാ​മ​ത്തി​ല്‍ മാ​താ​പി​താ​ക്ക​ള്‍​ക്കൊ​പ്പം ക​ഴി​ഞ്ഞി​രു​ന്ന കാ​ഞ്ച​ന​യെ​ന്ന ബാ​ല​ന്‍ ഒ​രു​ദി​വ​സം എ​ങ്ങ​നെ​യോ ഒ​റ്റ​പ്പെ​ട്ടു.

ചോ​ള​പ്പാ​ട​ത്തി​ല്‍ പ​ണി​യെ​ടു​ക്കു​ക​യാ​യി​രു​ന്ന മാ​താ​പി​താ​ക്ക​ളെ കാ​ണാ​തെ റോ​ഡ​രി​കി​ല്‍ നി​ന്ന് ക​ര​ഞ്ഞ കാ​ഞ്ച​ന​യ്ക്ക് പ​ത്ത​നം​തി​ട്ട പു​ത്ത​ന്‍​പീ​ടി​ക സ്വ​ദേ​ശി​യാ​യ സൈ​നി​ക​ന്‍ തു​ണ​യാ​യി. നാ​ട്ടി​ല്‍ അ​വ​ധി​ക്ക് വ​രാ​ന്‍ ത​യാ​റെ​ടു​ത്തി​രു​ന്ന സൈ​നി​ക​ന്‍ കാ​ഞ്ച​നനെ​യെ​യും ഒ​പ്പം​കൂ​ട്ടി.

പു​ത്ത​ന്‍​പീ​ടി​ക​യി​ല്‍ സൈ​നി​ക​ന്‍റെ വീ​ട്ടി​ല്‍ വ​ള​ര്‍​ന്ന കാ​ഞ്ച​ന ക്ര​മേ​ണ നാ​ട്ടു​കാ​രു​ടെ​യും വീ​ട്ടു​കാ​രു​ടെ​യും രാ​ജ​നാ​യി. മു​തി​ര്‍​ന്ന​പ്പോ​ള്‍ പ​ത്ത​നം​തി​ട്ട ന​ഗ​ര​ത്തി​ല്‍ എ​ത്തി. ചെ​രു​പ്പു​കു​ത്തി​യാ​യും ന​ഗ​ര​സ​ഭ​യു​ടെ നാ​യ​പി​ടിത്ത​ക്കാ​ര​നാ​യും ലോ​ഡിം​ഗ് തൊ​ഴി​ലാ​ളി​യാ​യും വ​ര്‍​ഷ​ങ്ങ​ള്‍ ജോ​ലി ചെ​യ്തു.

1979 ല്‍ ​ക​ണ്ണ​ക​ര സ്വ​ദേ​ശി ത​ങ്ക​മ​ണി​യെ വി​വാ​ഹം ചെ​യ്തു. 1980 മു​ത​ല്‍ ചെ​ങ്ങ​റ ചെ​മ്മാ​നി മി​ച്ച​ഭൂ​മി​യി​ല്‍ ഭാ​ര്യ​യോ​ടും മൂ​ന്ന് മ​ക്ക​ളോ​ടും ഒ​പ്പം താ​മ​സ​മാ​യി. ഇ​പ്പോ​ള്‍ കോ​ന്നി ടൗ​ണി​ല്‍ ലോ​ട്ട​റി ക​ച്ച​വ​ടം ന​ട​ത്തു​ക​യാ​ണ്.

സ്ഥാ​നാ​ര്‍​ഥി​ക​ളെ​യും തെ​ര​ഞ്ഞെ​ടു​പ്പു​ക​ളെ​ക്കു​റി​ച്ചു​മെ​ല്ലാം രാ​ജ​ന് ന​ല്ല ധാ​ര​ണ​യാ​ണ്. നേ​പ്പാ​ളി​ലേ​ക്ക് ഇ​നി​യൊ​രു മ​ട​ക്കം ആ​ഗ്ര​ഹി​ക്കാ​ത്ത രാ​ജ​ന് ജ​ന്മ​നാ​ടി​നെ​ക്കു​റി​ച്ച് ഒ​ന്നു​മ​റി​യി​ല്ല. അ​ച്ഛ​നും അ​മ്മ​യും ഒ​രു സ​ഹോ​ദ​ര​നും സ​ഹോ​ദ​രി​യും ഉ​ള്ള​താ​യി ഓ​ര്‍​മ​യു​ണ്ട്.

Copyright @ 2022 , Rashtra Deepika Ltd.