അഫിലിയേറ്റഡ് കോളജുകളിലെ 2025 2026 അധ്യയന വർഷത്തെ ഇന്‍റഗ്രേറ്റഡ് പിജി പ്രവേശനത്തിനും ലേറ്റ് രജിസ്ട്രേഷനുമുള്ള സൗകര്യം സെപ്റ്റംബർ 15ന് വൈകീട്ട് നാല് വരെ ലഭ്യമാകും ( https://admission.uoc.ac.in/). ലേറ്റ് രജിസ്‌ട്രേഷന് മുൻപ് പ്രവേശനം ആഗ്രഹിക്കുന്ന കോളജുകളിലെ സീറ്റ് വിവരവും പ്രവേശന സാധ്യതയും പരിശോധിച്ച് ഉറപ്പ് വരുത്തണം. പ്രവേശനം ആഗ്രഹിക്കുന്നവർ കോളജുകളുമായി ബന്ധപ്പെടേണ്ടതും അവർ നിർദേശിക്കുന്ന സമയം പാലിക്കേണ്ടതുമാണ്. മാൻഡേറ്ററി ഫീസ് അടയ്ക്കുന്നതിനുള്ള സൗകര്യം സ്റ്റുഡന്‍റ്സ് ലോഗിനിൽ ലഭ്യമാണ്.

എംഎ ഫംഗ്ഷണൽ ഹിന്ദി സീറ്റൊഴിവ്

കാലിക്കട്ട് സർവകലാശാല ഹിന്ദി പഠനവകുപ്പിൽ എംഎ ഫംഗ്ഷണൽ ഹിന്ദി ആൻഡ് ട്രാൻസിലേഷൻ പ്രോഗ്രാമിന് 2025 27 ബാച്ചിലേക്ക് എസ്‌സി 03, എസ്ടി 02, ഇടിബി 02 എന്നീ സംവരണ സീറ്റൊഴിവുണ്ട്. താത്പര്യമുള്ളവർ എല്ലാ അസൽ സർട്ടിഫിക്കറ്റുകളും സഹിതം സെപ്റ്റംബർ 15ന് രാവിലെ 10.30 മണിക്ക് പഠനവകുപ്പിൽ ഹാജരാകണം. മേൽ പറഞ്ഞ വിഭാഗത്തിൽ പെട്ടവരുടെ അഭാവത്തിൽ മറ്റ് വിദ്യാർഥികളെയും പരിഗണിക്കും. ഫോൺ: 9446157542.

കണിയാമ്പറ്റ ബിഎഡ് സെന്‍ററിൽ അധ്യാപക ഒഴിവ്

വയനാട് കണിയാമ്പറ്റയിലുള്ള കാലിക്കട്ട് സർവകലാശാല ടീച്ചർ എജ്യുക്കേഷൻ സെന്‍ററിൽ ഫിസിക്കൽ എജ്യുക്കേഷൻ, ഫൈൻ ആർട്സ്, പെർഫോമിംഗ് ആർട്സ് എന്നീ വിഷയങ്ങളിൽ ഗസ്റ്റ് അധ്യാപക ഒഴിവുണ്ട്. യോഗ്യത: ബന്ധപ്പെട്ട വിഷയത്തിൽ 55% മാർക്കോടെ പിജി, നെറ്റ് യോഗ്യതയുള്ളവർക്ക് മുൻഗണന. ഉദ്യോഗാർഥികൾ അസൽ സർട്ടിഫിക്കറ്റുകൾ സഹിതം സെപ്റ്റംബർ 15ന് രാവിലെ 11 ന് സെന്‍ററിൽ അഭിമുഖത്തിന് ഹാജരാകണം. ഫോൺ: 9846717461.

റാങ്ക് ലിസ്റ്റ് പ്രസിദ്ധീകരിച്ചു

കാലിക്കട്ട് സർവകലാശാലാ ലൈഫ് സയൻസ് പഠനവകുപ്പിൽ മണിക്കൂർ വേതനാടിസ്ഥാനത്തിൽ മൈക്രോബയോളജി അസിസ്റ്റന്‍റ് പ്രഫസർ നിയമനത്തിന് സെപ്റ്റംബർ എട്ടിന് നടത്തിയ വാക് ഇൻ ഇന്‍റർവ്യൂവിന്‍റെ റാങ്ക് ലിസ്റ്റ് പ്രസിദ്ധീകരിച്ചു. വിശദ വിവരങ്ങൾ സർവകലാശാലാ വെബ്‌സൈറ്റിൽ.

പരീക്ഷാഅപേക്ഷ

സെന്‍റർ ഫോർ ഡിസ്റ്റൻസ് ആൻഡ് ഓൺലൈൻ എജ്യുക്കേഷന് (വിദൂര വിഭാഗം) കീഴിൽ റീ അഡ്മിറ്റ് / സ്ട്രീം ചേഞ്ച് ചെയ്തവർക്കുള്ള അഞ്ചാം സെമസ്റ്റർ (സിബിസിഎസ്എസ് യുജി സിഡിഒഇ) ബിഎ അഫ്സൽ ഉൽ ഉലമ, ബിഎ പൊളിറ്റിക്കൽ സയൻസ്, ബിബിഎ, ബികോം നവംബർ 2025 റഗുലർ പരീക്ഷകൾക്ക് പിഴ കൂടാതെ സെപ്റ്റംബർ 19 വരെയും 200 രൂപ പിഴയോടെ 22 വരെയും അപേക്ഷിക്കാം. ലിങ്ക് 12 മുതൽ ലഭ്യമാകും.

രണ്ടാം സെമസ്റ്റർ എൽഎൽഎം (2020 പ്രവേശനം) ഡിസംബർ 2024, (2021 പ്രവേശനം മുതൽ) ഡിസംബർ2025 റഗുലർ / സപ്ലിമെന്‍ററി പരീക്ഷകൾക്കും എൽഎൽഎം ക്രിമിനൽ ലോ ആൻഡ് കോൺസ്റ്റിറ്റ്യുഷണൽ ലോ (ഡബിൾ സ്പെഷ്യലൈസേഷൻ) (2024 പ്രവേശനം) ഡിസംബർ 2025 റഗുലർ പരീക്ഷയ്ക്കും പിഴ കൂടാതെ സെപ്റ്റംബർ 29 വരെയും 200 രൂപ പിഴയോടെ ഒക്ടോബർ ആറ് വരെയും അപേക്ഷിക്കാം. ലിങ്ക് സെപ്റ്റംബർ 16 മുതൽ ലഭ്യമാകും.

പരീക്ഷ

അഫിലിയേറ്റഡ് കോളജുകൾ / വിദൂര വിഭാഗം / പ്രൈവറ്റ് രജിസ്‌ട്രേഷൻ വിദ്യാർഥികൾക്കുള്ള അഞ്ചാം സെമസ്റ്റർ (സിബിസിഎസ്എസ് യുജി 2020 പ്രവേശനം മുതൽ ) ബിഎ, ബികോം ബിബിഎ, ബിടിഎ, ബിഎസ്‌സി, അനുബന്ധ വിഷയങ്ങളുടെ നവംബർ 2025 റഗുലർ / സപ്ലിമെന്‍ററി / ഇംപ്രൂവ്മെന്‍റ് പരീക്ഷകൾ ഒക്ടോബർ 30ന് തുടങ്ങും. വിശദമായ സമയക്രമം വെബ്സൈറ്റിൽ പിന്നീട് പ്രസിദ്ധീകരിക്കും.

പരീക്ഷാഫലം

ഒന്നാം സെമസ്റ്റർ (2021, 2023 പ്രവേശനം) എംപിഎഡ് നവംബർ 2024 സപ്ലിമെന്‍ററി പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് 24 വരെ അപേക്ഷിക്കാം.

ഒന്നാം സെമസ്റ്റർ ( 2020 പ്രവേശനം ) എംഎസ്‌സി മൈക്രോബയോളജി സെപ്റ്റംബർ 2024 ഒറ്റത്തവണ റഗുലർ സപ്ലിമെന്‍ററി പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് 22 വരെ അപേക്ഷിക്കാം.

സൂക്ഷ്മപരിശോധനാഫലം

നാലാം സെമസ്റ്റർ ബിഎഡ് ഏപ്രിൽ 2025 റഗുലർ / സപ്ലിമെന്‍ററി പരീക്ഷകളുടെ സൂക്ഷ്മപരിശോധനാഫലം പ്രസിദ്ധീകരിച്ചു.

പുനർമൂല്യനിർണയഫലം

നാലാം സെമസ്റ്റർ എംഎസ്‌സി സ്റ്റാറ്റിസ്റ്റിക്‌സ്, മാസ്റ്റർ ഓഫ് ട്രാവൽ ആൻഡ് ടൂറിസം മാനേജ്മെന്‍റ് ഏപ്രിൽ 2025 പരീക്ഷകളുടെ പുനർമൂല്യനിർണയഫലം പ്രസിദ്ധീകരിച്ചു.