ബിഎഡ് പ്രവേശനം: ഏകജാലക രജിസ്ട്രേഷൻ തിരുത്താൻ അവസരം
ട്രെയിനിംഗ് കോളജുകളിലേക്കുള്ള ബിഎഡ് ഏകജാലക പ്രവേശനവുമായി ബന്ധപ്പെട്ട് ഓണ്ലൈൻ രജിസ്ട്രേഷൻ സമർപ്പിച്ചതിൽ തിരുത്തൽ വരുത്താൻ ആഗ്രഹിക്കുന്നവർക്ക് ലിങ്ക് ഇന്ന് ഉച്ച കഴിഞ്ഞ് ഒന്നുവരെ വെബ്സൈറ്റിൽ ലഭ്യമാകും. നോഡൽ ട്രെയിനിംഗ് സെന്റർ മുഖാന്തിരമേ തിരുത്തൽ സാധ്യമാകൂ. രജിസ്ട്രേഷൻ സമയത്ത് ലഭിച്ച കാപ് ഐഡിയും പാസ്വേർഡും ഉപയോഗിച്ച് ലോഗിൻ ചെയ്ത് മാർക്ക്, വെയിറ്റേജ്, കോളജ് ഓപ്ഷൻ എന്നീ വിവരങ്ങളിൽ ആവശ്യമായ മാറ്റങ്ങൾ വരുത്താം. മാറ്റങ്ങൾ വരുത്തിയതിനുശേഷം രജിസ്ട്രേഷൻ പൂർത്തിയാക്കി അപേക്ഷയുടെ പുതുക്കിയ ഫൈനൽ പ്രിന്റൗട്ട് നിർബന്ധമായും എടുക്കണം. തിരുത്തലുകൾ വരുത്തിയതിനുശേഷം അപേക്ഷ പൂർത്തിയാക്കാത്ത പക്ഷം അഡ്മിഷൻ പ്രക്രിയയിൽ നിന്ന് പുറത്തുപോകുന്നതാണ്. രണ്ടാം അലോട്ട്മെന്റിന് ശേഷം വെയിറ്റിംഗ് ലിസ്റ്റിൽ ഉൾപ്പെട്ട തിരുത്തലുകൾ ആവശ്യമില്ലാത്തവരെയും തുടർന്നുള്ള അഡ്മിഷൻ പ്രക്രിയയിലേക്ക് പരിഗണിക്കും. ഒന്നാം ഓപ്ഷൻ ലഭിച്ച് സ്ഥിരം അഡ്മിഷൻ എടുത്തവർക്കും, എല്ലാ ഹയർ ഓപ്ഷനുകളും കാൻസൽ ചെയ്ത് സ്ഥിരം അഡ്മിഷൻ എടുത്തവർക്കും മേൽപറഞ്ഞ സൗകര്യം ലഭിക്കില്ല.
ഒഴിവുള്ള സീറ്റുകളിലേക്ക് 15ന് ഉച്ചയ്ക്ക് രണ്ടിന് കോളജുകൾക്ക് വെയിറ്റിംഗ് ലിസ്റ്റ് നൽകും. ഒന്പതിന് നിലവിലുള്ള ഒഴിവിന്റെ അടിസ്ഥാനത്തിൽ തയ്യാറാക്കിയ റാങ്ക് ലിസ്റ്റിൽ ഉൾപ്പെട്ടവരെ അതേ കാറ്റഗറിയിൽ തുടർന്നും വരുന്ന ഒഴിവുകളിൽ പരിഗണിക്കും. വിദ്യാർഥികൾക്ക് കാപ് ഐഡിയും പാസ്വേർഡും ഉപയോഗിച്ച് ലോഗിൻ ചെയ്ത് വെയിറ്റിംഗ് ലിസ്റ്റ് പരിശോധിക്കാം. 16ന് രാവിലെ 11 അകം ആവശ്യമായ രേഖകൾ സഹിതം വിദ്യാർഥികൾ കോളജിൽ ഹാജരാകണം. ഒന്നിൽ കൂടുതൽ കോളജുകൾ ഓപ്ഷനായി നൽകിയവർ ആവശ്യമായ പകർപ്പുകൾ സഹിതം പ്രതിനിധികളെ ചുമതലപ്പെടുത്തി കോളേജുകളിൽ റിപ്പോർട്ട് ചെയ്യാവുതാണ്. റിപ്പോർട്ട് ചെയ്തവരുടെ ഇൻഡക്സ് മാർക്ക് അനുസരിച്ചുള്ള റാങ്ക് ലിസ്റ്റ് അതത് കോളജുകൾ അന്ന് ഉച്ച കഴിഞ്ഞ് ഒന്നിന് പ്രസിദ്ധീകരിച്ച് അഞ്ചിനുള്ളിൽ പ്രവേശനം നടത്തും. ബിഎഡ് ലേറ്റ് രജിസ്ട്രേഷനുള്ള സൗകര്യം 29 വരെ ലഭിക്കും. അപേക്ഷാ ഫീസ് ജനറൽ 835 രൂപ, എസ് സി/ എസ്ടി 450 രൂപ. മെയ് 29നും ജൂണ് 20നും ഇടയിൽ രജിസ്ട്രേഷൻ ചെയ്തവർക്കായിരിക്കും വെയിറ്റിംഗ് ലിസ്റ്റ് പ്രകാരമുള്ള പ്രവേശനത്തിന് മുൻഗണന. ഇത്തരം വിദ്യാർഥികളുടെ അഭാവത്തിൽ മാത്രമായിരിക്കും ലേറ്റ് രജിസ്ട്രേഷൻ നടത്തുന്നവരെ ഒഴിവുള്ള മെറിറ്റ്/സംവരണ സീറ്റുകളിലേക്ക് പരിഗണിക്കുന്നത്. ഫോണ്: 0494 2407016, 2407017.
കോച്ച് കരാർ നിയമന അഭിമുഖം
കായിക പഠനവിഭാഗത്തിൽ ക്രിക്കറ്റ്, ഫുട്ബോൾ, വോളിബോൾ കോച്ച് തസ്തികയിൽ കരാർ നിയമനത്തിന് അപേക്ഷിച്ചവരിൽ യോഗ്യരായവർക്കുള്ള അഭിമുഖം 24ന് രാവിലെ 9.30ന് സർവകലശാലാ ഭരണവിഭാഗത്തിൽ നടക്കും.
സിൻഡിക്കറ്റ് യോഗം
സിണ്ടിക്കേറ്റ് യോഗം 18ന് രാവിലെ പത്തിനു ചേരും.
പരീക്ഷ
അഫിലിയേറ്റഡ് കോളജുകളിലെ രണ്ടാം സെമസ്റ്റർ (സിസിഎസ്എസ്, 2012, 2013 പ്രവേശനം) ബിഎ/ ബിഎസ് സി/ ബിഎസ് സി ഇൻ ആൾട്ടർനേറ്റ് പാറ്റേണ്/ ബികോം/ ബിബിഎ/ ബികോം വൊക്കേഷണൽ/ ബിഎംഎംസി/ ബിസിഎ/ ബിഎസ്ഡബ്ല്യൂ/ ബിടിഎ/ ബിടിഎച്ച്എം/ ബിവിസി/ ബിഎച്ച്എ/ ബിഎ അഫ്സൽഉൽഉലമ സപ്ലിമെന്ററി/ഇംപ്രൂവ്മെന്റ് പരീക്ഷ ഓഗസ്റ്റ് രണ്ടിന് ആരംഭിക്കും.
രണ്ടാം സെമസ്റ്റർ എംബിഎ (ഫുൾടൈം, പാർട്ട്ടൈം) സിയുസിബിസിഎസ്എസ് റഗുലർ/സപ്ലിമെന്ററി പരീക്ഷ 29ന് ആരംഭിക്കും.
വിദൂരവിദ്യാഭ്യാസം രണ്ടാം സെമസ്റ്റർ ബിഎസ് സി പ്രിന്റിംഗ് ടെക്നോളജി (2014 പ്രവേശനം) റഗുലർ പരീക്ഷ 29ന് ആരംഭിക്കും.
ഏഴാം സെമസ്റ്റർ ബിബിഎഎൽഎൽബി (ഓണേഴ്സ്2011 സ്കീം) റഗുലർ/സപ്ലിമെന്ററി പരീക്ഷ ഓഗസ്റ്റ് ഒന്പതിന് ആരംഭിക്കും.
രണ്ടാം സെമസ്റ്റർ യുജി സ്പെഷൽ പരീക്ഷ
എൻസിസി ക്യാന്പുകളിൽ പങ്കെടുത്തത് മൂലം പരീക്ഷ എഴുതാൻ സാധിക്കാത്തവർക്കുള്ള രണ്ടാം സെമസ്റ്റർ ബികോം/ ബിബിഎ/ ബികോം വൊക്കേഷണൽ (സിയുസിബിസിഎസ്എസ്) റഗുലർ സ്പെഷൽ പരീക്ഷ 29ന് സർവകലാശാലാ സ്കൂൾ ഓഫ് ഹെൽത്ത് സയൻസിൽ ആരംഭിക്കും.
പരീക്ഷാഫലം
ജൂണിൽ നടത്തിയ നാലാം സെമസ്റ്റർ എംഎ പൊളിറ്റിക്കൽ സയൻസ് (സിസിഎസ്എസ്) പരീക്ഷാഫലം വെബ്സൈറ്റിൽ.
ജൂണിൽ നടത്തിയ നാലാം സെമസ്റ്റർ എംഎസ് സി ജനറൽ ബയോടെക്നോളജി (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 24 വരെ അപേക്ഷിക്കാം.
നാലാം സെമസ്റ്റർ എൽഎൽബി (യൂണിറ്ററി), ബിബിഎഎൽഎൽബി നവംബർ 2018 റഗുലർ/സപ്ലിമെന്ററി പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 25 വരെ അപേക്ഷിക്കാം.