2019 ജനുവരിയിൽ സ്കൂൾ ഓഫ് പെഡഗോഗിക്കൽ സയൻസസിൽ നടന്ന ഒന്നാം സെമസ്റ്റർ എംഎഡ് (സിഎസ്എസ്) പരീക്ഷയുടെ ഫലം പ്രസിദ്ധീകരിച്ചു.
2019 സെപ്റ്റംബറിൽ സ്കൂൾ ഓഫ് കെമിക്കൽ സയൻസസിൽ നടന്ന ഒന്നാം സെമസ്റ്റർ എംഫിൽ കെമിസ്ട്രി (ഇൻ ഓർഗാനിക്, ഓർഗാനിക്, ഫിസിക്കൽ പോളിമർ സിഎസ്എസ്) പരീക്ഷയുടെ ഫലം പ്രസിദ്ധീകരിച്ചു.
2019 സെപ്്റ്റംബറിൽ നടന്ന ഒന്പതാം സെമസ്റ്റർ പഞ്ചവത്സര ഇന്‍റഗ്രേറ്റഡ് ഡബിൾ ഡിഗ്രി ബികോം എൽഎൽബി. (ഓണേഴ്സ് റഗുലർ, സപ്ലിമെന്‍ററി) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 18 വരെ അപേക്ഷിക്കാം.
അപേക്ഷാ തീയതി നീട്ടി
അഞ്ചാം സെമസ്റ്റർ സിബിസിഎസ് യുജി പരീക്ഷയിൽ പരാജയപ്പെട്ട വിദ്യാർഥികൾക്ക് ആറുവരെയും 525 രൂപ പിഴയോടെ 11 വരെയും 1050 രൂപ സൂപ്പർഫൈനോടെ 12 വരെയും സർവകലാശാല പോർട്ടലിലൂടെ അപേക്ഷിക്കാം. വിദ്യാർഥികൾ പേപ്പറൊന്നിനു 35 രൂപ വീതം (സെമസ്റ്ററിന് പരമാവധി 210 രൂപ) സിവി ക്യാന്പ് ഫീസടയ്ക്കണം. കൂടാതെ രജിസ്ട്രേഷൻ ഫീസായി 55 രൂപയും പരീക്ഷഫീസിന് പുറമെ അടയ്ക്കണം. ഇന്േ‍റണൽ മൂല്യനിർണയ റീഡു പരീക്ഷയ്ക്ക് അപേക്ഷിക്കുന്നവർ പേപ്പറൊന്നിനു 105 രൂപ വീതം അടയ്ക്കണം. പ്രോജക്്ട്് മൂല്യനിർണയത്തിന് 100 രൂപ പ്രോജക്്ട് ഇവാല്യുവേഷൻ ഫീസടയ്ക്കണം. പരീക്ഷ തീയതി പിന്നീട്.
പ്രവേശന പരീക്ഷയും മുഖാമുഖവും
സർവകലാശാല സ്കൂൾ ഓഫ് ലെറ്റേഴ്സിലെ 201920 എംഫിൽ ഇംഗ്ലീഷ്, മലയാളം, തീയറ്റർ ആർട്സ് കോഴ്സുകളിലേക്കുള്ള പ്രവേശനപരീക്ഷയും മുഖാമുഖവും 2020 10ന് രാവിലെ 10 മുതൽ നടക്കും. അപേക്ഷകർ ഹാൾടിക്കറ്റും അനുബന്ധരേഖകളുമായി എത്തണം. വിശദവിവരം സർവകലാശാല വെബ്സൈറ്റിൽ. 04812731041.
സീനിയർ സോഫ്റ്റ്വേർ ഡെവലപ്പർ വാക് ഇൻ ഇന്‍റർവ്യൂ
കരാറടിസ്ഥാനത്തിൽ സീനിയർ സോഫ്റ്റ്വേർ ഡെവലപ്പർ തസ്തികയിൽ താത്കാലിക നിയമനം നടത്തുന്നതിനുള്ള വോക് ഇൻ ഇന്‍റർവ്യൂ 11ന് രാവിലെ 10.30ന് നടക്കും. ഒരു വർഷത്തേക്കാണു നിയമനം. പ്രായം 2020 ജനുവരി ഒന്നിന് 1836 (എസ്‌സി, എസ്ടി, ഒബിസിക്കാർക്ക് നിയമാനുസൃത ഇളവ് ലഭിക്കും) സർവകലാശാലയിൽ പ്രവൃത്തിപരിചയമുള്ളവർക്ക് ഒരു വർഷത്തെ സർവീസിന് ഒരു വർഷത്തെ പ്രായ ഇളവ് (പരമാവധി അഞ്ച് വർഷം) ലഭിക്കും.
30000 രൂപ പ്രതിഫലം ലഭിക്കും. യോഗ്യത: കംപ്യൂട്ടർ സയൻസ്, ഇൻഫർമേഷൻ ടെക്നോളജി എന്നിവയിൽ ബിഇ, ബിടെക് അല്ലെങ്കിൽ കംപ്യൂട്ടർ സയൻസസിൽ 60 ശതമാനം മാർക്കോടെ എംസിഎ, എംഎ‌സ‌്സി. സർവകലാശാല, ഗവണ്‍മെന്‍റ് സ്ഥാപനങ്ങൾ, ഐടി ഇൻഡസ്ട്രി എന്നിവിടങ്ങളിൽ പൈഥോണ്, ആംഗുലർ ജെഎസ്, പിഎച്ച്പി, ജാവ, ആൻഡ്രോയ്ഡ് പ്രോഗ്രാമുകളിൽ അഞ്ചുവർഷത്തെ പ്രവൃത്തിപരിചയം വേണം. ആർഎച്ച്സിഇ സർട്ടിഫിക്കേഷൻ, എസ്‌സിജെപി, സർവകലാശാല സേവനം അഭികാമ്യം. താല്പര്യമുള്ളവർ രാവിലെ 9.30ന് പ്രായം, ജാതി, യോഗ്യത, പ്രവൃത്തിപരിചയം എന്നിവ തെളിയിക്കുന്ന രേഖകളുടെ അസലും സ്വയം സാക്ഷ്യപ്പെടുത്തിയ പകർപ്പും ബയോഡാറ്റയും സഹിതം സർവകലാശാല ഭരണവിഭാഗത്തിലെ എഡി. എ നാല് സെക്ഷനിൽ സർട്ടിഫിക്കറ്റ് പരിശോധനയ്ക്ക് എത്തണം.
ഉപന്യാസ രചന മത്സരം
’പരിസ്ഥിതി സൗഹൃദം, സുസ്ഥിര വികസനം നവകേരളം എന്‍റെ കാഴ്ചപ്പാടിൽ’ എന്ന വിഷയത്തിൽ വിദ്യാർഥികൾക്കായി എംജി സർവകലാശാല ഉപന്യാസ രചന മത്സരം സംഘടിപ്പിക്കുന്നു. സർവകലാശാല പഠനവകുപ്പുകളിലെയും അഫിലിയേറ്റഡ് കോളജുകളിലെയും യുജി, പിജി, എംഫിൽ, പിഎച്ച്ഡി. വിദ്യാർഥികൾക്ക് പങ്കെടുക്കാം. മലയാളത്തിലാണു ഉപന്യാസം തയാറാക്കേണ്ടത്. പത്ത് പുറത്തിൽ കവിയരുത്. രചനകൾ മൗലികമായിരിക്കണം. വിദ്യാർഥി പഠിക്കുന്ന കോളജ്, സ്ഥാപനമേധാവി നൽകിയ സാക്ഷ്യപത്രം രചനയ്ക്കൊപ്പം സമർപ്പിക്കണം. ആദ്യ മൂന്നു സ്ഥാനം നേടുന്നവർക്ക് പ്രശസ്തിപത്രവും ഉപഹാരവും നൽകും. രചനകൾ 19നു വൈകുന്നേരം അഞ്ചിനകം പബ്ലിക് റിലേഷൻസ് ഓഫീസർ, പ്രിയദർശിനി ഹിൽസ് പിഒ, എംജി സർവകലാശാല, കോട്ടയം 686560 എന്ന വിലാസത്തിൽ തപാലിലോ നേരിട്ടോ നൽകണം. രചനകൾ അയയ്ക്കുന്ന കവറിനുപുറത്ത് ’ഉപന്യാസ മത്സരം 2020’ എന്നെഴുതണം. വിശദവിവരത്തിന് 04812733298.
സിൻഡിക്കറ്റ് യോഗം
സിൻഡിക്കേറ്റിന്‍റെ യോഗം 15ന് രാവിലെ 10.30ന് ഭരണവിഭാഗത്തിലെ സിൻഡിക്കറ്റ് ഹാളിൽ നടക്കും.
പിഎച്ച്ഡി. നൽകി
മലയാളത്തിൽ ധന്യ എസ്. പണിക്കർ, എം.അർച്ചന, ഇക്കണോമിക്സിൽ സുമിത ഫ്രാങ്ക്ളിൻ, ഏജിൽ ജോയ്, എം.എച്ച്. ഷാനിബ, ആൻസി അന്ത്രയോസ്, ഇംഗ്ലീഷിൽ സി.ആർ. സുനിത, വി.എ. മിനിമോൾ, നിമ്മി കെ. സൈമണ്‍, സോഷ്യോളജിയിൽ കെ.എസ്. ഷൈജു, കൊമേഴ്സിൽ ഫൈറൂസ് അഷ്റഫ്, റോണി ജെയിൻ രാജു, എ.എസ്. സുജിഷ, ടി.എ. ഫാത്തിമ, ഷീബ ചാണ്ടി, കെ.എം. സെഫിയ, ഹിന്ദിയിൽ ജി.ആർ. ദീപ, ഇന്‍റർനാഷണൽ റിലേഷൻസ് ആന്‍റ് പൊളിറ്റിക്സിൽ റിഗി ഇടിക്കുള, കെമിസ്ട്രി (നാനോ സയൻസ് ആന്‍റ് നാനോടെക്നോളജി)യിൽ അനു സുരേന്ദ്രൻ, കെ. ബിസി, എൻവയണ്‍മെന്‍റൽ സയൻസസിൽ കെ. രവികുമാർ, ബയോകെമിസ്ട്രിയിൽ പി.എ. ഷെറീന, കെമിസ്ട്രിയിൽ മഞ്ജുഷ ഹരിഹരൻ എന്നിവർക്ക് പി.എച്ച്.ഡി. നൽകാൻ മഹാത്മാ ഗാന്ധി സർവകലാശാല സിൻഡിക്കറ്റ് തീരുമാനിച്ചു.