മലയാളം കോമണ്‍/ കോര്‍/ കോംപ്ലിമെന്‍ററി കോഴ്‌സ് പരീക്ഷകള്‍ മാറ്റി
കാലിക്കട്ട് സര്‍വകലാശാലയുടെ അഫിലിയേറ്റഡ് കോളജ്/ വിദൂരവിദ്യാഭ്യാസം/ പ്രൈവറ്റ് രജിസ്‌ട്രേഷന്‍ 19, 20, 24 തിയതികളില്‍ നടത്താനിരുന്ന ഒന്നാം സെമസ്റ്റര്‍ യുജി മലയാളം കോമണ്‍ കോഴ്‌സ്, കോര്‍ കോഴ്‌സ്, കോംപ്ലിമെന്‍ററി കോഴ്‌സ് സപ്ലിമെന്‍ററി/ ഇംപ്രൂവ്‌മെന്‍റ് പരീക്ഷകള്‍ മാറ്റി. പുതുക്കിയ തിയതി പിന്നീട് അറിയിക്കും. മറ്റ് പരീക്ഷാ തിയതികളിലോ സമയത്തിലോ മാറ്റമില്ല.
പിജി മൂല്യനിര്‍ണയ ക്യാമ്പ്
കാലിക്കട്ട് സര്‍വകലാശാല മൂന്നാം സെമസ്റ്റര്‍ പിജി (സിയുസിഎസ്എസ്) നവംബര്‍ 2019 പരീക്ഷയുടെ കേന്ദ്രീകൃത മൂല്യനിര്‍ണയ ക്യാമ്പ് (12 പ്രോഗ്രാമുകള് ഒഴികെ) 18 മുതല്‍ നടക്കും. അധ്യാപകര്‍ ക്യാമ്പില്‍ പങ്കെടുക്കുന്നതിനായി സര്‍വകലാശാലയ്ക്ക് കീഴിലെ എല്ലാ അഫിലിയേറ്റഡ് ആര്‍ട്‌സ് ആൻഡ് സയന്‍സ് കോളജുകളിലും 18 മുതല്‍ ക്യാമ്പ് നടത്തുന്ന വിഷയങ്ങളുടെ പിജി റഗുലര്‍ ക്ലാസുകള്‍ (ക്യാമ്പ് നടക്കാത്ത 12 പ്രോഗ്രാമുകള് ഒഴികെ) സസ്‌പെന്‍ഡ് ചെയ്ത് പരീക്ഷാ കണ്ട്രോളര് ഉത്തരവായി. ക്യാമ്പിന്‍റെ വിവരങ്ങള്‍ അറിയുന്നതിന് അതത് ക്യാമ്പ് ചെയര്‍മാന്‍മാരുമായി ബന്ധപ്പെടണം. വിശദാംശങ്ങള്‍ വെബ്‌സൈറ്റിലും ലഭിക്കും. നിയമന ഉത്തരവ് ലഭിക്കാത്തവര്‍ അന്ന് രാവിലെ 9.30ന് ക്യാമ്പിലെത്തി ഉത്തരവ് കൈപ്പറ്റി ക്യാമ്പില്‍ നിര്‍ബന്ധമായും പങ്കെടുക്കണമെന്ന് പരീക്ഷാ കണ്ട്രോളര് അറിയിച്ചു.
പിഎച്ച്ഡി പ്രവേശന പരീക്ഷ
18, 19 തിയതികളില്‍ നടത്തുന്ന പിഎച്ച്ഡി പ്രവേശന പരീക്ഷാ ഹാള്‍ടിക്കറ്റ് www.cuonline.ac.in വെബ്‌സൈറ്റില്‍ നിന്ന് ഡൗണ്‍ലോഡ് ചെയ്യണം.
പരീക്ഷാ അപേക്ഷ
പ്രൈവറ്റ് രജിസ്‌ട്രേഷന്‍ വിദ്യാര്‍ഥികളുടെ നാല്, അഞ്ച് സെമസ്റ്റര്‍ ബിഎ മള്‍ട്ടിമീഡിയ (സിയുസിബിസിഎസ്എസ്, 2017 പ്രവേശനം മാത്രം) റഗുലര്‍ പരീക്ഷയ്ക്ക് പിഴകൂടാതെ മാര്‍ച്ച് മൂന്ന് വരെയും 170 രൂപ പിഴയോടെ ആറ് വരെയും ഫീസടച്ച് പത്ത് വരെ രജിസ്റ്റര്‍ ചെയ്യാം. പ്രിന്‍റൗട്ട് ജോയിന്‍റ് കണ്ട്രോളര് ഓഫ് എക്‌സാമിനേഷന്‍സ്8, എക്‌സാമിനേഷന്‍‌ഡിസ്റ്റന്‍സ് എഡ്യുക്കേഷന്‍, യൂണിവേഴ്‌സിറ്റി ഓഫ് കാലിക്കട്ട്, 673 635 എന്ന വിലാസത്തില്‍ മാര്‍ച്ച് 12നകം ലഭിക്കണം.
പരീക്ഷ മാറ്റിവച്ചു
17 മുതല്‍ 20 വരെ നടത്തുന്ന ഒമ്പതാം സെമസ്റ്റര്‍ ബിബിഎഎല്‍എല്‍‌ബി (ഓണേഴ്‌സ്), അഞ്ചാം സെമസ്റ്റര്‍ എല്‍എല്‍ബി യൂണിറ്ററി (ത്രിവത്സരം) സേ പരീക്ഷകള്‍ പുനഃക്രമീകരിച്ചു. പുതുക്കിയ ഷെഡ്യൂള്‍ വെബ്‌സൈറ്റില്‍.
സെനറ്റ് യോഗം മാര്‍ച്ച് 28ന്
സെനറ്റ് യോഗം മാര്‍ച്ച് 28ന് രാവിലെ പത്ത് മണിക്ക് സെനറ്റ് ഹൗസില്‍ ചേരും.