ബിരുദപ്രവേശനം; സപ്ലിമെന്ററി അലോട്ട്മെന്റ് ഇന്നുമുതൽ
ബിരുദപ്രവേശനത്തിനുള്ള സപ്ലിമെന്ററി അലോട്ട്മെന്റിനു ഇന്നുമുതൽ നവംബർ ഒന്പതുവരെ ഓണ്ലൈനായി ഓപ്ഷൻ നൽകാം. www.cap.mgu.ac.in എന്ന വെബ്സൈറ്റിൽ അക്കൗണ്ട് ക്രിയേഷൻ എന്ന ലിങ്കിൽ ക്ലിക്ക് ചെയ്യുന്പോൾ ലഭിക്കുന്ന പുതിയ ആപ്ലിക്കേഷൻ നന്പരും പഴയ പാസ്വേഡും ഉപയോഗിച്ച് ലോഗിൻ ചെയ്ത് പുതുതായി ഓപ്ഷൻ നൽകാം.
ഭിന്നശേഷിക്കാർക്ക് പ്രത്യേക അലോട്ട്മെന്റ്
ബിരുദപ്രവേശനത്തിന് ഭിന്നശേഷിക്കാർക്ക് സംവരണം ചെയ്ത സീറ്റുകളിലേക്ക് പ്രത്യേക അലോട്ടുമെന്റ് നടത്തും. ഇന്നുമുതൽ ഒന്പതുവരെ അപേക്ഷിക്കാം. നിലവിൽ അപേക്ഷ നൽകിയവർപുതുതായി ഓപ്ഷൻ നൽകണം. അപേക്ഷ നൽകാത്തവർക്കും പുതുതായി അപേക്ഷിച്ച് ഓപ്ഷൻ നൽകാം.
ബിരുദപ്രവേശനം; എസ്സി, എസ്ടി പ്രത്യേക അലോട്ട്മെന്റ്
ഇന്റഗ്രേറ്റഡ് പ്രോഗ്രാമുകളിലേക്ക് പ്രവേശനത്തിന് പട്ടികജാതിപട്ടികവർഗ വിഭാഗത്തിൽപ്പെട്ടവർക്കുള്ള ഒന്നാം പ്രത്യേക അലോട്ടുമെന്റിന് ഇന്നുമുതൽ നവംബർ എട്ടുവരെ ഓപ്ഷൻ രജിസ്ട്രേഷൻ നടത്താം. ഓണ്ലൈൻ രജിസ്ട്രേഷൻ നടത്താത്തവർക്കും പ്രവേശനം ലഭിക്കാത്തവർക്കും പ്രവേശനം ലഭിച്ചശേഷം റദ്ദാക്കപ്പെട്ടവർക്കും നിശ്ചിതസമയത്ത് പ്രവേശനമെടുക്കാൻ സാധിക്കാത്തവർക്കുമായാണ് പ്രത്യേക അലോട്ടുമെന്റ് നടത്തുക. വിവരങ്ങൾ വെബ്സൈറ്റിൽ.
വൈവാവോസി
2020 സെപ്തംബറിൽ നടന്ന പത്താം സെമസ്റ്റർ ബിആർക് (റഗുലർ, സപ്ലിമെന്ററി) പരീക്ഷയുടെ തീസിസ് മൂല്യനിർണയവും വൈവാവോസിയും 10, 11, 12 തീയതികളിൽ ഓണ്ലൈനായി നടക്കും. വിശദവിവരം അതത് കോളജ് ഓഫീസിൽ ലഭിക്കും.
സീറ്റൊഴിവ്
യുജിസി എൻഎസ്ക്യുഎഫിന്റെ ആഭിമുഖ്യത്തിൽ ആരംഭിക്കുന്ന ഡിപ്ലോമ ഇൻ ബേക്കറി ആൻഡ കണ്ഫെക്ഷനറി (ഒരു വർഷം), സർട്ടിഫിക്കറ്റ് ഇൻ ഡിജിറ്റൽ മാർക്കറ്റിംഗ് (ആറ് മാസം), പിജി ഡിപ്ലോമ ഇൻ ഡേറ്റ ആൻഡ് ബിസിനസ് അനലിറ്റിക്സ് (ഒരു വർഷം) എന്നീ പ്രോഗ്രാമുകളിൽ ഏതാനും സീറ്റൊഴിവുണ്ട്. 15 വരെ www.dasp.mgu.ac.in എന്ന വെബ്സൈറ്റിലൂടെ അപേക്ഷിക്കാം. വിശദവിവരത്തിന് 04812731066.