പാ​രീ​സ്: ച​രി​ത്രം കു​റി​ച്ച് അ​മേ​രി​ക്ക​യു​ടെ കൊ​ക്കൊ ഗൗ​ഫ് ഫ്ര​ഞ്ച് ഓ​പ്പ​ണ്‍ വ​നി​താ സിം​ഗി​ള്‍സ് ട്രോ​ഫി സ്വ​ന്ത​മാ​ക്കി. ലോ​ക ഒ​ന്നാം ന​മ്പ​റാ​യ ബെ​ലാ​റൂ​സി​ന്‍റെ അ​രീ​ന സ​ബ​ലെ​ങ്ക​യെ മൂ​ന്നു സെ​റ്റ് നീ​ണ്ട പോ​രാ​ട്ട​ത്തി​ലൂ​ടെ കീ​ഴ​ട​ക്കി​യാ​ണ് കൊ​ക്കൊ ഗൗ​ഫ് ക​ന്നി ഫ്ര​ഞ്ച് ഓ​പ്പ​ണ്‍ ട്രോ​ഫി​യി​ല്‍ മു​ത്തം​വ​ച്ച​ത്.

സ്‌​കോ​ര്‍: 6-7 (5-7), 6-2, 6-4. ലോ​ക ര​ണ്ടാം ന​മ്പ​ര്‍ താ​ര​മാ​യ ഗൗ​ഫി​ന്‍റെ ക​രി​യ​റി​ലെ ര​ണ്ടാം ഗ്രാ​ന്‍സ്‌​ലാം സിം​ഗി​ള്‍സ് കി​രീ​ട നേ​ട്ടം. 2023 യു​എ​സ് ഓ​പ്പ​ണ്‍ ആ​ണ് ഗൗ​ഫി​ന്‍റെ അ​ക്കൗ​ണ്ടി​ലെ ആ​ദ്യ ഗ്രാ​ന്‍സ്‌​ലാം സിം​ഗി​ള്‍സ് കി​രീ​ടം.

ഫൈ​ന​ലി​ല്‍ 70 അ​ണ്‍ഫോ​ഴ്‌​സ്ഡ് എ​റ​റാ​ണ് സ​ബ​ലെ​ങ്ക വ​രു​ത്തി​യ​ത്. 2025ല്‍ ​സ​ബ​ലെ​ങ്ക​യു​ടെ തു​ട​ര്‍ച്ച​യാ​യ ര​ണ്ടാം ഗ്രാ​ന്‍സ്‌​ലാം ഫൈ​ന​ല്‍ തോ​ല്‍വി​യാ​ണ്. ജ​നു​വ​രി​യി​ല്‍ ഓ​സ്‌​ട്രേ​ലി​യ​ന്‍ ഓ​പ്പ​ണ്‍ ഫൈ​ന​ലി​ല്‍ അ​മേ​രി​ക്ക​യു​ടെ മാ​ഡി​സ​ണ്‍ കീ​സി​നോ​ടും സ​ബ​ലെ​ങ്ക പ​രാ​ജ​യ​പ്പെ​ട്ടി​രു​ന്നു.

ഈ ​നൂ​റ്റാ​ണ്ടി​ല്‍ ആ​ദ്യം

ഈ ​നൂ​റ്റാ​ണ്ടി​ല്‍ ലോ​ക ഒ​ന്നാം ന​മ്പ​ര്‍ താ​ര​ത്തി​ന് എ​തി​രേ ആ​ദ്യ സെ​റ്റ് ന​ഷ്ട​പ്പെ​ട്ട​ശേ​ഷം റോ​ള​ങ് ഗാ​രോ​സി​ല്‍ കി​രീ​ട​ത്തി​ലെ​ത്തു​ന്ന ആ​ദ്യ വ​നി​ത​യാ​ണ് ഇ​രു​പ​ത്തി​യൊ​ന്നു​കാ​രി​യാ​യ ഗൗ​ഫ്. 1999 ഫ്ര​ഞ്ച് ഓ​പ്പ​ണി​ല്‍ സ്റ്റെ​ഫി ഗ്രാ​ഫ് (4-6, 7-5, 6-2) മാ​ര്‍ട്ടി​ന ഹിം​ഗി​സി​ന് എ​തി​രേ​യാ​ണ് ഇ​ത്ത​ര​ത്തി​ല്‍ അ​വ​സാ​ന​മാ​യി കി​രീ​ടം സ്വ​ന്ത​മാ​ക്കി​യ​ത്.

1990നു​ശേ​ഷം ഫ്ര​ഞ്ച് ഓ​പ്പ​ണ്‍ വ​നി​താ സിം​ഗി​ള്‍സ് ട്രോ​ഫി സ്വ​ന്ത​മാ​ക്കു​ന്ന മൂ​ന്നാ​മ​തു മാ​ത്രം അ​മേ​രി​ക്ക​ക്കാ​രി​യാ​ണ് ഗൗ​ഫ്. ജെ​ന്നി​ഫ​ര്‍ കാ​പ്രി​യ​റ്റി, സെ​റീ​ന വി​ല്യം​സ് എ​ന്നി​വ​രാ​ണ് ആ​ദ്യ ര​ണ്ട് അ​മേ​രി​ക്ക​ന്‍ താ​ര​ങ്ങ​ള്‍.


2022ലും ​കൊ​ക്കൊ ഗൗ​ഫ് ഫ്ര​ഞ്ച് ഓ​പ്പ​ണ്‍ ഫൈ​ന​ലി​ല്‍ എ​ത്തി​യി​രു​ന്നു. എ​ന്നാ​ല്‍, അ​ന്ന് പോ​ളി​ഷ് താ​രം ഇ​ഗ ഷ്യാ​ങ്‌​ടെ​ക്കി​നോ​ടു പ​രാ​ജ​യ​പ്പെ​ട്ടു. അ​തി​ന്‍റെ പ​രി​ഹാ​ര​ക്രി​യ​പോ​ലെ ര​ണ്ടു മ​ണി​ക്കൂ​ര്‍ 38 മി​നി​റ്റ് നീ​ണ്ട പോ​രാ​ട്ട​ത്തി​ല്‍ ഇ​ത്ത​വ​ണ റോ​ള​ങ് ഗാ​രോ​സി​ല്‍ ഗൗ​ഫ് വെ​ന്നി​ക്കൊ​ടി​പാ​റി​ച്ചു.

ര​ണ്ടു ഗ്രാ​ന്‍സ്‌​ലാം; സ​മാ​ന​ത​ക​ള്‍ ഏ​റെ

കൊ​ക്കൊ ഗൗ​ഫി​ന്‍റെ ര​ണ്ട് ഗ്രാ​ന്‍സ്‌​ലാം സിം​ഗി​ള്‍സ് കി​രീ​ട നേ​ട്ട​ത്തി​ലും സ​മാ​ന​ത​ക​ള്‍ ഏ​റെ. അ​തി​ല്‍ ആ​ദ്യ​ത്തേ​ത് ര​ണ്ടു ഫൈ​ന​ലി​ലും ബെ​ലാ​റൂ​സി​ന്‍റെ അ​രീ​ന സ​ബ​ലെ​ങ്ക​യെ​യാ​ണ് ഗൗ​ഫ് കീ​ഴ​ട​ക്കി​യ​ത് എ​ന്ന​താ​ണ്, 2023 യു​എ​സ് ഓ​പ്പ​ണി​ലും ഇ​പ്പോ​ള്‍ ഫ്ര​ഞ്ച് ഓ​പ്പ​ണി​ലും.

മ​റ്റൊ​രു സ​മാ​ന​ത ര​ണ്ട് ഫൈ​ന​ലി​ലും ആ​ദ്യ സെ​റ്റ് ന​ഷ്ട​പ്പെ​ട്ട​ശേ​ഷ​മാ​യി​രു​ന്നു ഗൗ​ഫ് കി​രീ​ട​ത്തി​ലേ​ക്ക് എ​ത്തി​യ​ത്. 2023 യു​എ​സ് ഓ​പ്പ​ണി​ല്‍ ഗൗ​ഫി​ന്‍റെ ജ​യം 2-6, 6-3, 6-2ന്. 2025 ​ഫ്ര​ഞ്ച് ഓ​പ്പ​ണി​ലും ആ​ദ്യ സെ​റ്റ് ന​ഷ്ട​പ്പെ​ട്ട​ശേ​ഷ​മാ​ണ് അ​മേ​രി​ക്ക​ന്‍ താ​ര​ത്തി​ന്‍റെ കി​രീ​ട നേ​ട്ടം. 2024 ഫ്ര​ഞ്ച് ഓ​പ്പ​ണ്‍ വ​നി​താ ഡ​ബി​ള്‍സ് ചാ​മ്പ്യ​നുമാ​ണ് മു​ന്‍ ലോ​ക ഒ​ന്നാം ന​മ്പ​റാ​യ കൊ​ക്കൊ ഗൗ​ഫ്.