പോ​ളി​യോ​യി​ല്‍ ശോ​ഷി​ച്ച് ച​ല​ന​മ​റ്റ വ​ല​തു​കൈ. അ​നു​ക​മ്പ തോ​ന്നി ആ​രെ​ങ്കി​ലും നാ​ലു​രു​ള വാ​രി​ക്കൊ​ടു​ത്താ​ല്‍ വി​ശ​പ്പ​ക​റ്റാം. പ​ര​സ​ഹാ​യ​മി​ല്ലാ​തെ ഒ​രു കാ​ര്യ​വും ചെ​യ്യാ​നാ​വാ​ത്ത പ​രി​മി​തി​ക​ളു​ടെ ബാ​ല്യം. മൂ​ന്ന​ര വ​യ​സ് തി​ക​യു​ന്ന​തി​നു മു​ന്‍​പ് എ​ത്തി, അ​ടു​ത്ത ദു​ര​ന്തം. റോ​ഡ് കു​റു​കെ ക​ട​ക്കു​ന്ന​തി​നി​ടെ പാ​ഞ്ഞു​വ​ന്ന ലോ​റി ഇ​ടി​ച്ചു​വീ​ഴ്ത്തി. മു​ട്ടി​നു താ​ഴെ വ​ല​തു​കാ​ല്‍ മു​റി​ച്ചാ​ണ് ലോ​റി മു​ന്നോ​ട്ടു പോ​യ​ത്. ച​ല​നം കു​റ​ഞ്ഞ കൈ​യും ന​ഷ്ട​പ്പെ​ട്ട കാ​ലു​മാ​യി ഇ​രു​ള്‍​മു​റി​യി​ല്‍ നീ​ന്തി​നി​ര​ങ്ങി ന​ര​കി​ച്ച ബാ​ല്യം.

ആ​ന്ധ്ര​പ്ര​ദേ​ശി​ൽ ഏ​തോ ഒ​രു ഗ്രാ​മ​ത്തി​ല്‍ ‍ താ​ണ്ടി​യ ദു​രി​ത​ങ്ങ​ളു​ടെ​യും ദു​ര​ന്ത​ങ്ങ​ളു​ടെ​യും ബാ​ല്യ​ത്തെ​ക്കു​റി​ച്ച് പ്ര​സാ​ദി​ന് ഇ​പ്പോ​ള്‍ മ​ങ്ങി​യ ഓ​ര്‍​മ​ക​ളേ​യു​ള്ളൂ. അ​ത് തീ​രെ ചെ​റി​യൊ​രു മ​ണ്ണു​വീ​ടാ​യി​രു​ന്നു. ഒ​രി​ക്ക​ല്‍​പ്പോ​ലും സ്വ​ര​ച്ചേ​ര്‍​ച്ച​യി​ലാ​യി​രു​ന്നി​ല്ല അ​ച്ഛ​നും അ​മ്മ​യും. അ​തു​കൊ​ണ്ടു​ത​ന്നെ വേ​ര്‍​പി​രി​ഞ്ഞാ​യി​രു​ന്നു അ​വ​രു​ടെ കു​ടും​ബ​ജീ​വി​തം. അ​മ്മ​യ്‌​ക്കൊ​പ്പം ത​നി​ക്കൊ​രു അ​നു​ജ​ത്തി​കൂ​ടി ഉ​ണ്ടാ​യി​രു​ന്ന​താ​യാ​ണ് പ്ര​സാ​ദി​ന്‍റെ ഓ​ർ​മ.

അ​ച്ഛ​ന്‍റെ സം​ര​ക്ഷ​ണ​ത്തി​ലാ​യി​രു​ന്നു പ്ര​സാ​ദ്. ലോ​റി ക​യ​റി ശേ​ഷി​ച്ച കാ​ല്‍ പ്ലാ​സ്റ്റ​റി​ല്‍ പൊ​തി​ഞ്ഞ് ആ​ശു​പ​ത്രി​യി​ല്‍ പു​ള​ഞ്ഞു ക​ഴി​ഞ്ഞ ദി​വ​സ​ങ്ങ​ളി​ലാ​ണ് അ​മ്മ​യെ അ​വ​സാ​ന​മാ​യി ക​ണ്ട ഓ​ര്‍​മ. അ​മ്മ യാ​ത്ര പ​റ​യാ​തെ മ​ട​ങ്ങി. ആ​ശു​പ​ത്രി​യി​ല്‍​നി​ന്ന് അ​ച്ഛ​ന്‍ തോ​ളി​ല്‍ ചു​മ​ന്നാ​ണ് വീ​ട്ടി​ലേ​ക്കു കൊ​ണ്ടു​പോ​യ​ത്. പി​ന്നീ​ട് ആ​രു​ടെ​യൊ​ക്കെ​യോ വി​ര​ല്‍​ത്തു​മ്പി​ൽ തൂ​ങ്ങി എ​ങ്ങ​നെ​യൊ​ക്കെ​യോ പി​ച്ച​വ​ച്ചു. രാ​വും പ​ക​ലും ഇ​രു​ൾ മു​റി​യി​ല്‍ ഒ​രേ കി​ട​പ്പു കി​ട​ന്നു. ക​ളി​ക്കൂ​ട്ടു​കാ​രോ ക​രു​ത​ലാ​ളോ ഉ​ണ്ടാ​യി​രു​ന്നി​ല്ല. ക​ണ്ണീ​രു തു​ട​യ്ക്കാ​നും ആ​രും വ​ന്നി​ല്ല. അ​ങ്ങ​നെ അ​ച്ഛ​നും അ​യ​ല്‍​ക്കാ​ര്‍​ക്കു​മൊ​ക്കെ അ​ധി​ക​പ്പ​റ്റാ​യി ഒ​ന്ന​ര വ​ര്‍​ഷം ത​ള്ളി​നീ​ക്കി.

1982. രാ​വും പ​ക​ലും ത​ണു​പ്പു​കാ​റ്റു വീ​ശി​യ ഒ​രു മ​ഞ്ഞു​കാ​ലം. അ​ന്നൊ​രു ദി​വ​സം ‍ അ​ച്ഛ​ന്‍ പ​റ​ഞ്ഞു. ന​മു​ക്ക് ന​ഗ​ര​ത്തി​ലേ​ക്കൊ​ന്നു പോ​കാം. അ​വി​ടെ നി​ന്നെ ഞാ​ന്‍ തീ​വ​ണ്ടി കാ​ണി​ക്കാം. ചാ​യ​യും പ​ല​ഹാ​ര​വും വാ​ങ്ങി​ത്ത​രാം. തെ​ലു​ങ്കു​നാ​ട്ടി​ലെ ആ ​ഗ്രാ​മ​വും അ​വി​ട​ത്തെ പാ​ട​ങ്ങ​ളും പ​രു​ത്തി​യും ചോ​ള​വു​മൊ​ക്കെ​യ​ല്ലാ​തെ പു​റ​ത്തൊ​രി​ട​വും ക​ണ്ടി​ട്ടി​ല്ലാ​ത്ത ആ ​അ​ഞ്ചു​വ​യ​സു​കാ​ര​ന് അ​ച്ഛ​ന്‍റെ വാ​ക്കു​ക​ള്‍ വ​ലി​യ സ​ന്തോ​ഷ​മാ​യി. പി​റ്റേ​ന്നു രാ​വി​ലെ അ​ച്ഛ​ന്‍റെ കൈ​പി​ടി​ച്ച് ഒ​റ്റ​ക്കാ​ലി​ല്‍ തു​ള്ളി​ന​ട​ന്നും തോ​ളി​ലേ​റി​യും ട്രെ​യി​ന്‍ കാ​ണാ​ന്‍ ഒ​രു​ങ്ങി​യി​റ​ങ്ങി.

കൂ​കി​പ്പാ​ഞ്ഞു വ​രു​ന്ന തീ​വ​ണ്ടി അ​ടു​ത്തൊ​ന്നു കാ​ണാം. വ​ണ്ടി നി​ർ​ത്തു​മ്പോ​ള്‍ അ​തി​നു​ള്ളി​ല്‍ ക​യ​റ്റി ‍ ഇ​രു​പ്പി​ട​ങ്ങ​ള്‍ കാ​ണി​ച്ചു​ത​ന്നാ​ല്‍ ഭാ​ഗ്യം. പി​ന്നെ ഒ​രു ചാ​യ​യും എ​ന്തെ​ങ്കി​ലും പ​ല​ഹാ​ര​വും. വീ​ട്ടി​ല്‍​നി​ന്ന് അ​ക​ലെ ബ​സ് ക​യ​റി വി​ജ​യ​വാ​ഡ​യി​ലെ​ത്തി​യ ഓ​ര്‍​മ​യു​ണ്ട്. റെ​യി​ല്‍​വേ സ്റ്റേ​ഷ​നി​ൽ ‍ ആ​ദ്യ​മാ​യൊ​രു തീ​വ​ണ്ടി ക​ണ്ടു. ഏ​റെ അ​തി​ശ​യ​ത്തോ​ടെ അ​തു നോ​ക്കി​നി​ന്നു.

ഇ​നി​യും പ​ല ട്രെ​യി​നു​ക​ള്‍ വ​ന്നു​കൊ​ണ്ടി​രി​ക്കും. അ​തൊ​ക്കെ ക​ണ്ട് നീ ​ഇ​വി​ടെ​യി​രു​ന്നോ​ളൂ. അ​ച്ഛ​ന്‍ അ​പ്പു​റ​ത്തെ​വി​ടെ​യെ​ങ്കി​ലും കാ​ത്തു​നി​ന്നോ​ളാം. റെ​യി​ല്‍​വേ സ്റ്റേ​ഷ​ന്‍റെ അ​തി​രി​ലെ സി​മ​ന്‍റ് ചാ​രു​ബ​ഞ്ചി​ല്‍ പ്ര​സാ​ദി​നെ ഇ​രു​ത്തി​യ​ശേ​ഷം ‍ തി​രി​ഞ്ഞു​നോ​ക്കാ​തെ അ​ച്ഛ​ൻ ന​ട​ന്നു​പോ​യ​ത് ഇ​ന്നും മ​ന​സി​ലെ നീ​റു​ന്ന ഓ​ര്‍​മ​ച്ചി​ത്ര​മാ​ണ്.

കാ​ത്തു​നി​ൽ​ക്കാ​മെ​ന്നു പ​റ​ഞ്ഞു​പോ​യ അ​ച്ഛ​ന്‍ മ​ണി​ക്കൂ​റു​ക​ള്‍ പി​ന്നി​ട്ടി​ട്ടും വ​ന്നി​ല്ല. വി​ജ​യ​വാ​ഡ റെ​യി​ല്‍​വേ സ്റ്റേ​ഷ​ന്‍റെ കോ​ണി​ല്‍ മ​ണി​ക്കൂ​റു​ക​ളോ​ളം ത​ണു​ത്തു വി​റ​ച്ചി​രി​ക്കു​മ്പോ​ള്‍ മ​ന​സ് വ​ല്ലാ​തെ പി​ട​ച്ചു. അ​ച്ഛ​ന്‍ എ​ന്തേ മ​ട​ങ്ങി​വ​രാ​ത്ത​ത്. അ​പ​ക​ടം വ​ല്ല​തും സം​ഭ​വി​ച്ചു​കാ​ണു​മോ‍‍. അ​തോ വ​ഴി​തെ​റ്റി​പ്പോ​യോ.

നേ​രം ഇ​രു​ട്ടി​ത്തു​ട​ങ്ങി​യ​തോ​ടെ വ​ല്ലാ​ത്ത ഭ​യ​മാ​യി. അ​റി​യു​ന്ന​വ​രാ​യി ആ​രു​മി​ല്ല. എ​വി​ടേ​ക്കോ പോ​കാ​ന്‍ പെ​ട്ടി​ക​ളും സ​ഞ്ചി​ക​ളു​മാ​യി വ​രു​ന്ന യാ​ത്ര​ക്കാ​ര്‍. എ​വി​ടെ​നി​ന്നൊ​ക്കെ​യോ ട്രെ​യി​നി​ല്‍ വ​ന്നി​റ​ങ്ങു​ന്ന​വ​ര്‍. ആ ​തി​ര​ക്കി​നി​ട​യി​ല്‍ ക​ണ്ണു​ക​ള്‍ അ​ച്ഛ​നെ പ​ര​തി​ക്കൊ​ണ്ടി​രു​ന്നു. രാ​ത്രി എ​ത്തി​യി​ട്ടും അ​ച്ഛ​ന്‍ വ​ന്നി​ല്ല. വി​ശ​പ്പും ദാ​ഹ​വു​മു​ണ്ട്. ചു​റ്റും അ​പ​രി​ചി​ത​രാ​യ മ​നു​ഷ്യ​രും ആ​ള്‍​ക്കൂ​ട്ട​ത്തി​നി​ട​യി​ലൂ​ടെ അ​ല​യു​ന്ന കു​റെ നാ​യ​ക​ളും.

മ​ന​സും ശ​രീ​ര​വും ആ​കെ ത​ള​ര്‍​ന്ന​തോ​ടെ സി​മ​ന്‍റ് ബെ​ഞ്ചി​ല്‍​നി​ന്ന് ഊ​ര്‍​ന്നി​റ​ങ്ങി മു​ന്നോ​ട്ടു നീ​ങ്ങി പ്ലാ​റ്റ് ഫോ​മി​ല്‍ നി​റു​ത്തി​യി​രു​ന്ന ഒ​രു ട്രെ​യി​നി​ലേ​ക്ക് നി​ര​ങ്ങി​ക്ക​യ​റി. അ​ല്‍​പം ക​ഴി​ഞ്ഞ​പ്പോ​ൾ ട്രെ​യി​ന്‍ നീ​ങ്ങി. ആ​രു​ടെ​യും ക​ണ്ണി​ല്‍​പ്പെ​ടാ​തെ ടോ​യ്‌​ല​റ്റി​നു സ​മീ​പം പാ​ത്തു​കി​ട​ന്നു.

പി​റ്റേ​ന്ന് ട്രെ​യി​ന്‍ എ​ത്തി​നി​ന്ന​ത് ചെ​ന്നൈ റെ​യി​ല്‍​വേ സ്റ്റേ​ഷ​നി​ലാ​ണ്. പ്ലാ​റ്റ്ഫോ​മി​ലേ​ക്ക് നി​ര​ങ്ങി​യി​റ​ങ്ങി ചു​റ്റു​പാ​ടും നോ​ക്കു​മ്പോ​ള്‍ അ​റി​യാ​ത്ത ഭാ​ഷ, ഭി​ക്ഷ​ക്കാ​ര​നെ എ​ന്ന​പോ​ലെ തു​റി​ച്ചു​നോ​ക്കു​ന്ന യാ​ത്ര​ക്കാ​ര്‍. ചെ​ന്നൈ സെ​ന്‍​ട്ര​ല്‍ സ്‌​റ്റേ​ഷ​നി​ല്‍ കു​റേ​നേ​രം ഇ​രു​ന്നെ​ങ്കി​ലും പ​രി​ചി​ത​രാ​യ ആ​രെ​യും കാ​ണാ​നാ​യി​ല്ല.

തീ​വ​ണ്ടി സ്റ്റേ​ഷ​നി​ലെ ഒ​ച്ച​പ്പാ​ടും അ​പ​രി​ചി​ത​രു​ടെ നോ​ട്ട​വു​മൊ​ക്കെ ഭ​യ​ന്ന് മ​റ്റൊ​രു ട്രെ​യി​നി​ലേ​ക്ക് തൂ​ങ്ങി​ക്ക​യ​റി. ആ ​യാ​ത്ര അ​വ​സാ​നി​ച്ച​ത് പി​റ്റേ​ന്ന് രാ​വി​ലെ കോ​ഴി​ക്കോ​ട് റെ​യി​ല്‍​വേ സ്റ്റേ​ഷ​നി​ലാ​ണ്. എ​വി​ടേ​ക്കോ പോ​യി​രു​ന്ന ആ ​തീ​വ​ണ്ടി ‍ കോ​ഴി​ക്കോ​ട്ട് എ​ത്തി​യ​പ്പോ​ള്‍ ഇ​റ​ങ്ങാ​ന്‍ തോ​ന്നി​പ്പി​ക്കു​ക​യാ​യി​രു​ന്നു.

കേ​ട്ട​റി​വി​ല്ലാ​ത്ത സ്ഥ​ല​വും ഭാ​ഷ​യും. എ​ല്ലാ​വ​രും അ​പ​രി​ചി​ത​ര്‍. ര​ണ്ടു ദി​വ​സം പി​ന്നി​ട്ടി​രി​ക്കു​ന്നു എ​ന്തെ​ങ്കി​ലും ക​ഴി​ച്ചി​ട്ട്. ട്രെ​യി​നി​ൽ ആ​രോ ഉ​പേ​ക്ഷി​ച്ചു​പോ​യ കു​പ്പി​യി​ല്‍ ശേ​ഷി​ച്ചി​രു​ന്ന വെ​ള്ളം കു​ടി​ച്ചാ​യി​രു​ന്നു ഇ​ത്ര​യും ദി​വ​സ​ങ്ങ​ൾ‌ പി​ന്നി​ട്ട​ത്. റെ​യി​ല്‍​വേ സ്‌​റ്റേ​ഷ​നി​ലൂ​ടെ നി​ര​ങ്ങി നീ​ങ്ങി​യ​പ്പോ​ള്‍ കൈ​കാ​ലു​ക​ളി​ല്‍ മു​റി​വു​ക​ളു​ണ്ടാ​യി ചോ​ര പൊ​ടി​യു​ന്നു​ണ്ട്. വ​ല്ലാ​ത്ത നീ​റ്റ​ലും വേ​ദ​ന​യു​മു​ണ്ട്...

താ​ന്‍ പി​ന്നി​ട്ട ദു​രി​ത​വ​ഴി​ക​ളു​ടെ​യും പി​ല്‍​ക്കാ​ല​ത്ത് കൈ​ത്താ​ങ്ങാ​യ​വ​രു​ടെ​യും ജീ​വി​താ​നു​ഭ​വ​ങ്ങ​ള്‍ പ​ങ്കി​ടു​ക​യാ​യി​രു​ന്നു ക​ണ്ണൂ​ര്‍ ഗ​വ. കൃ​ഷ്ണ​മേ​നോ​ന്‍ മെ​മ്മോ​റി​യ​ല്‍ കോ​ള​ജി​ലെ സാ​മ്പ​ത്തി​ക​ശാ​സ്ത്രം വി​ഭാ​ഗം അ​സി. പ്ര​ഫ​സ​റും നാ​ഷ​ണ​ല്‍ സ​ര്‍​വീ​സ് സ്‌​കീം പ്രോ​ഗ്രാം കോ-​ഓ​ര്‍​ഡി​നേ​റ്റ​റു​മാ​യ എ​സ്.​ബി.​പ്ര​സാ​ദ്. പ്ര​സാ​ദ് ത​ന്‍റെ ജീ​വി​ത​ക​ഥ തു​ട​രു​ക​യാ​ണ്.

കോ​ഴി​ക്കോ​ട്ട് സം​ഭ​വി​ച്ച​ത്

കോ​ഴി​ക്കോ​ട് റെ​യി​ല്‍​വേ സ്റ്റേ​ഷ​നി​ല്‍ മു​ഷി​ഞ്ഞു കീ​റി​യ നി​ക്ക​റു​മു​ടു​പ്പും വി​ള​റി​യ മു​ഖ​വു​മാ​യി ക്ഷീ​ണി​ച്ചി​രു​ന്നു വി​തു​മ്പു​ക​യാ​യി​രു​ന്നു. അ​വി​ടെ ഇ​ങ്ങ​നെ​യൊ​രു ബാ​ല​നെ കാ​ണാ​നി​ട​യാ​യ കോ​ഴി​ക്കോ​ട് മെ​ഡി​ക്ക​ല്‍ കോ​ള​ജി​ലെ ഡോ. ​ല​ത്തീ​ഫ് അ​ടു​ത്തെ​ത്തി സ്‌​നേ​ഹ​ത്തോ​ടെ ചേ​ര്‍​ത്തു​പി​ടി​ച്ചു. ദേ​ഹ​മാ​സ​ക​ലം മു​റി​വു​ക​ളു​മാ​യി ആ​കെ ഭ​യ​ന്നു​നി​ന്നി​രു​ന്ന തെ​ലു​ങ്കു ബാ​ല​ന്‍ അ​വി​ചാ​രി​ത​മാ​യി ഡോ. ​ല​ത്തീ​ഫി​ന്‍റെ ശ്ര​ദ്ധ​യി​ല്‍​പ്പെ​ടു​ക​യാ​യി​രു​ന്നു.

കു​ട്ടി എ​വി​ടു​ന്നു വ​രു​ന്നു, എ​വി​ടേ​ക്കു പോ​കു​ന്നു, കൂ​ടെ ആ​രു​മി​ല്ലേ എ​ന്നി​ങ്ങ​നെ വാ​ത്സ​ല്യ​ത്തോ​ടെ​യു​ള്ള ഡോ​ക്ട​റു​ടെ അ​വ​ര്‍​ത്തി​ച്ച ചോ​ദ്യ​ങ്ങ​ള്‍​ക്ക് മൗ​നം മാ​ത്ര​മാ​യി​രു​ന്നു മ​റു​പ​ടി. ആ ​ചോ​ദ്യ​ങ്ങ​ളു​ടെ അ​ര്‍​ഥ​മൊ​ന്നും പ്ര​സാ​ദി​ന് മ​ന​സി​ലാ​കു​മാ​യി​രു​ന്നി​ല്ല. നി​സ​ഹാ​യ​ത​യോ​ടെ വി​തു​മ്പാ​ന്‍ കാ​ത്തു​നി​ല്‍​ക്കു​ന്ന കു​ട്ടി​യു​ടെ ഭീ​തി​യും മു​റി​വു​ക​ളി​ലൂ​ടെ പൊ​ടി​യു​ന്ന ചോ​ര​യും ക​ണ്ടാ​ക​ണം ഡോ. ​ല​ത്തീ​ഫ് അ​വ​നെ കോ​ഴി​ക്കോ​ട് മെ​ഡി​ക്ക​ല്‍ കോ​ള​ജി​ലേ​ക്കു കൊ​ണ്ടു​പോ​യി. മു​റി​വു​ക​ളി​ല്‍ മ​രു​ന്നു വ​ച്ചു​കെ​ട്ടി.
ആ​ശു​പ​ത്രി​യി​ല്‍ ‍ ചി​കി​ത്സ​യും ഭ​ക്ഷ​ണ​വും വ​സ്ത്ര​വും ന​ല്‍​കി. ദി​വ​സ​ങ്ങ​ള്‍​ക്കു​ള്ളി​ല്‍ വാ​ര്‍​ഡി​ലെ ഡോ​ക്‌​ട​ര്‍​മാ​രു​ടെ​യും ന​ഴ്‌​സു​മാ​രു​ടെ​യു​മൊ​ക്കെ പ്രി​യ​പ്പെ​ട്ട​വ​നാ​യി പ്ര​സാ​ദ് മാ​റി​യി​രു​ന്നു. അ​വി​ടെ ക​രു​ണ​യോ​ടെ പ​രി​ച​രി​ച്ച ന​ഴ്‌​സ് ഖ​ദീ​ജ​യു​ടെ മു​ഖം ഇ​ന്നും പ്ര​സാ​ദി​ന്‍റെ മ​ന​സി​ല്‍ മാ​യാ​തെ നി​ല്‍​ക്കു​ന്നു. ആ​ന്ധ്ര​പ്ര​ദേ​ശി​ലെ ജീ​വി​ത​സാ​ഹ​ച​ര്യ​മൊ​ക്കെ തെ​ലു​ങ്കി​ലും മ​റ്റ് വി​ധ​ത്തി​ലു​മാ​യി ചോ​ദി​ച്ച​റി​ഞ്ഞ​തോ​ടെ പ്ര​സാ​ദി​ന്‍റെ ദ​യ​നീ​യാ​വ​സ്ഥ ഖ​ദീ​ജ, ഡോ.​ല​ത്തീ​ഫി​നെ അ​റി​യി​ച്ചു.

ആ​റു മാ​സം​കൂ​ടി പ്ര​സാ​ദ് കോ​ഴി​ക്കോ​ട് മെ​ഡി​ക്ക​ല്‍ കോ​ള​ജി​ല്‍ ഡോ​ക്‌​ട​ർ​മാ​രു​ടേ​യും ന​ഴ്സു​മാ​രു​ടേ​യും പ​രി​ച​ര​ണ​ത്തി​ല്‍ ക​ഴി​ഞ്ഞു. പി​ന്നീ​ടു​ള്ള ജീ​വി​ത​ത്തി​ല്‍ പ്ര​സാ​ദി​ന് താ​ങ്ങും ത​ണ​ലു​മാ​യി നി​ന്ന​ത് ഡോ. ​ല​ത്തീ​ഫും ഭാ​ര്യ ഡോ. ​ലി​ല്ലി​യു​മാ​യി​രു​ന്നു. അ​വ​രു​ടെ സം​ര​ക്ഷ​ണ​യി​ലാ​യി​രി​ക്കെ ഒ​ന്‍​പ​താം വ​യ​സി​ല്‍ പ്ര​സാ​ദി​നെ ജ​യ്പു​രി​ല്‍ കൊ​ണ്ടു​പോ​യി കൃ​ത്രി​മ​കാ​ല്‍ വ​ച്ച് ന​ട​ക്കാ​നും പ​രി​ശീ​ലി​പ്പി​ച്ചു.
ബാ​ല​ഭ​വ​നി​ലേ​ക്ക്

ത​ല​ശേ​രി അ​തി​രൂ​പ​ത​യു​ടെ കീ​ഴി​ലു​ള്ള ബാ​ല​ഭ​വ​നി​ലേ​ക്ക് പ്ര​സാ​ദി​നെ അ​യ​ച്ച​തും ഡോ​ക്ട​ര്‍ ദ​മ്പ​തി​ക​ളു​ടെ ഇ​ട​പെ​ട​ലി​ല്‍ ആ​യി​രു​ന്നു. അ​വി​ടെ ‍ പ്ര​സാ​ദി​ന് സ്‌​നേ​ഹ​വും സാ​ന്ത്വ​ന​വും പ്ര​ത്യാ​ശ​യും പ​ക​ര്‍​ന്ന​ത് ബാ​ല​ഭ​വ​നി​ലെ വൈ​ദി​ക​രും സ​ന്യ​സ്ത​രു​മാ​ണ്. ത​ല​ശേ​രി അ​തി​രൂ​പ​ത​യു​ടെ കാ​രു​ണ്യ​സ്ഥാ​പ​ന​മാ​യ കു​ന്നോ​ത്ത് സാ​വി​യോ ബോ​യ്‌​സ് ടൗ​ണി​ലാ​യി​രു​ന്നു 18 വ​യ​സു വ​രെ പ്ര​സാ​ദ് വ​ള​ര്‍​ന്ന​ത്. ശാ​രി​രി​ക​ന്യൂ​ന​ത​ക​ൾ പ​രി​മി​തി​യ​ല്ലെ​ന്ന ആ​ശ്വാ​സം പ​ക​ര്‍​ന്ന് ആ​ശ്വ​സി​പ്പി​ച്ച​തും പ​ഠി​പ്പി​ച്ച​തും പ​രി​ശീ​ലി​പ്പി​ച്ച​തു​മാ​ക്കെ ബോ​യ്‌​സ് ടൗ​ണി​ലെ വൈ​ദി​ക​രും സ​ന്യ​സ്ത​രും അ​ധ്യാ​പ​ക​രു​മാ​ണ്. അ​വ​ധി​ക്കാ​ല​ങ്ങ​ളി​ൽ ഡോ. ​ല​ത്തീ​ഫും ഡോ. ​ലി​ല്ലി​യും അ​വ​രു​ടെ വീ​ട്ടി​ലേ​ക്ക് പ്ര​സാ​ദി​നെ കൊ​ണ്ടു​പോ​യി ഇ​ഷ്ട​ഭ​ക്ഷ​ണ​വും വ​സ്ത്ര​ങ്ങ​ളും പ​ഠ​ന​സാ​മ​ഗ്രി​ക​ളു​മൊ​ക്കെ വാ​ങ്ങി​ക്കൊ​ടു​ത്തി​രു​ന്നു.

ജീ​വി​ത​ത്തി​ലാ​ദ്യ​മാ​യി അ​ച്ഛ​ന്‍റെ​യും അ​മ്മ​യു​ടെ​യും സ്‌​നേ​ഹം അ​റി​ഞ്ഞ​ത് അ​വ​രി​രു​വ​രി​ലും നി​ന്നാ​ണെ​ന്ന് പ്ര​സാ​ദ് ഓ​ര്‍​മി​ക്കു​ന്നു. ത​ല​ശേ​രി അ​തി​രൂ​പ​ത​യു​ടെ​യും ഡോ. ​ല​ത്തീ​ഫി​ന്‍റെ​യും കാ​രു​ണ്യ​ത്തി​ല്‍ പ്ര​സാ​ദ് പ​ഠ​ന​ത്തി​ല്‍ മു​ന്നേ​റി. 2010 സെ​പ്റ്റം​ബ​ർ 13നു​ണ്ടാ​യ ഡോ. ​ല​ത്തീ​ഫി​ന്‍റെ മ​ര​ണം പ്ര​സാ​ദി​ന് താ​ങ്ങാ​നാ​വാ​ത്ത വേ​ദ​ന​യാ​യി. ശ്രീ​ക​ണ്ഠ​പു​ര​ത്തു​ള്ള ഡോ. ​ലി​ല്ലി മാ​തൃ​സ​ഹ​ജ​മാ​യ വാ​ത്സ​ല‍്യ​ത്തോ​ടെ ഇ​പ്പോ​ഴും പ്ര​സാ​ദി​ന് കൂ​ട്ടാ​യു​ണ്ട്.

ഇ​രി​ട്ടി കു​ന്നോ​ത്ത് സെ​ന്‍റ് ജോ​സ​ഫ്‌​സ് സ്‌​കൂ​ളി​ല്‍ പ​ത്താം ക്ലാ​സ് ക​ഴി​ഞ്ഞ​തോ​ടെ കു​ന്നോ​ത്ത് പ​ള്ളി​മേ​ട​യി​ല്‍ വി​കാ​രി​യ​ച്ച​ന്മാ​രു​ടെ മേ​ൽ​നോ​ട്ട ത്തി​ലാ​യി​രു​ന്നു പ്ര​സാ​ദി​ന്‍റെ താ​മ​സം. ഇ​ത്ത​ര​ത്തി​ല്‍ ഫാ. ​ജോ​സ​ഫ് കൊ​ര​ട്ടി​പ്പ​റ​മ്പി​ല്‍, ഫാ. ​തോ​മ​സ് നീ​ണ്ടൂ​ര്‍, പ​രേ​ത​രാ​യ ഫാ. ​മാ​ത്യു വി​ല്ല​ന്താ​നം, ഫാ. ​തോ​മ​സ് അ​രീ​ക്കാ​ട്ട്, ഫാ. ​ജോ​സ​ഫ് ക​ച്ചി​റ​മ​റ്റം തു​ട​ങ്ങി​യ വി​കാ​രി​മാ​ര്‍ ന​ല്‍​കി​യ പ്രോ​ത്സാ​ഹ​ന​ങ്ങ​ളും സ​ഹാ​യ​ങ്ങ​ളും പ്ര​സാ​ദ് നി​റ​ഞ്ഞ ഹൃ​യ​ത്തോ​ടെ​യാ​ണ് ഓ​ര്‍​മി​ക്കു​ന്ന​ത്.

കൂ​ത്തു​പ​റ​മ്പ് നി​ര്‍​മ​ല​ഗി​രി കോ​ള​ജി​ലും കാ​ല​ടി ശ്രീ​ശ​ങ്ക​രാ​ചാ​ര്യ സം​സ്‌​കൃ​ത സ​ർ​വ​ക​ലാ​ശാ​ല​യി​ലു​മൊ​ക്കെ​യാ​യി ഉ​ന്ന​ത വി​ദ്യാ​ഭ്യാ​സം നേ​ടി​യ പ്ര​സാ​ദ് പി​ന്നീ​ട് വാ​യാ​ട്ടു​പ​റ​മ്പ് സെ​ന്‍റ് ജോ​സ​ഫ്സ് ഹ​യ​ര്‍ സെ​ക്ക​ന്‍​ഡ​റി സ്‌​കൂ​ളി​ല്‍ ഗ​സ്റ്റ് അ​ധ്യാ​പ​ക​നാ​യി. 2004ല്‍ ​നെ​ല്ലി​ക്കു​റ്റി സെ​ന്‍റ് അ​ഗ​സ്റ്റി​ൻ​സ് സ്‌​കൂ​ളി​ലും 2006ല്‍ ​ആ​റ​ളം സ്‌​കൂ​ളി​ലും അ​ധ്യാ​പ​ക​നാ​യി സ്ഥി​രം നി​യ​മ​നം ല​ഭി​ച്ചു. തു​ട​ർ​ന്ന് ബി​രു​ദാ​ന​ന്ത​ര ബി​രു​ദ​വും സെ​റ്റും നെ​റ്റും നേ​ടി 2014ല്‍ ​ഹ​യ​ര്‍ സെ​ക്ക​ന്‍​ഡ​റി സ്‌​കൂ​ളി​ല്‍ അ​ധ്യാ​പ​ക​നും 2016ല്‍ ​കൃ​ഷ്ണ​മേ​നോ​ന്‍ കോ​ള​ജി​ല്‍ അ​സി. പ്ര​ഫ​സ​റു​മാ​യി. പ​രി​മി​തി​ക​ളു​ടെ ക​ട​മ്പ​ക​ളെ മ​റി​ക​ട​ക്കാ​നും പ്ര​തി​സ​ന്ധി​ക​ളി​ല്‍ ക​രു​ത​ലാ​യി നി​ല​കൊ​ള്ളാ​നും ത​ല​ശേ​രി അ​തി​രൂ​പ​ത​യും മു​ന്‍ ആ​ര്‍​ച്ച്ബി​ഷ​പ് മാ​ര്‍ ജോ​ര്‍​ജ് വ​ലി​യ​മ​റ്റ​വും കാ​ണി​ച്ച ന​ന്‍​മ​ക​ള്‍​ക്ക് ഹൃ​ദ​യ​നി​റ​വോ​ടെ ന​ന്ദി പ​റ​യു​ക​യാ​ണ് പ്ര​സാ​ദ്‍.

കൃ​ത്രി​മ അ​വ​യ​വ​ദാ​നം

താ​ന്‍ പി​ന്നി​ട്ട ക​ന​ല്‍​വ​ഴി​ക​ള്‍ ത​ന്നെ​പ്പോ​ലെ​യു​ള്ള​വ​രു​ടെ ജീ​വി​ത​ത്തി​നു ത​ണ​ലാ​ക​ണ​മെ​ന്ന ആ​ഗ്ര​ഹ​ത്തി​ലാ​ണ് ക​ണ്ണൂ​ര്‍ കൃ​ഷ്ണ​മേ​നോ​ന്‍ കോ​ള​ജി​ല്‍ കൃ​ത്രി​മ അ​വ​യ​വ​ങ്ങ​ള്‍ സ​മ്മാ​നി​ക്കു​ന്ന സം​രം​ഭ​ത്തി​നു പ്ര​സാ​ദി​ന്‍റെ തു​ട​ക്കം. സ​ഹ അ​ധ്യാ​പ​ക​രും വി​ദ്യാ​ര്‍​ഥി​ക​ളും ഒ​പ്പം ചേ​ര്‍​ന്ന​തോ​ടെ ആ ​സ്വ​പ്നം പു​തി​യൊ​രു ച​രി​ത്ര​മാ​യി. നാ​ഷ​ണ​ല്‍ സ​ര്‍​വീ​സ് സ്‌​കീ​മി​ന്‍റെ നേ​തൃ​ത്വ​ത്തി​ല്‍ ന​ട​ത്തു​ന്ന നി​ര​വ​ധി​യാ​യ ജീ​വ​കാ​രു​ണ്യ പ്ര​വ​ര്‍​ത്ത​ന​ങ്ങ​ളു​ടെ​യും അ​മ​ര​ക്കാ​ര​നാ​ണ് പ്ര​ഫ. പ്ര​സാ​ദ്. എ​ന്‍​എ​സ്എ​സ് യൂ​ണി​റ്റി​ന്‍റെ നേ​തൃ​ത്വ​ത്തി​ലു​ള്ള കൃ​ത്രി​മ അ​വ​യ​വ വി​ത​ര​ണ സം​രം​ഭം ലിം​പ്‌​സ് ഓ​ഫ് ലൈ​ഫ് ഇ​ന്ത്യ​യി​ല്‍​ത​ന്നെ വേ​റി​ട്ട ഒ​രു സാ​മൂ​ഹ്യ പ്ര​വ​ര്‍​ത്ത​ന​മാ​ണ്. അ​പ​ക​ട​ങ്ങ​ളി​ലും രോ​ഗ​ങ്ങ​ളി​ലും കൈ​കാ​ലു​ക​ള്‍ ന​ഷ്ട​പ്പെ​ട്ട കു​ട്ടി​ക​ളു​ള്‍​പ്പെ​ടെ 137 പേ​രെ ജീ​വി​ത​ത്തി​ലേ​ക്ക് ആ​ന​യി​ക്കാ​ന്‍ ഈ ​സം​രം​ഭ​ത്തി​നു ക​ഴി​ഞ്ഞി​രി​ക്കു​ന്നു.

വി​ദ്യാ​ര്‍​ഥി​ക​ള്‍ അ​വ​രു​ടെ സ​ങ്ക​ട​ങ്ങ​ളും സ്വ​കാ​ര്യ​പ്ര​ശ്‌​ന​ങ്ങ​ളും പ​ങ്കു​വ​യ്ക്കു​ന്ന പ്രി​യ​പ്പെ​ട്ട അ​ധ്യാ​പ​ക​നാ​ണ് പ്ര​സാ​ദ്. സൗ​ജ​ന്യ കൃ​ത്രി​മ​കാ​ല്‍ വി​ത​ര​ണ​ത്തി​ന് പി​ന്നി​ല്‍ അ​ധ്യാ​പ​ക​രു​ടെ​യും വി​ദ്യാ​ര്‍​ഥി​ക​ളു​ടെ​യും അ​ക്ഷീ​ണ​പ്ര​യ​ത്‌​നം ഇ​ദ്ദേ​ഹ​ത്തി​നു താ​ങ്ങാ​യു​ണ്ട്. തു​ണി​സ​ഞ്ചി​ക​ള്‍ തു​ന്നി വീ​ടു​ക​ള്‍ തോ​റും വി​റ്റാ​ണ് ആ​ദ്യ​ഘ​ട്ടം ക്യാ​മ്പി​നു​ള്ള പ​ണം സ്വ​രൂ​പി​ച്ച​ത്. അ​ധ്യാ​പ​ക​നാ​യ പി.​എ​ച്ച്. ഷാ​ന​വാ​സും പ്ര​സാ​ദി​ന് ക​രു​ത്ത് പ​ക​രു​ന്നു. ചെ​ന്നൈ​യി​ല്‍​നി​ന്നു വി​ദ​ഗ്ധ​ര്‍ നേ​രി​ട്ടെ​ത്തി ക്ലാ​സു​ക​ള്‍ ന​ല്‍​കി​യാ​ണ് കൃ​ത്രി​മ കാ​ലു​ക​ള്‍ ഘ​ടി​പ്പി​ക്കു​ന്ന​ത്.

പ്ര​സാ​ദി​ന്‍റെ ശാ​രി​രി​ക പ​രി​മി​തി​ക​ൾ ‍ കു​റ​വാ​യി പ​രി​ഗ​ണി​ക്കാ​തെ ഉ​രു​പ്പും​കു​റ്റി സ്വ​ദേ​ശി​നി സ​ലോ​മി ജീ​വി​ത​പ​ങ്കാ​ളി​യാ​യി. ഇ​രി​ട്ടി എ​ടൂ​രി​ലാ​ണ് ഈ ​കു​ടും​ബ​ത്തി​ന്‍റെ താ​മ​സം. പ്ല​സ്ടു വി​ദ്യാ​ര്‍​ഥി ലി​യോ പ്ര​സാ​ദും എ​ട്ടാം ക്ലാ​സ് വി​ദ്യാ​ര്‍​ഥി​നി ലി​യ പ്ര​സാ​ദു​മാ​ണ് മ​ക്ക​ള്‍.

അ​നു​മോ​ള്‍ ജോ​യ്