നാ​ഗാ​ലാ​ൻ​ഡി​ലെ പ​തി​നേ​ഴ് ഗോ​ത്ര​വി​ഭാ​ഗ​ങ്ങ​ൾ ഒ​ത്തു​ചേ​ർ​ന്ന് ത​ന​ത് ആ​ചാ​ര​ങ്ങ​ളും ജീ​വി​ത​രീ​തി​ക​ളും ഗോ​ത്ര​നൃ​ത്ത​ങ്ങ​ളും ലോ​ക​ത്തി​നു​മു​ന്നി​ൽ അ​വ​ത​രി​പ്പി​ക്കു​ന്ന ഉ​ത്സ​വ​മാ​ണ് ഹോ​ണ്‍​ബി​ൽ ഫെ​സ്റ്റി​വ​ൽ. ഉ​ത്സ​വ​കാ​ല​ത്ത് നാ​ഗാ​ലാ​ൻ​ഡ് സ​ന്ദ​ർ​ശി​ച്ച അ​നു​ഭ​വ​ങ്ങ​ൾ വാ​യി​ക്കാം...

ക്രി​സ്മ​സ് കാ​ല​മാ​യി​രു​ന്നു. ചാ​ത്തെ ന​ദി​യോ​ര​ത്തു​കൂ​ടി നാ​ഗാ​ലാ​ൻ​ഡി​ന്‍റെ ത​ല​സ്ഥാ​ന​ന​ഗ​രി​യാ​യ കൊ​ഹി​മ ല​ക്ഷ്യ​മാ​ക്കി വാ​ഹ​നം പാ​ഞ്ഞു​കൊ​ണ്ടി​രു​ന്നു. അ​രി​ല്ലോ​യു​ടെ​യും അ​ല്ലീ​ന​യു​ടെ​യും റാ​ൻ​ഫാ​നി​ന്‍റെ​യും യാ​ണ്പു​ഹോ​യു​ടേ​യും നാ​ഗാ നാ​ടോ​ടി​ക്ക​ഥ​ക​ൾ പ​റ​ഞ്ഞ് സ​ഹ​യാ​ത്രി​ക​രാ​യ ഹാ​രി​സും സു​രേ​ഷും ഷ​മീ​റും ഷാ​ജി​യും. ഇ​ട​യ്ക്കെ​വി​ടെ​യോ​വ​ച്ച് ന​ദി വ​ഴി​മു​റി​ഞ്ഞു ദൂ​രേ​ക്കു​മ​റ​ഞ്ഞു. ചു​റ്റു​പാ​ടു​ക​ൾ​ക്ക് മാ​റ്റ​ങ്ങ​ൾ വ​രി​ക​യാ​ണ്.

അ​സ​മി​ലെ അ​ന​ന്ത​മാ​യ നെ​ൽ​പ്പാ​ട​ങ്ങ​ൾ​ക്കും ക​ർ​ഷ​ക​മാ​ട​ങ്ങ​ൾ​ക്കും പ​ക​രം വ​ലി​യ മ​ല​ക​ളും ക​യ​റ്റി​റ​ക്ക​ങ്ങ​ളും തെ​ളി​യു​ന്നു. സ​മ​ത​ല​ങ്ങ​ളി​ലെ ചൂ​ടി​ൽ​നി​ന്നു മ​ല​നി​ര​ക​ളി​ലെ കു​ളി​രി​ലേ​ക്ക്. വ​ഴി​യോ​ര​ങ്ങ​ളി​ൽ നി​റ​പു​ഞ്ചി​രി​യു​മാ​യി പൈ​നാ​പ്പി​ൾ വി​ൽ​ക്കു​ന്ന നാ​ഗാ പെ​ണ്‍​കു​ട്ടി​ക​ൾ. നേ​ര​മി​രു​ട്ടി​ത്തു​ട​ങ്ങി. കൊ​ഹി​മ​യോ​ട് അ​ടു​ത്തു​കൊ​ണ്ടി​രു​ന്നു. അ​ടു​ക്കി​വ​ച്ച​പോ​ലെ മ​ല​ഞ്ചെ​രി​വു​ക​ളി​ൽ നി​റ​യെ വീ​ടു​ക​ൾ. ഉ​യ​ര​ത്തി​ൽ മ​നോ​ഹ​ര​ങ്ങ​ളാ​യ പ​ള്ളി​ക​ൾ.

ന​ഗ​ര​ത്തി​ലേ​ക്ക് പ്ര​വേ​ശി​ക്കാ​തെ ഇ​ട​വ​ഴി​ക​ളി​ലൂ​ടെ കി​സാ​മ​യി​ലേ​ക്ക് തി​രി​ഞ്ഞു. കി​സാ​മ താ​ഴ്വ​ര​യി​ലാ​ണ് നാ​ഗാ​ലാ​ൻ​ഡി​ന്‍റെ ദേ​ശീ​യോ​ത്സ​വ​മാ​യ ഹോ​ണ്‍​ബി​ൽ ഫെ​സ്റ്റി​വ​ൽ. ക​നം​വ​യ്ക്കു​ന്ന ഇ​രു​ട്ടി​നൊ​പ്പം ത​ണു​പ്പ് അ​രി​ച്ചു​ക​യ​റു​ന്നു. കു​ന്നു​ക​യ​റി ഏ​തൊ​ക്കെ​യോ കാ​ട്ടു​വ​ഴി​ക​ളി​ലൂ​ടെ സ​ഞ്ച​രി​ച്ച് താ​മ​സ​സ്ഥ​ല​ത്തെ​ത്തി​യ​പ്പോ​ൾ ആ​ദ്യം​ക​ണ്ട​ത് ആ​ളി​ക്ക​ത്തു​ന്ന തീ​നാ​ള​ങ്ങ​ളാ​ണ് . കൈ​ക​ൾ തി​രു​മ്മി ത​ണു​പ്പ​ക​റ്റാ​ൻ കു​റേ​നേ​രം തീ​ക്കു​ണ്ഡ​ത്തി​നു ചു​റ്റി​ലു​മി​രു​ന്നു.

നാ​ഗാ​ലാ​ൻ​ഡി​ന്‍റെ പൈ​തൃ​കം

നി​ഗൂ​ഢ​ത​ക​ളി​ൽ മു​ഴു​കി​യ നാ​ടെ​ന്നാ​ണ് നാ​ഗാ​ലാ​ൻ​ഡി​ന്‍റെ വി​ശേ​ഷ​ണം. യോ​ദ്ധാ​ക്ക​ളു​ടെ​യും ന​ർ​ത്ത​ക​രു​ടെ​യും പ​ർ​വ​ത​ങ്ങ​ളു​ടെ​യും വ​ന​ങ്ങ​ളു​ടെ​യും ഗോ​ത്ര​സം​സ്കൃ​തി​ക​ളു​ടെ​യും നാ​ട്. ചൈ​ന വ​ന്മ​തി​ലി​ന​ടു​ത്ത് പാ​ർ​ത്തി​രു​ന്ന ജ​ന​സ​മൂ​ഹ​മാ​യി​രു​ന്നു നാ​ഗാ ജ​ന​ത​യു​ടെ പൂ​ർ​വി​ക​ർ. വ​ന്മ​തി​ൽ ക​ട​ന്ന് അ​വ​ർ ചൈ​ന​യി​ലെ മ​ഞ്ചൂ​രി​യ​യി​ൽ എ​ത്തി. കു​റ​ച്ചു കാ​ലം അ​വി​ടെ ത​ങ്ങി​യ​ശേ​ഷം ബ​ർ​മ ന​ദി​ക​ട​ന്ന് മ​ണി​പ്പു​രി​ലെ​ത്തി.

അ​വി​ടെ​നി​ന്നു ജ​പ്ഫു പ​ർ​വ​തം ക​ട​ന്ന് നാ​ഗാ​ലാ​ൻ​ഡി​ലെ​ത്തി വി​വി​ധ മ​ല​ക​ളി​ൽ താ​മ​സം തു​ട​ങ്ങി. പ​തി​നേ​ഴ് ഗോ​ത്ര​വി​ഭാ​ഗ​ങ്ങ​ളു​ണ്ട് നാ​ഗാ​ലാ​ൻ​ഡി​ൽ. പ​തി​നാ​റാ​യി​രം ച​തു​ര​ശ്ര കി​ലോ​മീ​റ്റ​ർ വി​സ്തൃ​തി​യു​ണ്ടെ​ങ്കി​ലും ഇ​രു​പ​തു ല​ക്ഷം മാ​ത്ര​മാ​ണ് നാ​ഗാ​ലാ​ൻ​ഡി​ലെ ജ​ന​സം​ഖ്യ. സ​മ​ത​ല​ങ്ങ​ൾ കു​റ​ഞ്ഞ, കു​ന്നും മ​ല​ക​ളു​മാ​യു​ള്ള ഭൂ​പ്ര​കൃ​തി. ആ​ധു​നി​ക ജീ​വി​ത​സാ​ഹ​ച​ര്യ​ങ്ങ​ളി​ലും ഗോ​ത്ര​പൈ​തൃ​കം മു​റു​കെ​പ്പി​ടി​ക്കു​ന്ന​താ​ണ് നാ​ഗാ​ലാ​ൻ​ഡി​ന്‍റെ സ്വ​ത്വം.

വേ​ട്ട, കൃ​ഷി, കൊ​യ്ത്ത്, വി​വാ​ഹം, യു​ദ്ധം തു​ട​ങ്ങി​യ​വ​യു​മാ​യി ബ​ന്ധ​പ്പെ​ട്ട​താ​ണ് പ​ല ആ​ചാ​ര​ങ്ങ​ളും. ആ​ണ്ടി​ലൊ​രി​ക്ക​ൽ പ​തി​നേ​ഴ് ഗോ​ത്ര​വി​ഭാ​ഗ​ങ്ങ​ൾ കി​ഗ്വാ​മ​യി​ലെ കി​സാ​മ ഗ്രാ​മ​ത്തി​ൽ ഒ​ത്തു​ചേ​ർ​ന്ന് ത​ന​ത് ആ​ചാ​ര​ങ്ങ​ളും ജീ​വി​ത​രീ​തി​ക​ളും ഗോ​ത്ര​നൃ​ത്ത​ങ്ങ​ളും ലോ​ക​ത്തി​നു​മു​ന്നി​ൽ അ​വ​ത​രി​പ്പി​ക്കു​ന്ന ഉ​ത്സ​വ​മാ​ണ് ഹോ​ണ്‍​ബി​ൽ ഫെ​സ്റ്റി​വ​ൽ. ഡി​സം​ബ​ർ ഒ​ന്നു മു​ത​ൽ പ​ത്തു ദി​വ​സം. ഗോ​ത്ര​ക​ല​ക​ളു​ടെ ഇ​തു​പോ​ലൊ​രു സ​മ്മേ​ള​നം അ​പൂ​ർ​വം.

മു​ള​ങ്കാ​ടു​ക​ൾ​ക്കി​ട​യി​ൽ ആ​ടി​യു​ല​യു​ന്ന ടെ​ർ​മി​ന​ലി​യ പൂ​ക്ക​ളും ചെ​റി ബ്ലോ​സം പൂ​ക്ക​ളും ക​ണ്ടാ​ണ് ഉ​റ​ക്ക​മു​ണ​ർ​ന്ന​ത്. മ​ല​യോ​ര​ങ്ങ​ളി​ലൂ​ടെ കു​റേ​ദൂ​രം ന​ട​ന്നു. ശ​രീ​രം വി​റ​പ്പി​ച്ച് ചു​റ്റി​ത്തി​രി​യു​ന്നൊ​രു ശീ​ത​ക്കാ​റ്റ്. ഒ​രു മ​ല​യു​ടെ ചെ​രി​വി​ലാ​കെ ഹോ​ണ്‍​ബി​ൽ ഫെ​സ്റ്റി​വ​ലി​നെ​ത്തു​ന്ന അ​തി​ഥി​ക​ൾ​ക്കു​ള്ള പ​ല നി​റ​ങ്ങ​ളി​ലു​ള്ള ടെ​ന്‍റു​ക​ൾ. കു​ന്നു​ക​ളി​ലെ ഒ​റ്റ​പ്പെ​ട്ട വീ​ടു​ക​ളി​ൽ​നി​ന്നു കൗ​തു​ക​ത്തോ​ടെ നോ​ക്കി​നി​ൽ​ക്കു​ന്ന ഗ്രാ​മീ​ണ​ർ.

ഖൊ​നോ​മ ഗ്രാ​മം

കൊ​ഹി​മ​യി​ൽ​നി​ന്ന് ഇ​രു​പ​ത് കി​ലോ​മീ​റ്റ​ർ മ​ല​ഞ്ചെ​രി​വു​ക​ളി​ലൂ​ടെ സ​ഞ്ച​രി​ച്ച് 5,320 അ​ടി ഉ​യ​ര​ത്തി​ലേ​ക്കു ക​യ​റി​യാ​ണ് ഖൊ​നോ​മ​യി​ൽ എ​ത്തി​ച്ചേ​ർ​ന്ന​ത്. ഇ​ള​വെ​യി​ൽ പ​ര​ന്ന പ്ര​സ​ന്ന​മാ​യ അ​ന്ത​രീ​ക്ഷം. ചു​റ്റു​പാ​ടും പ​ച്ച​പ്പു​തു​ടി​ക്കു​ന്ന ഡി​സു​ക്കോ താ​ഴ്‌​വ​ര​ക​ളു​ടെ മു​ഗ്ധ​സൗ​ന്ദ​ര്യം. മ​ല​ക​ൾ​ക്കി​ട​യി​ലെ ത​ട്ടു​ക​ളാ​യു​ള്ള കൃ​ഷി​യി​ട​ങ്ങ​ൾ കാ​ണു​ന്പോ​ൾ ആ​രോ ആ​സ്വ​ദി​ച്ചു വ​ര​ച്ച ചി​ത്രം​പോ​ലെ തോ​ന്നും.

ഗ്രാ​മ​ത്തി​ൽ​നി​ന്ന് അ​ല്പം തെ​ക്കോ​ട്ടു മാ​റി ഉ​യ​ര​ത്തി​ൽ ഖൊ​നോ​മ ബാ​പ്റ്റി​സ്റ്റ് ദേ​വാ​ല​യം. മ​ല​നെ​റു​ക​യി​ൽ​നി​ന്ന് ഇ​രു​വ​ശ​ങ്ങ​ളി​ലേ​ക്കു​മി​റ​ങ്ങു​ന്ന ചെ​രി​വു​ക​ളി​ലാ​ണ് അ​ൻ​ഗാ​മി ഗോ​ത്രം നി​വ​സി​ക്കു​ന്ന 424 വീ​ടു​ക​ൾ. ഏ​ഷ്യ​യി​ലെ ആ​ദ്യ​ത്തെ ഹ​രി​ത​ഗ്രാ​മ​മാ​ണ് ഖൊ​നോ​മ. ട്ര​ഗോ​പ​ൻ പ​ക്ഷി​ക​ളു​ടെ സം​ര​ക്ഷ​ണ​ത്തി​നാ​യി സ്ഥാ​പി​ച്ച ഇ​രു​പ​ത്ത​ഞ്ച് ച​തു​ര​ശ്ര​കി​ലോ​മീ​റ്റ​ർ വി​സ്തൃ​തി​യി​ലു​ള്ള പ​ക്ഷി​സ​ങ്കേ​ത​ത്തി​നു​ള്ളി​ലാ​ണ് ഗ്രാ​മം.

ഗ്രാ​മ​ത്തെ വ​ല​യം​ചെ​യ്യു​ന്ന ക​ല്ലു​ക​ൾ​പാ​കി​യ വൃ​ത്തി​യു​ള്ള പാ​ത. ച​പ്പു​ച​വ​റു​ക​ളോ മാ​ലി​ന്യ​ങ്ങ​ളോ എ​ങ്ങു​മി​ല്ല. വി​ശ്ര​മ​സ്ഥ​ല​ങ്ങ​ളും പൊ​തു​സ്ഥ​ല​ങ്ങ​ളും ഉ​ൾ​ക്കൊ​ള്ളു​ന്ന ഗ്രാ​മ​ത്തി​ന്‍റെ അ​ക​ത്ത​ള​ങ്ങ​ൾ. മു​ള​പ്പാ​യ​യി​ൽ ഉ​ണ​ക്കു​വാ​നി​ട്ടി​രി​ക്കു​ന്ന ധാ​ന്യ​ങ്ങ​ളും കാ​ട്ടാ​പ്പി​ൾ തു​ണ്ടു​ക​ളും പ​ല​യി​ട​ത്തും ക​ണ്ടു. പ​ഴ​യ പോ​രാ​ട്ട​ക​ഥ​ക​ൾ പ​റ​ഞ്ഞ് വെ​യി​ൽ കാ​ഞ്ഞി​രി​ക്കു​ന്ന മു​തി​ർ​ന്ന​വ​ർ. ഉ​യ​ര​ത്തി​ൽ കു​ത്ത​നെ ചെ​രി​ഞ്ഞ മേ​ൽ​ക്കൂ​ര​ക​ളോ​ടെ​യാ​ണ് മൊ​രു​ങ്ങു​ക​ൾ എ​ന്ന​റി​യ​പ്പെ​ടു​ന്ന അ​ൻ​ഗാ​മി ഭ​വ​ന​ങ്ങ​ൾ.

വേ​ട്ട​യാ​ടി​യ മൃ​ഗ​ങ്ങ​ളു​ടെ ത​ല​യോ​ട്ടി​ക​ൾ അ​ല​ങ്ക​രി​ക്കു​ന്ന സ്വീ​ക​ര​ണ​മു​റി​ക​ൾ. ‌1879 ൽ ​നി​ർ​മി​ച്ച സെ​മോ​മ​യി​ലെ ഖൊ​നോ​മ കോ​ട്ട​യ്ക്കു മു​ന്നി​ലെ​ത്തി. ബ്രി​ട്ടീ​ഷു​കാ​ർ​ക്കെ​തി​രേ അ​ൻ​ഗാ​മി യോ​ദ്ധാ​ക്ക​ൾ ചെ​യ്ത ഖൊ​നോ​മ​യു​ദ്ധം ഈ ​കോ​ട്ട കേ​ന്ദ്രീ​ക​രി​ച്ചാ​യി​രു​ന്നു. പ​ല​ത​വ​ണ ഖൊ​നോ​മ​കോ​ട്ട ത​ക​ർ​ക്ക​പ്പെ​ടു​ക​യും പു​ന​ർ​നി​ർ​മി​ക്കു​ക​യും ചെ​യ്തി​ട്ടു​ണ്ട്. പോ​രാ​ളി​ക​ൾ​ക്കു​ള്ള യു​ദ്ധ​സ്മാ​ര​ക​ങ്ങ​ൾ ഗ്രാ​മ​ത്തി​ലെ​ങ്ങു​മു​ണ്ട്.

ഹോ​ണ്‍​ബി​ൽ ഫെ​സ്റ്റി​വ​ൽ

ഖൊ​നോ​മ​യി​ൽ​നി​ന്നു മ​ട​ങ്ങി​യ​ത് നേ​രെ ഹോ​ണ്‍​ബി​ൽ ഉ​ത്സ​വ​ത്തി​ലേ​ക്കാ​ണ്. കി​സാ​മ​യി​ലെ നാ​ഗാ പൈ​തൃ​ക ഗ്രാ​മ​ത്തി​ലെ പ്ര​ധാ​ന സ്റ്റേ​ഡി​യ​മാ​ണ് ഉ​ദ്ഘാ​ട​ന​വേ​ദി.

താ​ഴ്‌​വ​ര​ക​ൾ പ​ല​വി​ധ സ്റ്റാ​ളു​ക​ൾ‌​കൊ​ണ്ട് നി​റ​ഞ്ഞു​ക​വി​ഞ്ഞി​രു​ന്നു. വ​ലി​യ തി​ക്കും തി​ര​ക്കും. പ​ര​ന്പ​രാ​ഗ​ത ഗോ​ത്ര​വേ​ഷ​ങ്ങ​ൾ അ​ണി​ഞ്ഞ നാ​ഗാ സാം​സ്കാ​രി​ക സം​ഘ​ങ്ങ​ൾ താ​ള​ത്തി​ൽ ചു​വ​ടു​ക​ൾ​വ​ച്ച് മു​ഖ്യാ​തി​ഥി​ക​ളെ വ​ര​വേ​റ്റ് സ്റ്റേ​ഡി​യ​ത്തി​ലേ​ക്കു മാ​ർ​ച്ച് ചെ​യ്തു. തൂ​വ​ൽ കി​രീ​ട​ങ്ങ​ളും മാ​ർ​ച്ച​ട്ട​യും ആ​യു​ധ​ങ്ങ​ളും ചു​വ​ന്ന മേ​ല​ങ്കി​ക​ളും അ​ണി​ഞ്ഞ ഗോ​ത്ര​നൃ​ത്ത​സം​ഘ​ങ്ങ​ൾ ച​ടു​ല​മാ​യ ഈ​ണ​ത്തി​ൽ ഉ​ച്ച​ത്തി​ൽ പാ​ടി​ക്കൊ​ണ്ടി​രു​ന്നു.

നി​റ​ഞ്ഞു​ക​വി​ഞ്ഞ സ്റ്റേ​ഡി​യം നി​റ​ങ്ങ​ളു​ടെ ഉ​ത്സ​വ​മാ​യി മാ​റി. സം​ഗീ​ത സം​വി​ധാ​യ​ക​ൻ എ.​ആ​ർ. റ​ഹ്‌​മാ​ൻ ആ​യി​രു​ന്നു ഇ​രു​പ​ത്ത​ഞ്ചാം ഹോ​ണ്‍​ബി​ൽ ഫെ​സ്റ്റി​വ​ലി​ന്‍റെ ഉ​ദ്ഘാ​ട​ക​ൻ. പ്രൗ​ഢ​ഗം​ഭീ​ര​മാ​യ സ​ദ​സ്. ആ​ദ്യ പ്ര​ഭാ​ഷ​ണം കൊ​ഹി​മ ബി​ഷ​പ് ഡോ. ​ജ​യിം​സ് തോ​പ്പി​ലി​ന്‍റേ​താ​യി​രു​ന്നു. ഉ​ദ്ഘാ​ട​ന​ച്ച​ട​ങ്ങു​ക​ൾ​ക്കു​ശേ​ഷം ലോ​ക​ത്തി​ന്‍റെ പ​ല​ഭാ​ഗ​ങ്ങ​ളി​ൽ​നി​ന്നെ​ത്തി​യ ക​ലാ​കാ​ര​ന്മാ​രു​ടെ പ്ര​ക​ട​ന​ങ്ങ​ൾ പാ​തി​രാ​ക​ഴി​ഞ്ഞും നീ​ണ്ടു.

തു​ട​ർ​ന്നു​ള്ള പ​ത്തു ദി​വ​സ​ങ്ങ​ളി​ലും പ​ക​ൽ​സ​മ​യ​ങ്ങ​ളി​ൽ വി​വി​ധ ഗോ​ത്ര​സം​ഘ​ങ്ങ​ളു​ടെ നൃ​ത്ത​ങ്ങ​ളും രാ​ത്രി​യി​ൽ ക​ലാ സ​ന്ധ്യ​ക​ളു​മാ​യി​രു​ന്നു. നാ​ഗാ​ലാ​ൻ​ഡി​ലെ ഗോ​ത്ര​വി​ഭാ​ഗ​ങ്ങ​ളെ പ്ര​തി​നി​ധീ​ക​രി​ച്ച് പ​തി​നേ​ഴ് മൊ​രു​ങ്ങു​ക​ൾ പൈ​തൃ​ക ഗ്രാ​മ​ത്തി​ൽ സ​ജ്ജ​മാ​യി​രു​ന്നു. സ​ന്ദ​ർ​ശ​ക​ർ​ക്ക് മൊ​രു​ങ്ങു​ക​ൾ സ​ന്ദ​ർ​ശി​ച്ച് ഗോ​ത്ര​സം​സ്കൃ​തി അ​ടു​ത്ത​റി​യ​നും ഗോ​ത്ര​വി​ഭ​വ​ങ്ങ​ൾ രു​ചി​ക്കാ​നും അ​വ​സ​രം. ചു​ട്ട പ​ന്നി​യി​റ​ച്ചി​യും റൈ​സ് ബീ​റു​മാ​ണ് പ്ര​ധാ​നം.

ഈ​ച്ച​ക​ളെ വ​റു​ത്ത​തും റോ​സ്ബെ​ല്ല ടീ​യും ഉ​ണ​ക്കി​യ ഗൂ​സ്ബെ​റി​യും കാ​ട്ടാ​പ്പി​ളും പ​ല​ത​രം അ​ച്ചാ​റു​ക​ളും തേ​നും വ​ന​വി​ഭ​വ​ങ്ങ​ളും ക​ര​കൗ​ശ​ല വ​സ്തു​ക്ക​ളും വാ​ങ്ങാം. പൈ​തൃ​ക ഗ്രാ​മ​ത്തി​നു​പു​റ​ത്തും വി​പ​ണ​ന​ത്തി​ന്‍റെ വ​ലി​യ മേ​ള​ക​ൾ. രാ​ത്രി​യി​ലെ മ​ഞ്ഞും ത​ണു​പ്പും ആ​സ്വ​ദി​ച്ച് ഉ​ത്സ​വം ആ​ഘോ​ഷി​ക്കു​ന്ന സ​ന്ദ​ർ​ശ​ക​രി​ൽ ഒ​ട്ടേ​റെ മ​ല​യാ​ളി​ക​ളെ ക​ണ്ടു​മു​ട്ടി.

കൊ​ഹി​മ ക​ത്തീ​ഡ്ര​ൽ

ഒ​രു സാ​യാ​ഹ്ന​ത്തി​ലാ​ണ് കൊ​ഹി​മ​യി​ലെ ആ​രാ​ഡു​ര കു​ന്നി​ന്മു​ക​ളി​ലെ മേ​രി ഹെ​ല്പ് ഓ​ഫ് ക്രി​സ്ത്യ​ൻ​സ് ക​ത്തീ​ഡ്ര​ൽ പ​ള്ളി​യി​ൽ എ​ത്തി​യ​ത്. നാ​ഗാ കു​ന്നു​ക​ളു​ടെ സൗ​ന്ദ​ര്യം മു​ഴു​വ​ൻ കാ​ണാ​ൻ​പാ​ക​ത്തി​ൽ പ്ര​ശാ​ന്ത​സു​ന്ദ​ര​മാ​യ സ്ഥ​ലം. അ​ല്പം​ദൂ​രെ താ​ഴെ​യാ​യി നേ​ർ​ത്ത മ​ഞ്ഞി​ൻ പു​ത​പ്പ​ണി​ഞ്ഞ കൊ​ഹി​മ പ​ട്ട​ണം. നോ​ക്ലാ​ക്കി​ലേ​ക്കും തോ​ങ്സൊ​ന്യു​വി​ലേ​ക്കും നീ​ളു​ന്ന മ​ല​ന്പാ​ത​ക​ളി​ലൂ​ടെ പ​തി​യെ ച​ലി​ക്കു​ന്ന വാ​ഹ​ന​നി​ര കാ​ണാം.

നാ​ഗാ ഭ​വ​ന​ങ്ങ​ളു​ടെ മാ​തൃ​ക​യി​ൽ ജാ​പ്പ​നീ​സ് വാ​സ്തു​വി​ദ്യ​യി ലാ​ണ് മ​നോ​ഹ​ര​മാ​യ ക​ത്തീ​ഡ്ര​ൽ പ​ള്ളി​യു​ടെ നി​ർ​മി​തി. വ​ശ​ങ്ങ​ളി​ൽ കു​രി​ശി​ന്‍റെ വ​ഴി​ക​ൾ അ​ട​യാ​ള​പ്പെ​ടു​ത്തു​ന്ന പ​തി​നാ​ല് ശി​ല്പ​ങ്ങ​ൾ. പ​തു​ക്കെ പ​ടി​ക​ൾ ക​യ​റി പ​ള്ളി​യ​ക​ത്തെ​ത്തി. പ്ര​കാ​ശം ചൊ​രി​യു​ന്ന വ​ർ​ണാ​ഭ​മാ​യ ചി​ല്ലു ക്രാ​സി​ക​ൾ​ക്കു താ​ഴെ ക്രി​സ്തു​വി​ന്‍റെ ജ​ന​ന​വും ഉ​ത്ഥാ​ന​വും ആ​സ്പ​ദ​മാ​ക്കി​യ വ​ലി​യ പെ​യി​ന്‍റിം​ഗു​ക​ൾ.

സ​ക്രാ​രി​യു​ടെ മ​ധ്യ​ത്തി​ൽ പ​തി​നാ​റ​ടി ഉ​യ​ര​ത്തി​ൽ ക്രൂ​ശി​ത​രൂ​പം. ക​ത്തീ​ഡ്ര​ൽ പ​ള്ളി​യോ​ട​നു​ബ​ന്ധി​ച്ചാ​ണ് കൊ​ഹി​മ ബി​ഷ​പ്പി​ന്‍റെ അ​ര​മ​ന​യും. ബി​ഷ​പ് മ​ല​യാ​ളി​യാ​ണ് - കോ​ട്ട​യം സ്വ​ദേ​ശി​യാ​യ ഡോ. ​ജ​യിം​സ് തോ​പ്പി​ൽ. ഓ​ഫീ​സി​ൽ അ​ന്വേ​ഷി​ച്ച​പ്പോ​ൾ അ​ദ്ദേ​ഹം പു​റ​ത്തു പോ​യി​രി​ക്കു​ക​യാ​ണെ​ന്ന​റി​ഞ്ഞു. മ​ല​യാ​ളി​ക​ൾ എ​ന്ന പ​രി​ഗ​ണ​ന​യി​ൽ ബി​ഷ​പ്പി​ന്‍റെ ന​ന്പ​ർ ത​ന്നു.

വി​ളി​ക്കു​ന്ന​തി​ന് തൊ​ട്ടു​മു​ന്പ് ബി​ഷ​പ് പ​ള്ളി​യി​ലെ​ക്കെ​ത്തി. പെ​ട്ടെ​ന്ന് ഒ​രു​കൂ​ട്ടം മ​ല​യാ​ളി​ക​ളെ ക​ണ്ട​പ്പോ​ൾ ബി​ഷ​പ്പി​ന് ഏ​റെ സ​ന്തോ​ഷം. കേ​ര​ള​ത്തി​ലെ വി​ശേ​ഷ​ങ്ങ​ൾ സം​സാ​രി​ച്ച് അ​ല്പ​നേ​രം. 52 ഇ​ട​വ​ക​ക​ളും ഒ​ട്ടേ​റെ സ​ന്യാ​സ​മ​ഠ​ങ്ങ​ളും കൊ​ഹി​മ രൂ​പ​ത​യ്ക്കു​കീ​ഴി​ലു​ണ്ട്. സ​ന്ദ​ർ​ശ​ക​രു​ടെ നീ​ണ്ട​നി​ര ബി​ഷ​പ്പി​നെ കാ​ത്തു​നി​ൽ​പ്പു​ണ്ടാ​യി​രു​ന്നു.

മി​മ ഗ്രാ​മം

കൊ​ഹി​മ​യി​ൽ​നി​ന്നു പ​തി​നേ​ഴ് കി​ലോ​മീ​റ്റ​ർ അ​ക​ലെ​യാ​ണ് അ​ൻ​ഗാ​മി ഗോ​ത്ര​ഗ്രാ​മ​മാ​യ മി​മ. വ​ഴി​യോ​ര​ങ്ങ​ളി​ലെ ചെ​റി​ബ്ലോ​സം പൂ​ക്ക​ളു​ടെ നി​റ​വി​ലൂ​ടെ​യാ​ണ് മി​മ ഗ്രാ​മ​ത്തി​ലേ​ക്കു​ള്ള പ്ര​വേ​ശ​നം. വാ​ഹ​നം താ​ഴെ നി​ർ​ത്തി കു​ന്നി​ന്മു​ക​ളി​ലേ​ക്കു ന​ട​ന്നു​ക​യ​റി. മു​ക​ളി​ൽ സ​ന്ദ​ർ​ശ​ക​ർ​ക്ക് വ്യൂ ​പോ​യി​ന്‍റു​ക​ൾ ഒ​രു​ക്കി​യി​ട്ടു​ണ്ട്.

കി​സാ​മ കു​ന്നു​ക​ളു​ടെ​യും കൊ​ഹി​മ ന​ഗ​ര​ത്തി​ന്‍റെ​യും മ​നോ​ഹ​ര​മാ​യ കാ​ഴ്ച മി​മ മ​ല​മു​ക​ളി​ൽ​നി​ന്നു ല​ഭി​ക്കും. മി​മ ഗ്രാ​മ​ത്തി​ൽ​നി​ന്നു പ​ത്തു കി​ലോ​മീ​റ്റ​ർ വ​ന​ത്തി​ലൂ​ടെ സ​ഞ്ച​രി​ച്ച്, ഭൂ​മി​ക്ക​ടി​യി​ൽ തേ​നീ​ച്ച​ക​ളെ വ​ള​ർ​ത്തു​ന്ന ന്യൂ ​ബീ ഫാ​മി​ൽ എ​ത്തി. 165 തേ​നീ​ച്ച​ക്കൂ​ടു​ക​ളും അ​വ​യി​ൽ​നി​ന്നു​ള്ള തേ​ൻ ഉ​ത്പാ​ദ​ന​വും ഉ​ട​മ​സ്ഥ​ൻ ക്രി​സ്റ്റോ വി​വ​രി​ച്ചു.

തേ​നീ​ച്ച​ഫാം ഒ​രു ടൂ​റി​സ്റ്റ് കേ​ന്ദ്രം കൂ​ടി​യാ​ണ്. ഫാ​മി​ലെ വാ​ച്ച് ട​വ​റി​ൽ​നി​ന്നു ല​ഭി​ക്കു​ന്ന​ത് നാ​ഗാ​ലാ​ൻ​ഡി​ലെ നി​ബി​ഡ​വ​ന​ങ്ങ​ളു​ടെ അ​ത്യ​പൂ​ർ​വ ചി​ത്ര​ങ്ങ​ളാ​ണ്. ഉ​ൾ​വ​ന​ങ്ങ​ളി​ൽ​നി​ന്ന് ഒ​ഴു​കി​യെ​ത്തു​ന്ന ചോ​ല​യി​ലെ വെ​ള്ളം ഉ​പ​യോ​ഗ​പ്പെ​ടു​ത്തി​യു​ള്ള നെ​ൽ​കൃ​ഷി​യും, വ​യ​ലു​ക​ൾ​ക്ക് അ​തി​രി​ട്ടു​നി​ൽ​ക്കു​ന്ന പു​ഷ്പ്പി​ച്ച റോ​ഡോ​ഡെ​ൻ​ഡ്രോ​ണ്‍ മ​ര​ങ്ങ​ളും എ​ത്ര​ക​ണ്ടാ​ലും മ​തി​വ​രി​ല്ല .

വാ​ർ മെ​മ്മോ​റി​യ​ൽ

മി​മ​യി​ൽ​നി​ന്നു മ​ട​ങ്ങും​വ​ഴി കൊ​ഹി​മ വാ​ർ മെ​മ്മോ​റി​യ​ൽ ശ്മ​ശാ​നം സ​ന്ദ​ർ​ശി​ച്ചു. ര​ണ്ടാം ലോ​ക​മ​ഹാ​യു​ദ്ധ​കാ​ല​ത്ത് 1944 ഏ​പ്രി​ലി​ൽ ബ​ർ​മ​യി​ൽ​നി​ന്നെ​ത്തി​യ ജാ​പ്പ​നീ​സ് സൈ​നി​ക​രു​മാ​യി ഏ​റ്റു​മു​ട്ടി മ​രി​ച്ച ഇ​ന്ത്യാ​ക്കാ​രും ബ്രി​ട്ടീ​ഷു​കാ​രു​മാ​യു​ള്ള 1,420 സൈ​നി​ക​രെ അ​ട​ക്കം​ചെ​യ്ത സ്ഥ​ല​മാ​ണ് കൊ​ഹി​മ വാ​ർ മെ​മ്മോ​റി​യ​ൽ.

നാ​ഗാ​ലാ​ൻ​ഡി​ലെ വി​സ്മ​യ​ങ്ങ​ൾ അ​വ​സാ​നി​ക്കു​ന്നി​ല്ല. ഉ​ൾ​ഗ്രാ​മ​ങ്ങ​ളി​ലേ​ക്കു ക​ട​ന്നാ​ൽ സ​ന്ദ​ർ​ശ​ക​രെ കാ​ത്തി​രി​ക്കു​ന്ന എ​ത്ര​യോ കാ​ഴ്ച​ക​ൾ. ജ​പ്ഫു സ​ര​മാ​റ്റി പീ​ക്കു​ക​ളും വ​വാ​ടെ സ​റ്റ്പ്ലെ​ൻ​ഡ​ൻ വെ​ള്ള​ച്ചാ​ട്ട​ങ്ങ​ളും ചി​ഡ ഷി​ല്ലോ​യി ത​ടാ​ക​ങ്ങ​ളും മ​ഞ്ഞു​പെ​യ്യു​ന്ന കിം​ഗ് ഷേ ​ഖെ​ലി​യ പ​ർ​വ​ത​ങ്ങ​ളും അ​വ​യി​ൽ ചി​ല​തു​മാ​ത്രം.

താ​മ​സ​സ്ഥ​ല​ത്തേ​ക്ക് തി​രി​ച്ചെ​ത്തി മ​ട​ക്ക​യാ​ത്ര​യ്ക്കു​ള്ള ത​യാ​റെ​ടു​പ്പു​ക​ൾ തു​ട​ങ്ങി. ഹോ​ണ്‍​ബി​ൽ ഉ​ത്സ​വ​ത്തി​ന്‍റെ അ​ല​യൊ​ലി​ക​ൾ കി​സാ​മ​യി​ൽ​നി​ന്ന് ഒ​ഴു​കി​യെ​ത്തു​ന്നു​ണ്ട്. വ​സ​ന്തോ​ത്സ​വ​ത്തി​ന്‍റെ കു​ന്നു​ക​ളി​ൽ​നി​ന്ന് രാ​ത്രി​യു​ടെ നി​ശ​ബ്ദ​ത​യി​ൽ ഞ​ങ്ങ​ൾ ചു​ര​മി​റ​ങ്ങി​ത്തു​ട​ങ്ങി...