ഇ​ട​വ​ഴി കാ​ടു​മൂ​ടി ല​ഹ​രിവ​സ്തു വി​ല്പ​ന​ക്കാ​രു​ടെ താ​വ​ള​മാ​യി മാ​റി
Sunday, August 10, 2025 7:48 AM IST
വ​ട​ക്ക​ഞ്ചേ​രി: ടൗ​ണി​ൽ സു​നി​ത​മു​ക്കി​ൽനി​ന്നും ഗ്രാ​മം, ക​മ്മാ​ന്ത​റ ഭാ​ഗ​ത്തേ​ക്കു​ള്ള ഇ​ട​വ​ഴി ല​ഹ​രി​വ​സ്തു വി​ല്പ​ന​ക്കാ​രു​ടെ​യും മ​ദ്യ​പ​സം​ഘ​ങ്ങ​ളു​ടെ​യും താ​വ​ള​മാ​യി മാ​റി. ഇ​രു​ഭാ​ഗ​ത്തും കാ​ടു​പി​ടി​ച്ചു കി​ട​ക്കു​ന്ന വ​ഴി​യി​ലാ​ണ് രാ​സ​ല​ഹ​രി വ​സ്തു​ക്ക​ളു​ടെ വി​ല്പ​ന ത​കൃ​തി​യാ​യി ന​ട​ക്കു​ന്ന​ത്.

വാ​ഹ​ന​ങ്ങ​ൾ പോ​കാ​ത്ത വ​ഴി​യാ​യ​തി​നാ​ൽ പോ​ലീ​സി​ന്‍റെ ക​ണ്ണി​ലും ഈ ​ര​ഹ​സ്യവ​ഴി പെ​ടു​ന്നി​ല്ല. വൈ​കു​ന്നേ​ര​മാ​യാ​ൽ മ​ദ്യ​പ​സം​ഘ​ങ്ങ​ളും ഉ​ണ്ടാ​കും. ഇ​തി​നി​ട​യി​ലൂ​ടെവേ​ണം സ്ത്രീ​ക​ൾ ഉ​ൾ​പ്പെ​ടെ​യു​ള്ള യാ​ത്ര​ക്കാ​ർ​ക്ക് ക​ട​ന്നു പോ​കാ​ൻ. എ​ളു​പ്പ​വ​ഴി എ​ന്ന നി​ല​യി​ൽ സ്കൂ​ൾ കു​ട്ടി​ക​ളും ഈ ​ഇ​ട​വ​ഴി​യി​ലൂ​ടെ​യാ​ണ് ന​ട​ന്നു​പോ​വു​ക. മാ​ലി​ന്യ​ങ്ങ​ൾ ക​വ​റു​ക​ളി​ലാ​ക്കി​യും മ​റ്റും വ​ലി​ച്ചെ​റി​യു​ന്ന​തും കാ​ടു​മൂ​ടി​യ വ​ഴി​യി​ലാ​ണ്.

മാ​ലി​ന്യ​നി​ക്ഷേ​പം ശി​ക്ഷാ​ർ​ഹ​മാ​ണ് എ​ന്നൊ​ക്കെ​യു​ള്ള പ​ഞ്ചാ​യ​ത്തി​ന്‍റെ ബോ​ർ​ഡ് ഇ​വി​ടെ സ്ഥാ​പി​ച്ചി​ട്ടു​ണ്ട്. എ​ന്നാ​ൽ വ​ള്ളി​പ്പ​ട​ർ​പ്പു​ക​ൾ മൂ​ടി ബോ​ർ​ഡി​ലെ അ​ക്ഷ​ര​ങ്ങ​ൾ കാ​ണാ​ത്ത സ്ഥി​തി​യാ​യി. കാ​ടു​പി​ടി​ച്ച് പാ​മ്പു​ക​ളും ഇ​വി​ടെ കു​റ​വ​ല്ല. പാ​മ്പു​ക​ടി​യേ​റ്റ് ഒ​രു സ്ത്രീ ​മ​രി​ക്കാ​നി​ട​യാ​യ സം​ഭ​വ​വും ഇ​വി​ടെ ഉ​ണ്ടാ​യി​ട്ടു​ണ്ട്. ടൗ​ണി​ൽത​ന്നെ ഇ​ത്ത​ര​ത്തി​ൽ കാ​ടു​മൂ​ടികി​ട​ക്കു​ന്ന പ്ര​ദേ​ശ​മു​ള്ള​തി​നാ​ൽ കൊ​തു​കു​കൂ​ട്ട​ങ്ങ​ളു​മു​ണ്ട്.

വ​ഴി വൃ​ത്തി​യാ​ക്കി കാ​മ​റ സ്ഥാ​പി​ച്ച് സാ​മൂ​ഹ്യവി​രു​ദ്ധ​രെ പി​ടി​കൂ​ടും ന​ട​പ​ടി​യെ​ടു​ക്കും എ​ന്നൊ​ക്കെ പ​ഞ്ചാ​യ​ത്ത് പ​റ​ഞ്ഞി​രു​ന്നെ​ങ്കി​ലും എ​ല്ലാം വാ​ക്കു​ക​ളി​ലൊ​തു​ങ്ങി. ന​ട​പ​ടി വൈ​കി​യാ​ൽ സ​മ​ര​പ​രി​പാ​ടി​ക​ളു​മാ​യി രം​ഗ​ത്തു​വ​രു​മെ​ന്ന് ബി​ജെ​പി പ​ഞ്ചാ​യ​ത്ത് ക​മ്മി​റ്റി പ്ര​സി​ഡ​ന്‍റ് പി.​കെ.​ഗു​രു അ​റി​യി​ച്ചു.
Copyright @ 2018 , Rashtra Deepika Ltd.