26

നാ​ളി​കേ​ര മേ​ഖ​ല വ​ൻ പ്ര​തീ​ക്ഷ​യി​ൽ, പ​ഴ​യ പ്ര​താ​പം വീ​ണ്ടെ​ടു​ക്കാ​ൻ കൊ​പ്ര​യ്‌​ക്കാ​വു​മെ​ന്ന നി​ഗ​മ​ന​ത്തി​ൽ സ്റ്റോ​ക്കി​സ്റ്റു​ക​ൾ. വ്യ​വ​സാ​യി​ക​ൾ സം​ഘ​ടി​ത​രാ​യി വെ​ളി​ച്ചെ​ണ്ണ വി​ല നി​ത്യേ​ന ഉ​യ​ർ​ത്തി.

ജ​പ്പാ​ൻ ഒ​സാ​ക്ക​യി​ൽ റ​ബ​റി​നു വ്യ​ക്ത​മാ​യ ദി​ശ ക​ണ്ടെ​ത്താ​നാ​യി​ല്ല. സം​സ്ഥാ​ന​ത്തു പ​ല ഭാ​ഗ​ങ്ങ​ളി​ലും ക​ർ​ഷ​ക​ർ ടാ​പ്പിം​ഗി​ന് ഉ​ത്സാ​ഹി​ച്ചെ​ങ്കി​ലും ഷീ​റ്റ്‌ ക്ഷാ​മം വി​ട്ടു​മാ​റി​യി​ല്ല. ഇ​ന്തോ​നേ​ഷ്യ​യി​ൽ കു​രു​മു​ള​ക്‌ വി​ള​വെ​ടു​പ്പു പു​രോ​ഗ​മി​ക്കു​ന്നു, കാ​ലാ​വ​സ്ഥാ വ്യ​തി​യാ​നം ഉ​ത്പാ​ദ​ന​ത്തെ എ​ത്ര​മാ​ത്രം ബാ​ധി​ച്ചു​വെ​ന്ന്‌ ആ​ദ്യ റൗ​ണ്ട്‌ വി​ള​വെ​ടു​പ്പ്‌ പൂ​ർ​ത്തി​യാ​വു​ന്ന​തോ​ടെ വ്യ​ക്ത​മാ​കും. ഏ​ല​ക്ക സ്വ​ന്ത​മാ​ക്കാ​ൻ ഇ​ട​പാ​ടു​കാ​ർ മ​ത്സ​രി​ച്ചു.

ക​ർ​ക്ക​ട​കം ആ​ദ്യ പ​കു​തി​യി​ൽ ത​ന്നെ വെ​ളി​ച്ചെ​ണ്ണ വി​പ​ണി വ്യ​ക്ത​മാ​യ ഒ​രു ദി​ശ​യി​ലേ​ക്ക്‌ പ്ര​വേ​ശി​ച്ചു. ചി​ങ്ങ​ത്തി​ൽ പ്രാ​ദേ​ശി​ക മാ​ർ​ക്ക​റ്റി​ൽ എ​ണ്ണ​യ്‌​ക്ക്‌ പ​തി​വി​ലും ഡി​മാ​ൻ​ഡ് ഉ​യ​രു​മെ​ന്ന നി​ഗമനത്തി​ലാ​ണ് അ​യ​ൽ സം​സ്ഥാ​ന​ത്തെ വ​ൻ​കി​ട കൊ​പ്ര​യാ​ട്ട്‌ വ്യ​വ​സാ​യി​ക​ൾ. ഏ​താ​നും മാ​സ​ങ്ങ​ളാ​യി ത​ള​ർ​ച്ച​യി​ൽ നീ​ങ്ങി​യ നാ​ളി​കേ​രോ​ത്പ​ന്ന വി​പ​ണി​ക്ക്‌ ഓ​ണ​വേ​ള​യി​ൽ ശ​ക്ത​മാ​യ ഒ​രു തി​രി​ച്ചു​വ​ര​വി​ന് അ​വ​സ​രം ഒ​രു​ങ്ങു​മെ​ന്ന പ്ര​തീ​ക്ഷ​യി​ലാ​ണ് ദ​ക്ഷി​ണേ​ന്ത്യ​ൻ നാ​ളി​കേ​ര ക​ർ​ഷ​ക​രും.

ത​മി​ഴ്‌​നാ​ട്ടി​ലെ വ​ൻ​കി​ട കൊ​പ്ര​യാ​ട്ട്‌ വ്യ​വ​സാ​യി​ക​ൾ നേ​ര​ത്തേ ത​ന്നെ ഉ​യ​ർ​ന്ന അ​ള​വി​ൽ വെ​ളി​ച്ചെ​ണ്ണ സം​ഭ​രി​ച്ചി​ട്ടു​ണ്ട്‌. ചി​ങ്ങം വ​രെ കാ​ത്തുനി​ൽ​ക്കാ​തെ ക​ർ​ക്ക​ട​ക​ത്തി​ൽ ത​ന്നെ നി​ര​ക്ക്‌ പ​ര​മാ​വ​ധി ഉ​യ​ർ​ത്തി കൈ​വ​ശ​മു​ള്ള എ​ണ്ണ കേ​ര​ള​ത്തി​ലേ​ക്ക്‌ നീ​ക്കാ​നു​ള്ള പ​ദ്ധ​തി വി​ജയി​പ്പി​ക്കാ​നാ​യ​തി​ന്‍റെ ആ​വേ​ശ​ത്തി​ലാ​ണ​വ​ർ.

കൊ​ച്ചി​യി​ൽ വെ​ളി​ച്ചെ​ണ്ണ വി​ല 23,000 രൂ​പ​യി​ൽ​നി​ന്ന്‌ ഇ​തി​ന​കം 24,500 രൂ​പ​യാ​യി. കൊ​പ്ര 1600 രൂ​പ​യു​ടെ കു​തി​ച്ചുചാ​ട്ടം കാ​ഴ്‌​ച​വ​ച്ച്‌ 14,200ൽ​നി​ന്നും 15,800 രൂ​പ​യി​ലെ​ത്തി. മു​ൻ വാ​ര​ങ്ങ​ളി​ൽ സൂ​ച​ന ന​ൽ​കി​യ​താ​ണ് ത​മി​ഴ്‌​നാ​ട്‌ ലോ​ബി​യു​ടെ ത​ന്ത്ര​പ​ര​മാ​യ നീ​ക്ക​ങ്ങ​ളെ​ക്കു​റി​ച്ച്‌. നി​ല​വി​ലെ സാ​ഹ​ച​ര്യ​ത്തി​ൽ ക​ർ​ക്കട​കം ര​ണ്ടാം പ​കു​തി​യി​ൽ 25,000 ലേ​ക്ക്‌ ഉ​യ​ർ​ത്തി ഓ​ണ വേ​ള​യി​ൽ വി​പ​ണി​യെ 27,000ലേ​ക്ക്‌ എ​ത്തി​ക്കാ​നു​ള്ള ച​ര​ടു​വ​ലി​യാ​ണു ന​ട​ക്കു​ന്ന​ത്‌.

നാ​ളി​കേ​രോ​ത്പ​ന്ന​ങ്ങ​ളു​ടെ വി​ല ഉ​യ​രു​ന്ന​തു ന​മ്മു​ടെ ക​ർ​ഷ​ക​ർ​ക്ക്‌ മെ​ച്ച​പ്പെ​ട്ട വി​ല​യ്‌​ക്ക്‌ അ​വ​സ​രം ഒ​രു​ക്കു​മെ​ന്ന​ത്‌ സ​ന്തോ​ഷ​ക​രംത​ന്നെ. എ​ന്നാ​ൽ, കേ​ര​ള​ത്തി​ലെ ക​ർ​ഷ​ക​ർ ക​രു​തി​യി​രി​ക്കു​ക, ത​മി​ഴ്‌​നാ​ട്ടി​ലെ വ​ൻ​കി​ട​ക്കാ​രു​ടെ എ​ണ്ണ സ്റ്റോ​ക്ക്‌ വി​റ്റ​ഴി​ച്ചാ​ൽ പെ​ടു​ന്ന​നെ വി​പ​ണി ആ​ടി​യു​ല​യാം, ഓ​ണ​മ​ല്ലേ വി​ല ഇ​നി​യും ഉ​യ​ർ​ന്ന ശേ​ഷം നാ​ളി​കേ​ര​വും കൊ​പ്ര​യും വി​ല്പ​ന​യ്‌​ക്ക്‌ ഇ​റ​ക്കാ​മെ​ന്ന പ​ഴ​യ നി​ല​പാ​ടി​ൽ മാ​റ്റം വ​രു​ത്തു​ന്ന കാ​ര്യം ചി​ന്തി​ച്ചുതു​ട​ങ്ങു​ക.

റ​ബ​ർ വി​ല​യി​ൽ ചാ​ഞ്ചാ​ട്ടം

ഏ​ഷ്യ​ൻ റ​ബ​ർ മാ​ർ​ക്ക​റ്റി​നു വ്യ​ക്ത​മാ​യ ദി​ശ​ക​ണ്ടെ​ത്താ​നാ​യി​ല്ല, പു​തി​യ ദി​ശ​യ്‌​ക്കാ​യി ര​ണ്ടാ​ഴ്‌​ച​യാ​യി ന​ട​ത്തു​ന്ന ശ്ര​മ​ങ്ങ​ൾ വി​ജ​യി​ക്കാ​ഞ്ഞ​തി​നാ​ൽ റ​ബ​ർ വി​ല നേ​രി​യ റേ​ഞ്ചി​ൽ ചാ​ഞ്ചാ​ടു​ക​യാ​ണ്. പു​തി​യ വാ​ങ്ങ​ലു​ക​ൾ​ക്കു തി​ടു​ക്കം കാ​ണി​ക്കാ​തെ ഇ​റ​ക്കു​മ​തി രാ​ജ്യ​ങ്ങ​ൾ ബാ​ങ്കോ​ക്കി​ൽ​നി​ന്നും അ​ല്പം അ​ക​ലം പാ​ലി​ച്ചു. യൂ​റോ​പ്യ​ൻ യൂ​ണി​യ​ൻ ചൈ​നീ​സ്‌ ട​യ​റി​ന് അ​മി​ത നി​കു​തി ഏ​ർ​പ്പെ​ടു​ത്തി​യ​തി​നാ​ൽ അ​വ​ർ ഷീ​റ്റ്‌ ഇ​റ​ക്കു​മ​തി​യോ​ട്‌ നേ​ര​ത്തെ കാ​ണി​ച്ചി​രു​ന്ന ഉ​ത്സാ​ഹം ഇ​പ്പോ​ൾ പ്ര​ദ​ർ​ശി​പ്പി​ക്കു​ന്നി​ല്ല. ബെ​യ്ജിം​ഗ് ആ​സ്ഥാ​ന​മാ​യു​ള്ള വ്യ​വ​സാ​യി​ക​ൾ ഇ​ത്‌ മൂ​ലം റ​ബ​ർ അ​വ​ധി വ്യാ​പാ​ര രം​ഗ​ത്ത്‌ ബാ​ധ്യ​ത​ക​ൾ കു​റ​ക്കാ​ൻ അ​ണി​യ​റ നീ​ക്കം ന​ട​ത്തു​ന്നു​ണ്ട്‌.

മാ​സ​മ​ധ്യം ജ​പ്പാ​ൻ ഒ​സാ​ക്ക​യി​ൽ കി​ലോ 435 യെ​ൻ വ​രെ ഉ​യ​ർ​ന്ന റ​ബ​ർ പി​ന്നി​ട്ട​വാ​രം 414 വ​രെ ഇ​ടി​ഞ്ഞ ശേ​ഷം 418 യെ​ന്നി​ലാ​ണ്. ഈ​വാ​രം 426 – 410 യെ​ൻ റേ​ഞ്ചി​ൽനി​ന്നും പു​റ​ത്തു​ക​ട​ക്കാ​ൻ വി​പ​ണി ശ്ര​മം ന​ട​ത്താം.
ബാ​ങ്കോ​ക്കി​ൽ റ​ബ​ർ 276 രൂ​പ​യി​ലും കൊ​ച്ചി​യി​ൽ നാ​ലാം ഗ്രേ​ഡ്‌ 282 രൂ​പ​യി​ലു​മാ​ണ്. അ​ഞ്ചാം ഗ്രേ​ഡ്‌ 275 രൂ​പ​യി​ലും ഒ​ട്ടു​പാ​ൽ 186 രൂ​പ​യി​ലും ലാ​റ്റ​ക്‌​സ്‌ 185 രൂ​പ​യി​ലും വി​പ​ണ​നം ന​ട​ന്നു. സം​സ്ഥാ​ന​ത്തി​ന്‍റെ പ​ല ഭാ​ഗ​ങ്ങ​ളി​ലും ഉ​ത്പാ​ദ​ക​ർ ടാ​പ്പിം​ഗി​ന് ഉ​ത്സാ​ഹി​ക്കു​ന്നു​ണ്ടെ​ങ്കി​ലും പ​ക​ൽ താ​പ​നി​ല ഉ​യ​ർ​ന്നു നി​ൽ​ക്കു​ന്ന​തി​നാ​ൽ മ​ര​ങ്ങ​ളി​ൽ​നി​ന്നു​ള്ള യീ​ൽ​ഡ്‌ പ്ര​തീ​ക്ഷ​യ്‌​ക്കൊ​ത്ത്‌ ഉ​യ​രു​ന്നി​ല്ല. സാ​ധാ​ര​ണ റെ​യി​ൻ ഗാ​ർ​ഡ്‌ ഇ​ട്ട തോ​ട്ട​ങ്ങ​ളി​ൽ ക​ർ​ക്ക​ട​ക്ക​ത്തി​ൽ പാ​ൽ ല​ഭ്യ​ത ഉ​യ​രാ​റു​ണ്ട്‌.

കു​രു​മു​ള​ക് വി​ല്പ​ന ചു​രു​ക്കി

കു​രു​മു​ള​ക്‌ വി​ല തു​ട​ർ​ച്ച​യാ​യ ദി​വ​സ​ങ്ങ​ളി​ൽ ത​ള​ർ​ത്താ​ൻ അ​ന്ത​ർ​സം​സ്ഥാ​ന വ്യാ​പാ​രി​ക​ളും അ​വ​ർ​ക്ക്‌ കു​ട പി​ടി​ക്കാ​ൻ ചി​ല ഉ​ത്ത​രേ​ന്ത്യ​ൻ ഇ​ട​പാ​ടു​കാ​രും ന​ട​ത്തു​ന്ന നീ​ക്കം ക​ണ്ട്‌ ഹൈ​റേ​ഞ്ചി​ലെ​യും മ​റ്റ്‌ ഭാ​ഗ​ങ്ങ​ളി​ലെ​യും സ്റ്റോ​ക്കി​സ്റ്റു​ക​ളും വ​ൻ​കി​ട ക​ർ​ഷ​ക​രും വി​ല്പ​ന ചു​രു​ക്കി. ഓ​ഗ​സ്റ്റി​ൽ ഉ​ത്സ​വ കാ​ല ഡി​മാ​ൻ​ഡ് കു​രു​മു​ള​ക്‌ വി​ല ഉ​യ​ർ​ത്തു​മെ​ന്ന പ്ര​തീ​ക്ഷ​യി​ലാ​ണ് ഉ​ത്പാ​ദ​ക മേ​ഖ​ല. കൊ​ച്ചി​യി​ൽ അ​ൺ​ഗാ​ർ​ബി​ൾ​ഡ്‌ കു​രു​മു​ള​ക്‌ 69,600 രൂ​പ​യി​ൽ വാ​രാ​ന്ത്യ ക്ലോ​സിം​ഗ് ന​ട​ന്നു.

ഇ​ന്തോ​നേ​ഷ്യ​യി​ൽ മു​ള​ക്‌ വി​ള​വെ​ടു​പ്പി​നു തു​ട​ക്കം കു​റി​ച്ച​തി​നാ​ൽ മാ​സാ​ന്ത്യം പു​തി​യ ച​ര​ക്കി​ന്‍റെ ല​ഭ്യ​ത ഉ​യ​രാ​ൻ ഇ​ട​യു​ണ്ട്‌. എ​ന്നാ​ൽ, കാ​ലാ​വാ​വ​സ്ഥ ാവ്യ​തി​യാ​ന​ങ്ങ​ൾ നി​മി​ത്തം ചി​ല ഭാ​ഗ​ങ്ങ​ളി​ൽ ഉ​ത്പാ​ദ​നം പ്ര​തീ​ക്ഷ​യ്‌​ക്കൊ​ത്ത് ഉ​യ​ർ​ന്നി​ല്ലെ​ന്നാ​ണു സൂ​ച​ന. ഇ​ത്‌ മൂ​ലം ക​യ​റ്റു​മ​തി​ക്കാ​ർ അ​ന്താ​രാ​ഷ്‌​ട്ര മാ​ർ​ക്ക​റ്റി​ൽ നി​ര​ക്ക്‌ താ​ഴ്‌​ത്തി ക്വ​ട്ടേ​ഷ​ൻ ഇ​റ​ക്കാ​ൻ ത​യാ​റാ​യി​ല്ല. ഇ​ന്തോ​നേ​ഷ്യ​ൻ മു​ള​ക്‌ വി​ല ട​ണ്ണി​ന് 6500 ഡോ​ള​റാ​ണ്. എ​ന്നാ​ൽ, ഈ ​വി​ല​യ്‌​ക്ക്‌ തി​ര​ക്കി​ട്ടു​ള്ള വി​ദേ​ശ ക​ച്ച​വ​ട​ങ്ങ​ൾ​ക്ക്‌ ജ​ക്കാ​ർ​ത്ത​യി​ലെ ക​യ​റ്റു​മ​തി​ക്കാ​ൻ താ​ത്പ​ര്യം കാ​ണി​ച്ചി​ല്ല.

യൂ​റോ​പ്യ​ൻ ബ​യ​ർ​മാ​ർ ഇ​ന്തോ​നേ​ഷ്യ​ൻ വി​പ​ണി​യു​ടെ ച​ല​ന​ങ്ങ​ൾ നി​രീ​ക്ഷി​ക്കു​ന്നു​ണ്ട്‌. ഓ​ഗ​സ്‌​റ്റ്‌ അ​വ​സാ​നം ബ്ര​സീ​ലി​യ​ൻ മു​ള​കും വി​ല്പ​ന​യ്‌​ക്ക്‌ എ​ത്തു​ന്ന​തോ​ടെ വി​പ​ണി​യി​ൽ മ​ത്സ​ര​ത്തി​നു​ള്ള സാ​ധ്യ​ത​ക​ളാ​ണ് യൂ​റോ​പ്പി​ലെ ഇ​റ​ക്കു​മ​തി​ക്കാ​ർ ക​ണ​ക്കു​കൂ​ട്ടു​ന്ന​ത്‌.

ഉ​ത്സ​വ ഡി​മാ​ൻ​ഡി​ൽ ഏ​ല​ക്ക

ഉ​ത്സ​വ ഡി​മാ​ൻ​ഡി​ൽ ഏ​ലം ലേ​ല കേ​ന്ദ്ര​ങ്ങ​ളി​ൽ മി​ക​വ്‌ കാ​ഴ്‌​ച്ച​വ​ച്ചു. ഉ​ത്ത​രേ​ന്ത്യ​യു​ടെ പ​ല ഭാ​ഗ​ങ്ങ​ളി​ൽ നി​ന്നും ആ​വ​ശ്യ​ക്കാ​രു​ള്ള​തി​നാ​ൽ ലേ​ല​ത്തി​ന് ഇ​റ​ങ്ങു​ന്ന ച​ര​ക്കി​ൽ ഭൂ​രി​ഭാ​ഗ​വും വി​റ്റ​ഴി​ഞ്ഞു. പ​ശ്‌​ചി​മേ​ഷ്യ​ൻ രാ​ജ്യ​ങ്ങ​ളി​ൽ നി​ന്നു​ള്ള അ​ന്വേ​ഷ​ണ​ങ്ങ​ൾ മു​ൻ​നി​ർ​ത്തി ക​യ​റ്റു​മ​തി​ക്കാ​രും ഏ​ല​ക്ക ശേ​ഖ​രി​ക്കു​ന്നു​ണ്ട്‌. വാ​രാ​ന്ത്യം ശ​രാ​ശ​രി ഇ​ന​ങ്ങ​ൾ കി​ലോ 3284 രൂ​പ​യി​ലും മി​ക​ച്ച​യി​ന​ങ്ങ​ൾ 4503 രൂ​പ​യി​ലും ഇ​ട​പാ​ടു​ക​ൾ ന​ട​ന്നു.

Tags : CoconutOil Prices StartRising Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash