സുരേഷ് ഗോപിയും ബിജു മേനോനും നേർക്കുനേർ ഏറ്റുമുട്ടുന്ന കോർട്ട് ഡ്രാമ ചിത്രം ഗരുഡന്‍റെ ഏറ്റവും പുതിയ പോസ്റ്റർ പുറത്തിറക്കി.
ഇരുവരും നീതിക്കു വേണ്ടി പോരാട്ടം നടത്തുന്നവർ. ഒരാൾ ഉന്നത പൊലീസ് ഉദ്യോഗസ്ഥനും മറ്റൊരാൾ പ്രൊഫസറും. ഇരുവരും തമ്മിലുള്ള നിയമ പോരാട്ടത്തിൽ ആരു ജയിക്കും എന്നു സൂചിപ്പിക്കും വിധത്തിലാണ് പോസ്റ്റർ ഒരുക്കിയിരിക്കുന്നത്.
അരുൺ വർമ്മയാണ് ചിത്രം സംവിധാനം ചെയ്തിരിക്കുന്നത്. മാജിക്ക് ഫ്രെയിംസിന്‍റെ ബാനറിൽ ലിസ്റ്റിൻ സ്റ്റീഫൻ നിർമിക്കുന്ന ചിത്രത്തിന്‍റെ നിർമാണ പ്രവർത്തനങ്ങൾ പൂർത്തിയായി വരുന്നു.
ചിത്രം നവംബർ മാസത്തിൽ പ്രദർശനത്തിനെത്തും. അഞ്ചാം പാതിര എന്ന ഹൊറർ ക്രൈം ത്രില്ലറിനു ശേഷം മിഥുൻ മാനവൽ തോമസ് തിരക്കഥ ഒരുക്കുന്ന ചിത്രം കൂടിയാണിത്.
സിദ്ദിഖ്, ദിലീഷ് പോത്തൻ, അഭിരാമി, ജഗദീഷ്, തലൈവാസൽ വിജയ്, അർജുൻ നന്ദകുമാർ, സന്തോഷ് കിഴാറ്റൂർ, ബാലാജി ശർമ്മ, മേജർ രവി, ദിനേശ് പണിക്കർ, ജയ്സ് ജോസ്, രഞ്ജിത്ത് കങ്കോൽ, മാളവിക, ചൈതന്യ പ്രകാശ് എന്നിവരും പ്രധാന വേഷത്തിൽ എത്തുന്നു.
ജെയ്ക്സ് ബിജോയ് ആണ് ചിത്രത്തിന്‍റെ സംഗീതം. ഛായാഗ്രഹണം- അജയ് ഡേവിഡ് കാച്ചപ്പിള്ളി. എഡിറ്റിംഗ് - ശ്രീജിത്ത് സാരംഗ്. കലാസംവിധാനം - സുനിൽ കെ.ജോർജ് കോസ്റ്റ്യൂം -ഡിസൈൻ - സ്റ്റെഫി സേവ്യർ. മേക്കപ്പ് - റോണക്സ് സേവ്യർ.
ചീഫ് അസോസിയേറ്റ് ഡയറക്ടർ - ദിനിൽ ബാബു. എക്സിക്യുട്ടീവ് പ്രൊഡ്യൂസർ -നവീൻ പി.തോമസ്. കോ- പ്രൊഡ്യൂസർ - ജസ്റ്റിൻ സ്റ്റീഫൻ. ലൈൻ പ്രൊഡ്യൂസർ - സന്തോഷ് കൃഷ്ണൻ. പ്രൊഡക്ഷൻ മാനേജർ -ശിവൻ പൂജപ്പുര, പ്രൊഡക്ഷൻ എക്സിക്യുട്ടിവ് - സതീഷ് കാവിൽ കോട്ട, പ്രൊഡക്ഷൻ കൺട്രോളർ- ഡിക്‌സൻ പൊടുത്താസ്. വാഴൂർ ജോസ്. ഫോട്ടോ - ശാലു പേയാട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.