Cinema
എ​ന്‍റെ ചേ​ട്ട​നെ​യും അ​ന്ന് ര​ക്ഷി​ക്കാ​ൻ പ​റ്റി​യി​രു​ന്നെ​ങ്കി​ൽ...​മ​ഞ്ഞു​മ്മ​ൽ ക​ണ്ട് വി​കാ​ര​നി​ർ​ഭ​ര കു​റി​പ്പു​മാ​യി ഷാ​ജി കൈ​ലാ​സ്
Saturday, February 24, 2024 2:15 PM IST
മ​ഞ്ഞു​മ്മ​ൽ ബോ​യ്സ് ചി​ത്രം ക​ണ്ടി​റ​ങ്ങ​യ​തി​ന് ശേ​ഷം വി​കാ​ര​നി​ർ​ഭ​ര​മാ​യ കു​റി​പ്പ് പ​ങ്കു​വ​ച്ച് സം​വി​ധാ​യ​ക​ൻ ഷാ​ജി കൈ​ലാ​സ്.

സ്വ​ന്തം സ​ഹോ​ദ​ര​നെ ത​നി​ക്ക് ന​ഷ്ട​പ്പെ​ട്ട​ത് ഇ​ങ്ങ​നെ​യൊ​രു വി​നോ​ദ​യാ​ത്ര പോ​യി​ട്ടാ​ണെ​ന്നും ചേ​ട്ട​ൻ മ​രി​ച്ച​ത​റി​ഞ്ഞ് അ​ച്ഛ​ൻ ത​ന്നെ കെ​ട്ടി​പ്പി​ടി​ച്ച് ക​ര​ഞ്ഞ​തി​നെ​ക്കു​റി​ച്ചും അ​ദ്ദേ​ഹം പ​റ​യു​ന്നു.

ആ​രെ​ങ്കി​ലും ത​ന്‍റെ സ​ഹോ​ദ​ര​നെ ര​ക്ഷി​ക്കാ​നു​ണ്ടാ​യി​രു​ന്നെ​ങ്കി​ലെ​ന്നാ​ണ് സി​നി​മ ക​ണ്ടി​റ​ങ്ങി​യ​തി​ന് ശേ​ഷം താ​ൻ മ​ന​സി​ലോ​ർ​ത്തതെ​ന്നും അ​ദ്ദേ​ഹം കു​റി​ച്ചു.

ഷാ​ജി കൈ​ലാ​സി​ന്‍റെ കു​റി​പ്പി​ന്‍റെ പൂ​ർ​ണ​രൂ​പം

ജീ​വി​തം തൊ​ട്ട സി​നി​മ

കാ​ണാ​വു​ന്ന സാ​ഹി​ത്യം എ​ന്ന് തി​ര​ക്ക​ഥ​ക​ളെ വി​ശേ​ഷി​പ്പി​ച്ച​ത് സാ​ക്ഷാ​ൽ എം.​ടി. സാ​റാ​ണ്. സി​നി​മ​ക​ൾ​ക്കും ചേ​രും ഈ ​വി​ശേ​ഷ​ണം. കാ​ണാ​വു​ന്ന സാ​ഹി​ത്യം മാ​ത്ര​മ​ല്ല കാ​ണാ​വു​ന്ന ജീ​വി​തം കൂ​ടി​യാ​ണ് സി​നി​മ.

പെ​ട​പെ​ട​യ്ക്കു​ന്ന ആ ​ജീ​വി​ത​ത്തി​ന്‍റെ പ​ച്ച​യാ​യ ആ​വി​ഷ്കാ​ര​മാ​ണ് 'മ​ഞ്ഞു​മ്മ​ൽ ബോ​യ്സ്' എ​ന്ന സി​നി​മ. പ്രേ​ക്ഷ​ക​ല​ക്ഷ​ങ്ങ​ൾ ഏ​റ്റെ​ടു​ത്ത ആ ​സി​നി​മ എ​ന്നെ സം​ബ​ന്ധി​ച്ചി​ട​ത്തോ​ളം വ്യ​ക്തി​പ​ര​മാ​യ ഒ​രു ഓ​ർ​മ്മ​യാ​ണ്. വേ​ർ​പാ​ടി​ന്‍റെ ഇ​നി​യും ഉ​ണ​ങ്ങാ​ത്ത നീ​റ്റ​ലാ​ണ്.

ഞാ​ൻ പ​ത്തി​ൽ പ​ഠി​ക്കു​മ്പോ​ഴാ​ണ്. ഒ​രു ദി​വ​സം അ​ച്ഛ​നെ തേ​ടി കു​റ​ച്ച് സു​ഹൃ​ത്തു​ക്ക​ൾ വീ​ട്ടി​ൽ വ​ന്നു. അ​വ​ർ അ​ച്ഛ​നെ മാ​റ്റി​നി​ർ​ത്തി എ​ന്തോ പ​റ​യു​ന്ന​ത് ഞാ​ൻ ശ്ര​ദ്ധി​ക്കു​ന്നു​ണ്ട്. തി​ടു​ക്ക​ത്തി​ൽ അ​ച്ഛ​ൻ അ​വ​രോ​ടൊ​പ്പം പോ​കു​ന്ന​തും ഞാ​ൻ കാ​ണു​ന്നു.

എ​നി​ക്കൊ​ന്നും മ​ന​സി​ലാ​യി​ല്ല. കു​റ​ച്ചു ക​ഴി​ഞ്ഞ​പ്പോ​ൾ വീ​ട്ടു​മു​റ്റ​ത്ത് ചെ​റി​യ ഒ​രു ആ​ൾ​ക്കൂ​ട്ടം രൂ​പ​പ്പെ​ട്ടു. അ​തു പ​തു​ക്കെ വ​ലു​താ​വാ​ൻ തു​ട​ങ്ങി. രാ​ത്രി​യാ​വു​മ്പോ​ഴേ​ക്കും മു​റ്റം നി​റ​യെ ആ​ളു​ക​ളാ​യി മാ​റി​യി​രു​ന്നു. എ​ല്ലാ​വ​രും നി​ശ്ശ​ബ്ദ​രാ​യി​ട്ട് നി​ൽ​ക്കു​ന്നു. എ​ങ്ങും ക​ന​പ്പെ​ട്ട മൂ​ക​ത മാ​ത്രം.

വൈ​കി​യാ​ണ് അ​ച്ഛ​ൻ തി​രി​ച്ചെ​ത്തി​യ​ത്. അ​ച്ഛ​ൻ എ​ന്നെ കെ​ട്ടി​പ്പി​ടി​ച്ച് ക​ര​ഞ്ഞു. അ​ച്ഛ​ൻ ക​ര​യു​ന്ന​ത് ഞാ​നാ​ദ്യം കാ​ണു​ക​യാ​ണ്. എ​ന്‍റെ ക​ണ്ണു​ക​ളും നി​റ​ഞ്ഞൊ​ഴു​കി.

പി​ന്നീ​ടാ​ണ് വി​വ​ര​ങ്ങ​ൾ ഞാ​ൻ മ​ന​സി​ലാ​ക്കു​ന്ന​ത്. കൂ​ട്ടു​കാ​ർ​ക്കൊ​പ്പം ടൂ​റു​പോ​യ എ​ന്‍റെ ജ്യേ​ഷ്ഠ​ൻ...
അ​ഗ​സ്ത്യാ​ർ​കൂ​ട​ത്തി​ലേ​ക്ക് ആ​യി​രു​ന്നു അ​വ​ർ പോ​യ​ത്. മ​ല​ക​ണ്ട് ഇ​റ​ങ്ങു​ന്ന​തി​നി​ട​യി​ൽ കാ​ൽ വ​ഴു​തി ഡാ​മി​ലേ​ക്ക് വീ​ണു.

ജ്യേ​ഷ്ഠ​നെ ര​ക്ഷി​ക്കാ​ൻ കൂ​ടെ​യു​ണ്ടാ​യി​രു​ന്നു സു​ഹൃ​ത്തു​ക്ക​ൾ ശ്ര​മി​ച്ചു. ക​ഴി​ഞ്ഞി​ല്ല. അ​ച്ഛ​ന്‍റെ പ്ര​തീ​ക്ഷ​ക​ളാ​ണ് ഡാ​മി​ലെ ത​ണു​ത്ത ജ​ല​ത്തി​ൽ മു​ങ്ങി ഇ​ല്ലാ​താ​യ​ത്. എ​ന്‍റെ വീ​ട് പെ​ട്ടെ​ന്നൊ​രു മ​ര​ണ​വീ​ടാ​യി മാ​റി.

സ്വ​ന്തം കൂ​ടെ​പ്പി​റ​പ്പു​ക​ളെ ന​ഷ്ട​പ്പെ​ടു​ന്ന​വ​രു​ടെ വേ​ദ​ന എ​ത്ര വ​ലു​താ​ണെ​ന്ന് അ​ത​നു​ഭ​വി​ച്ച​വ​ർ​ക്കേ അ​റി​യൂ. മ​ഞ്ഞു​മ്മ​ൽ ബോ​യ്സ് ആ ​വേ​ദ​ന​യു​ടെ ആ​ഴം ഒ​രി​ക്ക​ൽ കൂ​ടി എ​ന്നെ അ​നു​ഭ​വി​പ്പി​ച്ചു.

സി​നി​മ അ​നു​ഭ​വ​ങ്ങ​ളു​ടെ​യും കൂ​ടി ക​ല​യാ​വ​ണ​മെ​ന്ന് മി​ടു​ക്ക​രാ​യ ഇ​തി​ന്‍റെ അ​ണി​യ​റ​ക്കാ​ർ തെ​ളി​യി​ച്ചി​രി​ക്കു​ന്നു. അ​തു​കൊ​ണ്ടാ​ണ് ഇ​തൊ​രു സി​നി​മ​യാ​ണ​ല്ലോ എ​ന്ന് പ്രേ​ക്ഷ​ക​ർ മ​റ​ന്നു പോ​കു​ന്ന​ത്.

അ​വ​ർ​ക്കി​ത് അ​വ​ര​വ​രു​ടെ സ്വ​ന്തം ജീ​വി​ത​ത്തി​ന്‍റെ ഏ​തോ ഒ​രേ​ടി​ൽ സം​ഭ​വി​ച്ച നേ​ർ അ​നു​ഭ​വ​ത്തി​ന്‍റെ നേ​ർ കാ​ഴ്ച​യാ​ണ്. ആ ​കാ​ഴ്ച​യ്ക്കാ​ണ് പ്രേ​ക്ഷ​ക​ർ ഒ​ന്ന​ട​ങ്കം എ​ഴു​ന്നേ​റ്റു നി​ന്ന് ക​യ്യ​ടി​ക്കു​ന്ന​ത്. ഞാ​നും ആ ​കൂ​ട്ട​ത്തി​ലു​ണ്ട്, ഞാ​ൻ ക​യ്യ​ടി​ക്കു​മ്പോ​ൾ അ​തി​ൽ ക​ണ്ണീ​രും ക​ല​രു​ന്നു എ​ന്നു മാ​ത്രം.

മ​ഞ്ഞു​മ്മ​ൽ ബോ​യ്സി​ലെ കൂ​ട്ടു​കാ​ർ​ക്ക് അ​വ​രു​ടെ സു​ഹൃ​ത്തി​നെ ര​ക്ഷി​ക്കാ​ൻ പ​റ്റി. അ​തു​പോ​ലെ എ​ന്‍റെ ഏ​ട്ട​നെ​യും അ​ന്ന് ര​ക്ഷി​ക്കാ​ൻ പ​റ്റി​യി​രു​ന്നെ​ങ്കി​ൽ... ഏ​ട്ട​ന്‍റെ കൂ​ട്ടു​കാ​ർ അ​ന്ന് പ​ര​മാ​വ​ധി ശ്ര​മി​ച്ച​താ​ണ്. എ​ന്നി​ട്ടും ക​ഴി​ഞ്ഞി​ല്ല, ഭാ​ഗ്യം തു​ണ​ച്ചി​ല്ല. ഈ ​സി​നി​മ ക​ണ്ട​പ്പോ​ൾ ഞാ​ൻ ആ ​ദി​വ​സ​ങ്ങ​ൾ വീ​ണ്ടും ഓ​ർ​ത്തു
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.