4

തൊ​ടു​പു​ഴ: കു​മാ​ര​മം​ഗ​ല​ത്ത് പ്രാ​യ​പൂ​ര്‍​ത്തി​യാ​കാ​ത്ത പെ​ണ്‍​കു​ട്ടി​യെ പീ​ഡി​പ്പി​ച്ച കേ​സി​ലെ പ്ര​തി​ക്ക് 12 വ​ര്‍​ഷം ക​ഠി​ന​ത​ട​വും 75,000 രൂ​പ പി​ഴ​യും ശി​ക്ഷ വി​ധി​ച്ചു. തൊ​ടു​പു​ഴ ബം​ഗ്ലാം​കു​ന്ന് സ്വ​ദേ​ശി എ​ട​നാ​ട് പു​ര​യി​ട​ത്തി​ല്‍ വി​നീ​ഷ് വി​ജ​യ​നെ​യാ​ണ് (42) മു​ട്ടം പോ​ക്‌​സോ കോ​ട​തി ജ​ഡ്ജി ആ​ഷ് കെ. ​ബാ​ല്‍ ശി​ക്ഷി​ച്ച​ത്. പി​ഴ ഒ​ടു​ക്കി​യി​ല്ലെ​ങ്കി​ല്‍ ഒ​രു വ​ര്‍​ഷം​കൂ​ടി ക​ഠി​ന​ത​ട​വ് അ​നു​ഭ​വി​ക്ക​ണം. പ്ര​തി കു​റ്റ​ക്കാ​ര​നാ​ണെ​ന്ന് കോ​ട​തി നേ​ര​ത്തേ ക​ണ്ടെ​ത്തി​യി​രു​ന്നു.

തു​ട​ര്‍​ന്ന് ക​ഴി​ഞ്ഞ​മാ​സം 17ന് ​വി​ധി പ​റ​യാ​നി​രു​ന്ന​താ​ണെ​ങ്കി​ലും പ്ര​തി ന​ഗ​ര​ത്തി​ലെ ബാ​റി​ലു​ണ്ടാ​യ അ​ടി​പി​ടി​യു​മാ​യി ബ​ന്ധ​പ്പെ​ട്ട് കോ​ട്ട​യം മെ​ഡി​ക്ക​ല്‍ കോ​ള​ജി​ല്‍ ചി​കി​ത്സ തേ​ടി​യ​തി​നെ​ത്തു​ട​ര്‍​ന്നാ​ണ് വി​ധി പ്ര​ഖ്യാ​പ​നം നീ​ണ്ട​ത്. ക​ഴി​ഞ്ഞ 11ന് ​പ്ര​തി​യെ ഹാ​ജ​രാ​ക്കി​യ​ശേ​ഷം ഇ​ന്ന​ലെ​യാ​ണ് ശി​ക്ഷ വി​ധി​ച്ച​ത്. വി​നീ​ഷ് അ​തി​ജീ​വി​ത​യെ മ​റ്റൊ​രാ​ള്‍​ക്കൊ​പ്പം ചേ​ര്‍​ന്ന് കൂ​ട്ട​ബ​ലാ​ത്സം​ഗം ചെ​യ്ത വേ​റൊ​രു കേ​സി​ന്‍റെ വി​ചാ​ര​ണ​യും ന​ട​ന്നു​വ​രി​ക​യാ​ണ്. പെ​ണ്‍​കു​ട്ടി​ക്ക് ന​ഷ്ട​പ​രി​ഹാ​ര​മാ​യി വി​ക്ടിം കോ​മ്പ​ന്‍​സേ​ഷ​ന്‍ പ​ദ്ധ​തി​യി​ല്‍​നി​ന്ന് നാ​ലു ല​ക്ഷം രൂ​പ​യും ന​ല്‍​ക​ണം.

2021 മാ​ര്‍​ച്ച്, ഏ​പ്രി​ല്‍ മാ​സ​ങ്ങ​ളി​ലാ​യി​രു​ന്നു സം​ഭ​വം. പെ​ണ്‍​കു​ട്ടി ജോ​ലി​ചെ​യ്തി​രു​ന്ന ക​ട​യി​ലെ മാ​നേ​ജ​രാ​യി​രു​ന്ന പ്ര​തി ഉ​ച്ച​സ​മ​യ​ത്ത് സ്റ്റാ​ഫ് റൂ​മി​ല്‍ പീ​ഡി​പ്പി​ക്കു​ക​യാ​യി​രു​ന്നു. കേ​സി​ല്‍ 27 സാ​ക്ഷി​ക​ളെ വി​സ്ത​രി​ക്കു​ക​യും 43 രേ​ഖ​ക​ള്‍ ഹാ​ജ​രാ​ക്കു​ക​യും ചെ​യ്തി​രു​ന്നു. 2017 മു​ത​ല്‍ 2022 വ​രെ പെ​ണ്‍​കു​ട്ടി​യെ വി​വി​ധ​യി​ട​ങ്ങ​ളി​ല്‍ പീ​ഡി​പ്പി​ച്ച സം​ഭ​വ​ത്തി​ല്‍ 28 പേ​ര്‍​ക്കെ​തി​രേ 28 കേ​സു​ക​ളെ​ടു​ത്തി​ട്ടു​ണ്ട്.

ഇ​തി​ല്‍ ആ​ദ്യം വി​ധി​പ​റ​ഞ്ഞ കേ​സി​ല്‍ കു​ട​യ​ത്തൂ​ര്‍ സ്വ​ദേ​ശി​യാ​യ അ​ന​സ് എ​ന്ന യു​വാ​വി​നെ 10 വ​ര്‍​ഷം ക​ഠി​ന ത​ട​വി​ന് ശി​ക്ഷി​ച്ചി​രു​ന്നു. കു​റ്റ​പ​ത്രം സ​മ​ര്‍​പ്പി​ച്ച ബാ​ക്കി കേ​സു​ക​ളി​ല്‍ വി​ചാ​ര​ണ ന​ട​ന്നു​വ​രി​ക​യാ​ണ്. പ്രോ​സി​ക്യൂ​ഷ​നു​വേ​ണ്ടി തൃ​ശൂ​ര്‍ സ്‌​പെ​ഷ​ല്‍ പ​ബ്ലി​ക് പ്രോ​സി​ക്യൂ​ട്ട​ര്‍ അ​ഡ്വ. പ​യ​സ് മാ​ത്യു, അ​ഡ്വ. ഫ്രാ​ന്‍​സി​സ് പ​യ​സ്, അ​ഡ്വ. നീ​ര​ജ് അ​ക്ക​ര എ​ന്നി​വ​ര്‍ ഹാ​ജ​രാ​യി.

Tags : nattu vishesham 12 years rigorous imprisonment