കൂരാച്ചുണ്ട് പഞ്ചായത്തിലെ ഇല്ലിപ്പിലായി - മണിച്ചേരി- വയലട പിഡബ്ല്യൂഡി റോഡിന്റെ ആക്ഷൻ കമ്മിറ്റി യോഗത്തിൽ വി.ടി. സൂരജ് എംഎൽഎ ചർച്ച നടത്തുന്നു.
കൂരാച്ചുണ്ട്:പഞ്ചായത്തിലെ ഇല്ലിപ്പിലായി - മണിച്ചേരി- വയലട പിഡബ്ല്യുഡി റോഡിന്റെ പുതിയ എസ്റ്റിമേറ്റ് തയ്യാറാക്കി സർക്കാരിന് സമർപ്പിക്കാൻ വി.ടി.സൂരജ് എംഎൽഎയുടെ അധ്യക്ഷതയിൽ കല്ലാനോട് ചേർന്ന റോഡ് ആക്ഷൻ കമ്മിറ്റി യോഗത്തിൽ തീരുമാനം.
മുൻ സർക്കാർ റോഡിന്റെ സര്വേ നടത്തി അലൈൻമെന്റ് തയ്യാറാക്കുന്നതിനായി 15 ലക്ഷം രൂപ ഫണ്ട് അനുവദിച്ചിരുന്നു.
അതനുസരിച്ച് നടത്തിയ സർവേ റിപ്പോർട്ട് പ്രകാരം റോഡിന് കുത്തനെയുള്ള കയറ്റങ്ങൾ ഉള്ളതിനാൽ ചെറിയ മാറ്റങ്ങൾ വരുത്തിക്കൊണ്ട് കയറ്റം കുറച്ചു കൊണ്ടുള്ള പുതിയ അലൈൻമെന്റ് തയ്യാറാക്കുന്നതിനുള്ള സര്വേ അടുത്തയാഴ്ച നടത്തി എസ്റ്റിമേറ്റ് തയ്യാറാക്കി സർക്കാരിന് സമർപ്പിക്കുന്നതിനും യോഗം തീരുമാനിച്ചു.
പഞ്ചായത്ത് പ്രസിഡന്റ് സിനി ജിനോ, വൈസ് പ്രസിഡന്റ് ബിജു കടലാശ്ശേരി, ബ്ലോക്ക് പഞ്ചായത്ത് അംഗം അരുൺ ജോസ്, പഞ്ചായത്ത് ക്ഷേമകാര്യ കമ്മിറ്റി ചെയർമാൻ ചെറിയാൻ ജോസഫ് അറയ്ക്കൽ, പഞ്ചായത്ത് അംഗങ്ങളായ സണ്ണി ജോസഫ് കാനാട്ട്, എൻ.കെ. കുഞ്ഞമ്മദ്, പിഡബ്ല്യുഡി അസി. എൻജിനീയർ ഷമേജ്, പ്രദേശവാസികളായ തോമസ് കുമ്പുക്കൽ, ജോയ് വെട്ടിക്കുഴി, ജോസ് വട്ടുകുളം, ബേബി മറ്റത്തിൽ, ഷിബു കുഴിവേലി, അനു കടുകൻമാക്കൽ, വിനോദ് നരിക്കുഴി എന്നിവർ പങ്കെടുത്തു.
Tags : Local News Nattuvishesham Kozhikode