പ്രതീകാത്മക ചിത്രം
വണ്ണപ്പുറം: പഞ്ചായത്തംഗത്തിനു നേരേ സംഘം ചേര്ന്ന് ആക്രമണമെന്ന് പരാതി. വണ്ണപ്പുറം പഞ്ചായത്തംഗം അനീഷ് കിഴക്കേലിനു നേരേയാണ് ആക്രമണമുണ്ടായത്. എംസാന്ഡ് യൂണിറ്റ് ഉടമയും തൊഴിലാളികളും ചേര്ന്ന് ആക്രമിച്ചതെന്നാണ് അനീഷ് പൊലിസിനു മൊഴി നല്കിയത്. ഇന്നലെ രാത്രി 7.15ഓടെയാണ് സംഭവം. അനീഷ് വണ്ണപ്പുറം ബൈപാസിലുള്ള ബന്ധുവീട്ടിലേയ്ക്കു പോകുന്നതിനിടയില് ഇദ്ദേഹത്തിന്റെ കാര് ലോറി ഉപയോഗിച്ച് തടയുകയും ബൈക്കില് എത്തിയവര് ഇദ്ദേഹത്തെ കാറില്നിന്ന് വലിച്ചിറക്കി മര്ദിക്കുകയും കല്ലുവച്ച് പുറത്തിന് ഇടിച്ചു എന്നുമാണ് പരാതി.
അനീഷിനെ വണ്ണപ്പുറത്തെ സ്വകാര്യ ആശുപത്രിയില് പ്രവേശിപ്പിച്ച് പ്രാഥമിക ചികിത്സ നല്കിയ ശേഷം മുതലക്കോടത്തെ സ്വകാര്യ ആശുപത്രിയിയിലേക്കു മാറ്റി. എംസാന്ഡ് യൂണിറ്റ് ലൈസന്സില്ലാതെ പ്രവര്ത്തിക്കുന്നു എന്നും പ്രദേശത്താകെ പൊടിശല്യം ഉണ്ടാകുന്നു എന്നുമുള്ള പരാതിയില് സെക്രട്ടറി നടപടി സ്വീകരിക്കുന്നില്ലെന്ന് കാട്ടി ഇന്നലെ ഭരണസമിതി അംഗങ്ങള് സെക്രട്ടറി യെ ഉപരോധിച്ചിരുന്നു. ഇതിന്റെ പേരിലാണ് തന്നെ ആക്രമിച്ചതെന്ന് അനീഷ് പറഞ്ഞു. സംഭവത്തില് കേസെടുത്ത കാളിയാര് പൊലിസ് ലോറിയും സ്കൂട്ടറും കസ്റ്റഡിയിലെടുത്തു.
Tags : Nattuvishesham DistrictNews DeepikaNews