മഹേഷ് മുരളീധര് പൈ
കൊച്ചി: സൗത്ത് ഇന്ത്യന് ബാങ്കിന്റെ മാനേജിംഗ് ഡയറക്ടറും ചീഫ് എക്സിക്യൂട്ടീവ് ഓഫീസറുമായി മഹേഷ് മുരളീധര് പൈ ഇന്നു ചുമതലയേല്ക്കും.
ബാങ്കിംഗ് മേഖലയില് മൂന്നു പതിറ്റാണ്ടോളമുള്ള പ്രവര്ത്തനപരിചയവുമായാണ് കൊച്ചി സ്വദേശിയായ അദ്ദേഹം സൗത്ത് ഇന്ത്യന് ബാങ്കിന്റെ അമരത്തെത്തുന്നത്.
സ്ട്രാറ്റജി, ഗവേണന്സ്, ട്രഷറി, ഫോറെക്സ്, റീട്ടെയില് ബാങ്കിംഗ്, അഗ്രികള്ച്ചര്, എംഎസ്എംഇ വായ്പ തുടങ്ങി ബാങ്കിംഗിന്റെ വിവിധ മേഖലകളില് പ്രഗത്ഭനായ മഹേഷ് പൈ, കാനറ ബാങ്കിന്റെ സ്വര്ണവായ്പാവിഭാഗം ആരംഭിക്കുന്നത് ഉള്പ്പടെയുള്ള തന്ത്രപ്രധാന ചുമതലകളും വഹിച്ചിട്ടുണ്ട്.
ബാങ്കിംഗ് മേഖലയില് മൂന്നു പതിറ്റാണ്ടോളമുള്ള പ്രവര്ത്തനപരിചയവും ബിസിനസ് നേതൃപാടവവും തന്ത്രപ്രധാനമായ പദ്ധതികള് നടപ്പാക്കിയുള്ള അനുഭവസമ്പത്തും സമന്വയിക്കുന്നതാണ് അദ്ദേഹത്തിന്റെ പ്രത്യേകതയെന്ന് മഹേഷ് പൈയുടെ നിയമനത്തെപ്പറ്റി സൗത്ത് ഇന്ത്യന് ബാങ്ക് ചെയര്മാന് ജോസ് ജോസഫ് കാട്ടൂര് പറഞ്ഞു.
Tags : MaheshMuralidharPai ManagingDirector CEO SouthIndianBank SIB Business