കുസാറ്റ്
കൊച്ചി: 40 ദിവസമായി സസ്പെന്ഷനില് കഴിയുന്ന കൊച്ചി ശാസ്ത്ര-സാങ്കേതിക സര്വകലാശാല ജീവനക്കാര്ക്ക് നടപടി പുനഃപരിശോധിക്കാനാവശ്യപ്പെട്ടു സിന്ഡിക്കറ്റിനെ സമീപിക്കാമെന്നു ഹൈക്കോടതി.
21ന് സിന്ഡിക്കറ്റ് യോഗം ചേരാനിരിക്കുന്ന സാഹചര്യം ചൂണ്ടിക്കാട്ടിയാണ് ജസ്റ്റീസ് പി. ഗോപിനാഥിന്റെ ഉത്തരവ്. അപേക്ഷ ഹര്ജിക്കാര് നല്കുന്നപക്ഷം സസ്പെന്ഷന് തുടരുന്നതില് ന്യായമുണ്ടോയെന്ന കാര്യത്തില് സിന്ഡിക്കറ്റ് തീരുമാനമെടുക്കണമെന്ന് കോടതി നിര്ദേശിച്ചു.
കുസാറ്റിലെ ക്ലാസ് ഫോര് ജീവനക്കാരുടെ നിയമനത്തിലെ ക്രമക്കേടിൽ നടത്തിയ വിജിലന്സ് അന്വേഷണറിപ്പോര്ട്ടിന്റെ അടിസ്ഥാനത്തിലാണു ഹര്ജിക്കാരെ സസ്പെന്ഡ് ചെയ്തത്.
Tags : Kerala High Court CUSAT Employees Syndicate Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash