1. ഡോ. സുജയ് സിദ്ധാർത്ഥന്റെ വീട്ടിൽ മോഷ്ടാക്കൾ ജനൽ കമ്പികൾ അറുത്തുമാറ്റിയ നിലയിൽ.
എരുമപ്പെട്ടി: എരുമപ്പെട്ടിയിൽ ഡോക്ടറുടെ വീട്ടിൽ മോഷണ ശ്രമം. കുന്നംകുളം യൂണിറ്റി ഹോസ്പിറ്റലിലെ ഡോ. സുജയ് സിദ്ധാർത്ഥന്റെ വീട്ടിലാണ് ഇന്നലെ പുലർച്ചെ രണ്ടരയോടെ മോഷണശ്രമം നടന്നത്. മലയാളികളായ രണ്ടുപേരാണ് മോഷ്ടാക്കളെന്ന് തിരിച്ചറിഞ്ഞിട്ടുണ്ട്.
എരുമപ്പെട്ടി സെന്ററിൽ കുന്നംകുളം - വടക്കാഞ്ചേരി റോഡരികിലാണ് വീട്. വീടിന്റെ പുറത്തുള്ള ജനൽ കമ്പി മുറിച്ച് അതിലൂടെ അകത്തുകയറിയ മോഷ്ടാക്കൾ ഡോക്ടറുടെ കിടപ്പുമുറിയുടെ വാതിൽ തുറക്കാൻ ശ്രമിക്കുകയും ശബ്ദം കേട്ട് ഡോക്ടർ ഉണർന്ന് ലൈറ്റിട്ടപ്പോർ ഇവർ ഓടിരക്ഷപ്പെടുകയുമായിരുന്നു.
കണ്ണിൽ റിബൺ കെട്ടിയിരുന്നതായും മോഷ്ടാക്കൾ മലയാളം സംസാരിച്ചിരുന്നതായും ഡോ. സുജയ് പറഞ്ഞു.
കുന്നംകുളം എസിപി സാജു കെ. എബ്രാഹാം, എരുമപ്പെട്ടി എസ്ഐ ആന്റോ ഫ്രാൻസിസ് എന്നിവരുടെ നേതൃത്വത്തിൽ പോലീസ് സ്ഥലത്തെത്തി അന്വേഷണം ആരംഭിച്ചു. ഫിംഗർ പ്രിന്റ്് എക്സ്പെർട്ട് ഗിതു ജോസഫിന്റെ നേതൃത്വത്തിലുള്ള വിരലടയാള വിദഗ്ധരും പോലീസ് ഡോഗും സ്ഥലത്തെത്തി തെ ളിവെടുപ്പുനടത്തി.
Tags : Attempted burglary at a doctor's house Nattuvishesham DistrictNews