വോട്ടർപട്ടികയിൽ ക്രമക്കേട് നടത്തിയ മുഖ്യ തെരഞ്ഞെടുപ്പ് കമ്മിഷണർ ഗ്യാനേഷ് കുമാറിന്റെ രാജി ആവശ്യപ്പെട്ട് കോൺഗ്രസ് ജില്ലാ കമ്മിറ്റി ആർഎസ് പോസ്റ്റ് ഓഫീസിലേക്
കണ്ണൂർ: മുഖ്യതെരഞ്ഞെടുപ്പ് കമ്മിഷണർ ഗ്യാനേഷ് കുമാർ മോദിയുടെയും അമിത്ഷായുടെയും വാക്കുകൾ അനുസരിക്കുന്ന ബിജെപിയുടെ പോഷകസംഘടനായി മാറിയെന്ന് കെപിസിസി രാഷ്ട്രീയകാര്യ സമതിയംഗം രാജ്മോഹൻ ഉണ്ണിത്താൻ എംപി. വോട്ടർ പട്ടികയിൽ ക്രമക്കേട് നടത്തിയ ഗ്യാനേഷ് കുമാറിന്റെ രാജി ആവശ്യപ്പെട്ട് കോൺഗ്രസ് ജില്ലാ കമ്മിറ്റിയുടെ നേതൃത്വത്തിൽ ആർഎസ് പോസ്റ്റ് ഓഫിസിലേക്ക് നടത്തിയ മാർച്ച് ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. ജനാധിപത്യത്തിൽ ഏറ്റവും സുതാര്യമായി പ്രവർത്തിപ്പിക്കേണ്ടതിൽ സുപ്രധാന സ്ഥാനമാണ് മുഖ്യതെരഞ്ഞെടുപ്പ് കമ്മിഷണർക്കും അദ്ദേഹത്തിന്റെ ഓഫിസിനുമുള്ളത്. എന്നാൽ ഇപ്പോൾ അവിടെ നിഗൂഢമായ പ്രവർത്തനങ്ങളാണ് നടക്കുന്നത്.
ഗ്യാനേഷ് കുമാർ സ്ഥാനത്ത് തുടരുന്നിടത്തോളം കാലം രാജ്യത്ത് ജനാധിപത്യപരമായ തെരഞ്ഞെടുപ്പ് നടക്കില്ല. മോദിയുടെ വിശുദ്ധനായ വളർത്തുനായയാണ് ഗ്യാനേഷ് കുമാറെന്നും രാജ്മോഹൻ ഉണ്ണിത്താൻ എംപി ആരോപിച്ചു. ഡിസിസി പ്രസിഡന്റ് മാർട്ടിൻ ജോർജ് അധ്യക്ഷത വഹിച്ചു. കെപിസിസി ട്രഷറർ വി.എ. നാരായണൻ, മേയർ പി. ഇന്ദിര, റഷീദ് കവ്വായി, ജോഷി കണ്ടത്തിൽ, പി.ടി. മാത്യു, രാജീവൻ എളയാവൂർ എന്നിവർ പ്രസംഗിച്ചു.
Tags : NattuVishesham DistrictNews