കത്തോലിക്ക കോണ്ഗ്രസ് യോഗം ഫാ. സുനില് വട്ടുക്കുന്നേല് ഉദ്ഘാടനം ചെയ്യുന്നു.
പുല്പ്പള്ളി: മുള്ളന്കൊല്ലിയില് ക്വാറികള് ആരംഭിക്കാനുള്ള നീക്കത്തിനെതിരേ കത്തോലിക്ക കോണ്ഗ്രസ് മുള്ളന്കൊല്ലി ഫൊറോന കമ്മിറ്റി യോഗം പ്രതിഷേധിച്ചു.
മുള്ളന്കൊല്ലി പഞ്ചായത്തില് അഞ്ച് ക്വാറികള് പ്രവര്ത്തിക്കുകയും ഏഴ് ക്വാറികള്ക്ക് പ്രവര്ത്തനാനുമതി നല്കുകയും ചെയ്തതായുള്ള റിപ്പോര്ട്ടുകള് അതീവ ഗൗരവത്തോടെ കാണണം. അതിരൂക്ഷമായ കുടിവെള്ള പ്രശ്നങ്ങളും വരള്ച്ചയും മൂലം കര്ഷകര് അടക്കമുള്ള ജനങ്ങള് പൊറുതിമുട്ടുമ്പോള് ജനങ്ങളുടെ സ്വത്തിനും ജീവനും സംരക്ഷണം നല്കേണ്ട അധികാരികള്ത്തന്നെ ജനങ്ങളുടെ പ്രതിഷേധങ്ങള് കണ്ടില്ലെന്ന് നടിക്കുകയും ക്വാറി മാഫിയകള്ക്ക് പിന്തുണ നല്കുകയും ചെയ്യുന്നത് ഏറെ പ്രതിക്ഷേധാര്ഹമാണെന്ന് യോഗം വിലയിരുത്തി. ജനവാസ മേഖലയില് നിന്നു പ്രവര്ത്തന ദൂരപരിധി 200 മീറ്റര് ആയി ഉയര്ത്തണമെന്നും യോഗം ആവശ്യപ്പെട്ടു. കത്തോലിക്ക കോണ്ഗ്രസ് ഫൊറോന ഡയറക്ടര് ഫാ. സുനില് വട്ടുകുന്നേല് ഉദ്ഘാടനം ചെയ്തു. സുനില് പാലമറ്റം അധ്യക്ഷത വഹിച്ചു. ബീന ജോസ് കരുമാകുന്നേല്, ജോര്ജ് കൊല്ലിയില്, ബിജു ഞ്യായപ്പള്ളി, കെ.ജി. റോയി, മിന്സി എഴുത്ത്പള്ളിക്കല്, ജോസ് പള്ളത്ത്, ജോഷി കുരീക്കാട്ടില്, ജോര്ജ് കച്ചിറമറ്റം, സണ്ണി പേടപ്പാട്ട്, ജോളി മണ്ണുംപുറം എന്നിവര് പ്രസംഗിച്ചു
പുതിയ ക്വാറി
തുടങ്ങാനുള്ള നീക്കം
ചെറുത്ത്
തോല്പ്പിക്കുമെന്ന്
പുല്പ്പള്ളി: മുള്ളന്കൊല്ലി പഞ്ചായത്തില് പുതിയ ക്വാറി തുടങ്ങാനുള്ള നീക്കം ചെറുത്തു തോല്പ്പിക്കുമെന്ന് ബിജെപി പുല്പ്പള്ളി മണ്ഡലം കമ്മറ്റി. മുള്ളന്കൊല്ലി പഞ്ചായത്തില് നിലവില് അഞ്ച് ക്വാറികള് ഉണ്ട് അത് തന്നെ ഒരു പ്രദേശത്തിന് താങ്ങാവുന്നതിലും അപ്പുറമാണ്. വരള്ച്ചകൊണ്ട് പൊറുതിമുട്ടി നില്ക്കുന്ന പഞ്ചായത്തില് പുതുതായി ഏഴ് ക്വാറികള് തുടങ്ങാനാണ് നീക്കം. പഞ്ചായത്ത് ഭരിക്കുന്ന യുഡിഎഫ് മുന്നണി അടിയന്തിരമായി സര്വകക്ഷി യോഗം വിളിച്ച് കാര്യങ്ങള് ചര്ച്ച ചെയ്യണം. അധികാരികള് ഇടപെട്ട് പ്രശ്നപരിഹാരം കണ്ടില്ലെങ്കില് ജനങ്ങളെ അണി നിരത്തി സമര പരിപാടികള് ആവിഷ്കരിക്കുമെന്ന് ബിജെപി പുല്പ്പള്ളി മണ്ഡലം കമ്മിറ്റി അറിയിച്ചു. മണ്ഡലം പ്രസിഡന്റ് കെ.ഡി. ഷാജി ദാസ് അധ്യക്ഷത വഹിച്ചു. കെ.കെ. അരുണ്, ഗോപാല കൃഷ്ണന് ഐക്കരശേരി, സൈജു പുലിക്കുത്തി, ജോബീഷ് മാവടി, മനു പ്രസാദ്, ശ്രീനേഷ് ഗോവിന്ദ്, പ്രകാശന് നെല്ലിക്കര എന്നിവര് പ്രസംഗിച്ചു.
Tags : Nattuvishesham DistrictNews DeepikaNews