ചങ്ങനാശേരി സോഷ്യല് സര്വീസ് സാസൈറ്റിഅന്താരാഷ്ട്ര ലഹരിവിരുദ്ധ ദിനാചരണത്തിന്റെ ഭാഗമായി ചങ്ങനാശേരി സോഷ്യല് സര്വീസ് സോസൈറ്റി, എസ്എല്സിഎ
ചങ്ങനാശേരി: തൂഫാന് നാര്ക്കോ ഹണ്ടിന്റെ ഭാഗമായി ചങ്ങനാശേരി നിയോജകമണ്ഡലതല ലഹരിവിരുദ്ധ ദിനാചരണവും റാലിയും നഗരത്തിനു പുതിയ സന്ദേശമായി. മയക്കുമരുന്ന് ഉപയോഗവും കടത്തും നിയന്ത്രിക്കുന്നതിനും വിതരണശൃംഖലകള്ക്കെതിരേ കടുത്ത ജാഗ്രത പുലര്ത്തണമെന്നും റാലിയും സമ്മേളനവും ആഹ്വാനം ചെയ്തു.
എസ്ബി കോളജ് ജംഗ്ഷനിൽനിന്നും ആരംഭിച്ച റാലി ഡിവൈഎസ്പി എസ്. അഷാദ് ഫ്ളാഗ് ഓഫ് ചെയ്തു. റാലി പെരുന്ന എന്എസ്എസ് കോളജ് ജംഗ്ഷനിലെത്തി തിരികെ പോസ്റ്റ് ഓഫീസ് ജംഗ്ഷനിലൂടെ കത്തീഡ്രല് പാരീഷ് ഹാളില് സമാപിച്ചു.
തുടര്ന്നുനടന്ന സമ്മേളനം വിനു ജോബ് എംഎല്എ ഉദ്ഘാടനം ചെയ്തു. മുനിസിപ്പല് ചെയര്മാന് ജോമി ജോസഫ് അധ്യക്ഷത വഹിച്ചു. കത്തീഡ്രല് വികാരി ഫാ. ജോസഫ് വാണിയപ്പുരയ്ക്കല് പ്രതിജ്ഞ ചൊല്ലിക്കൊടുത്തു. സംവിധായകന് ജോണി ആന്റണി മുഖ്യപ്രഭാഷണം നടത്തി.
പഞ്ചായത്ത് പ്രസിഡന്റുമാരായ വീണ സി. ദിലീപ്, സുനിമോള് ചാക്കോ, എം.എന്.മുരളീധരന് നായർ, മുനിസിപ്പല് കൗണ്സിലര് എത്സമ്മ ജോബ്, പുതൂര്പള്ളി ജമാഅത്ത് പ്രസിഡന്റ് അബ്ദുള് ഹമീദ്, എഇഒ കെ.എ. സുനിത എന്നിവര് പ്രസംഗിച്ചു. നഗരത്തിലെ വിവിധ വിദ്യാഭ്യാസ സ്ഥാപനങ്ങളിലെ വിദ്യാര്ഥികൾ, അധ്യാപകര്, സന്നദ്ധ സംഘടനാ പ്രവര്ത്തകര് തുടങ്ങിയവര് റാലിയിലും സമ്മേളനത്തിലും പങ്കെടുത്തു.
Tags : Local News Nattuvishesham Kottayam