വേമ്പനാട്ടുകായലിനെ മാലിന്യവിമുക്തമാക്കുന്നതിന് വൈക്കം സഹൃദയവേദിയുടെ നേതൃത്വത്തിൽ കായലിൽ നിന്ന് പ്ലാസ്റ്റിക് മാലിന്യം നീക്കുന്ന പ്രവർത്തനംവൈക്ക
വൈക്കം: വേമ്പനാട്ടുകായലിനെ മാലിന്യവിമുക്തമാക്കുന്നതിന് മുന്നോടിയായി വൈക്കം സഹൃദയവേദിയുടെ നേതൃത്വത്തിൽ കായലിൽനിന്ന് പ്ലാസ്റ്റിക് മാലിന്യം നീക്കുന്ന പ്രവർത്തനത്തിന് തുടക്കമായി. വൈക്കം ബോട്ട് ജെട്ടിപരിസരത്ത് മാലിന്യം ശേഖരിച്ച് കെ. ബിനിമോൻ എംഎൽഎ ശുചീകരണ പരിപാടി ഉദ്ഘാടനം ചെയ്തു. നഗരസഭ വൈസ് ചെയർപേഴ്സൺ സൗദാമിനി അഭിലാഷ് അധ്യക്ഷത വഹിച്ചു.
നഗരസഭാ കൗൺസിലർ കെ.എൻ. മാധുരി, സഹൃദയ ഭാരവാഹികളായ പി. സോമൻപിള്ള, അഡ്വ. എം.എസ് കലേഷ്, ആർ. സുരേഷ്, പി. സോമൻപിള്ള, സാബു വർഗീസ്, ഫയർ ആൻഡ് റെസ്ക്യൂ ഓഫീസർ പ്രതാപ്കുമാർ, ഉഷ ജനാർദ്ദനൻ, ഉഷാ നായർ, മഞ്ജു സുരേഷ്, ഷെമീഷ ബീവിഎന്നിവർ നേതൃത്വം നൽകി.
ആദ്യഘട്ടത്തിൽ വേമ്പനാട്ടുകായലിലെ തണ്ണീർമുക്കം ബണ്ടിന്റെ വെച്ചൂർ പഞ്ചായത്ത് പരിധി മുതൽ വടക്കോട്ട് ചെമ്പ് വരെയുള്ള ഭാഗത്തെ പ്ലാസ്റ്റിക് മാലിന്യമാണ് ജനകീയ പങ്കാളിത്തത്തോടെ സഹൃദയ വേദി പ്രവർത്തകർ ശേഖരിക്കാനിറങ്ങിയത്. വലിയ വള്ളത്തിൽ എത്തിയ 20 അംഗ സംഘം പ്രത്യേകം തയാറാക്കിയ വലകൾ ഉപയോഗിച്ചാണ് പ്ലാസ്റ്റിക് മാലിന്യം കോരിയെടുത്തത്.
ശേഖരിച്ച മാലിന്യങ്ങൾ പിന്നീട് നഗരസഭയ്ക്ക് കൈമാറും. അടുത്ത ഘട്ടത്തിൽ ജലോപരിതലത്തിലെ മാലിന്യം ജനങ്ങളുടെ സഹായത്തോടെ നീക്കും. കായലിന്റെ അടിത്തട്ടിൽ വൻതോതിൽ അടിഞ്ഞ പ്ലാസ്റ്റിക് മാലിന്യമടക്കം സർക്കാർ സംവിധാനത്തിൽ യന്ത്രസഹായത്തോടെ നീക്കി കായലിനെ മാലിന്യവിമുക്തമാക്കാനാണ് സന്നദ്ധ സംഘടനകളുടെ ശ്രമം.
Tags : Local News Nattuvishesham Kottayam