1

ക​ണി​ച്ചാ​ർ: ത​ല​ശേ​രി-​ബാ​വ​ലി അ​ന്ത​ർ​സം​സ്ഥാ​ന പാ​ത​യോ​ര​ത്ത് 29-ാം മൈ​ൽ വെ​ള്ള​ച്ചാ​ട്ട​ത്തി​ന് സ​മീ​പം പേ​രാ​വൂ​ർ ബ്ലോ​ക്ക് പ​ഞ്ചാ​യ​ത്തും ക​ണി​ച്ചാ​ർ പ​ഞ്ചാ​യ​ത്തും സം​യു​ക്ത​മാ​യി ന​ട​പ്പാ​ക്കാ​ൻ ല​ക്ഷ്യ​മി​ട്ട ശു​ചി​ത്വ പാ​ർ​ക്ക് നി​ർ​മാ​ണം അ​നി​ശ്ചി​ത​ത്വ​ത്തി​ൽ. ല​ക്ഷ​ങ്ങ​ൾ ചെ​ല​വി​ട്ട് പ​ദ്ധ​തി പാ​തി​വ​ഴി​യി​ൽ നി​ല​ച്ചി​രി​ക്കു​ക​യാ​ണ്.

2025-26 വാ​ർ​ഷി​ക പ​ദ്ധ​തി​യി​ൽ ഉ​ൾ​പ്പെ​ടു​ത്തി പേ​രാ​വൂ​ർ ബ്ലോ​ക്ക് പ​ഞ്ചാ​യ​ത്തി​ന്‍റെ 10 ല​ക്ഷം രൂ​പ​യും ക​ണി​ച്ചാ​ർ പ​ഞ്ചാ​യ​ത്തി​ന്‍റെ 50,000 രൂ​പ​യും ഉ​ൾ​പ്പെ​ടെ 10.5 ല​ക്ഷം രൂ​പ ഉ​പ​യോ​ഗ​പ്പെ​ടു​ത്തി​യാ​യി​രു​ന്നു പാ​ർ​ക്ക് പ​ദ്ധ​തി ആ​രം​ഭി​ച്ച​ത്. പൊ​തു​മ​രാ​മ​ത്ത് വ​കു​പ്പി​നു കീ​ഴി​ലു​ള്ള സ്ഥ​ല​ത്ത് യാ​ത്ര​ക്കാ​ർ​ക്കും പ്ര​ദേ​ശ​വാ​സി​ക​ൾ​ക്കും ഒ​രു​പോ​ലെ പ്ര​യോ​ജ​ന​പ്പെ​ടു​ന്ന രീ​തി​യി​ലാ​ണ് ശു​ചി​ത്വ പാ​ർ​ക്ക് വി​ഭാ​വ​നം ചെ​യ്ത​ത്. ആ​ർ​ച്ച് മാ​തൃ​ക​യി​ലു​ള്ള ര​ണ്ട് പാ​ല​ങ്ങ​ൾ, വി​ശ്ര​മ​കേ​ന്ദ്ര​ങ്ങ​ൾ, ഫോ​ട്ടോ പോ​യി​ന്‍റു​ക​ൾ, പൂ​ന്തോ​ട്ടം, ഇ​ന്‍റർ​ലോ​ക്ക് പാ​കി​യ ന​ട​പ്പാ​ത​ക​ൾ എ​ന്നി​വ​യ​ട​ക്കം ആ​ക​ർ​ഷ​ക​മാ​യ രീ​തി​യി​ലാ​യി​രു​ന്നു പ്ലാ​ൻ. ഭാ​വി​യി​ൽ സ​ന്ദ​ർ​ശ​ക​രി​ൽ നി​ന്ന് പ്ര​വേ​ശ​ന ഫീ​സ് ഈ​ടാ​ക്കി പ​ഞ്ചാ​യ​ത്തി​ന് വ​രു​മാ​നം ക​ണ്ടെ​ത്താ​നും അ​ന്ത​ർ​സം​സ്ഥാ​ന പാ​ത​യി​ലൂ​ടെ ക​ട​ന്നു​പോ​കു​ന്ന യാ​ത്ര​ക്കാ​ർ​ക്ക് വി​ശ്ര​മ​വേ​ള​ക​ൾ ചെ​ല​വ​ഴി​ക്കാ​നും പ്ര​യോ​ജ​ന​പ്പെ​ടു​ന്ന പ​ദ്ധ​തി​യാ​യി​രു​ന്നു ഇ​ത്. നി​ർ​മാ​ണം ആ​രം​ഭി​ച്ച് മാ​സ​ങ്ങ​ൾ പി​ന്നി​ട്ടി​ട്ടും ഒ​രു വ​ശ​ത്ത് ചെ​റി​യൊ​രു കോ​ൺ​ക്രീ​റ്റ് മ​തി​ലും സം​ര​ക്ഷ​ണ ഭി​ത്തി​യും നി​ർ​മി​ച്ച​തി​ൽ പ​ണി നി​ശ്ച​ല​മാ​യി.

അ​നു​വ​ദി​ച്ച ഫ​ണ്ട് പൂ​ർ​ണ​മാ​യും തീ​ർ​ന്നെ​ന്നും ഇ​നി കൂ​ടു​ത​ൽ തു​ക വ​ക​യി​രു​ത്തി​യാ​ൽ മാ​ത്ര​മേ തു​ട​ർ​പ്ര​വ​ർ​ത്തി​ക​ൾ സാ​ധ്യ​മാ​കൂ എ​ന്നു​മാ​ണ് അ​ധി​കൃ​ത​രും ക​രാ​റു​കാ​ര​നും പ​റ​യു​ന്ന​ത്. കൃ​ത്യ​മാ​യ ആ​സൂ​ത്ര​ണ​മി​ല്ലാ​യ്മ​യും ക​രാ​റു​കാ​ര​ന്‍റെ അ​നാ​സ്ഥ​യു​മാ​ണ് പ​ദ്ധ​തി പാ​ളാ​ൻ കാ​ര​ണ​മെ​ന്നും മു​ൻ പ​ഞ്ചാ​യ​ത്തം​ഗം ജി​മ്മി ഏ​ബ്ര​ഹാം ആ​രോ​പി​ച്ചു. പാ​തി​വ​ഴി​യി​ൽ ഉ​പേ​ക്ഷി​ക്ക​പ്പെ​ട്ട നി​ല​യി​ലു​ള്ള നി​ർ​മാ​ണ സാ​മ​ഗ്രി​ക​ളും പ്ര​ദേ​ശ​വും ഇ​പ്പോ​ൾ കാ​ടു​മൂ​ടി ന​ശി​ക്കു​ക​യാ​ണ്.

Tags : NattuVishesham DistrictNews