ഐസ ദേശീയ അധ്യക്ഷ നേഹ ബോറ
ന്യൂഡൽഹി: ഗാന്ധിജയന്തി ദിനത്തിൽ ജന്തർ മന്തറിൽ സമരത്തിന് ആഹ്വാനം. മുഖ്യ തെരഞ്ഞെടുപ്പ് കമ്മിഷണർ ഗ്യാനേഷ് കുമാറിന്റെ രാജി ആവശ്യപ്പെട്ട് ഓൾ ഇന്ത്യ സ്റ്റുഡന്റ്സ് അസോസിയേഷനും (ഐസ) സിപിഐയുടെ വിദ്യാർഥി സംഘടനയായ എഐഎസ്എഫും സാമൂഹ്യപ്രവർത്തകരായ പ്രശാന്ത് ഭൂഷൺ, യോഗേന്ദ്ര യാദവ്, അഞ്ജലി ഭരദ്വാജ് തുടങ്ങിയവരും സമരത്തിൽ പങ്കെടുക്കും.
സമരത്തിന് ഇതുവരെ അനുമതി ലഭിച്ചിട്ടില്ല. ഇത് ജനാധിപത്യപരമായ അവകാശം നിഷേധിക്കലാണെന്ന് ഐസ ദേശീയ അധ്യക്ഷ നേഹ ബോറ പറഞ്ഞു. അനുമതിയില്ലെങ്കിലും ഒക്ടോബർ രണ്ടിന് രാവിലെ പതിനൊന്ന് മുതൽ പ്രതിഷേധം നടത്തുമെന്നും അവർ കൂട്ടിച്ചേർത്തു.
Tags : Protest JantarMantar GandhiJayanti Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash