മോ​നി​പ്പ​ള്ളി: കോ​ട്ട​യം അ​തി​രൂ​പ​ത​യി​ലെ വൈ​ദി​ക​നും പ്ര​മു​ഖ വ​ച​ന പ്ര​ഘോ​ഷ​ക​നും സാ​മൂ​ഹ്യ​പ്ര​വ​ര്‍ത്ത​ക​നും മി​ക​ച്ച അ​ധ‍്യാ​പ​ക​നു​മാ​യി​രു​ന്ന മോ​ണ്‍. പീ​റ്റ​ര്‍ ഊ​രാ​ളി​ലി​ന്‍റെ 25-ാം ച​ര​മ​വാ​ര്‍ഷി​ക അ​നു​സ്മ​ര​ണം ന​ട​ത്തി. മോ​നി​പ്പ​ള്ളി തി​രു​ഹൃ​ദ​യ ദേ​വാ​ല​യ​ത്തി​ല്‍ ഇ​ന്ന​ലെ രാ​വി​ലെ കോ​ട്ട​യം ആ​ര്‍ച്ച്ബി​ഷ​പ് മാ​ര്‍ മാ​ത്യു മൂ​ല​ക്കാ​ട്ടി​ന്‍റെ മു​ഖ്യ​കാ​ര്‍മി​ക​ത്വ​ത്തി​ല്‍ വി​ശു​ദ്ധ കു​ര്‍ബാ​ന അ​ര്‍പ്പി​ച്ചു.

25ല​ധി​കം വൈ​ദി​ക​ര്‍ സ​ഹ​കാ​ര്‍മി​ക​രാ​യി. തു​ട​ര്‍ന്ന് ക​ബ​റി​ട​ത്തി​ങ്ക​ല്‍ ന​ട​ന്ന അ​നു​സ്മ​ര​ണ പ്രാ​ര്‍ഥ​ന​ക​ള്‍ക്ക് കോ​ട്ട​യം അ​തി​രൂ​പ​ത വി​കാ​രി ജ​ന​റാ​ള്‍ ഫാ. ​മൈ​ക്കി​ള്‍ വെ​ട്ടി​ക്കാ​ട്ട് മു​ഖ്യ​കാ​ര്‍മി​ക​ത്വം വ​ഹി​ച്ചു.

ആ​ര്‍ച്ച്ബി​ഷ​പ് മാ​ര്‍ മാ​ത്യു മൂ​ല​ക്കാ​ട്ടി​ന്‍റെ അ​ധ്യ​ക്ഷ​ത​യി​ല്‍ ചേ​ര്‍ന്ന അ​നു​സ്മ​ര​ണം സ​മ്മേ​ള​നം മ​ന്ത്രി മോ​ന്‍സ് ജോ​സ​ഫ് ഉ​ദ്ഘാ​ട​നം ചെ​യ്തു. സ​ഹാ​യ​മെ​ത്രാ​ൻ ഗീ​വ​ര്‍ഗീ​സ് മാ​ര്‍ അ​പ്രേം, ജ​സ്റ്റീ​സ് സി​റി​യ​ക് ജോ​സ​ഫ്, ഫാ. ​ജോ​സ് കു​റു​പ്പ​ന്ത​റ, ഫാ. ​ജോ​സ​ഫ് നെ​ടു​ങ്ങാ​ട്ട്, സി​സ്റ്റ​ര്‍ ബെ​സി എ​സ്‌​ജെ​സി, ബേ​ബി ഊ​രാ​ളി​ല്‍, പീ​റ്റ​ര്‍ ഊ​രാ​ളി​ല്‍ എ​ന്നി​വ​ര്‍ പ്ര​സം​ഗി​ച്ചു.

ക​രു​ത​ലും കാ​രു​ണ്യ​വും ചൊ​രി​ഞ്ഞ പു​ണ്യ​ച​രി​ത​നാ​യ വ്യ​ക്തി​യാ​യി​രു​ന്നു മോ​ണ്‍. പീ​റ്റ​ര്‍ ഊ​രാ​ളി​ലെ​ന്ന് സ​മ്മേ​ള​ന​ത്തി​ല്‍ പ്ര​സം​ഗി​ച്ച​വ​ര്‍ അ​നു​സ്മ​രി​ച്ചു. ഇ​ട​വ​ക​ക​ളി​ലും ക്രി​സ്തീ​യ കൂ​ട്ടാ​യ്മ​ക​ളി​ലും വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലും ശു​ശ്രൂ​ഷ ചെ​യ്യ​വേ അ​നേ​കാ​യി​ര​ങ്ങ​ളെ പ്ര​ചോ​ദി​പ്പി​ക്കാ​ന്‍ മോ​ണ്‍. പീ​റ്റ​ര്‍ ഊ​രാ​ളി​ലി​നു സാ​ധി​ച്ചി​രു​ന്നു.

ഉ​ത്ത​മ​നാ​യ വൈ​ദി​ക​ന്‍, അ​നേ​കാ​യി​ര​ങ്ങ​ള്‍ക്ക് അ​റി​വു പ​ക​ര്‍ന്നു ന​ല്‍കു​ന്ന​തി​നൊ​പ്പം ശി​ഷ്യ​ഹൃ​ദ​യ​ങ്ങ​ളി​ല്‍ ഇ​ടം തേ​ടി​യ അ​ധ്യാ​പ​ക​ന്‍, ത​ന്ത്ര​ശാ​ലി​യും പ്ര​ഗ​ത്ഭ​നു​മാ​യ സ്ഥാ​പ​ന​മേ​ധാ​വി, അ​ജ​ഗ​ണ​ങ്ങ​ളെ അ​ധ്യാ​ത്മി​ക പാ​ത​യി​ല്‍ ന​യി​ക്കു​ന്ന ഇ​ട​വ​ക വി​കാ​രി, മി​ക​ച്ച സം​ഘാ​ട​ക​ന്‍, ആ​തു​ര​രു​ടെ ആ​ലം​ബ​കേ​ന്ദ്രം, വീ​ട്ടു​വീ​ഴ്ച​യി​ല്ലാ​ത്ത മൂ​ല്യ​ബോ​ധ​ത്തി​ന് ഉ​ട​മ, ക​ണ്ടു​മു​ട്ടു​ന്ന​വ​രു​ടെ പ്രി​യ​ങ്ക​ര​നാ​യ സു​ഹൃ​ത്ത് തു​ട​ങ്ങി എ​ല്ലാ മേ​ഖ​ല​ക​ളി​ലും നി​റ​ഞ്ഞു​നി​ന്ന വ്യ​ക്തി​യാ​യി​രു​ന്നു മോ​ണ്‍. പീ​റ്റ​ര്‍ ഊ​രാ​ളി​ലെ​ന്നും പ്ര​സം​ഗി​ച്ച​വ​ര്‍ അ​നു​സ്മ​രി​ച്ചു.

Tags : Death anniversary Commemoration Kottayam Archdiocese Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash