10

സു​ല്‍​ത്താ​ന്‍ ബ​ത്തേ​രി: മ​രം​വീ​ണ് ത​ക​ര്‍​ന്ന വീ​ട് വാ​സ​യോ​ഗ്യ​മാ​ക്കാ​തെ ക​രാ​റു​കാ​ര​ന്‍ മു​ങ്ങി​യ​തോ​ടെ മൂ​ന്നം​ഗ ഗോ​ത്ര​കു​ടും​ബം ക​ഴി​യു​ന്ന​ത് പ്ലാ​സ്റ്റി​ക് കൂ​ര​യ്ക്കു​ള്ളി​ല്‍. ബ​ത്തേ​രി കൈ​വ​ട്ട​മൂ​ല മ​ണ​ല്‍​വ​യ​ല്‍ കാ​ട്ടു​നാ​യ്ക്ക ഉ​ന്ന​തി​യി​ലെ അ​ജി​ത​യും കു​ടും​ബ​വു​മാ​ണ് നാ​ല് വ​ര്‍​ഷ​ത്തി​ലേ​റെ​യാ​യി കൂ​ര​യ്ക്കു​ള്ളി​ല്‍ ദു​രി​ത​ജീ​വി​തം ന​യി​ക്കു​ന്ന​ത്. 2022 ലാ​ണ് അ​ജി​ത​യു​ടെ വീ​ടി​നു​സ​മീ​പം നി​ന്ന വ​ന്‍​മ​രം ക​ട​പ​ഴു​കി വീ​ടി​നു​മു​ക​ളി​ലേ​ക്ക് വീ​ണ​ത്. ഇ​തി​ന്‍റെ ആ​ഘാ​ത​ത്തി​ല്‍ മേ​ല്‍​ക്കൂ​ര​യ്ക്ക് വി​ള്ള​ല്‍ സം​ഭ​വി​ക്കു​ക​യും അ​ടു​ക്ക​ള​യും ശൗ​ചാ​ല​യ​വും ത​ക​രു​ക​യും ചെ​യ്തു.

ഇ​തോ​ടെ കു​ടും​ബ​ത്തി​ന് വീ​ടി​നു​ള്ളി​ല്‍ താ​മ​സി​ക്കാ​ന്‍ പ​റ്റാ​ത്ത അ​വ​സ്ഥ​യാ​യി. വീ​ട് ന​ന്നാ​ക്കാ​ന്‍ ട്രൈ​ബ​ല്‍ വ​കു​പ്പ് ഒ​രു​ല​ക്ഷം രൂ​പ അ​നു​വ​ദി​ച്ചു. പി​ന്നീ​ട് ഈ ​തു​ക പ്ര​വൃ​ത്തി ഏ​റ്റെ​ടു​ത്ത ക​രാ​റു​കാ​ര​ന് ജ​ന​പ്ര​തി​നി​ധി​യു​ടെ മു​മ്പാ​കെ കൈ​മാ​റു​ക​യും ചെ​യ്തു. തു​ട​ര്‍​ന്ന് കു​റ​ച്ച് അ​റ്റ​കു​റ്റ​പ്പ​ണി​ക​ള്‍ മാ​ത്രം ചെ​യ്ത് ക​രാ​റു​കാ​ര​ന്‍ മു​ങ്ങു​ക​യാ​യി​രു​ന്നു. ഇ​തോ​ടെ കു​ടും​ബ​ത്തി​ന്‍റെ ജീ​വി​തം സ​മീ​പ​ത്തെ പൊ​ളി​ച്ച വീ​ടി​ന്‍റെ ത​റ​യി​ല്‍ കെ​ട്ടി​യു​യ​ര്‍​ത്തി​യ പ്ലാ​സ്റ്റി​ക് കൂ​ര​യ്ക്കു​ള്ളി​ലാ​യി.

ഇ​വി​ടെ​യാ​ണ് അ​ജി​ത​യും ഭ​ര്‍​ത്താ​വ് ഷി​ബു​വും മ​ക​ന്‍ ആ​ദി​ത്യ​നും ക​ഴി​ഞ്ഞു​കൂ​ടു​ന്ന​ത്. വ​ന്യ​ജീ​വി​ക​ള്‍ വി​ഹ​രി​ക്കു​ന്ന വ​ന​ത്തി​നോ​ട് ചേ​ര്‍​ന്ന് യാ​തൊ​രു​സു​ര​ക്ഷി​ത​ത്വ​വു​മി​ല്ലാ​തെ​യാ​ണ് ഈ ​കു​ടും​ബം ക​ഴി​യു​ന്ന​ത്. നി​ര​വ​ധി​ത​വ​ണ ക​രാ​റു​കാ​ര​നെ ജ​ന​പ്ര​തി​നി​ധി​ക​ളും കു​ടും​ബ​വും ട്രൈ​ബ​ല്‍​വ​കു​പ്പും ബ​ന്ധ​പ്പെ​ട്ടി​ട്ടും പ്ര​വൃ​ത്തി പൂ​ര്‍​ത്തീ​ക​രി​ക്കാ​ന്‍ കാ​രാ​റു​കാ​ര​ന്‍ ത​യാ​റാ​യി​ട്ടി​ല്ല. ട്രൈ​ബ​ല്‍, ത​ദ്ദേ​ശ​വ​കു​പ്പു​ക​ള്‍ അ​ടി​യ​ന്ത​ര​മാ​യി ഇ​ട​പെ​ട​ല്‍ ന​ട​ത്തി വീ​ട് വാ​സ​യോ​ഗ്യ​മാ​ക്കാ​ന്‍ ന​ട​പ​ടി​ക​ള്‍ ഉ​ണ്ടാ​ക​ണ​മെ​ന്ന ആ​വ​ശ്യ​മാ​ണ് ഉ​യ​രു​ന്ന​ത്.

Tags : Local News Nattuvishesham Wayanad