മു​തു​കു​ളം: മ​ങ്ങാ​ട്ടു​മു​ക്ക്-​ആ​ലും​ചു​വ​ട് റോ​ഡി​ലൂ​ടെ നാ​ട്ടു​കാ​ർ​ക്ക് ദു​രി​ത​യാ​ത്ര. വ​ർ​ഷ​ങ്ങ​ളാ​യി ത​ക​ർ​ന്നു​കി​ട​ക്കു​ന്ന റോ​ഡ് യാ​ത്ര​ക്കാ​രെ​യും നാ​ട്ടു​കാ​രെ​യു​മെ​ല്ലാം ദു​രി​ത​ത്തി​ലാ​ക്കു​ക​യാ​ണ്.

നൂ​റു​ക​ണ​ക്കി​നു പ്ര​ദേ​ശ​വാ​സി​ക​ളും മ​റ്റു യാ​ത്ര​ക്കാ​രും പ്ര​ധാ​ന​പാ​ത​യാ​യ കാ​യം​കു​ളം-​കാ​ർ​ത്തി​ക​പ്പ​ള്ളി റോ​ഡി​ലേ​ക്കെ​ത്തു​ന്ന റോ​ഡാ​ണി​ത്.

ത​ക​ർ​ന്നുകി​ട​ക്കു​ന്ന റോ​ഡി​ലൂ​ടെ ഇ​പ്പോ​ൾ കാ​ൽ​ന​ട​പോ​ലും പ​റ്റാ​ത്ത സ്ഥി​തി​യാ​ണു​ള്ള​ത്. ക്ഷേ​ത്രം മു​ത​ൽ കി​ഴ​ക്കോ​ട്ട് 300-മീ​റ്റ​റോ​ളം ദൂ​രം റോ​ഡ് ത​ക​ർ​ന്ന് നാ​മാ​വ​ശേ​ഷ​മാ​യി. റോ​ഡ് താ​ഴ്ന്നു​കി​ട​ക്കു​ന്ന​തി​നാ​ൽ റോ​ഡി​ന്‍റെ ക​രു​ണാ​മു​റ്റം മു​ത​ൽ ആ​ലും​ചു​വ​ടു വ​രെ മ​ഴ​ക്കാ​ല​ത്ത് വെ​ള്ള​ത്തി​ൽ മു​ങ്ങും.

കി​ഴ​ക്കു​നി​ന്നു​ള്ള വെ​ള്ള​വും ഇ​വി​ടേ​ക്കാ​ണ് ഒ​ഴു​കി​യെ​ത്തു​ന്ന​ത്. ത​ക​ർ​ന്ന റോ​ഡി​ൽ മാ​സ​ങ്ങ​ളോ​ളം വെ​ള്ളം കെ​ട്ടി​നി​ൽ​ക്കു​ന്ന​തി​നാ​ൽ ജ​ന​ങ്ങ​ൾ തീ​രാ​ദു​രി​ത​മാ​ണ് അ​നു​ഭ​വി​ച്ചു​വ​രു​ന്ന​ത്.

മു​മ്പു​ണ്ടാ​യി​രു​ന്ന ജ​ല​നി​ർ​ഗ​മ​ന മാ​ർ​ഗ​ങ്ങ​ളെ​ല്ലാം അ​ട​ഞ്ഞു​പോ​യ​താ​ണ് ദു​ര​വ​സ്ഥ​യ്ക്കു കാ​ര​ണം. ചു​റ്റി​ക്ക​റ​ങ്ങി പോ​കേ​ണ്ടി​വ​രു​ന്നു​ണ്ടെ​ങ്കി​ലും നാ​ട്ടു​കാ​ർ​ക്ക് മ​റ്റു റോ​ഡു​ക​ളെ ഇ​പ്പോ​ൾ ആ​ശ്ര​യി​ക്കേ​ണ്ട ഗ​തി​കേ​ടാ​ണു​ള്ള​ത്. റോ​ഡ് അ​ടി​യ​ന്തര​മാ​യി പു​ന​ർ​നി​ർ​മി​ക്ക​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു.

Tags :