4

മം​ഗ​ലം​ഡാം: കു​ടി​വെ​ള്ള​ത്തി​നും ഉ​ന്ന​തി​ക്കു ചു​റ്റു​മു​ള്ള സോ​ളാ​ർ ഫെ​ൻ​സിം​ഗ് കൂ​ട്ടി​മു​ട്ടി​ച്ച് ആ​ന ഉ​ൾ​പ്പെ​ടെ​യു​ള്ള വ​ന്യ​മൃ​ഗ​ങ്ങ​ളി​ൽ നി​ന്നും ജീ​വ​നും സ്വ​ത്തി​നും സം​ര​ക്ഷ​ണം ന​ൽ​ക​ണ​മെ​ന്നാ​വ​ശ്യ​പ്പെ​ട്ട് ക​ട​പ്പാ​റ​ക്ക​ടു​ത്ത് വ​ന​ത്തി​ന​ക​ത്തു​ള്ള ത​ളി​ക​ക​ല്ലി​ലെ ആ​ദി​വാ​സി കു​ടും​ബ​ങ്ങ​ൾ സ​മ​ര​ത്തി​നി​റ​ങ്ങു​ന്നു.

64 കു​ടും​ബ​ങ്ങ​ൾ ക​ഴി​യു​ന്ന ഉ​ന്ന​തി​ക്കു ചു​റ്റും 95 ശ​ത​മാ​ന​ത്തി​ലേ​റെ ദൂ​ര​വും വ​നാ​തി​ർ​ത്തി​യി​ൽ തൂ​ക്കു​വേ​ലി ഉ​ൾ​പ്പെ​ടെ സ്ഥാ​പി​ച്ചി​ട്ടു​ണ്ട്. എ​ന്നാ​ൽ ഉ​ന്ന​തി​യു​ടെ തെ​ക്ക് വ​ട​ക്കു ഭാ​ഗ​ത്താ​യി ഫെ​ൻ​സിം​ഗ് കൂ​ട്ടി​മു​ട്ടി​ക്കാ​നു​ണ്ട്. ഇ​ത് 200 മീ​റ്റ​റി​ൽ താ​ഴെ മാ​ത്ര​മെ ദൂ​ര​മു​ള്ളു. ഈ ​ഭാ​ഗ​ത്തുകൂ​ടി വേ​ലി സ്ഥാ​പി​ച്ചാ​ൽ ആ​ന ഉ​ൾ​പ്പെ​ടെ​യു​ള്ള വ​ന്യ​മൃ​ഗ​ങ്ങ​ൾ ഉ​ന്ന​തി​യി​ലെ​ത്തു​ന്ന​തി​ന് പ​രി​ഹാ​ര​മാ​കു​മെ​ന്ന് ഉ​ന്ന​തി​യി​ൽ വ​ട​ക്കു​ഭാ​ഗ​ത്തെ താ​മ​സ​ക്കാ​ര​നാ​യ രാ​ജ​പ്രി​യ​ൻ പ​റ​ഞ്ഞു.

വ​നാ​തി​ർ​ത്തി​യി​ൽ ചാ​ലു​പോ​ലെ​യു​ള്ള താ​ഴ്ന്ന ഭാ​ഗ​ങ്ങ​ളി​ൽ തൂ​ക്കു​വേ​ലി ഉ​യ​ർ​ന്നു നി​ൽ​ക്കു​ന്ന​തി​നാ​ൽ അ​തി​ന​ടി​യി​ലൂ​ടെ വ​ന്യ​മൃ​ഗ​ങ്ങ​ൾ ക​ട​ന്നു​വ​രു​ന്നു​ണ്ട്. ഇ​തി​ന് പ​രി​ഹാ​രം കാ​ണ​ണം. ആ​ന​ക്കു പു​റ​മെ ക​ര​ടി, ക​ടു​വ, പു​ലി തു​ട​ങ്ങി​യ വ​ന്യ​മൃ​ഗ​ങ്ങ​ൾ കൂ​ടു​ത​ലു​ള്ള പ്ര​ദേ​ശ​മാ​ണി​ത്. സ​ന്ധ്യ​യാ​യാ​ൽ ക​ട​പ്പാ​റ​യി​ൽ നി​ന്നും ത​ളി​ക​ക​ല്ല് ഉ​ന്ന​തി​യി​ലേ​ക്കു​ള്ള വ​ഴി​യി​ലും ആ​ന​ക്കൂ​ട്ട​ങ്ങ​ളു​ണ്ടാ​കും.

അ​ഞ്ചു ല​ക്ഷ​ത്തി​ലേ​റെ രൂ​പ ചെ​ല​വ​ഴി​ച്ച് ഉ​ന്ന​തി​യി​ലെ വീ​ടു​ക​ൾ​ക്കു മു​ന്നി​ലൂ​ടെ കു​ടി​വെ​ള്ള പൈ​പ്പു​ക​ൾ സ്ഥാ​പി​ച്ചി​ട്ടു​ണ്ടെ​ങ്കി​ലും വെ​ള്ളം കി​ട്ടാ​ൻ വ​ഴി​യി​ല്ലെ​ന്ന് സ്ത്രീ​ക​ൾ പ​റ​യു​ന്നു. ഉ​ന്ന​തി​യി​ൽ നി​ന്നും നാ​ലും അ​ഞ്ചും കി​ലോ​മീ​റ്റ​ർ ദൂ​രെ വ​ൻ​മ​ല​യി​ലെ ഉ​റ​വ​ക​ളി​ൽ നി​ന്നും ഹോ​സു വ​ഴി​യാ​ണ് ഓ​രോ കു​ടും​ബ​ങ്ങ​ളും വീ​ടു​ക​ളി​ൽ വെ​ള്ളം എ​ത്തി​ക്കു​ന്ന​ത്. ഈ ​ഹോ​സു​ക​ൾ ആ​ന​ക​ൾ ച​വി​ട്ടി ന​ശി​പ്പി​ക്കും. അ​തി​നാ​ൽ ദി​വ​സ​വും ഹോ​സു റി​പ്പ​യ​ർ ചെ​യ്യാ​ൻ മ​ല ക​യ​റി പോ​ക​ണം.

ക​ഴി​ഞ്ഞദി​വ​സം അ​ങ്ക​ണ​വാ​ടി കു​ട്ടി​ക​ൾ​ക്കു​ള്ള വെ​ള്ള​ത്തി​നാ​യി മ​ല ക​യ​റി ഹോ​സ് സ്ഥാ​പി​ക്കാ​ൻ പോ​യ സ്ത്രീ​ക​ളു​ടെ സം​ഘ​ത്തി​ലെ ഒ​രാ​ളെ ആ​ന ഓ​ടി​ച്ച സം​ഭ​വ​മു​ണ്ടാ​യി. മ​റ്റു​ള്ള​വ​ർ ബ​ഹ​ളം വ​ച്ച​പ്പോ​ൾ ആ​ന പി​ന്മാ​റി​യ​ത് ര​ക്ഷ​യാ​യി. ന​ബാ​ർ​ഡി​ന്‍റെ കു​ടി​വെ​ള്ള പ​ദ്ധ​തി​യും ഉ​ന്ന​തി​യി​ൽ ല​ക്ഷ്യം ക​ണ്ടി​ട്ടി​ല്ല. ഇ​തി​നാ​ൽ വേ​ന​ൽ രൂ​ക്ഷ​മാ​കു​ന്ന​തോ​ടെ കു​ടും​ബ​ങ്ങ​ൾ വെ​ള്ള​മു​ള്ള ഉ​ൾ​ക്കാ​ടു​ക​ളി​ലേ​ക്ക് താ​മ​സം മാ​റു​മെ​ന്ന് അ​ങ്ക​ണ​വാ​ടി വ​ർ​ക്ക​ർ മി​നി പ​റ​ഞ്ഞു.

Tags : Drinking water nattuvishesham local news