21

കണ്ണൂര്‍: നിതിന്‍ രാജിന്‍റെ മരണവുമായി ബന്ധപ്പെട്ട കേസിലെ ഒന്നാം പ്രതി ഡോ. എം.കെ.റാമിനെ നോട്ടിസ് നൽകി വീണ്ടും വിട്ടയച്ചു. റാമിന്‍റെ അറസ്റ്റ് നടപടി ക്രമങ്ങൾ പാലിച്ചല്ലെന്ന് ചൂണ്ടിക്കാട്ടി തലശേരി പ്രിൻസിപ്പൽ സെഷൻസ് കോടതി ഇന്ന് റാമിനെ വിട്ടയച്ചിരുന്നു. ഇതിനുപിന്നാലെ കോടതിക്കു പുറത്തുവച്ച് ബലപ്രയോഗത്തിലൂടെ റാമിനെ പോലീസ് കസ്റ്റഡിയിലെടുത്തു. പിന്നീട് സ്റ്റേഷനിലെത്തിച്ച് നോട്ടീസ് നൽകി വീണ്ടും വിട്ടയക്കുകയായിരുന്നു.  

ഇന്നു രാവിലെ കുടകിൽനിന്ന് അറസ്റ്റു ചെയ്ത റാമിനെ വൈകിട്ടോടെയാണ് തലശേരി സെഷൻസ് കോടതിയിൽ ക്രൈംബ്രാഞ്ച് ഹാജരാക്കിയത്. സുപ്രീം കോടതി മാർഗ നിർദേശങ്ങൾ പാലിക്കാതെയാണ് അറസ്റ്റെന്ന് പ്രതിഭാഗം വാദിച്ചു. തുടർന്ന്, കോടതി റാമിന്‍റെ അറസ്റ്റ് റദ്ദാക്കി വിട്ടയച്ചു.

കുടുംബത്തോടൊപ്പം കാറിൽ മടങ്ങാനൊരുങ്ങിയ റാമിനെ കോടതിക്കു പുറത്തുവച്ച് ക്രൈംബ്രാഞ്ച് ബലപ്രയോഗത്തിലൂടെ വീണ്ടും കസ്റ്റഡിയിലെടുത്തു. രണ്ട് ദിവസത്തിനുള്ളിൽ ഹാജരാകാൻ നിർദേശിച്ചാണ് വിട്ടയച്ചതെന്നു ഡിവൈഎസ്പി സുധീർ കല്ലൻ പറഞ്ഞു.

Tags : NitinRaj Dr. Ram Deepika DeepikaNewspaper BreakingNews NewsUpdate Headlines