19

ആ​ല​ക്കോ​ട്: ക​ടു​ത്ത വേ​ന​ലി​ൽ വ​ര​ൾ​ച്ച വ​ർ​ധി​ച്ച​തോ​ടെ മ​ല​യോ​ര​ത്തെ മി​ക്ക പ​ഞ്ചാ​യ​ത്തു​ക​ളി​ലും കു​ടി​വെ​ള്ള ക്ഷാ​മം രൂ​ക്ഷ​മാ​ണ്. പ​ഞ്ചാ​യ​ത്തു​ക​ളു​ടെ 2026 -27 വ​ർ​ഷ​ത്തെ ബ​ജ​റ്റി​ൽ കു​ടി​വെ​ള്ള​ക്ഷാ​മം പ​രി​ഹ​രി​ക്കു​ന്ന​തി​ന് തു​ക നീ​ക്കി​വച്ചെ​ങ്കി​ലും പ്ര​തി​സ​ന്ധി​ക്ക് പ​രി​ഹാ​രം ഉ​ണ്ടാ​യി​ട്ടി​ല്ല.

കു​ടി​വെ​ള്ള​ക്ഷാ​മം രൂ​ക്ഷ​മാ​യ പ്ര​ദേ​ശ​ങ്ങ​ളി​ൽ താ​മ​സി​ക്കു​ന്ന​വ​ർ വേ​ന​ൽ ക​ടു​ക്കു​ന്ന​തോ​ടെ വീ​ടു​ക​ൾ അ​ട​ച്ചി​ട്ട് ബ​ന്ധു​വീ​ടു​ക​ളി​ലേ​ക്ക് താ​മ​സം മാ​റു​ന്ന​ത് പ​തി​വാ​ണ്. മു​ൻ വ​ർ​ഷ​ങ്ങ​ളി​ൽ പ​ഞ്ചാ​യ​ത്തി​ന്‍റെ നേ​തൃ​ത്വ​ത്തി​ൽ ആ​ഴ്‌​ച​യി​ൽ ര​ണ്ടു ദി​വ​സം വീ​ടു​ക​ളി​ൽ വെ​ള്ളം എ​ത്തി​ച്ചെ​ങ്കി​ലും ഈ ​വ​ർ​ഷം അ​തും ന​ട​പ്പി​ലാ​യി​ല്ല. ജ​ല​ക്ഷാ​മം രൂ​ക്ഷ​മാ​യ പ്ര​ദേ​ശ​ങ്ങ​ളി​ൽ നി​ല​വി​ലു​ള്ള ജ​ല​സേ​ച​ന സൗ​ക​ര്യ​ങ്ങ​ൾ കാ​ര്യ​ക്ഷ​മ​മാ​ക്കി​യും പ​മ്പ് ഹൗ​സു​ക​ൾ വ​ഴി​യു​ള്ള ജ​ല വി​ത​ര​ണം പു​നഃ​സ്ഥാ​പി​ച്ചും ജ​ല​ക്ഷാ​മ​ത്തി​ന് പ​രി​ഹാ​രം കാ​ണ​ണ​മെ​ന്നാ​ണ് ജ​ന​ങ്ങ​ളു​ടെ ആ​വ​ശ്യം.

ബീം​ബും​കാ​ട് പ​ദ്ധ​തി​ അ​നാ​സ്ഥ മൂ​ലം മു​ട​ങ്ങി

വ​ർ​ഷ​ങ്ങ​ൾ​ക്ക് മു​മ്പ് 12 കോ​ടി മു​ട​ക്കി നി​ർ​മി​ച്ച ആ​ല​ക്കോ​ട് പ​ഞ്ചാ​യ​ത്തി​ലെ ര​യ​രോം ബീ​ംബു​ംകാ​ട് കു​ടി​വെ​ള്ള പ​ദ്ധ​തി​യു​ടെ പ​മ്പ് ഹൗ​സും കു​ഴി​ച്ചി​ട്ട പൈ​പ്പു​ക​ളും നി​ല​വി​ൽ സ്‌​മാ​ര​ക​ങ്ങ​ളാ​ണ്.

കേ​ന്ദ്ര സം​സ്ഥാ​ന പ​ദ്ധ​തി​യു​ടെ ഫ​ണ്ടും ത​ദ്ദേ​ശ സ്ഥാ​പ​ന​ത്തി​ന്‍റെ ഫ​ണ്ടും ഉ​പ​യോ​ഗി​ച്ച് ആ​രം​ഭി​ച്ച കു​ടി​വെ​ള്ള പ​ദ്ധ​തി​യാ​ണ് വ​ർ​ഷ​ങ്ങ​ളാ​യി ജ​ലം ല​ഭ്യ​മാ​വാ​തെ 900 കു​ടും​ബ​ങ്ങ​ൾ ദു​രി​ത​മ​നു​ഭ​വി​ക്കു​ന്ന​ത്. ആ​ല​ക്കോ​ട് പ​ഞ്ചാ​യ​ത്തി​ലെ 10 വാ​ർ​ഡു​ക​ളി​ൽ വെ​ള്ളം എ​ത്തി​ക്കു​ന്ന ബൃ​ഹ​ത്താ​യ പ​ദ്ധ​തി​യാ​ണ് ആ​രു​ടെ​യൊ​ക്കെ​യോ അ​നാ​സ്ഥ മൂ​ലം മു​ട​ങ്ങി​ക്കി​ട​ക്കു​ന്ന​ത്.

ജ​ൽ​ജീ​വ​ൻ പ​ദ്ധ​തി​യും അ​വ​താ​ള​ത്തി​ൽ

മ​ല​യോ​ര മേ​ഖ​ല​യി​ലെ കു​ടി​വെ​ള്ള ക്ഷാ​മം പ​രി​ഹ​രിക്കു​ന്ന​തി​നാ​യു​ള്ള ജ​ൽ ജീ​വ​ൻ മി​ഷ​ൻ പ​ദ്ധ​തി​യു​ടെ പ്ര​വ​ർ​ത്ത​ന​ങ്ങ​ളും അ​വ​താ​ള​ത്തി​ലാ​ണ്. ഗ്രാ​മീ​ണ മേ​ഖ​ല​യി​ലെ എ​ല്ലാ വീ​ടു​ക​ളി​ലും കു​ടി​വെ​ള്ള​മെ​ത്തി​ക്കു​ക​യെ​ന്ന​താ​ണ് കേ​ന്ദ്ര-​സം​സ്ഥാ​ന സ​ർ​ക്കാ​രു​ക​ൾ സം​യു​ക്ത​മാ​യി ന​ട​പ്പി​ലാ​ക്കു​ന്ന ഈ ​പ​ദ്ധ​തി​യു​ടെ ല​ക്ഷ്യം.

ആ​റു വ​ർ​ഷം മു​മ്പ് കേ​ന്ദ്ര​സ​ർ​ക്കാ​ർ പ്ര​ഖ്യാ​പി​ച്ച പ​ദ്ധ​തി ക​ഴി​ഞ്ഞ വ​ർ​ഷം പൂ​ർ​ത്തീ​ക​രി​ക്കു​മെ​ന്നാ​ണ് പ്ര​ഖ്യാ​പി​ച്ച​തെ​ങ്കി​ലു മ​ല​യോ​ര മേ​ഖ​ല​യി​ൽ പ​ദ്ധ​തി​യു​ടെ പ്ര​വ​ർ​ത്ത​ന​ങ്ങ​ൾ എ​ങ്ങു​മെ​ത്താ​തെ പൈ​പ്പ് സ്ഥാ​പി​ക്ക​ൽ പ്ര​വൃ​ത്തി ഇ​ഴ​ഞ്ഞ് നീ​ങ്ങു​ക​യാ​ണ്. ജ​ൽ ജീ​വ​ൻ മി​ഷ​ൻ പ​ദ്ധ​തി​ക്കാ​യി മ​ല​യോ​ര മേ​ഖ​ല​യു​ടെ പ​ല ഭാ​ഗ​ത്താ​യി റോ​ഡ​രി​കി​ൽ ഇ​റ​ക്കി​യി​ട്ടി​രി​ക്കു​ന്ന ല​ക്ഷ​ങ്ങ​ൾ വി​ല​യു​ള്ള പൈ​പ്പു​ക​ൾ വെ​യി​ലും മ​ഴ​യും കൊ​ണ്ട് ന​ശി​ക്കു​ന്ന അ​വ​സ്ഥ​യി​ലാ​ണ്. ക​ടു​ത്ത വേ​ന​ൽ​ക്കാ​ലം ആ​രം​ഭി​ക്കു​ന്ന​തി​ന് മു​മ്പാ​യി ജ​ൽ ജീ​വ​ൻ പ​ദ്ധ​തി പൂ​ർ​ത്തീ​ക​രി​ക്ക​ണ​മെ​ന്ന ജ​ന​ങ്ങ​ളു​ടെ ആ​വ​ശ്യം മൂ​ന്ന് വ​ർ​ഷ​മാ​യി ന​ട​ക്കാ​ത്ത നി​ല​യി​ലാ​ണ്.

ഫ​ണ്ടി​ല്ല

ആ​ല​ക്കോ​ട്, ഉ​ദ​യ​ഗി​രി പ​ഞ്ചാ​യ​ത്തി​ൽ ജ​ല​ജീ​വ​ൻ പ​ദ്ധ​തി നി​ർ​മാ​ണം ഇ​ഴ​ഞ്ഞു നീ​ങ്ങു​ന്ന​തി​ന്‍റെ പ്ര​ധാ​ന കാ​ര​ണം ഫ​ണ്ട് ല​ഭി​ക്കാ​ത്ത​താ​ണ്. ക​രാ​റു​കാ​രി​ൽ പ​ല​രും പ​ണി നി​ർ​ത്തി​വ​ച്ചി​രി​ക്കു​ക​യാ​ണ്.

ഉ​ദ​യ​ഗി​രി പ​ഞ്ചാ​യ​ത്തി​ലെ 15 വാ​ർ​ഡു​ക​ളി​ലും പ​ദ്ധ​തി ന​ട​പ്പാ​ക്കാ​നാ​ണ് ല​ക്ഷ്യം വ​യ്ക്കു​ന്ന​ത്. ഇ​തി​നാ​യി 70 കോ​ടി രൂ​പ​യാ​ണ് ചെ​ല​വ​ഴി​ക്കു​ന്ന​ത്. 50 ശ​ത​മാ​നം കേ​ന്ദ്ര സ​ർ​ക്കാ​രും 35 ശ​ത​മാ​നം സം​സ്ഥാ​ന സ​ർ​ക്കാ​രും 15 ശ​ത​മാ​നം പ​ഞ്ചാ​യ​ത്തു​മാ​ണ് തു​ക ചെ​ല​വ​ഴി​ക്കു​ന്ന​ത്. ഈ ​പ​ദ്ധ​തി​യാ​ണ് ഇ​പ്പോ​ൾ ഫ​ണ്ടി​ല്ലാ​ത്ത​ത് മൂ​ലം മു​ട​ങ്ങി​രി​ക്കു​ന്ന​ത്.

Tags : nattu vishesham Drinking water shortage