19

ചേ​ര്‍​ത്ത​ല: വ​യോ​ധി​ക​ന്‍ വീ​ടി​നോ​ടു ചേ​ര്‍​ന്ന ച​തു​പ്പി​ല്‍ ഒ​രു​ദി​വ​സ​ത്തോ​ളം കി​ട​ക്കേ​ണ്ടി​വ​ന്ന സം​ഭ​വ​ത്തി​ല്‍ അ​ഭ​യ​കേ​ന്ദ്ര​ത്തി​ലെ​ത്തി​ച്ച വ​യോ​ധി​ക​നും കു​ടും​ബവും സു​ഖംപ്രാ​പി​ക്കു​ന്നു. വ​യ​ലാ​ര്‍ പ​ഞ്ചാ​യ​ത്ത് ര​ണ്ടാം വാ​ര്‍​ഡ് എ​ട്ടു​പു​ര​യ്ക്ക​ല്‍ കി​ഴ​ക്കേ​ത്ത​റ ജ​യ​ദേ​വ​നെ(69)യാ​ണ് വെ​ള്ളി​യാ​ഴ്ച പൊ​തു​പ്ര​വ​ര്‍​ത്ത​ക​രും നാ​ട്ടു​കാ​രും ചേ​ര്‍​ന്നു ര​ക്ഷ​പ്പെ​ടു​ത്തി അ​ഭ​യ​കേ​ന്ദ്ര​ത്തി​ലേ​ക്കു​ മാ​റ്റി​യ​ത്.

ജ​യ​ദേ​വ​നൊ​പ്പം വീ​ട്ടി​ല്‍ അ​വ​ശ​നി​ല​യി​ല്‍ ക​ഴി​ഞ്ഞി​രു​ന്ന സ​ഹോ​ദ​രി യ​ശോ​ദ (67), മ​ക​ന്‍ മാ​ന​സി​ക വെ​ല്ലു​വി​ളി നേ​രി​ടു​ന്ന ലി​ജു (41) എ​ന്നി​വ​രെ​യും വീ​ട്ടി​ല്‍നി​ന്നു ര​ക്ഷ​പ്പെ​ടു​ത്തി​യി​രു​ന്നു. അ​യ​ല്‍​വാ​സി​ക​ള്‍ വ​ല്ല​പ്പോ​ഴും ന​ല്‍​കു​ന്ന​ത​ല്ല​തെ ഇ​വ​ര്‍​ക്കു ഭ​ക്ഷ​ണം പോ​ലും ല​ഭി​ച്ചി​രു​ന്നി​ല്ല. പ​ട്ടി​ണി​കി​ട​ന്നു​ള്ള അ​വ​ശ​ത​യും ആ​രോ​ഗ്യ​മി​ല്ലാ​യ്മ​യു​മാ​യി​രു​ന്നു ഇ​വ​രു​ടെ പ്ര​ശ്‌​ന​ങ്ങ​ള്‍.

ജ​യ​ദേ​വ​ന്‍റെ കാ​ഴ്ച​ പ​രി​മി​തി​യും പ്ര​ശ്‌​ന​മാ​യി​രു​ന്നു. ഇ​വ​രു​ടെ ദു​രി​ത​ത്തി​നു പ​രി​ഹാ​രം കാ​ണ​ണ​മെ​ന്നു​ കാ​ട്ടി പ​ഞ്ചാ​യ​ത്തം​ഗം കു​ഞ്ഞു​മോ​ള്‍ റോ​യി പ​ഞ്ചാ​യ​ത്തി​ല്‍ പ​രാ​തി ന​ല്‍​കിയിരുന്നു. എന്നാൽ, ക​മ്മി​റ്റി​യി​ല്‍ ച​ര്‍​ച്ച​ചെ​യ്തെ​ങ്കി​ലും ന​ട​പ​ടി​ക​ളൊ​ന്നു​മു​ണ്ടാ​യി​ല്ലെ​ന്ന വി​മ​ര്‍​ശ​ന​വും ഉ​യ​ര്‍​ന്നി​ട്ടു​ണ്ട്.

സാ​മൂ​ഹി​ക നീ​തി​വ​കു​പ്പി​ന്‍റെ ആ​റാ​ട്ടു​പ്പു​ഴ അ​ഭ​യ​കേ​ന്ദ്ര​ത്തി​ല്‍ പ്ര​വേ​ശി​പ്പി​ച്ച ജ​യ​ദേ​വ​നും യ​ശോ​ദ​യും സു​ഖം പ്രാ​പി​ച്ചു തു​ട​ങ്ങി. ഭ​ക്ഷ​ണ​വും പ​രി​ച​ര​ണ​വും ല​ഭി​ച്ച​തോ​ടെ ഇ​രു​വ​രു​ടെ​യും അ​വ​ശ​ത​ക​ള്‍ മാ​റി തു​ട​ങ്ങി​യ​താ​യി സാ​മൂ​ഹ്യ​നീ​തി​വ​കു​പ്പ​ധി​കൃ​ത​ര്‍ അ​റി​യി​ച്ചു. നി​ല​വി​ല്‍ ഇ​രു​വ​രും കേ​ന്ദ്ര​ത്തി​ലെ ആ​രോ​ഗ്യ വി​ഭാ​ഗ​ത്തി​ന്‍റെ നി​രീ​ക്ഷ​ണ​ത്തി​ലാ​ണ്. വെ​ള്ളി​യാ​ഴ്ച ആ​ല​പ്പു​ഴ മെ​ഡി​ക്ക​ല്‍ കോ​ള​ജ് മാ​ന​സി​കാ​രോ​ഗ്യ കേ​ന്ദ്ര​ത്തി​ല്‍ പ്ര​വേ​ശി​പ്പി​ച്ച യ​ശോ​ദ​യു​ടെ മ​ക​ന്‍ ലി​ജു​വിന്‍റെ ചി​കി​ത്സ​യും തു​ട​ങ്ങി​യി​ട്ടു​ണ്ട്.

വ​യ​ലാ​ര്‍ എ​ട്ടു​പു​ര​ക്ക​ലി​ല്‍ വ​യോ​ധി​ക​ര​ട​ക്കം പ​ട്ടി​ണി​ക്കോ​ല​മാ​യി ദു​രി​ത​ത്തി​ലാ​യ സം​ഭ​വ​ത്തി​ല്‍ തു​ട​ര്‍​ചി​കി​ത്സ ഏ​റ്റെ​ടു​ക്കു​മെ​ന്ന് പി. ​പ്ര​സാ​ദ് എം​എ​ല്‍​എ പ​റ​ഞ്ഞു. ഇ​ത്ത​ര​ത്തി​ലു​ള്ള സം​ഭ​വ​ങ്ങ​ള്‍ ത​ദ്ദേ​ശ​സ്ഥാ​പ​ന പ്ര​തി​നി​ധി​ക​ള്‍ അ​റി​യി​ക്കു​മ്പോ​ള്‍ ക​ത്യ​മാ​യ ഇ​ട​പെ​ടു​ലു​ക​ള്‍ ന​ട​ത്തു​ന്ന​താ​ണ്. ഈ ​വി​ഷ​യ​ത്തി​ല്‍ ഒ​രു ജ​ന​പ്ര​തി​നി​ധി​യും അ​റി​യി​ച്ചി​രു​ന്നി​ല്ല. ഇ​വ​രെ സാ​ധാ​ര​ണ നി​ല​യി​ലേ​ക്ക് എ​ത്തി​ക്കു​ന്ന​തി​നു വേ​ണ്ട ന​ട​പ​ടി​ക​ള്‍ സ്വീ​ക​രി​ക്കു​മെ​ന്നും അ​ദ്ദേ​ഹം പ​റ​ഞ്ഞു.

ജ​യ​ദേ​വ​നും സ​ഹോ​ദ​രി​ക്കും സ​ഹാ​യ​ങ്ങ​ള്‍ ന​ല്‍​കി​യി​രു​ന്ന​താ​യി വ​യ​ലാ​ര്‍ പ​ഞ്ചാ​യ​ത്ത് പ്ര​സി​ഡ​ന്‍റ് ബി​ന്ദു​മു​ര​ളി​യും വൈ​സ് പ്ര​സി​ഡ​ന്‍റ് എം.​ജി. നാ​യ​രും പ​റ​ഞ്ഞു. ഇ​വ​ര്‍ താ​മ​സി​ക്കു​ന്ന വീ​ട് പ​ഞ്ചാ​യ​ത്തി​ന്‍റെ ഇ​എം​എ​സ് ഭ​വ​ന പ​ദ്ധ​തി​യി​ല്‍ നി​ര്‍​മി​ച്ചു ന​ല്‍​കി​യ​താ​ണ്.

ഇ​വ​ര്‍​ക്ക് അ​ഗ​തി ഭ​ക്ഷ​ണ​കി​റ്റു​ക​ള്‍ ന​ല്‍​കി​യി​രു​ന്നു. ആ​ശാ ​പ്ര​വ​ര്‍​ത്ത​ക​രും വീ​ടു സ​ന്ദ​ര്‍​ശി​ച്ചു വി​വ​ര​ങ്ങ​ള്‍ ശേ​ഖ​രി​ച്ചി​രു​ന്നു. വ​യ​ലാ​ര്‍ ക​നി​വ​ട​ക്ക​മു​ള്ള സ​ന്ന​ദ്ധ സം​ഘ​ട​ന​ക​ളും വ​സ്ത്ര​മ​ട​ക്കം ന​ല്‍​കി​യി​രു​ന്നു. ഒ​രു വ​ര്‍​ഷം മു​മ്പ് പ​ഞ്ചാ​യ​ത്തം​ഗം ഇ​ട​പെ​ട്ട് ജ​യ​ദേ​വ​നു തി​മി​ര ശ​സ്ത്ര​ക്രി​യയ്​ക്കാ​യി ന​ട​പ​ടി സ്വീ​ക​രി​ച്ചി​രു​ന്ന​താ​ണ്. എ​ന്നാ​ല്‍ ര​ക്ത​സ​മ്മ​ര്‍​ദം കൂ​ടി​യ​തി​നാ​ല്‍ ന​ട​ത്താ​നാ​യി​ല്ല. വീ​ടു​ വി​ട്ടുപോ​കാ​ന്‍ ഇ​വ​ര്‍ ത​യാ​റ​ല്ലാ​ത്ത​തും സാ​ഹ​യ​ങ്ങ​ള്‍​ക്കു ത​ട​സ​മാ​കു​ന്നു​ണ്ട്.

Tags : nattu vishesham Elderly man found in swamp