ആ​ല​പ്പു​ഴ: വേ​മ്പ​നാ​ട്ടു​കാ​യ​ലി​ലെ മ​ത്സ്യസ​മ്പ​ത്ത് കു​റ​യു​ന്ന​ത് ഉ​ൾ​നാ​ട​ൻ മ​ത്സ്യ​ത്തൊ​ഴി​ലാ​ളി​ക​ളി​ൽ ആ​ശ​ങ്ക ഉ​യ​ർ​ത്തു​ന്നു. കാ​യ​ലി​ലെ പ്ര​ധാ​ന മ​ത്സ്യ​മാ​യ ക​രി​മീ​നും ആ​റ്റു​കൊ​ഞ്ചും ഉ​ൾ​പ്പടെ​യു​ള്ള നാ​ട​ൻ മ​ത്സ്യ​ങ്ങ​ൾ ല​ഭ്യ​മ​ല്ലാ​താ​യ​തോ​ടെ പ​ര​മ്പ​രാ​ഗ​ത ഉ​ൾ​നാ​ട​ൻ മ​ത്സ്യ​ത്തൊ​ഴി​ലാ​ളി​ക​ൾ ക​ടു​ത്ത ദു​രി​ത​ത്തി​ൽ. വ​ർ​ഷ​ങ്ങ​ളാ​യി കാ​യ​ലി​നെ മാ​ത്രം ആ​ശ്ര​യി​ച്ചു ക​ഴി​ഞ്ഞി​രു​ന്ന ആ​യി​ര​ക്ക​ണ​ക്കി​ന് കു​ടും​ബ​ങ്ങ​ൾ പ​ട്ടി​ണി​യി​ലേ​ക്കും മ​റ്റു തൊ​ഴി​ലു​ക​ൾ തേ​ടേ​ണ്ട അ​വ​സ്ഥ​യി​ലേ​ക്കും ത​ള്ള​പ്പെ​ട്ടി​രി​ക്കു​ക​യാ​ണ്.

കാ​ൽ​നൂ​റ്റാ​ണ്ടി​നി​ടെ വേ​മ്പ​നാ​ട്ടു കാ​യ​ലി​ന്‍റെ മു​ഖ​ച്ഛാ​യ ത​ന്നെ മാ​റി​മ​റി​ഞ്ഞു. കേ​ര​ള​ത്തി​ന്‍റെ കാ​യ​ൽ സ​മൃ​ദ്ധി​യു​ടെ പ്ര​തീ​ക​മാ​യ വേ​മ്പ​നാ​ട്ടു കാ​യ​ൽ ക​ടു​ത്ത പാ​രി​സ്ഥി​തി​ക ത​ക​ർ​ച്ച​യി​ലേ​ക്കാ​ണ് ക​ട​ക്കു​ന്ന​ത്. ക​ഴി​ഞ്ഞ 25 വ​ർ​ഷ​ത്തി​നി​ട​യി​ൽ കാ​യ​ലി​ന്‍റെ വി​സ്തൃ​തി 30 ശ​ത​മാ​ന​ത്തോ​ളം ചു​രു​ങ്ങി. 1930ക​ളി​ൽ ത​ണ്ണീ​ർ​മു​ക്കം, ആ​ല​പ്പു​ഴ മേ​ഖ​ല​ക​ളി​ൽ എ​ട്ടു മു​ത​ൽ ഒ​ന്പ​തു മീ​റ്റ​ർ വ​രെ ആ​ഴ​മു​ണ്ടാ​യി​രു​ന്ന കാ​യ​ൽ ഇ​ന്ന് 1.6 മു​ത​ൽ 4.5 മീ​റ്റ​ർ വ​രെ​യാ​യി ആ​ഴം കു​റ​ഞ്ഞ് അ​പ​ക​ടാ​വ​സ്ഥ​യി​ലാ​ണ്.

2018ലെ ​മ​ഹാ​പ്ര​ള​യ​ത്തി​നുശേ​ഷം കാ​യ​ലി​ൽ അ​ടി​ഞ്ഞു​കൂ​ടി​യ ട​ൺ ക​ണ​ക്കി​ന് എ​ക്ക​ലും പ്ലാ​സ്റ്റി​ക് അ​ട​ക്ക​മു​ള്ള മാ​ലി​ന്യ​ങ്ങ​ളും ഉ​ൾ​നാ​ട​ൻ മ​ത്സ്യ​ങ്ങ​ളു​ടെ പ്ര​ജ​ന​ന​ത്തെ എ​ന്നെ​ന്നേ​ക്കു​മാ​യി സ്തം​ഭി​പ്പി​ച്ചു. ഇ​തി​നു​പു​റ​മേ പോ​ള​യു​ടെ അ​തി​പ്ര​സ​ര​വും കാ​യ​ലി​ന്‍റെ അ​ടി​ത്ത​ട്ട് ക​ല​ങ്ങി​ക്കി​ട​ക്കു​ന്ന​തും സ്ഥി​തി കൂ​ടു​ത​ൽ വ​ഷ​ളാ​ക്കു​ന്നു.
ഒ​രു കാ​ല​ത്ത് സ​മൃ​ദ്ധ​മാ​യി​രു​ന്ന ഉ​ൾ​നാ​ട​ൻ മ​ത്സ്യ​ബ​ന്ധ​ന മേ​ഖ​ല ഇ​ന്ന് ക​ടു​ത്ത പ്ര​തി​സ​ന്ധി​യി​ലാ​ണ്. അ​ഞ്ച് -ആ​റ് പേ​ര​ട​ങ്ങു​ന്ന സം​ഘ​ങ്ങ​ൾ ന​ട​ത്തു​ന്ന വെ​ള്ള​വ​ലി വ​ഴി മു​ൻ​പ് പ്ര​തി​വ​ർ​ഷം 4,500 മു​ത​ൽ 6,000 കി​ലോ വ​രെ ക​രി​മീ​ൻ ല​ഭി​ച്ചി​രു​ന്ന സ്ഥാ​ന​ത്ത്, ക​ഴി​ഞ്ഞ മൂ​ന്നുവ​ർ​ഷ​ത്തി​നി​ട​യി​ൽ അ​ത് 1,500 മു​ത​ൽ 2,000 കി​ലോ​യാ​യി കു​റ​ഞ്ഞു. ഒ​രു വ​ള്ള​ത്തി​ന് പ്ര​തി​വ​ർ​ഷം പ​ത്തു​ല​ക്ഷം രൂ​പ​യു​ടെ വ​രു​മാ​നം ല​ഭി​ച്ചി​രു​ന്നി​ട​ത്ത് ഇ​ന്ന് വ​ർ​ഷ​ത്തി​ൽ ര​ണ്ടു​മാ​സം പോ​ലും തൊ​ഴി​ലി​ല്ലാ​ത്ത അ​വ​സ്ഥ​യാ​ണ്. ഗ​ത്യ​ന്ത​ര​മി​ല്ലാ​തെ മ​ത്സ്യ​ത്തൊ​ഴി​ലാ​ളി​ക​ൾ കൃ​ഷി പ​ണി​ക്കും ലോ​ട്ട​റി വി​ൽ​പ​ന​യ്ക്കും മ​റ്റ് കൂ​ലി​പ്പ​ണി​ക​ൾ​ക്കും ഇ​റ​ങ്ങി​ത്തി​രി​ച്ചി​രി​ക്കു​ക​യാ​ണ്.

ക​ഴി​ഞ്ഞ​വ​ർ​ഷ​ത്തെ ക​ണ​ക്കെ​ടു​പ്പ് മു​ത​ൽ കാ​യ​ലി​ൽ ആ​റ്റു​കൊ​ഞ്ച് പൂ​ർ​ണ​മാ​യും അ​പ്ര​ത്യ​ക്ഷ​മാ​യ​താ​യി സ്ഥി​രീ​ക​രി​ച്ചി​ട്ടു​ണ്ട്. കാ​യ​ൽ മ​ലി​നീ​ക​ര​ണ​വും ത​ണ്ണീ​ർ​മു​ക്കം ബ​ണ്ടി​ന്‍റെ പ്ര​വ​ർ​ത്ത​ന​ഫ​ല​മാ​യി ഉ​പ്പു​വെ​ള്ളം ക​യ​റു​ന്ന​തി​ൽ വ​ന്ന കു​റ​വു​മാ​ണ് ഇ​തി​ന് കാ​രണം. ഒ​ക്ടോ​ബ​റി​ൽ സു​ല​ഭ​മാ​യി ല​ഭി​ക്കേ​ണ്ട ക​രി​മീ​ൻ, കൊ​ഞ്ച്, മ​ഞ്ഞ​ക്കൂ​രി, പു​ല്ല​ൻ, മു​ര​ശ്, കു​റു​വ, വാ​ള, ക​ണ​മ്പ്, ക​ണ്ണി തു​ട​ങ്ങി​യ​വ​യും ഒ​റ​ത്ത​ൽ, മു​ത്ത​രി, ന​ങ്ക്, ഞ​ണ്ട്, നാ​ര​ൻ മീൻ ​തു​ട​ങ്ങി​യ നാ​ട​ൻ ഇ​ന​ങ്ങ​ളും ഇ​ന്ന് കാ​ണാ​നാ​കാ​ത്ത അ​വ​സ്ഥ​യി​ലാ​ണ്.

നാ​ട​ൻ മ​ത്സ്യ​ങ്ങ​ൾ​ക്ക് വ​ലി​യ ഭീ​ഷ​ണി​യാ​യി സ​ക്ക​ർ ക്യാ​റ്റ് ഫി​ഷ് കാ​യ​ലി​ൽ വ്യാ​പ​ക​മാ​യി​ക്ക​ഴി​ഞ്ഞു. വി​ദേ​ശ​നാ​ണ്യം നേ​ടി​ത്ത​രു​ന്ന മ​ത്സ്യ​മേ​ഖ​ല അ​വ​ഗ​ണി​ക്ക​പ്പെ​ടു​മ്പോ​ഴും കാ​യ​ൽ സം​ര​ക്ഷ​ണ​ത്തി​നോ തൊ​ഴി​ലാ​ളി​ ക്ഷേ​മ​ത്തി​നോ കേ​ന്ദ്ര-​സം​സ്ഥാ​ന സ​ർ​ക്കാ​രു​ക​ൾ ത​യാ​റാ​കു​ന്നി​ല്ലെ​ന്ന് തൊ​ഴി​ലാ​ളി​ക​ൾ പ​റ​യു​ന്നു. അ​തേ​സ​മ​യം, കാ​യ​ലി​ലെ എ​ക്ക​ൽ നീ​ക്കം ചെ​യ്യാ​ൻ ഡ്രെ​ഡ്ജിം​ഗ് ന​ട​ത്ത​ണ​മെ​ന്ന ആ​വ​ശ്യ​വും ശ​ക്ത​മാ​ണ്. എ​ന്നാ​ൽ, ശാ​സ്ത്രീ​യ പ​ഠ​ന​ങ്ങ​ളി​ല്ലാ​തെ ന​ട​ത്തു​ന്ന മ​ണ​ൽ​ഖ​ന​നം കാ​യ​ലി​ന്‍റെ ആ​വാ​സ​വ്യ​വ​സ്ഥ​യെ പൂ​ർ​ണ​മാ​യി ത​ക​ർ​ക്കു​മെ​ന്നും അ​ത് വ​ൻ​ദു​ര​ന്ത​ത്തി​ന് വ​ഴി​യൊ​രു​ക്കു​മെ​ന്നും മ​റു​വി​ഭാ​ഗം വി​ദ​ഗ്ധ​ർ മു​ന്ന​റി​യി​പ്പ് ന​ൽ​കു​ന്നു.

Tags :