കേരള കൗൺസിൽ ഓഫ് ചർച്ചസിന്റെ നേതൃത്വത്തിൽ കേരള സ്റ്റേറ്റ് ബാക്ക്വേർഡ് ക്ലാസസ് ഡെവലപ്മെന്റ് കോർപറേഷനുമായി ചേർന്ന് നാഷണൽ മൈനോറിറ്റി ഡെവലപ്മെന്റ് ആൻഡ് ഫ
തിരുവല്ല: സർക്കാരിന്റെ സഹായ പദ്ധതികൾ ജനങ്ങളിൽ എത്തുന്നുവെന്ന് ഉറപ്പാക്കണമെന്ന് ഡോ. തിയഡോഷ്യസ് മാർത്തോമ മെത്രാപ്പോലീത്ത.
കേരളാ കൗൺസിൽ ഓഫ് ചർച്ചസിന്റെ നേതൃത്വത്തിൽ കേരളാ സ്റ്റേറ്റ് ബാക്ക്വേർഡ് ക്ലാസസ് ഡെവലപ്മെന്റ് കോർപറേഷനുമായി ചേർന്ന് നാഷണൽ മൈനോറിറ്റി ഡെവലപ്മെന്റ് ആൻഡ് ഫിനാൻസ് കോർപറേഷന്റെ സഹായത്തോടെ നടത്തുന്ന സഹായ പദ്ധതിയായ കൈത്താങ്ങിന്റെ സംസ്ഥാനതല ഉദ്ഘാടനം തിരുവല്ല ബിലിവേഴ്സ് യൂത്ത് സെന്ററിൽ നിർവഹിക്കുകയായിരുന്നു മെത്രാപ്പോലീത്ത. എല്ലാവർക്കും ആവശ്യമായത് ഉണ്ടെന്നും അത് ആവശ്യക്കാരിൽ എത്തിക്കുന്ന
തിൽ ഉണ്ടാകുന്ന പാളിച്ച നിമിത്തമാണ് സമൂഹത്തിലെ പ്രയാസങ്ങൾ കൂടുതലായി ഉണ്ടാകുന്നതെന്നും മെത്രാപ്പോലീത്ത കൂട്ടിച്ചേർത്തു. മാർ സാമുവേൽ തെയോഫിലോസ് മെത്രാപ്പോലീത്ത അധ്യക്ഷത വഹിച്ചു. ഡോ. യൂഹാനോൻ മാർ ക്രിസോസ്റ്റമോസ് മെത്രാപ്പോലീത്ത, ആർച്ച്ബിഷപ്പ് കുര്യാക്കോസ് മാർ സേവേറിയോസ് വലിയ മെത്രാപ്പോലീത്ത,
ഡോ. ഗീവർഗീസ് മാർ കൂറിലോസ് മെത്രാപ്പോലീത്ത, മേജർ ബാബു പൗലോസ്, കെ സിസി ജനറൽ സെക്രട്ടറി ഡോ. പ്രകാശ് പി. തോമസ്, കെഎസ്ബിസിഡിസി ജനറൽ മാനേജർ സാബു എസ്., ഫിനാൻസ് മാനേജർ ഷാജി എസ്. എന്നിവർ പ്രസംഗിച്ചു. കോർപറേഷൻ മാനേജർമാരായ ലത കെ.ജെ., അഞ്ജലി എ., ഷമീർ എസ്. എന്നിവർ ക്ലാസുകൾക്കു നേതൃത്വം നൽകി. വിവിധ സ്കീമുകളിലേക്കുള്ള അപേക്ഷാഫോമുകളും വിതരണം ചെയ്തു.