ഏഴിമല: ഇന്ത്യൻ നാവിക അക്കാഡമി മഹാസാഗർ എന്ന പേരിൽ സംഘടിപ്പിക്കുന്ന മെഗാ ക്വിസ് മത്സരത്തിന്റെ സെമി ഫൈനൽ, ഫൈനൽ മത്സരങ്ങൾ നാല്, അഞ്ച് തിയതികളിൽ ഏഴിമല നാവിക അക്കാഡമിയിൽ നടക്കും. ഇന്ത്യയുടെ സമുദ്രബന്ധം സംബന്ധിച്ച് രാജ്യത്തിന്റെ വിവിധ ഭാഗങ്ങളിലായി നടത്തിയ ക്വിസ് മത്സരങ്ങളിൽ നിന്ന് തെരഞ്ഞെടുക്കപ്പെട്ട 16 സ്കൂളുകളാണ് സെമി ഫൈനലിലേക്ക് യോഗ്യത നേടിയത്.
കേംബ്രിഡ്ജ് കോർട്ട് ഹൈസ്കൂൾ (ജയ്പൂർ), ജയ്ശ്രീ പരിവാൾ ഹൈസ്കൂൾ (ജയ്പൂർ), സുബോധ് പബ്ലിക് സ്കൂൾ (ജയ്പൂർ), പത്മ ശേഷാദ്രി ബാലഭവൻ സീനിയർ സെക്കൻഡറി സ്കൂൾ (ചെന്നൈ), വിദ്യാമന്ദിർ സീനിയർ സെക്കൻഡറി സ്കൂൾ (ചെന്നൈ), ഡിഎവി പബ്ലിക് സ്കൂൾ യൂണിറ്റ് - 8 (ഭുവനേശ്വർ), സാന്ദ്രഗാച്ചി കേദാർനാഥ് ഇൻസ്റ്റിറ്റ്യൂഷൻ (പശ്ചിമ ബംഗാൾ), ഭാരതിയ വിദ്യാഭവൻ (കണ്ണൂർ), കെഎൽ ഇന്റർനാഷണൽ സ്കൂൾ (മീറത്ത്),ദേവൻ പബ്ലിക് സ്കൂൾ (മീറത്ത്), നൈനിക് സ്കൂൾ (കുടക്), ഡോ. വിരേന്ദ്ര സ്വാർപ് എഡ്യുക്കേഷൻ സെന്റർ (കാൺപൂർ), സെന്റ് ആന്റണീസ് സീനിയർ സെക്കൻഡറി സ്കൂൾ (ഉദയ്പൂർ), സ്പ്രിംഗ് ഡാൽ സീനിയർ സ്കൂൾ (അമൃത്സർ), പിഎം ശ്രീ ജെഎൻവി (സമസ്തിപൂർ), ശിക്ഷാ നികേതൻ (ജാർഖണ്ഡ്) എന്നീ സ്കൂളുകളിലെ 32 വിദ്യാർഥികളാണ് സെമി ഫൈനലിൽ THINQ 25 ട്രോഫിക്കായി മത്സരിക്കുന്നത്. സെമി ഫൈനലുകളും ഫൈനലുകളും ഇന്ത്യൻ നേവിയുടെ ഔദ്യോഗിക യൂട്യൂബ്, ഫേസ് ബുക്ക് പേജുകളിലൂടെ ലൈവ് സ്ട്രീം ചെയ്യുമെന്ന് നാവിക അക്കാദമി അധികൃതർ വാർത്താക്കുറിപ്പിൽ അറിയിച്ചു.
Tags : Ezhimala nattuvisesham local news