സെന്റ്ഗിറ്റ്സ് എന്ജിനിയറിംഗ് കോളജില് നടക്കുന്ന ഐസിഎസ്സിഎസ്ടി അന്താരാഷ്ട്ര കോണ്ഫറന്സ് ചെന്നൈ സായ് യൂണിവേഴ്സിറ്റി വൈസ് ചാന്
കോട്ടയം: സാങ്കേതിക രംഗത്തെ നൂതന മാറ്റങ്ങളും സുസ്ഥിര വികസനവും ചര്ച്ച ചെയ്യുന്നതിനായി സെന്റ്ഗിറ്റ്സ് എന്ജിനിയറിംഗ് കോളജും തായ്വാനിലെ നാഷണല് ചുങ് ചെങ് യൂണിവേഴ്സിറ്റിയും സംയുക്തമായി സംഘടിപ്പിക്കുന്ന സ്മാര്ട്ട് കമ്യൂണിക്കേഷന് ആന്ഡ് സസ്റ്റൈനബിള് ടെക്നോളജീസ് അന്താരാഷ്ട്ര കോണ്ഫറന്സിന് തുടക്കമായി.
നാളെ വരെ നീണ്ടുനില്ക്കുന്ന ത്രിദിന അക്കാദമിക സമ്മേളനം ഐഇഇഇ കേരള സെക്ഷന്, ഐഇഇഇ കമ്യൂണിക്കേഷന്സ് സൊസൈറ്റി, ഐഇഇഇ ആര്എഫ്ഐഡി കൗണ്സില് എന്നിവയുടെ സാങ്കേതിക സഹകരണത്തോടെയാണ് ഒരുക്കിയിരിക്കുന്നത്. ചെന്നൈ സായ് യൂണിവേഴ്സിറ്റി വൈസ് ചാന്സലര് ഡോ. അജിത് എബ്രഹാം കോണ്ഫറന്സ് ഉദ്ഘാടനം ചെയ്തു. സെന്റ്ഗിറ്റ്സ് ഗ്രൂപ്പ് ഓഫ് ഇന്സ്റ്റിറ്റ്യൂഷന്സ് എക്സിക്യൂട്ടീവ് ചെയര്മാനും സെക്രട്ടറിയുമായ പുന്നൂസ് ജോര്ജ് അധ്യക്ഷത വഹിച്ചു.
ഇലക്ട്രോണിക്സ് വിഭാഗം മേധാവി പ്രഫ.ഡോ. ജി. ഷൈനി, കോളജ് പ്രിന്സിപ്പല് പ്രഫ.ഡോ. ടി. സുധ, പ്രഫ.ഡോ. പാവോ-ആന് സിയൂങ്, ഡോ. ബി.എസ്. മനോജ് എന്നിവര് പ്രസംഗിച്ചു.
Tags : Local News Nattuvishesham Kottayam