ളാക്കാട്ടൂര് സ്വദേശ് ലൈബ്രറിയില് ലൈബ്രേറിയനായ ഹരിഹരന് നായര് ചാമക്കാലായില്.
ളാക്കാട്ടൂര്: ളാക്കാട്ടൂര് സ്വദേശ് ലൈബ്രറി ഒരു നാടിന് അക്ഷര വെളിച്ചമാകാന് തുടങ്ങിയിട്ട് 57 വര്ഷം. 1969ല് മുളന്താനത്ത് എം.ജി. ഗോവിന്ദന് നായര് സൗജന്യമായി നൽകിയ ഏഴു സെന്റ് സ്ഥലത്താണ് ലൈബ്രറി. അകലക്കുന്നം എംഎല്എയായിരുന്ന ജെ.എ. ചാക്കോ കെട്ടിട നിര്മാണത്തിനായി 8,000 രൂപ ഫണ്ട് അനുവദിച്ചു.
ആദ്യകാല ലൈബ്രറി പ്രവര്ത്തകരായ വെള്ളറങ്ങാട്ട് പത്മനാഭന് നായര്, വയലില് മുരളീധരന് നായര്, കൊണ്ടാട്ട് പത്മനാഭന് നായര്, ഐപ്പ് താന്നിവേലി, കോശി, സണ്ണി, മൂക്കനോലിയില് സുകുമാരന് നായര് എന്നിവരുടെ നേതൃത്വത്തില് വീടുകളില്നിന്നും സംഭാവനയായി പുസ്തകങ്ങള് ശേഖരിച്ചു. 250 എണ്ണമായിരുന്നു ആദ്യ ശേഖരത്തില്.
ചങ്ങമ്പുഴ കവിതകളും തകഴി, ഉറൂബ്, കഥകളും, കുഞ്ഞുണ്ണി കവിതകളും, സ്വദേശിയും വിദേശിയുമായ നോവലുകളുമൊക്കെയായി ഇന്നത് 8,000 പുസ്തകത്തില് എത്തി നിൽക്കുന്നു. ചാണ്ടി ഉമ്മന് എംഎല്എയുടെ ഫണ്ടില് നിന്ന് 5,00 പുസ്തകങ്ങളും എത്തി. ആദ്യ ലൈബ്രേറിയന് വെള്ളറങ്ങാട്ട് പത്മനാഭന് നായര് ആയിരുന്നു.
ലൈബ്രറി പ്രസിഡന്റായ എം.ജി. ഗോപാലകൃഷ്ണന് നായരും ലൈബ്രേറിയനായ ചാമക്കാല ഹരിഹരന് നായരും, എം. ഡി. ശശിധരക്കുറുപ്പും പ്രവര്ത്തനങ്ങള്ക്ക് ചുക്കാന് പിടിക്കുന്നു. നിലവിലുള്ള കെട്ടിടം സുരേഷ് കുറുപ്പ് എംപിയുടെ ഫണ്ടുപയോഗിച്ച് 2003 - 2004 കാലഘട്ടത്തില് നിര്മിച്ചതാണ്.
Tags : Local News Nattuvishesham Kottayam