ചെമ്പേരി: തെരഞ്ഞെടുപ്പ് വിജയത്തിനുശേഷം വോട്ടർമാരെ നേരിൽ കണ്ട് നന്ദി പറയുന്നതിനായി ഏരുവേശി മണ്ഡലത്തിലെ വിവിധ കേന്ദ്രങ്ങളിൽ സന്ദർശനം നടത്തിയ സജീവ് ജോസഫ് എംഎൽഎക്ക് പ്രദേശവാസികൾ ഉജ്വല സ്വീകരണം നൽകി.
ചെമ്പേരി ടൗണിൽ നൽകിയ സ്വീകരണത്തിൽ പങ്കെടുത്ത് പ്രസംഗിച്ച എംഎൽഎ ഏരുവേശി പഞ്ചായത്തിൽ ഐടിഐ സ്ഥാപിക്കുമെന്ന് പ്രഖ്യാപിച്ചു. കുടിയാന്മല കല്ലേപ്പാലം-വലിയ അരീക്കമല-ചളിമ്പറമ്പ്, കൂട്ടുംമുഖം-ചെമ്പേരി-ചെറിയ അരീക്കമല, കുടിയാന്മല-പൈതൽമല എന്നീ ജില്ലാ പഞ്ചായത്ത് റോഡുകൾ പൊതുമരാമത്ത് വകുപ്പിന് വിട്ടുകിട്ടുന്നതോടെ അവയുടെ നവീകരണം യാഥാർഥ്യമാക്കുമെന്നും എംഎൽഎ അറിയിച്ചു.
സ്വീകരണ യോഗം യുഡിഎഫ് നിയോജക മണ്ഡലം ചെയർമാൻ തോമസ് വക്കത്താനം ഉദ്ഘാടനം ചെയ്തു. കോൺഗ്രസ് ഏരുവേശി മണ്ഡലം പ്രസിഡന്റ് ഗംഗാധരൻ കായക്കിൽ അധ്യക്ഷത വഹിച്ചു.
ആലക്കോട് ബ്ലോക്ക് പ്രസിഡന്റ് ജോസ് വട്ടമല, ഏരുവേശി പഞ്ചായത്ത് പ്രസിഡന്റ് ജോസ് പരത്തനാൽ, വൈസ് പ്രസിഡന്റ് ജയശീ ശ്രീധരൻ, പഞ്ചായത്ത് സ്ഥിരം സമിതി അധ്യക്ഷരായ മേരി ഫ്രാൻസിസ്, എൻ.കെ ശ്രീനാഥ്, വാർഡ് അംഗങ്ങളായ പൗളിൻ തോമസ്, രമേശൻ പുതുശേരി, ജോൺസൺ പുലിയുറുമ്പിൽ, ഷീജ ജയിംസ്, സാലി മാത്യു, കോൺഗ്രസ് നേതാക്കളായ ഷൈജു കാക്കനാട്ട്, ജോസഫ് കൊട്ടുകാപ്പള്ളി, മനോജ് താന്നിക്കൽ, എം.സി. രാജേഷ്, ഷാജി വെട്ടിക്കുഴി, ഷീജ ഷിബു എന്നിവർ പ്രസംഗിച്ചു.
Tags :