തിരുവനന്തപുരം: പകർച്ചവ്യാധി പടരുന്നതിനിടെ അവധി ചോദിച്ചതിന് പിന്നാലെ സംസ്ഥാനത്തെ ആരോഗ്യ വകുപ്പ് ഡയറക്ടർ ഡോ. റീനയെ മാറ്റി. എറണാകുളം റീജണൽ പബ്ലിക് ഹെൽത്ത് ലാബിലേക്കാണ് റീനയെ സ്ഥലം മാറ്റിയിരിക്കുന്നത്. ഡോ. വി. മീനാക്ഷിക്കാണ് താത്കാലിക ചുമതല.
പകർച്ചവ്യാധി സമയത്ത് റീന 15 ദിവസം അവധി ചോദിച്ചതിൽ ആരോഗ്യ മന്ത്രി കെ. മുരളീധരന് അതൃപ്തിയുണ്ടായിരുന്നു എന്നാണ് റിപ്പോർട്ട്. സംസ്ഥാനത്ത് ഷിഗെല്ല പടരുകയും കോഴിക്കോട് നിപ സ്ഥിരീകരിക്കുകയും ചെയ്തതിന് പിന്നാലെയാണ് ആരോഗ്യ വകുപ്പ് ഡയറക്ടറെ മാറ്റിയത്. മൂന്ന് വർഷം തികച്ച ഡോ. റീനയെ മാറ്റി മറ്റൊരാളെ ആ സ്ഥാനത്തേക്ക് കൊണ്ടുവരുന്നത് സർക്കാരിന്റെ പരിഗണനയിൽ ഉള്ള കാര്യമാണ്. അത് ആരാവണം എന്നതിൽ തീരുമാനമായിട്ടില്ല. പിന്നാലെയാണ് ഡോ. മീനാക്ഷിക്ക് താത്ക്കാലിക ചുമതല നൽകിയിരിക്കുന്നത്.